سائنس و ٹیکنالوجی (آزادانہ چارج)  کے مرکزی وزیر مملکت ، ارضیاتی سائنس  (آزادانہ چارج) کے وزیر مملکت،  پی ایم او ، اہلکار، عوامی شکایات، پنشن ،  ایٹمی توانائی اور خلاء  کے وزیر مملکت  ڈاکٹر جتیندر سنگھ نے آج  یہاں  ارضیاتی سائنس کی وزارت کے صدر دفتر ، پرتھوی بھون میں  17  ستمبر  2022 کو آئندہ  ‘‘بین الاقوامی  یوم  ساحلی صفائی  2022  کے لئے تیاریوں  کا  جائزہ لینے کی خاطر ایک میٹنگ کی صدارت کی۔

مرکزی وزیر نے  کہا کہ سالانہ تقریب ، جس کا انعقاد  ہر سال ستمبر کے تیسرے ہفتے کو ہوتا ہے، رواں سال 17  ستمبر کو ہو رہی ہے، جو کہ اتفاق سے وزیراعظم جناب نریندر مودی کی یوم پیدائش کا دن ہے، جو  پوری دنیا میں تمام طرح سے  صفائی (سووچھتا )،  سمندری ساحلی تحفظ، ماحولیات اور ماحولیاتی تحفظ کے مقصد کو آگے بڑھا رہے ہیں۔

ڈاکٹر جتیندر سنگھ نے کہا کہ رواں سال کی تقریب  بھی  اتفاقاً  ملک کی آزادی کے 75  ویں سال میں آزادی کا امرت مہوتسو کی تقریبات کے ساتھ  منعقد کی جارہی ہے۔ انہوں نے کہا کہ ساحلی صفائی مہم کے تحت   تین جولائی سے 17  ستمبر  2022   تک 75 دنوں کے لئے ملک بھر میں 75  سمندری ساحلی  صفائی کا کام انجام دیا جائے گا۔

رواں سال کی تقریب کی انفرادیت کے بارے میں با ت کرتے ہوئے ڈاکٹر جتیندر سنگھ نے کہا کہ  اس تقریب میں  بڑی تعداد میں لوگوں کی شرکت کے ساتھ  اپنی نوعیت کی  یہ  پہلی  اور  طویل ترین چلنے والی ساحلی صفائی مہم ہوگی۔ انہوں نے کہا کہ   ‘‘سووچھ ساگر، سرکشت ساگر’’ کے پیغام کو پھیلانے کے لئے عام لوگوں کی شرکت نہ صرف  ساحلی علاقوں بلکہ ملک کے دیگر حصوں کی خوشحالی کے لئے ضروری ہے۔

ڈاکٹر جتیندر سنگھ نے  یہ  بھی تجویز پیش کی کہ  دیگر  ساحلی خطوں ، غیر  ساحلی خطوں کو بھی  بین الاقوامی  یوم  ساحلی صفائی  کے موقع پر  ماحولیات  اور  ماحولیاتی تبدیلی کے محکموں /  مختلف یونیورسٹیوں ، کالجوں اور  دیگر  اداروں  کے ڈویژنوں کے  ذریعہ عام لوگوں تک  پیغام پھیلانے کی بھی  منصوبہ بندی کرنی چاہئے۔ ڈاکٹر جتیندر سنگھ نے  اپنے خیالات  کا  اظہار  کرتے ہوئے کہا کہ  ساحلی صفائی  اور  سکیورٹی سے متعلق  علم اور  معلومات کا اشتراک  ملک اور  بعض  ساحلی  ریاستوں  / اضلاع  کے مجموعی  مفاد میں ہے۔

مرکزی وزیر نے  لوگو اشتہاری   ٹیگ لائن  نیز  اس سے متعلق دیگر  موضوعاتی  پہلوؤں کو ازسر نو جائزہ لیا۔ انہوں نے  اہم تقریب سے متعلق  سرگرمیوں کے انعقاد  میں شامل افسران کو بھی  سرگرمی سے  مہم کو  کامیاب بنانے کی ہدایت دی۔

75  روزہ طویل  یہ تقریب بروشر کے اجراء  اور  میڈیا سے  سوال وجواب کے ساتھ  تین جولائی 2022 سے  شروع ہوگی۔ اس تقریب کی  ملک بھر میں  خاص طور  سے ساحلی ریاستوں  میں  رائے پیش کرنے والوں اور معروف  شخصیات  کی مقامی تقریبات میں  شرکت کے ساتھ شروعات ہوگی۔

 اس مہم  کا مقصد  سمندری ساحلوں سے  1500  ٹن کوڑا کرکٹ کو ہٹانا ہے ، جس سے  سمندری حیات کو بڑی راحت ملے گی  اور  ساحلی علاقوں میں لوگ ٹھہرنا پسند کریں گے۔

اس میٹنگ میں ہندوستانی ساحلی محافظ کے ڈی جی ، ارضیاتی سائنس  کی وزارت کے سینئر افسران  اور دیگر  اداروں کے عہدیدارا ن نے  شرکت کی، جو  اس تقریب  کی میزبانی سے وابستہ ہیں  ۔

****

(ش ح-ع ح - ق ر)

(17-06-2022)

U-6585