তোপ-তোপ্পা অমসুং অনৌবা প্রোগ্রাম, ‘দি গর্জিয়ন রিং’ চহি অসিগী মালেমগী য়োগ নুমিৎ, ২০২২গীদমক পাঙথোক্নবা শেম-শারি। ইকাই খুম্নরবা প্রধান মন্ত্রী শ্রী নরেন্দ্র মোদীনা মহাক্কী মন কী বাত প্রোগ্রামদা লাউথোকখিবা অদুগুম্না গর্জিয়ন রিং প্রোগ্রাম অসিনা ‘ৱান সন, ৱান আর্থ’ হায়বা ৱাখল্লোন অসিগী মতুং ইন্না নুমিৎকী খোঙচৎ অসি পালন তৌগনি। নোংপোক্তগী নোংচুপ ফাওবা লৈবাক পুম্নমক্কী মীয়াম্না য়োগ তৌদুনা সুর‍্যা নমস্কারগী ভারতকী চৎনবী অসিগা লোয়ননা নুমিৎপু ওক্কনি। তোপ-তোপ্পা প্রোগ্রাম অসি অখন্ননা ভারতকী পব্লিক ব্রোদকাস্তর প্রসার ভারতিগী ইন্তর্নেস্নেল চেনেল ওইরিবা দি.দি. ইন্দিয়াদা লাইব তেলিকাস্ত তৌগনি।

চহি অসিগী থিম ‘য়োগ ফোর হ্যুমেনিতী’গী মখাদা ্রোগ্রাম অসিনা তোঙান-তোঙানবা লৈবাকশিংগী মীয়াম্না নোংঙাল্লমদাইগী মতমদা য়োগ তৌনবা অমত্তা ওইনা পুনশিনবা অদু উৎকনি। জুন ২১দা, মখোয়গী লৈবাকশিংদা লৈবা মরু ওইবা মফমশিংদা পাকচাউনা ইন্দিয়ন মিসন অমসুং এম্বেসী ৮০ হেনবনা য়োগগী থৌরমশিং পাঙথোক্কনি। লৈবাকশিংগী মকোক, দিগনিতরী অমসুং সেলেব্রিতি কয়ানা হায়রিবা অসিদা শরুক য়াগনি।

চহি খুদিংগী মালেমগী য়োগ নুমিৎতা মপালদা লৈরিবা মিসনশিংনা য়োগগী থৌরমশিং পাঙথোক্লবসু  লেন্দ ওফ দি রাইজিং সন হায়না খঙনরিবা নোংপোক্তগী আই.এস.তি.দা অয়ুক পুং ৩দগী হৌদুনা তোঙান-তোঙানবা লৈবাকশিংদগী স্ত্রীমিং তৌদুনা মথং-মথং নোংচুপলোমদা চত্থখিগদবা –‘গর্জিয়ন রিং’ অসিগী মওংদা পাঙথোক্কদবা অসি হন্দক্না অহানবা ওইরি।

মসি দি.দি. ইন্দিয়ানা অচৌবা তেক্নিকেল, প্রদক্সন অমসুং ইঞ্জিনীয়রিংগী শিল-লাংলিবশিং অসিগী খুত্থাংদা ওইথোকপা ঙমহনদুনা আই.এস.তি.দা অয়ুক্কী পুং ৩দগী নুমিদাং পুং ১০ ফাওবা মরাথোন ব্রোদকাস্ত অমদা মালেম শিনবা থুংবদগী য়োগী থৌরম ৮০ অপনবা লৈতনা স্ত্রীম তৌগনি। ওস্ত্রেলিয়াদগী ন্যু য়োর্ক, অফ্রিকাদগী লেতিন অমেরিকা, কন্তিনেন্ত অমসুং তাইমজোনশিং শুনবা দি.দি. ইন্দিয়ানা মফম খুদিংমক্তা লৈরিবা ভ্যুৱরশিংদা মালেম শিনবা থুংবদা লৈরিবা মরু ওইবা মফমশিংদগী অখন্নবা ভিজ্যুএলশিং উহনগনি।

অচৌবা প্রোগ্রাম অসিদা তোঙান-তোঙানবা মিসন অমসুং এম্বেসীশিংগা খুৎশম্নবগী মথক্তা আয়ুশ অমসুং মপাল থৌরম মন্ত্রালয়গা লোয়ননা চুংশিন্নদুনা পাঙথোক্কনি। পুৱারী ওইরগদবা প্রোগ্রাম অসিনা ভারতকী ‘ভসুদৈবা কুতুম্বকম’গী পাউজেল অসি পীগনি অমসুং ভারতকী য়োগগী চৎনবীগী অপুনবগী শক্তি অসি উৎকনি।

******