వర్టికల్ లాంచ్ షార్ట్ రేంజ్ సర్ఫేస్ టు ఎయిర్ మిస్సైల్ (విఎల్-ఎస్‌ఆర్‌ఎస్‌ఏఎం)ని డిఫెన్స్ రీసెర్చ్ & డెవలప్‌మెంట్ ఆర్గనైజేషన్ (డీఆర్డీఓ) మరియు ఇండియన్ నేవీలు ఒడిశా తీరంలోని చాందీపూర్‌లో ఇంటిగ్రేటెడ్ టెస్ట్ రేంజ్ (ఐటీఆర్) వద్ద ఇండియన్ నేవల్ షిప్ నుండి జూన్ 24, 2022న విజయవంతంగా పరీక్షించారు. విఎల్-ఎస్‌ఆర్‌ఎస్‌ఏఎం ఓడలో ప్రయాణించే ఆయుధ వ్యవస్థ. సముద్ర స్కిమ్మింగ్ లక్ష్యాలతో పాటు సమీప పరిధిలోని వివిధ వైమానిక ముప్పులను తటస్థీకరించడానికి ఇది ఉద్దేశించబడింది.

ఈ వ్యవస్థ ప్రయోగాన్ని హై స్పీడ్ ఏరియల్ టార్గెట్ అనుకరించే విమానానికి వ్యతిరేకంగా నిర్వహించబడింది. ఐటీఆర్ చాందీపూర్ ద్వారా అమలు చేయబడిన అనేక ట్రాకింగ్ సాధనాలను ఉపయోగించి వాహనం యొక్క విమాన మార్గం మరియు ఆరోగ్య పారామితులను పర్యవేక్షించారు. పరీక్ష ప్రయోగాన్ని డీఆర్డీఓ మరియు ఇండియన్ నేవీ సీనియర్ అధికారులు పర్యవేక్షించారు.

పరీక్ష విజయవంతమైన నేపథ్యంలో డీఆర్‌డీవో  మరియు భారత నౌకాదళం మరియు పరిశ్రమను రక్షణ మంత్రి శ్రీ రాజ్‌నాథ్ సింగ్ అభినందించారు మరియు వైమానిక బెదిరింపులకు వ్యతిరేకంగా భారత నౌకాదళ నౌకల రక్షణ సామర్థ్యాన్ని మరింత మెరుగుపరిచే కవచాన్ని వ్యవస్థ జోడించిందని పేర్కొన్నారు.

విఎల్-ఎస్‌ఆర్‌ఎస్‌ఏఎం యొక్క విజయవంతమైన ఫ్లైట్ టెస్ట్ పై  భారత నావికాదళం మరియు డీఆర్‌డీఓని నేవల్ స్టాఫ్ చీఫ్ అడ్మిరల్ ఆర్.హరి కుమార్ అభినందించారు మరియు ఈ స్వదేశీ క్షిపణి వ్యవస్థ అభివృద్ధి భారత నౌకాదళం యొక్క రక్షణ సామర్థ్యాలను మరింత బలోపేతం చేస్తుందని అన్నారు.

సెక్రటరీ, డిపార్ట్‌మెంట్ ఆఫ్ డిఫెన్స్ ఆర్‌&డి మరియు డీఆర్‌డీఓ చైర్మన్ డాక్టర్ జి సతీష్ రెడ్డి ఈ విజయవంతమైన విమాన పరీక్షలో పాల్గొన్న బృందాలను అభినందించారు. భారత నౌకాదళ నౌకల్లో స్వదేశీ ఆయుధ వ్యవస్థను ఏకీకృతం చేసినట్లు ఈ పరీక్ష రుజువు చేసిందని ఆయన అన్నారు. ఇది భారత నావికా దళానికి శక్తి గుణకారిగా నిరూపిస్తుందని మరియు ప్రధాన మంత్రి శ్రీ నరేంద్ర మోదీ ‘ఆత్మనిర్భర్ భారత్’ దార్శనికతకు మరో మైలురాయి అని ఆయన అన్నారు.

 

*****