ইলেক্ত্রোনিক্স এন্দ ইনফোর্মেসন তেক্নোলোজীগী কেন্দ্রগী রাজ্য মন্ত্রী রাজীব চন্দ্রসেখরনা ইরাই নুমিৎতা ভারতকী স্তার্তঅপশিং, য়ুনিকোর্নশিং অমসুং ইনোভেতরশিংগী দেলিগেসন অমগা লোয়ননা য়ু.কে.গী প্রধান মন্ত্রী বোরিস জোনসনগা উনখ্রে। মখোয়না ইনোভেসন অমসুং তেক্নোলোজী সেক্তরদা ভারত অমসুং য়ু.কে.গী মরক্তা তুংদা চুংশিন্নবা অমসুং পার্তনরশিপশিং তৌবগী মতাংদা খন্ন-নৈনখি। শ্রী চন্দ্রসেখরনা হীরম অসিগী মতাংদা ব্রিতিশকী এম.পি. শ্রী পোল স্কুল্লীগা উনখি।

তুংদা পাউমীশিংগা উনবদা শ্রী চন্দ্রসেখরনা ভারত অমসুং য়ু.কে. অনিমক্তা ইনোভেসন ইকনোমী চাউনা পাকথোক-চাউথোকহনবা পাম্মি হায়না ফোঙদোকখি। “ঐখোয়না দিজিতেল ইকনোমী অসিনা অপুনবা ইকনোমীগী চাদা ২৫ ওইহনবা পাম্মি। য়ু.কে. সরকারনা মসিগী শরুক অসি হেনগৎহনবা পাম্লি”, হায়না মহাক্না ফোঙদোকখি।

শ্রী চন্দ্রসেখরনা য়ু.কে.গী হোম সেক্রেতরী কুমারি প্রিতি পতেল, য়ু.কে. সরকারগী স্তেৎ ফোর ইন্তর্নেস্নেল ত্রেদকী সেক্রেতরী অমসুং বোর্দ ওফ ত্রেদকী প্রসিদেন্ত, কুমারি এন্নি মারি ত্রেভেলয়ন অমসুং তেক্নোলোজী এন্দ দিজিতেল ইকনোমী য়ু.কে.গী মন্ত্রী শ্রী ক্রিস ফিলিপকা লোয়ননা ইন্দিয়া গ্লোবেল ফোরমদা মিনিস্ত্রিএল রাউন্দতেবল পাঙথোকখি।

তেক্নোলোজীগী লমদা ভারতনা খুমাং চাউশিল্লক্লিবা অসিগী মতাংদা মন্ত্রীনা হায়খি, ১৯৯০গী মতমদা ভারতনা মাগী তেক্নোলোজীগী ওইবা মথৌ তাবশিংগীদমক অমসুং মানা পুথোক্লিবা খুদিংমক্কী পার্ত অমসুং ইক্বিপমেন্ত পুম্নমক ইম্পোর্তকী মীপাল তাংলমখিবা ফীভম অদুদগী ঙসিদা মপুং ফানা খেন্নবা উবা ফংলে। “মসিনা হৌজিক ৫জি গিয়র দিজাইন তৌরি অমসুং ৫জি প্রদক্তশিং শাবদা চংবা দিভাইসশিং মেন্যুফেকচর তৌরি। পুম্নমক অসি প্রধান মন্ত্রীগী দিইতেল ইন্দিয়া বিজনগী মখাদা মাইপাকপা ঙমখি”, হায়না মহাক্না মখা তাখি।

শ্রী চন্দ্রসেখরনা য়ু.কে.গী আই.জি.এফ.তা ফ্যুচর ওফ দিজিতেল হায়বা সেসন অমদা শরুক য়াখি, মসিদা মহাক্না খোঙজেল য়াংনা দিজিতাইজেসন তৌরকপা অমসুং য়ুজরদা অকাইবা পীদনবা দিজিতেল নাগ্রিকশিং ঙাকশেনবগী মথৌ তাবগী মতাংদা ৱাখল্লোনশিং ফোঙদোকখি। সাইবরস্পেস অসি ঙমখৈ লৈতবা দোমেন অমা ওইবনা মহাক্না লৈবাকশিংদা মরু ওইবা ৱাখল্লোন মান্নবা দেমোক্রেসীশিংদা চুংশিন্নদুনা য়ুজরশিংগী শাফনবা অমসুং থাজবা লৈহন্নবা হোৎনসি হায়খি।

দেতা ইকনোমীনা য়ুজর সিতিজেনশিংগী শাফনাবা করিগুম্বা খরা তৌবা তঙাই ফদে হায়বগী এৱের্নেস পীখি। ঐখোয়না পোলিসী শেম্লিবা মীওইশিং ওইনা য়ুজরগী শাফবা হায়বা অসি মাংদা থম্লগা দেতাদা মসিগী মীৎয়েংদগী য়েংবা তাই। ইন্তর্নেৎ অমসুং অচৌবা তেক্কী ইথিল হেনগৎলক্লিবা অসিদা ঐখোয়না ইনফ্লেক্সনগী পোইন্ত অমদা লৈ। শাফবা অমসুং থাজবা হায়বা অসি য়াম্নমক মরু ওই অমসুং ভারত মথন্তনা মসি পাঙথোকপদা ঙমলোই, সেক্যুর ইন্তর্নেৎ অমগী তুংলমচৎ শেমগৎপদা পার্তনর ওইরিবা লৈবাকশিংনা পুন্না থবক তৌবা মথৌ তাই”, হায়না মহাক্না ফোঙদোকখি।

নুমিৎ অসিগী অঙনবা শরুক্তা শ্রী চন্দ্রসেখরনা জেন্দর, ক্লাস নত্ত্রগা কাস্তকী লৈরিবা খেন্নবশিং অসিগী মায়োক্তা লেপখিবা ১২শুবা চহিচাগী কন্নরা ফিলোসোফর অমসুং সোসিএল রিফোর্মর বাসাবেশ্বরা (নত্ত্রগা বাসাবা হায়না মীয়াম্না খঙনবা)গী মীতমদা ইকাই খুম্নবা উৎখি। মহাক্কী দেমোক্রেসী অমসুং অহিমসাগী ৱাখল্লোনশিং অসিদা মীরোল কয়াদা ইথিল পীখি। মীতম অসি ব্রিতিশ পার্লিয়ামেন্তগী মনাক্তা লৈবা থেমসকী তোর্বান্দা খিল্লি। মসি ২০১৫দা প্রধান মন্ত্রী নরেন্দ্র মোদীনা মাইখুম হাংখিবনি।

******