হাউজিং অমসুং অর্বান এফিয়র্স (এম.ও.ঐচ.য়ু.এ.) মন্ত্রী, শ্রী হর্দীপ সিংহ পুরীনা ভারতনা মালেমগী খ্বাইদগী অনিশুবা চাউবা অর্বান সীস্তেম ওইরি অমসুং মালেমগী অপুনবা আর্বান মীশিংগী ১১%দি ভারতকী শহরশিংদা লৈ হায়না ফোংদোকখি। ঐখোয়গী অর্বানগী মীশিংদা ইং ২০১৮দগী ২০৫০ ফাওবদা চাউরাকপা মীওই মিলিয়ন ৪১৬ হেনগৎকনি হায়না য়ু.এন.গী ইস্তিমেত অমনা হায়রি। ঐখোয়গী শহরশিংনা ভারতকী শেন্মিৎলোনগী পান্দম ফংহনবদা মশক থোকপা থৌদাং য়াবাখক নত্তনা ভারতকী সস্তেনেবিলিতী পান্দম ফংবদসু থৌদাং য়াগনি হায়না মহাক্না পল্লদুনা ভারতকী শহরশিংগী গ্রীনহাউস ইমিসনগী ৪৪%গী চাং খন্নবগা লোয়ননা শহরশিংনা নেস্নেল জি.দি.পি.দা চাউরাক্না ৭০%গী শরুক তম্লি হায়না মহাক্না মখা তাখি।

মন্ত্রীগী ৱারোল অসি ভারতকী দেলিগেসনগী মকোক থোংবা অমসুং এম.ও.ঐচ.য়ু.এ.গী এদিস্নেল সেক্রেতরী, শ্রী সঞ্জয় কুমারনা পোলেন্দগী কোতাভিস্তা পাংথোক্লিবা ১১শুবা ৱর্ল্দ অর্বান ফোরমগী মন্ত্রীশিংগী রাউন্দ তেবলদা জুন ২৮দা পাথোকখিবনি।

থবক পাংথোক্তনা লৈরিবা তৌবা ঙম্বগী মতিক্তা ভারত সরকারনা মিৎয়েং চঙদুনা ইং ২০১৪গী অঙনবদা ভারতনা মালেমগী খ্বাইদগী চাউবা অর্বানাইজেসন প্রোগ্রাম অমসুং অহোংবা পুরকপা য়াবা পোলিসী অমসুং অতোপ্পা খোঙথাং কয়া পায়খৎখি হায়না মন্ত্রীনা ফোংদোকখি। হায়রিবা থৌওংশিং অসিনা ন্যু অর্বান এজেন্দাগী মরু ওইবা ৱাফম কয়া শিজিন্নরি অমসুং পুম্নমক অসিগী মহৈ ওইনা ভারতকী শহরশিংনা ভারতকী শেন্মিৎলোন অমসুং সস্তেনেবল গ্রোথ তার্গেত ফংনবা শেম-শাদুনা লৈরে।

শ্রী হর্দীপ শিংহ পুরীনা ভারতকী অর্বান দিভেলপমেন্তকী পীরামিদনা কোওপরেতিব অমসুং কম্পিতিতিব ফেদেরেলিজম, বেসিক সর্ভিসশিং য়ুনিভর্সেলাইজ তৌবা অমসুং রুরেল-অর্বান কন্তিনমদা য়ুম্ফম ওইবনি হায়খি। পুম্নমক অসিগী ফম্বাক্তা ‘মীপুম খুদিংগী ময়ুম লৈবা’ অমসুং ‘ক্লিন ইন্দিয়া স্কিম’ লৈরি অমসুং মখোয়শিং অসিনা য়ুম অমগী মরু ওইবা তঙাই ফদবা অমসুং সেনিতেসন্দা মথংশিৎনা মিৎয়েং চঙলি হায়না মহাক্না মখা তাখি। ‘ক্লিন ইন্দিয়া মিসন্না’ অখন্নবা ওইনা মালেমগী পুক্নিং চিংশিনবা ঙম্লে অমসুং ঐখোয়না শহরশিংগী লু-নানবগী মতৌ য়েংবগী চহিগী ওইবা সর্ভে পাংথোক্লিবা অসিবুনা মালেমগী খ্বাইদগী চাউবা অর্বান সেনিতেসন সর্ভে ওইরে হায়না মহাক্না হায়খি।

অর্বান মফমশিংগী অখন্নবা তঙাই ফদবশিংদা মায় পাক্না মিৎয়েং চঙলিবা মথক্তা পনখ্রিবা স্কিম অনি অমসুং অতোপ্পা ফ্লেগশিপ প্রোগ্রামশিংগী মতাংদা মন্ত্রীনা পল্লদুনা অতল মিসন ফোর রিজুভিনেসন অমসুং অর্বান ত্রান্সফোর্মেসন (এ.এম.আর.য়ু.তি.)না ৱাতর সপ্লাই, পার্ক অমসুং স্ত্রীত লাইতকুম্বা মীয়ামগী তঙাই ফদবা খুদোংচাবশিং পীরি হায়না ফোংদোকখি। ভারতকী স্মার্ত সিতী মিসন্না মীয়ামদা মিৎয়েং চঙবা খোঙথাং কয়াগী খুত্থাংদা স্মার্ত সিতী ১০০গী মীওইশিংগী পুন্সি মহিং য়াম্না ফগৎহল্লে হায়না শ্রী পুরীনা হায়খিবগা লোয়ননা পি.এম. স্ত্রীত ভেন্দর সেলফ-রিলাইএন্স ফন্দ অসিদি স্ত্রীত ভেন্দরশিংদা কোলাতরেল অমত্তা য়াওদনা লোন পীবগী তোপ-তোপ্পা এক্সপেরিমেন্ত অমনি হায়না মহাক্না মখা তানা ফোংদোকখি। হায়রিবা থৌওং অসিনা অৱাবা য়াম্না তাগনবা মখোয়গুম্বা কাঙলুপকী মীওইশিংবু লাইচৎ মনুংদা অৱাৎ-অপা অমত্তা লৈহনখিদবনি। ঐখোয়গী সস্তেনেবল ওইবা অর্বান ত্রান্সপোর্ত পোলিসী অসিদি পেরিস এগ্রীমেন্তকী ক্লাইমেত চেঞ্জকী পান্দমশিং ফংবদা তেংবাংনবা শেমখিবনি অমসুং ক্লাইমেত চেঞ্জকী মাইয়োক্তা লান্থেংনবা ঙম্নবগীদমক্তা পব্লিক ত্রান্সপোর্ত অমসুং মোবিলিতীগী রেকোর্দ মশিং ওইরবা পাম্বৈ কয়া ভারতকী অর্বান লেন্দস্কেপ্তা চহি খুদিংগী হাপচিল্লি।

লাইচৎ হৌরকপা মতমদা অর্বানগী অশোইবা থৌওং কয়া নীংথিনা মশক খঙবা ঙমখি অমসুং খল মান্নদবা থৌওং কয়া মপান থোক্লকখি হায়না শ্রী পুরীনা হায়রদুনা ঐখোয়না লাইচৎ অসিদগী মপান থোক্লকপসিদা ঐখোয়গী পোলিসীশিংবু ইনক্লুসিবিতী, জেন্দর ইক্বেলিতী অমসুং ইনভাইরনমেন্তেল জস্তিসকী মতৌ হাপ্পগী অথুবা তঙাই ফদবা লৈরক্লি হায়না মন্ত্রীনা মখা তাখি। অর্বান খুন্নাইগী তোখাই তাবা মীওইশিংবু সরকারনা মপাঙ্গল হাপকদবনি হায়না মহাক্না মখা তাখি। দাইরেক্ত কেশ ত্রান্সফর, ৱেলফিয়র বেনিফিতশিংবু পোর্তেবল ওইহনবা অমসুং ভারা য়ামদবা য়ুমগুম্বা থৌওং কয়াগী খুত্থাংদা ভারতনা লাইচৎকী অৱাবা কয়া কোকহল্লে হায়না মহাক্না মখা তানা ফোংদোকখি।

“মালেম অসিদি ইমুং-মনুং অমনি” হায়বা ৱাহন্থোক লৈবা “বাসুদাইবা কুতুম্বাকম” ৱাখল্লোন তুং ইনবা ওইনা, ভারতনা ইশাগী খ্বাইদগী ফবা থৌওংশিংবু মরুপ লৈবাকশিংগা লান্নবদা থাজবা থম্মি হায়না মন্ত্রীনা হায়খি। নুংঙাই য়াইফবা অমসুং সস্তেনেবল ওইবা মালেমগী অপুনবা পান্দমগী মাইকৈদা ঐখোয়না খোঙদারিবা অসিদা ১১শুবা ৱর্ল্দ ফোরম্না ঐখোয়না থম্মোই শেংনা তম্বা অমসুং ঐখোয়গী এক্সপ্রেরিএন্স লান্নবগী খুদোংচাবা পীগনি হায়বগী থাজবা থম্মি হায়না মহাক্না ফোংদোকখি।

***