হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল মন্ত্রী, দা. মনসুখ মান্দৱিয়ানা থৌবু ওইদুনা লৈবাক অসিদা কোবিদ-১৯গী ফিভম য়েংশিন্নবা অৱাংবা থাক্কী মীফম অমা ফমখ্রে
ওফিসিয়েলশিংদা সর্ভিলেন্স অমসুং জিমোম সিক্বেন্সিংদা মীৎয়েং থম্নবা , অমসুং হোসপিতেলাইজেশন তৌববু মোনিতর তৌনবা হায়খ্রে
তেস্তিং তৌবগী চাং হেনগৎহন্নবা অমসুং তিকা থাবা য়ারবা মীশিংগী কোবিদ-১৯ তিকা থাবদা খোংজেল য়াংশিন্নবা তকশিল্লকখ্রে
Posted On:
23 JUN 2022 6:35PM by PIB Imphal
কেন্দ্রগী হকশেল অমসুং য়াইফ য়ুম্বাল মন্ত্রালয়গী মন্ত্রী, দা. মনসুখ মান্দৱিয়ানা ঙসি থৌবু ওইদুনা রাজ্য খরদা কোবিদ-১৯গী কেসশিং হেনগৎলক্লিবা অসি য়েংলগা মরু ওইবা এক্সপর্তশীং অমসুং ওফিসিয়েলশিংগা অৱাংবা থাক্কী মীফম অমা ফমখ্রে। দা. ভারতি প্রৱীন পাৱর, এম.ও.এস. (ঐচ.এফ.দবল্যু.) অমসুং নিতি আয়োগকী মেম্বর,দা. ভি.কে. পোলনা মীফম অদুদা শরুক য়াখি।
শ্রী লৱ আরগরৱাল, জে.এস. (এম.ও.ঐচ.এফ.দবল্যু.)না মালেম অসিদা লৈরিবা কোবিদ কেসশিং হেনগৎলকপগী ফিভম অ,সুং লৈবাক অসিদা লৈরিবা কোবিদকী ফিভমগী মতাংদা মচা খাইনা উৎখি। মসিদা কোবিদ-১৯ কেসশিংগী লৈরিবা ত্রেন্দকী প্রেজেন্তেশন অমসুং এনালিসিস, নোংমগী অমসুং এক্তিব কেসশিং, পোসিতিব ওইখিবা অমসুং শিখিবশীং; তেস্ত তৌবগী ফিভমগা লোইন-লোইননা রাজ্যগী মতুং ইন্না মিলিয়ন অমদা চয়োল অমগী ওইনা তৌখিবা তেস্তশিং, চয়োল অমদা তেস্ত তৌখিবদা আর.তি.-পি.সি.আর.গী শিয়র; জিনোম সিক্বাএন্সিং; অমসুং ভেক্সিনেশনগী স্তেতস।
কেন্দ্রগী হকশেল মন্ত্রীনা কেস পোসিতিব ওইবগী চাং য়াম্না ৱাংবা জিলাশিংদা মীৎয়েং থম্বগী তঙাইফদবা অমসুং তেস্তিং মতিক চানা তৌবা (আর.তি.পি.সি.আর.না হেন্না য়াম্না) অমসুং মতম চানা ইনফেক্সন শন্দোরকপা অদুবু য়েংশিন্নবা অমসুং লাকশিন্নবা কোবিদ-১৯ সর্ভিলেন্স নিংথিনা তৌবগী মতাংদা মরু ওইনা পনখি। দা. মান্দৱিয়ানা ওফিসিয়েলশিংদা ওইথোকপা য়াবা ম্যুতেশন খুদিংমক্কী স্কেন তৌনবা সর্ভিলেন্স অমসুং হোল জিনোম সিক্বেন্সিং (দবল্যু.জি.এস.)তা মখাতানা লেপ্তনা মীৎয়েং থম্নবা খঙহল্লকখ্রে। মহাক্না কোবিদ-১৯ অমসুং এস.এ.আর.আই./আই.এল.আই. কেসশিংনা মরম ওইরগা হোসপিতেলাইজেশন তৌবশিং অদুবুসু মোনিতর তৌনবগীদমক্ত খঙহল্লকখ্রে।
কেস য়াম্না ৱাংনা থেংনবা জিলাশিংদা বুস্তর দোজ য়াওনা ভেক্সিনেশন তৌবগী খোংজেল অদু হেনগৎহন্নবা মহাক্না তকশিনখ্রে। “ভেক্সিন দোজশিং মতিক চানা লৈবনা, ভেক্সিন কাপথোকপা য়ারবা অমসুং শোল্লবা খুদোথিনিংঙাই ওইরবা কাংলুপশিংগী মরক্তা ভেক্সিনেশন তৌবগী খোজেল য়াংখৎহনবদা মীৎয়েং থম্বগা লোইননা ভেক্সিন মাংহল্লোইদবনি”, হায়না মহাক্না খঙহল্লকখ্রে।
মিফম অদুদা সরকারগী প্রিন্সিপাল সাইন্তিফিক এদভাইজর,দা. অজয় কে. সুদ, দি.বি.তি.গী সেক্রেতরী, দা. রাজেশ গোখলে, আই.সি.এম.আর.গী দি.জি. দা. বলরাম ভার্গবা; আয়ুশকী সেক্রেতরী, ৱৈদ্যা রাজেশ কোতেচা, এ.এস. অমসুং এম.দি., দা. মনোহর অগ্নানি, এ.আই.আই.এম.এস.কী দাইরেক্তর, দা. রন্দীপ গুলেরিয়া; এন.তি.এ.জি.আই.গী কোবিদ তাস্ক গ্রুপকী হেদ, দা. এন.কে. অরোরা, এন.সি.দি.সি.গী দাইরেক্তর, দা. সুজীত সিং, অমসুং হকশেল মন্ত্রালয়গী অতোপ্পা সেনিয়র ওফিসিয়েলশিংনা মিফম অদুদা শরুক য়াখি।
****
(Release ID: 1836675)
Visitor Counter : 100