ପ୍ରତିରକ୍ଷା ମନ୍ତ୍ରଣାଳୟ
azadi ka amrit mahotsav

ଅଗ୍ନିପଥ – ଅଗ୍ନିବୀରଙ୍କ ପାଇଁ ଭାରତୀୟ ତଟରକ୍ଷୀ ବାହିନୀ, ପ୍ରତିରକ୍ଷା ବେସାମରିକ ପଦବୀ ଏବଂ ୧୬ ଡିପିଏସୟୁରେ ଚାକିରି ପାଇଁ ମିଳିବ ୧୦% ସଂରକ୍ଷଣ


ସଂରକ୍ଷଣ ପ୍ରସ୍ତାବକୁ ମଞ୍ଜୁର କଲେ ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂ

Posted On: 18 JUN 2022 3:34PM by PIB Bhubaneshwar

ଆବଶ୍ୟକ ଯୋଗ୍ୟତା ମାନଦଣ୍ଡ ପୂରଣ କରୁଥିବା ଅଗ୍ନିବୀରମାନଙ୍କୁ ପ୍ରତିରକ୍ଷା ମନ୍ତ୍ରଣାଳୟର ବିଭିନ୍ନ ଖାଲି ପଦବୀରେ ନିଯୁକ୍ତି ନିମନ୍ତେ ୧୦% ସଂରକ୍ଷଣ ସୁବିଧା ମିଳିବ । ଏ ସଂକ୍ରାନ୍ତ ଏକ ପ୍ରସ୍ତାବକୁ ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂ ମଞ୍ଜୁର କରିଛନ୍ତି । ଭାରତୀୟ ତଟରକ୍ଷୀ ବାହିନୀ, ପ୍ରତିରକ୍ଷା ବେସାମରିକ ପଦବୀ ଏବଂ ସମସ୍ତ ୧୬ଟି ପ୍ରତିରକ୍ଷା ରାଷ୍ଟ୍ରାୟତ୍ତ କ୍ଷେତ୍ର ଉଦ୍ୟୋଗ (ଡିପିଏସୟୁ)ରେ ଅଗ୍ନିବୀରଙ୍କୁ ୧୦% ସଂରକ୍ଷଣ ସୁବିଧା ସହିତ ଚାକିରି ଦେବାକୁ ମନ୍ତ୍ରଣାଳୟ ନିଷ୍ପତ୍ତି ନେଇଛି । ଯେଉଁ ୧୬ଟି ଡିପିଏସୟୁରେ ଅଗ୍ନିବୀରମାନଙ୍କୁ ନିଯୁକ୍ତି ଦିଆଯିବ ସେଗୁଡ଼ିକ ମଧ୍ୟରେ ରହିଛି – ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ (ଏଚଏଏଲ), ଭାରତ ଇଲେକ୍ଟ୍ରୋନିକ୍ସ ଲିମିଟେଡ (ବିଇଏଲ), ଭାରତ ଅର୍ଥ ମୁଭର୍ସ ଲିମିଟେଡ (ବିଇଏମଏଲ), ଭାରତ ଡାଇନାମିକ୍ସ ଲିମିଟେଡ (ବିଡିଏଲ), ଗାର୍ଡନ ରିଚ୍‌ ଶିପବିଲ୍ଡର୍ସ ଏଣ୍ଡ ଇଞ୍ଜିନିଅର୍ସ (ଜିଆରଏସଇ) ଲିମିଟେଡ, ଗୋଆ ଶିପୟାର୍ଡ ଲିମିଟେଡ (ଜିଏସଏଲ), ହିନ୍ଦୁସ୍ତାନ ଶିପୟାର୍ଡ ଲିମିଟେଡ (ଏଚଏସଏଲ), ମଝଗାଓଁ ଡକ୍‌ ଶିପବିଲ୍ଡର୍ସ (ଏମଡିଏଲ), ମିଶ୍ରା ଧାତୁ ନିଗମ (ମିଧାନି) ଲିମିଟେଡ, ଆର୍ମରର୍ଡ ବାହନ ନିଗମ ଲିମିଟେଡ (ଏଭିଏନଏଲ) ଆଡଭାନ୍ସ ୱେପନ୍ସ ଏଣ୍ଡ ଇକ୍ୟୁପମେଣ୍ଟ ଇଣ୍ଡିଆ ଲିମିଟେଡ (ଏଡବ୍ଲୁ ଏଣ୍ଡ ଇଆଇଏଲ), ମୁନିଶନ୍ସ ଇଣ୍ଡିଆ ଲିମିଟେଡ୍ (ଏସଆଇଏଲ), ୟନ୍ତ୍ର ଇଣ୍ଡିଆ ଲିମିଟେଡ୍ (ୱାଇଆଇଏଲ), ଗ୍ଲାଇଡର୍ସ ଇଣ୍ଡିଆ ଲିମିଟେଡ (ଜିଆଇଏଲ), ଇଣ୍ଡିଆ ଅପ୍ଟେଲ ଲିମିଟେଡ (ଆଇଓଏଲ) ଏବଂ ଟ୍ରୁପ୍‌ କମ୍ଫୋର୍ଟସ ଲିମିଟେଡ (ଟିସିଏଲ) । ଅବସରପ୍ରାପ୍ତ ସୈନିକମାନଙ୍କୁ ମିଳୁଥିବା ସଂରକ୍ଷଣ ଅତିରିକ୍ତ ଏହି ସଂରକ୍ଷଣ ସୁବିଧା ମିଳିବ ।

ଏହି ବ୍ୟବସ୍ଥାକୁ ଲାଗୁ କରିବା ଲାଗି ପ୍ରାସଙ୍ଗିକ ନିଯୁକ୍ତି ନିୟମରେ ଆବଶ୍ୟକ ସଂଶୋଧନ ଲାଗୁ କରାଯିବ । ନିଜର ନିଯୁକ୍ତି ନିୟମରେ ସମାନ ସଂଶୋଧନ କରିବା ଲାଗି ଡିପିଏସୟୁମାନଙ୍କୁ ପରାମର୍ଶ ଦିଆଯିବ । ଉପରୋକ୍ତ ଚାକିରିରେ ଅଗ୍ନିବୀରମାନଙ୍କ ନିଯୁକ୍ତି ପାଇଁ ଆବଶ୍ୟକ ବୟସ ସୀମାକୁ କୋହଳ କରିବାର ବ୍ୟବସ୍ଥା ମଧ୍ୟ କରାଯିବ । 

********

P.S. 



(Release ID: 1835141) Visitor Counter : 94