প্রধানমন্ত্রীগী লোইশঙ
প্রধান মন্ত্রীনা জর্মনী অমসুং য়ু.এ.ই. (জুন ২৬-২৮, ২০২২)গী খোঙচৎকী মাংওইননা থমখিবা চৎলমদাইগী ৱারোল
Posted On:
25 JUN 2022 3:53PM by PIB Imphal
জর্মন প্রসিদেন্সীগী মখাদা জি.৭ সম্মিৎকীদমক জর্মনীগী চাঞ্চেলর ঐচ.ই. শ্রী ওলাফ শোলজনা বার্তন তৌরকপগী ঐহাক্না শ্লোস এলমৌদা চৎকনি। মমাংগী থাদা পাঙথোকখিবা কান্নবা ফংলবা ইন্দিয়া-জর্মনী ইন্তর-গভর্নমেন্তেল কনসলতেসন্স (আই.জি.সি.)গী মতুংদা অমুক হন্না চাঞ্চেলর শোলজকা উনবগী খুদোংচাবা অমা ফংলগনি।
মীওইবা খুন্নাইদা শাফু পীরিবা মরু ওইবা হীরমশিং অসিদা মালেমগী থাক্তা তেংবাং পীনরিবা অসি মপাঙ্গল কনখৎহন্নবা খোঙথাং ওইনা জর্মনীনা অর্জেন্তীনা, ইন্দোনেসিয়া, সেনেগল অমসুং খা অফ্রিকা অসিগুম্বা অতোপ্পা দেমোক্রেসীশিংদসু জি.৭ সম্মিৎতা শরুক য়ানবা বার্তন তৌখি। সম্মিৎ অসিগী সেসনশিংদা ঐহাক্না জি.৭ কাউন্তীশিং, জি.৭ পার্তনর ওইরিবা লৈবাকশিং অমসুং ইন্তর্নেস্নেল ওর্গনাইজেসনশিংগা লোয়ননা অকোইবগী ফীভম, ইনর্জী, অইং-অশা, ফুদ সেক্যুরিতী, হকশেল, কাউন্তর-তেরোরিজম, জেন্দর ইক্বেলিতী অমসুং দেমোক্রেসীঅসিগুম্বা হৌজিক থেংনরিবা সমস্যশিংগী মতাংদা ৱাখল্লোনশিং ফোঙদোক্কনি। ঐহাক্না সম্মিৎ মনুংদা জি.৭ অমসুং গেস্ত কন্ত্রী খরাগী লুচিংবশিংগা উন্নবা খৌরাংনা ঙাইরি।
জর্মনীদা লৈরিঙৈদা ঐহাক্না য়ুরোপ লৈবাকশিংগী লোকেল ইকনোমীশিংদা চাউনা শরুক তমদুনা মখোয়গা ঐখোয়গা লৈনরিবা মরী ফগৎহল্লিবা য়ুরোপ শিনবা থুংবদা লৈরিবা ইন্দিয়ন দাইসপোরগী মেম্বরশিংগসু উনগনি।
ভারত হল্লকপদা, হান্নগী য়ু.এ.ই.গী প্রসিদেন্ত অমসুং আবু ধাবীগী লৈঙাকপা শেখ খলীফা বিন জায়দ অল নাহয়ান লৈখিদবদা ঐহাক্না হকথেংননা চৎতুনা অৱাবা ফোঙদোক্নবা জুন ২৮, ২০২২দা য়ু.এ.ই.গী প্রসিদেন্ত অমসুং আবু ধাবীগী লৈঙাকপা হিস হায়নেস শেখ মোহম্মদ বিন জায়দ অল নাহয়ানগা উন্নবা ঐহাক্না আবু ধাবী, য়ু.এ.ই.দা ঙাইহাক লৈরক্কনি।
***
(Release ID: 1836982)
Visitor Counter : 176
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam