পি.এম. ই.বিদ্যা কৌবা স্কুল এজুকেসন বিভাগ, এজুকেসন মন্ত্রালয়গী পাক চাউরবা থৌরাং অমগী মখাদা মপুং ওইনা কোবিদ-১৯ লাইচৎকী মনুংদা আই.সি.তি. শীজিন্নবনা য়ুনেস্কোনা শকখঙবগী মনা ফংলে। পি.এম. ইবিদ্যা অসি এজুকেসন মন্ত্রালয়না মে ১৭, ২০২০দা আত্ম নির্ভর ভারত অভিয়ানগী শরুক অমা ওইনা লৌখৎখিবা খোঙথাং অমনি, মসিনা দিজিতেল/ওনলাইন/ওন এয়র এজুকেসনগা মরী লৈনবা থৌরাংশিংবু লাইরিক তম্বগী খোংজেলদা কায়দনবগীদমক তেক্নোলোজী শীজিন্নদুনা লাইরিক লাইশু পীবা য়ানবা পুনশিনখি। সেন্ত্রেল ইন্সতিত্যুৎ ওব এজুকেসনেল তেক্নোলোজী (সি.আই.ই.তি.), দিপার্ত্মেন্ত ওব স্কুল এজুকেসন এন্দ লিতরেসি (দোসেল), এজুকেসন মন্ত্রালয়, ভারত সরকারগী মখাদা লৈরিবা নেসনেল কাউন্সিল ওব এজুকেসনেল রিসর্চ এন্দ ত্রেনিং (এন.সি.ই.আর.তি.)গী য়ুনিৎ অমা ওইরিবা অসিবু চহি ২০২১গী ওইনা এজুকেসন্দা আই.সি.তি. শীজিন্নবগীদমক য়ুনেস্কোগী কিং হমদ বিন ইসা অল-খলিফা মনা পীখ্রে।

হায়রিবা মনা অসিনা " এজুকেসন্দা ২০৩০গী সস্তেনেবল দিবেলপমেন্ত অমসুং মসিগী পান্দম ৪ হায়বা এজেন্দা অসিগা ইরোইনদুনা পুম্নমক্তা পুন্সি চুপ্পগী ওইবা তম্বগী খুদোংচাবা পীবা অমসুং লাইরিক লাইশুবু পাকথোক চাউথোক্নবগীদমক অনৌবা তেক্নোলোজীশিং শীজিন্নববু শকখঙবীরি। বাহরেনগী কিংদমনা শৌগৎতুনা ২০০৫ তা লিংখৎখিবা মনা অসিনা দিজিতেলগী য়ুগ অসিদা তম্বা, তাকপা অমসুং লাইরিক লাইশুগী অপুনবা থবকশিংদা ক্রিএতিব ওইবা তেক্নোলোজীশিং শীজিন্নরিবা অমসুং অখন্নবা প্রোজেক্ত তৌরিবা মীওইশিং নৎত্রগা ওর্গানাইজেসনশিংবু মনা পীরি। চহি খুদিংগী ওইনা অন্তর্জাতিগী থাক্তা লৈবা জুরী অমনা খ্বাইদগী ফবা প্রোজেক্ত অনি লৌখৎলি। মায় পাক্লবা অমমম্না মনা ওইনা য়ু.এস. $ ২৫,০০০, তক্মান অমা অমসুং দিপ্লোমা অমা পেরিস্তা লৈরিবা য়ুনেস্কোগী ময়াই লোইশঙদা পাঙথোকপা থৌরম অমদা পীগনি", মসিদা হন্দক্কী চহিগী ওইনা জুন ২৪, ২০২২দা পাঙথোক্কনি।

লৈবাক অসিদা লাইরিক লাইশুগী খুদোংচাবা মীপুম খুদিংদা পীবদা ফংবা ঙমগদবা তেক্নোলোজী পীনবগী পান্দমদা, এজুকেসনগী থাক ৱাংনবা অমসুং এজুকেসন সিস্তেমদা মান্নবা থাক অমা পুরক্নবা অমসুং এন.ই.পি.-২০২০গী রিকমেন্দেসনশিংগা চুন্ননা এজুকেসন মন্ত্রালয়না সি.আই.ই.তি., এন.সি.ই.আর.তি.গী থোংদা চোকথবা লৈতনা অমসুং দিজাইন তৌবদা কুপ্না য়েংশিল্লদুনা মসুং ইবুক, ইকন্তেন্ত – ওদিও, ভিদিও, ইন্তরেক্তিব, ওগ্মেন্তেদ রিএলিতী কন্তেন্তশিং, ইন্দিয়ন সাইন লেঙ্গুএজ (আই.এস.এল.) ভিদিওশিং, ওদিওবুকশিং, তোকিং বুক অসিনচিংবা কয়া লান্থোকপা, স্কুল অমসুং তিচর এজুকেসনগী ইকোর্স কয়া পীবা; মরুওইনা মহৈরোই অমসুং ওজাশিংগী মরক্তা ওনলাইন অমসুং ওফলাইন শীজিন্নদুনা ওনলাইন ক্বিজকুম্বা দিজিতেল ক্বিজ শীনবা, ওম-এয়র তেক্নোলোজী ৱান ক্লাস-ৱান চেনেল, দিকশা, ইপাথসালা, নিশথা, স্কুল এম.ও.ও.সি.শিং স্বায়মদা, অসিনচিংবা কয়া পাংথোক্লি।

এন.ই.পি. অমসুং সমগ্রা সিকশাগী পান্দম হেন্না পাকথোক চাউথোক্নবগীদমক অমসুং মমাংদা পনখ্রবা য়ুম্বীশিংবু তাক্নবগীদমক, পি.এম. ইবিদ্যা – হায়বা দিজিতেল/ওনলাইন/ওন এয়র এজুকেসনগা মরী লৈনবা থৌরাংশিংবু লাইরিক তম্বগী খোংজেলদা কায়দনবগীদমক তেক্নোলোজী শীজিন্নদুনা লাইরিক লাইশু পীবা য়ানবা পুনশিনলবা খোংথাং অমা মে ২০২০দা হৌদোকখি।

সি.আই.ই.তি. অসি অঙাংশিংবু পাকচাউরবা, নিংহন্নবা লৈতবা, অচুম্বা, অমসুং পরিং নাইনা পি.এম. ইবিদ্যা দি.তি.ঐচ. তি.ভি. চেন্নেলশিং অমসুং পি.এম. ইবিদ্যা প্রোগ্রামগী মখাদা লৈবা কম্ম্যুনিতী রেদিও স্তেসনশিং য়াওনা রেদিও স্তেসন ৩৯৭কী থোংদা য়ূম-য়ুমদা তাকপী তম্বীবা য়ানবা থৌরাং লৌখৎখি। হায়রিবা খোঙথাং অসি মরুওইনা লাইচৎকী মনুং হায়বদি স্কুলশিংনা লোন্নবা মতমদা মহৈরোইশিংদা য়ৌহন্ননবা হোৎনবদা অদুক্কী মতীক কান্নখি। হায়রিবা থৌরাং অসিনা তাকপী তম্বীবগী মাংগে তৌরুরবা শক্তম অদুবু কনবদা খম থেংনা মতেং পাংখি।

*****