কেন্দ্র সরকারনা থৱাই মাংখ্রবা জর্নেলিস্ত ৩৫গী ইমুং-মানুংশিংদা শেল-থুমগী ওইবা মতেং পীননবা ইনফোর্মেসন অমদি ব্রোদকাস্তিং মন্ত্রালয়গী সেক্রেতেরী শ্রী অপুর্ব চন্দ্রনা লুচিংদুনা জর্নেলিস্ত ৱেলফেয়র স্কিম কম্মিতীনা থাংগৎলকখিবা ৱারোল অমবু অয়াবা পীখ্রে৷ মসিদা জর্নেলিস্ত ৱেলফেয়র স্কিম (জে.দবল্যু.এস.)গী মখাদা কোবিদ-১৯না মরম ওইদুনা শিখিবা জর্নেলিস্তশিংগী ইমুং ১৬ য়াওরি৷ ইমুংশিং অসিদা লুপা লাখ ৫ য়ৌনা শেলগী ওইবা মতেং পীরগনি৷

জে.দবল্যু.এস. কম্মিতীনা জে.দবল্যু. এস.কী চৎন-কাংলোনশিংগী মতুং ইন্না পর্মেনেন্ত দিসএবিলিতী নাদুনা লৈরিবা জর্নেলিস্ত অনিদা অমদি জর্নেলিস্ত মঙাদা মখোয়গী অরুবা লাইওংশিং লাইয়েংবদা শেল-থুমগী ওইবা মতেং পীনবসু অয়াবা পীখি৷মীফম অসিদা কম্মিতীনা মতেং পাংননবগীদমক লুপা কোতি ১.৮১গী অপুনবা শেনফম অমা এপ্রুব তৌখ্রে৷

হৌজিক ফাওবগী ওইনা, স্কিম অসিগী মখাদা পীরিবা মতেং অসি কোবিদ-১৯না মরম ওইদুনা থৱাই মাংখ্রবা জর্নেলিস্তশিংগী ইমুং ১২৩দা ফংহনখ্রে৷ হৌজিক হৌজিক লৈরিবা এপ্রুবেলশিং অসিদা লোইননা, চৎথরিবা মীফম অসিদা পুন্না ইমুং ১৩৯দা মতেং পীখ্রে৷

স্কিম অসিগী মখাদা, জর্নেলিস্তনা শিখিদুনা চাওনা অৱা-চৈথেং নংলবা মতমদা জর্নেলিস্তশিংগী ইমুং-মানুংশিংদা লুপা লাখ ৫ য়ৌনা মতেং পীরি৷ করিগুম্বা মতমদা জর্নেলিস্তশিংনা পুন্সি চুপ্পগী ওইনা মীমান্নবা ঙমদনা লৈবগী ফিভম ওইরবা, অরুবা খুদোংথিবশিং মাইয়োক্নরিবা অমদি অরুবা হকচাংগী লাইনাশিং নারকপা মতমদা জর্নেলিস্তশিংদা মতেংসু পীরি৷

হৌখিবা শেনবা-চহিগী মতমদা, জর্নেলিস্ত ১৩৪ অমদি মখোয়গী ইমুং-মানুংশিংদা তোঙান তোঙানবা কাংলুপকী মখাদা লুপা কোতি ৬.৪৭ য়ৌনা মতেং পীরি৷

জে.দবল্যু.এস. কম্মিতীগী মীফম অসিদা পি.আই.বি.গী প্রিন্সিপাল দাইরেক্তরত জেনেরেল শ্রী জয়দীপ ভতনগর, (আই. অমসুং বি.) জোইন্ত সেক্রেতরী শ্রী বিক্রম সহে অমদি কম্মিতীগী জর্নেলিস্ত রিপ্রজেন্তেতিবশিং, শ্রী সন্তোশ থাকুর, শ্রী অমিত কুমার, শ্রী উমেশ্বর কুমার, শ্রীমতি সর্জনা শর্ম, শ্রী রাজ তিৱারি অমদি শ্রী গনেশ বিস্তনা শরুক য়াখি৷

জর্নেলিস্তশিং অমদি মখোয়গী ইমুং-মানুংশিংনা জর্নেলিস্ত ৱেলফেয়র স্কিম (জে.দবল্যু.এস.)গী মখাদা মতেং লৌননবগীদমক পি.আই.বি.গী ৱেবসাইত https://accreditation.pib.gov.in/jws/default.aspx কী খুৎথাংদা মতেং নিরকপা য়াগনি৷

*****