محکمہ ا سکول ایجوکیشن، وزارت تعلیم کے محکمہ اسکول ایجوکیشن نے  طرف سے پی ایم ای ودیا  نامی ایک جامع پہل کے تحت آئی سی ٹی کا استعمال نے ، خاص طور پر کووڈ-  19 وبائی امراض کے دوران یونیسکو کا اعتراف حاصل کیا ہے ۔ پی ایم ای ودیا 17 مئی 2020 کو وزارت تعلیم کی طرف سے آتما نربھر بھارت ابھیان کے ایک حصے کے طور پر شروع کی گئی ہے، جو ڈیجیٹل/آن لائن/ آن ایئر تعلیم سے متعلق تمام کوششوں کو یکجا کرتی ہے تاکہ ٹیکنالوجی کا استعمال کرتے ہوئے تعلیم فراہم کرنے کے لیے ملٹی موڈ رسائی کو ممکن بنایا جا سکےاور سیکھنے کے نقصانات کو کم کیا جا سکے ۔سنٹرل انسٹی ٹیوٹ آف ایجوکیشنل ٹکنالوجی (سی آئی ای ٹی) جو کہ  حکومت ہند کی وزارت تعلیم (ایم او ای) کے محکمہ اسکولی تعلیم اور خواندگی (ڈی او ایس ای ایل) کے تحت نیشنل کونسل آف ایجوکیشنل ریسرچ اینڈ ٹریننگ (این سی ای آر ٹی) کی ایک ذیلی  اکائی ہے،کوسال 2021 کے لئے   تعلیم میں آئی سی ٹی کے استعمال کے لئے یونیسکو کا کنگ حمد بن عیسیٰ الخلیفہ انعام  سے  نوازا گیا ہے  ۔

یہ ایوارڈ’’پائیدار ترقی کے 2030 ایجنڈا اور تعلیم پر اس کے ہدف 4 کے مطابق، سب کے لیے تعلیمی اور زندگی بھر سیکھنے کے مواقع کو بڑھانے کے لیے نئی ٹیکنالوجیز سے فائدہ اٹھانے میں اختراعی طریقوں کو تسلیم کرتا ہے۔ بحرین کے  بادشاہ کے تعاون سے 2005 میں قائم کیا گیا، یہ انعام ان افراد اور تنظیموں کو انعامات سے نوازتا ہے جو ڈیجیٹل دور میں سیکھنے، تدریس اور مجموعی تعلیمی کارکردگی کو بڑھانے کے لیے شاندار منصوبوں پر عمل درآمد کر رہے ہیں اور ٹیکنالوجیز کے تخلیقی استعمال کو فروغ دے رہے ہیں۔ ایک بین الاقوامی جیوری سالانہ دو بہترین منصوبوں کا انتخاب کرتی ہے۔ ہر انعام یافتہ کو پیرس میں یونیسکو کے ہیڈ کوارٹر میں ایک تقریب کے دوران 25,000 امریکی ڈالر، ایک تمغہ اور ایک ڈپلومہ ملتا ہے‘‘جو کہ  اس سال 24 جون 2022 کو منعقد ہوگی۔

سب کے لیے تعلیمی مواقع کو بڑھانے، تعلیم کے معیار کو بڑھانے اور ملک میں تعلیمی نظام میں مساوات لانے کے لیے سستی ٹیکنالوجی کی تعیناتی کے مینڈیٹ کے ساتھ اور این ای پی- 2020 کی سفارشات کو مدنظر رکھتے ہوئے، وزارت تعلیم سی آئی ای ٹی، این سی ای آر ٹی کے ذریعے بڑی تعداد میں ای بکس، ای مواد - آڈیوز، ویڈیوز، انٹرایکٹو، اضافی حقیقی مواد ، انڈین سائن لینگویج (آئی ایس ایل) ویڈیوز، آڈیو بکس، بات کرنے والی کتابیں وغیرہ کی ڈیزائننگ، تیار کرنے اور پھیلانے میں انتھک اور احتیاط سے کام کر رہا ہے۔ اسکول اور اساتذہ کی تعلیم کے لیے مختلف قسم کے ای کورسز؛ آن لائن/آف لائن، آن ایئر ٹیکنالوجی ون کلاس ون چینل، دکشا، ای پاٹھشالہ، نشٹھا، سویم وغیرہ  پر اسکول ایم او او سیز کا فائدہ اٹھاتے ہوئے بنیادی طور پر طلباء اور اساتذہ کے لیے آن لائن کوئز جیسے ڈیجیٹل ایونٹس کا اہتمام کرتا ہے ۔

این ای پی  اور سمگر شکشا کے مقاصد کو آگے بڑھانے اور مذکورہ بالا ستونوں کو پورا کرنے کے لیےپی ایم ای  ودیا- ایک جامع پہل جو تمام کوششوں کو یکجا کرتی ہے اور ڈیجیٹل/آن لائن/ آن ایئر تعلیم تک ملٹی موڈ رسائی فراہم کرتی ہے، مئی 2020 میں شروع کی گئی تھی۔

سی آئی ای ٹی  12 پی ایم ای ودیا ڈی ٹی ایچ ٹی وی  چینلز اور پی ایم ای ودیا   پروگرام کے تحت کمیونٹی ریڈیو اسٹیشنوں سمیت تقریباً 397 ریڈیو اسٹیشنوں کے وسیع، لچکدار، اخلاقی، اور مربوط استعمال کے ذریعے سیکھنے کو بچوں کی دہلیز تک لے جانے کے لیے سرگرم تھا۔ یہ کوششیں خاص طور پر وبائی صورت حال میں، جب اسکول بند تھے، طلباء تک پہنچنے میں مددگار ثابت ہوئے۔ ان کوششوں نے بڑی حد تک سیکھنے کے وقفے کو روکنے میں مدد کی۔

*****

ش ح ۔ا ک۔   ر ب

U: 6669