সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রিভান্সেস, পেনসন্স, এতোমিক ইনর্জী অমসুং স্পেস, দা. জিতেন্দ্র সিংহনা ঙসি আর্থ সাইন্সেস মন্ত্রালয়গী ময়াই লোইশঙ, পৃথবি ভবন্দা সেপ্তেম্বর ১৭, ২০২২দা পাঙথোক্কদবা “ইন্তর্নেস্নেল কোস্তেল ক্লীনঅপ দে ২০২২”গীদমক শেম শারিবা অসি য়েংশিন্নবা মীফম অমদা ময়াই তাংবল লৌখ্রে।

কেন্দ্রগী মন্ত্রীনা চহি খুদিংগী সেপ্তেম্বরগী অহুমশুবা থাংজ খুদিংগী পাঙথোকপা চহিগী থৌরম অসি চহি অসিগী ওইনা সেপ্তেম্বর ১৭তা তারি, হায়রিবা অসি লুনানবা (স্বচ্ছতা), সমুদ্র খোঙবান ঙাকশেনবা, অকোইবা অমদি ক্লাইমেৎ ঙাকশেনবগা মরী লৈনবা হীরম পুম্নমক্কীদমক লময়ানবা অমা ওইরিবা প্রধান মন্ত্রী নরেন্দ্র মোদীগী মপোক কুমওনগা চান্ননা তারি হায়না ফোঙদোকখি।

দা. জিতেন্দ্র সিংহনা হায়খি চহি অসিগী থৌরম অসি লৈবাক অসিনা নীংতম্বা ফংখিবগী চহি ৭৫শুবগী আজাদী কা অমৃত মহোৎসবকী পালন থৌরমগসু পুন্না তারি। মহাক্না কোস্তেল ক্লীনঅপ দ্রাইব অসি লৈবাক শিনবা থুংবদা জুলাই ৩দগী সেপ্তেম্বর ১৭, ২০২২ ফাওবা নুমিৎ ৭৫চুপ্না সমুদ্র খোঙবান ৭৫দা চত্থগনি হায়না ফোঙদোকখি।

চহি অসিগী থৌরমগী অখন্নবা অদুগী মতাংদা দা. জিতেন্দ্র সিংহনা হায়খি, মসি মখল অসিগী ওইনা অহানবা অমদি মীয়াম্না মশিং খ্বাইদগী য়াম্না শরু য়াবা খ্বাইদগী শাংনা চত্থবা কোস্তেল ক্লীনঅপ কেম্পেন অমা ওইরগনি। মহাক্না হায়খি সমুদ্র খোঙবানগী মফমশিংগী য়াইফনবা খক্তা নত্তনা লৈবাক অসিগী অতোপ্পা শরুকশিংগীদমক্তসু “স্বচ্ছ সাগর, সুরক্ষিৎ সাগর”গী পাউজেল পীনবা মীচম প্রজানা শরুক য়াবা হায়বা অসি তঙাই ফদে।

দা. জিতেন্দ্র সিংহনা অতোপ্পা কোস্তেল রিজন খক্তা নত্তনা , নন-কোস্তেল রিজনশিংনসু তোঙান-তোঙানবা য়ুনিভর্সিতী, কোলেজ অমসুং অতোপ্পা লোইশঙশিংদা এনভাইর্নমেন্ত অমসুং ক্লাইমেৎ চেঞ্জ বিভাগশিং/দিবিজনশিংগী খুত্থাংদা ইন্তর্নেস্নেল কোস্তেল ক্লীনঅপ দেদা মীয়ামদা পাউজেল অসি পীনবা থৌরাংসু পাইখৎকদবনি হায়না পাউতাক পীখি। কোস্তেল ক্লীনঅপ অমসুং সেক্যুরিতীগী মতাংদা লৌশিং অমসুং ই-পাউ শিয়র তৌরিবা অসি লৈবাক অসিগী অপুনবগী য়াইফনবনি অমসুং মসি সমুদ্র মপালদা লৈবা রাজ্য/জিলাশিং খক্তগী নত্তে হায়না মহাক্কী ৱাখল্লোন ফোঙদোকখি।

কেন্দ্রগী মন্ত্রীনা নুমিৎ অসিগী লোগো অমসুং তেজ লাইন অমসুং মসিগা মরী লৈনবা থীমেতিক ওইবা অতোপ্পা হীরমশিং য়েংশিনখি। মহাক্না মেন ইভেন্ত অসি পাঙথোক্ত্রিঙৈদা প্রি-ইভেন্তকী থবক-থৌরমশিংগী ব্লিৎস্ক্রীগ তৌবদা য়াওশিন্নবা ওফিসিএলশিংদা পাউতাকসু পীখি।

নুমিৎ ৭৫ চুপ্না চত্থগদবা শাংবা থৌরম অসি ব্রোচর অমা ফোঙবা অমদি মীদিয়া ইন্তরেক্সন অমগা লোয়ননা জুলাই ৩, ২০২২দগী হৌগনি। ওপিনিয়ন মেকর অমসুং সেলেব্রিতিশিংনা লোকেল ইভেন্তশিংদা শরুক য়াগা লোয়ননা লৈবাক শিনবা থুংনা মরু ওইনা সমুদ্র মপালদা লৈবা রাজ্যশিংদা মসি হৌনবী মতুং ইন্না হৌদোক্কনি।

দ্রাইব অসিগী পান্দমদি সমুদ্র মপালদগী অমোৎপা তন ১,৫০০ লৌথোকপনি মসিনা মেরিন লাইফ অমসুং সমুদ্র মপালশিংদা লৈরিবা মীওইশিংদা চাউনা কান্নবা অমা পীরগনি।

মীফম অসিদা আর্থ সাইন্সেস মন্ত্রালয়গী দি.জি., ইন্দিয়ন কোস্ত গার্দশিং, মকোক থোংবা ওফিসিএলশিং অমসুং থৌরম অসিদা পাঙথোকপদা য়াওগদবা অতোপ্পা ওর্গনাইজেসনশিংনা শরুক য়াখি।

*****