প্রধান মন্ত্রী, শ্রী নরেন্দ্র মোদীনা থৌবুরেল ওইদুনা পাংথোকখিবা কেন্দ্রগী কেবিনেতনা দিপার্তমেন্ত ওফ স্পেসগী এদমিনিস্ত্রেতিব কন্ত্রোল মখাদা লৈবা ভারত সরকারগী পব্লিক সেক্তর ইন্তরপ্রাইজনা মপুং ওইনা মপু ওইবা এম./এস. ন্যু স্পেস ইন্দিয়া লিমিতেদ (এন.এস.আই.এল.)দা ভারত সরকারদগী ইন-ওর্বিত কম্যুনিকেশন সেতলাইত ১০ ত্রান্সফর তৌনবগী অয়াবা পীখ্রে।

কেন্দ্রগী কেবিনেতনা এন.এস.আই.এল.গী ওথরাইজ তৌরবা শেয়র কেপিতল অদু লুপা করোর ১০০০দগী লুপা করোর ৭৫০০দা হেনগৎনবা অয়াবসু পীখ্রে।

এন.এস.আই.এল.দা হায়রিবা এসেতশিং অসি ত্রান্সফর তৌবনা মখাতানা কেপিতল ইন্তেন্সিব প্রোগ্রামশিং/প্রোজেক্তশিং পাংথোকপা ঙম্নবা কমপনী অদুদা পম্লিবা ফাইনান্সিয়েল ওতোনোমী পীরগনি অমসুং মসিনা মরম ওইরগা থবক্কী খুদোংচাবা কয়া অমা পীরগনি অমসুং ইকোনোমী অসিগী অতোপ্পা সেক্তরশিংদা তেক্নোলোজিগী ওইবা মতেংসু পীরগনি। মসিগী অয়াবা অসিনা স্পেস সেক্তরদা দোমেস্তিক ইকোনোমিক এক্তিবিতী কয়া থোকহল্লগনি অমসুং গ্লোবল স্পেস মার্কেত্তা ভারতকী শেয়র হেনগৎহল্লগনি।

স্পেস সেক্তর রিফোর্মশিং অসিনা তঙাইফদনা এন.এস.আই.এল.দা এন্দ-তু-এন্দ কমর্সিয়েল স্পেস এক্তিবিতীশিং পাইখৎনবা অমসুং মপুং ফাবা সেতলাইতোপরেতর অমা ওইনা মথৌ তৌহল্লগনি। এন.এস.আই.এল.না সিঙ্গল ৱিন্দো ওপরেতর অমা ওইনা মথৌ তৌবনা স্পেস সেক্তরদা বিজনেস তৌবদা কোমহল্লগনি। এন.এস.আই.এল. বোর্দ অসিনা হৌজিক্তি সেতলাইত কম্যুনিকেশন সেক্তরদা লৈরিবা মার্কেত দাইনামিকশিং অমসুং গ্লোবল ত্রেন্দশিং অদুগী মতুং ইন্না ত্রান্সপোন্দরশিংগী মমল লেপ্নবা এমপাৱর তৌরগনি। এন.এস.আই.এল. অসি মকোয়গী ইন্তর্নেল পোলিসীশিং অমসুং গাইদলাইনশিং অদুগী মতুং ইন্না কেপাসিতী অদু োফর তৌবা অমসুং এলোকেত তৌবগীসু অয়াবা পীখ্রে।

***