হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল মন্ত্রালয়না নেস্নেল হেল্থ মিসনগী মখাদা খুমাং চাউশিনবগী ফীভম য়েংশিন্নবা রাজ্য/য়ু.তি.শিংগা লোয়ননা মীফম পাঙথোকখ্রে; রাজ্যশিংনা ই.সি.আর.পি.-II, ১৫শুবা এফ.সি. গ্রান্তশিংগী মখাদা প্রোজেক্তশিং অথুবদা লোইশিল্লগনি
রাজ্য পুম্নমক্কী জিলা খুদিংমক্তা প্রধান মন্ত্রী নেস্নেল দাইলাইসিস প্রোগ্রাম (পি.এম.-এন.দি.পি.)না কোল্লিবা অসি পাকথোক-চাউথোকপদা মীৎয়েং চংগনি
রাজ্য/য়ু.তি.শিংদা পি.এম.এন.দি.পি.গী মখাদা লেম্না দাইলাইসিসকী খুদোংচাবশিং ফংলিবা বেনিফিসরী পুম্নমক্কী অকুপ্পা মরোলশিং লৌখৎনবা এ.পি.আই.দা য়ুম্ফম ওইবা আই.তি. প্লেৎফোর্ম, পি.এম.এন.দি.পি. পোর্তেল শীজিন্নবা খঙহনখ্রে
Posted On:
17 JUN 2022 3:04PM by PIB Imphal
নেস্নেল হেল্থ মিসন (এন.ঐচ.এম.), ইমর্জেন্সী কোবিদ রেস্পোন্স পেকেজ (সি.সি.আর.পি.)-II, প্রধান মন্ত্রী আয়ুশ্মান ভারত হেল্থ হেল্থ ইনফ্রাস্ত্রকচর মিসন (পি.এম.-এ.বি.ঐচ.আই.এম.), ১৫শধবা ফাইনান্স কম্মিসন গ্রান্তস অমসুং প্রধান মন্ত্রী নেস্নেল দাইলাইসিস প্রোগ্রাম (পি.এম.-এন.দি.পি.)গী মখাদা লৈরিবা ফিজিকেল অমসুং ফাইনান্সিএল প্রোগ্রেস য়েংশিন্নবা ঙসি ভিদিও কনফরেন্সকী খুত্থাংদা রাজ্য অমসুং য়ু.তি. পুম্নমক্কা লোয়ননা পাঙথোকপা মীফম অমদা কেন্দ্রগী হকশেল সেক্রেতরী, শ্রী রাজেশ ভুশন্না ময়াই তাংবল লৌখ্রে।
![https://static.pib.gov.in/WriteReadData/userfiles/image/image002VOBM.jpg](https://static.pib.gov.in/WriteReadData/userfiles/image/image002VOBM.jpg)
লৈবাক শিনবা থুংবদা এফোর্দেবল, এক্সেসিবল অমসুং ইক্বিতেবল পব্লিক হেল্থকিয়র সর্ভিসশিং ফংহনবা ঙম্নবা ভারত সরকারনা লৌখৎখিবা থৌশিল অমসুং খোঙথাং কয়ামরুম অদু পল্লদুনা রাজ্য/য়ু.তি.শিংদা এন.ঐচ.এম.গী মখঅদা প্রোগ্রামশিং ইমপ্লিমেন্ত তৌবা অমসুং ফন্দশিং কাইথবা, ই.সি.আর.পি.-II অমসুং পি.এম.-এ.বি.ঐচ.আই.এম.গী মখাদা লৈরিবা তোঙান-তোঙানবা প্রোজেক্তশিংগী স্তেতসকী মতাংদা অকুপ্পা ৱারোল য়াওবা প্রজেন্তেসন অমা উৎতুনা খঙহনখি। মীফম অসিনা নেস্নেল দাইলাইসিস প্রোগ্রামগী ১০০% কবরেজ য়ৌবা ঙম্নবা হোৎনবদসু মীৎয়েং থমখি।
কেন্দ্রগী হকশেল সেক্রেতরীনা প্রোগ্রাম অমসুং থৌশিলশিং ইমপ্লিমেন্ত তৌনবগীদমক নেস্নেল হেল্থ মিসন (এন.ঐচ.এম.)গী মখাদা পীথখিবা সরকারগী রিসোর্সশিং অসি নীংথিনা অমসুং কান্নবা মওংদা শীজিন্ননবা হায়খি। মহাক্না রাজ্য/য়ু.তি.শিংদা ফন্দ শীজিন্নবগা মরী লৈনবা মথৌ তাবা চে-চাং/য়ুতিলাইজেসন সর্তিফিকেৎশিং পীনবা অমসুং শীজিন্নদবা শেনফম হন্দোক্নবা খঙহনখি। রাজ্যশিংদা মসিগী ত্রান্সফরশিং অসি পব্লিক ফাইনান্সিএল মেনেজমেন্ত সিস্তেম (পি.এফ.এম.এস.) পোর্তেলদা মেপ তৌনবসু হায়খ্রে।
লেবেল পুম্নমক্তা, প্রাইমারী, সেকেন্দরী, তর্সিয়রী লেবেলদা কিয়র পীরিবা অসিদা লৈরিবা হেল্থ সিস্তেমশিং অমসুং ইন্সতিত্যুসনশিংগী কেপাসিতী দিবেলপ তৌনবা অমসুং হৌজিক থেংনরিবা অমসুং তুংদা থেংনবা লাইচৎ/খুদোংথিবশিং নীংথিনা রেস্পোন্দ তৌনবা হেল্থ সিস্তেমশিং শেম-শানবা পি.এম.-এ.বি.ঐচ.আই.এম.গী মখাদা ইং কুমজা ২০২১-২২দগী ২০২৫-২৬কী মনুংদা লুপা করোর ৬৪,১৮০ কাইথখি। কেপিতেল এক্সপেন্দিচরগীদমক ফন্দশিং অসি শীজিন্নবদা মীৎয়েং থম্লদুনা রাজ্য/য়ু.তি.শিংদা প্রপোজেলশিং পীশিল্লক্নবা খঙহনখ্রে অমসুং মন্ত্রালয়না মতম চানা রাজ্যশিংদা ফন্দশিং কাইথনবা পি.এম.-এ.বি.ঐচ.আই.এম.গী মখাদা কেন্দ্রগী হকশেল মন্ত্রালয়দা এম.ও.য়ু.শিং থাখ্রে। ফিজিকেল অমসুং ফাইনান্সিএল প্রোগ্রেস মেপ্পিং তৌনবা রাজ্যশিংদা অথুবদা ফিজিকেল ফেসিলিতীশীং মশক খঙদোক্নবা অমসুং এন.ঐচ.এম.-প্রোগ্রেস মোনিতরী সিস্তেম (পি.এম.এস.) পোর্তেলদা মেপ্পিং এক্সর্সাইজ মপুং ফানা তৌনবা খঙহনখ্রে।
ই.সি.আর.পি.-II পেকেজকী মখাদা কাইথখিবা ফন্দশিং শীজিন্নবা হেনগৎপগী মথৌ তাবা অদু পল্লদুনা রাজ্যশিংদা কেন্দ্রগী শরুক্কী শেনফমগী ১০০% রাজ্যশিংদা কাইথখ্রে হায়না খঙহনখি। ই.সি.আর.পি.-IIগী মখাদা লৈরিবা রাজ্যশিংগী এক্সপেন্দিচর স্তেতসকী মতাংদা মখোয়দা খঙহল্লদুনা মখোয়দা এন.ঐচ.এম.-পি.এম.এস. পোর্তেলগদা এপ্রুবেলশিং মপুং ফানা মেপ্পিং তৌনবা অমসধং তাঙ্কক নাইনা ফীভম য়েংশিন্নবা অমুক হন্না খঙহনখ্রে। অহেনবা ওইনা রাজ্য/য়ু.তি.শিংদা কেন্দ্রগী হকশেল মন্ত্রালয়দগী অয়াবা লৌবগী মহুৎ স্তেৎ হেল্থ সোসাইতীজ (এস.ঐচ.এস.)তা ই.সি.আর.পি.-IIগী মখাদা পাইখৎপা থবক-থৌরমশিংগী লেমহৌরিবা এপ্রুবেলশিং পীনবা ওথোরাইজ তৌখি হায়না খঙহনখি। অরোইবদা রাজ্যশিংদা ই.সি.আর.পি.-IIগী মখাদা পাইখৎপা থবক-থৌরম পুম্নমক ২০২২গী দিসেম্বর ৩১ ফাওবদা লোইশিন্নবা খঙহনখি।
লৈবাক পুম্বদা প্রধান মন্ত্রী নেস্নেল দাইলাইসিস প্রোগ্রাম (পি.এম.এন.দি.পি.)গী কভরেজ চাউথোক্নবা রাজ্য খুদিংমক্তা হেমোদাইলাইসিস প্রোগ্রাম অসি জিলা খুদিংমক্তা কভর তৌনবা খংহনখ্রে অমসুং অনাবশিংগী য়াম্না রেস্ত্রিক্তিব ওইদবা অমসুং ইন্সতিত্যুসনশিংদগী তেক্নিকেল দিমান্দ কয়া লৈতবনা পেরিতিনিএল দাইলাইসিস প্রোগ্রামসু লোয়ননা প্রমোৎ তৌনবা খংহনখ্রে। পি.এম.এন.দি.পি.গী মখাদা দাইলাইসিস সর্ভিসশিং লেম্না ফংলিবা বেনিফিসরী খুদিংমক্কী অকুপ্পা মরোল হাপ্নবা এ.পি.আই.দা য়ুম্ফম ওইবা আই.তি. প্লেৎফোর্ম অমা ওইরিবা পি.এম.এন.দি.পি. পোর্তেল চাউনা শিজিন্ননবা রাজ্যশিংদা খংহনখ্রে। দুপ্লিকেসন থিংনবা অমসুং ত্রান্সপরেন্সী, ইফিসেন্সী অমসুং ইন্তর-ওপরেবিলিতী লৈহন্নবা অভা আই.দি.গী অখন্নবা দিজিৎ-১৪ শিজিন্নদুনা রেজিস্ত্রেসন তৌনবা রাজ্যশিংদা খংহনখ্রে। মখোয়দা এ.পি.আই.শিং শিয়র তৌনবা অমসুং করিগুম্বা হোলিস্তিক কভরেজগী তোঙানবা পোর্তেলশিং শিজিন্ননবা পি.এম.এন.দি.পি.কা পুনশিন্নবা খংহনখ্রে।
কুমারী রোলি সিংহ, এ.এস. অমসুং এম.দি., শহরী ভিশাল চৌহান, জোইন্ত সেক্রেতরী, কুমারী ইন্দ্রানি কৌশল, ইকনোমিক এদভাইজর অমসুং কেন্দ্রগী হকশেল মন্ত্রালয়গী মকোকথোংবা ওফিসরশিংনা রাজ্য অমসুং য়ূ.তি.শিংদগী এ.ঐচ.এম.গী মিসন দিরেক্তরশিং অমসুং অতোপ্পা মকোকথোংবা ওফিসিএলশিংগা লোয়ননা ভর্চুএল রিভ্যু মীতিং অদুদা শরুক য়াখি।
****
(Release ID: 1834902)
Visitor Counter : 122