ইনভাইরনমেন্ত, ফোরেস্ত অমসুং ক্লাইমেত চেঞ্জ মন্ত্রালয় (এম.ও.ই.এফ. অমসুং সি.সি.)না প্রধান মন্ত্রী স্কিল ইন্দিয়া মিসনগা মরী লৈননা গ্রীন স্কিল দিভেলপমেন্ত প্রোগ্রাম (জি.এস.দি.পি.)গী মখাদা ভারতকী নহারোলশিংদা থবক্কী কান্নবা খুদোংচাবা ফংহন্নবগীদমক্তা ইনভাইরনমেন্ত অমসুং ফোরেস্ত সেক্তরদা স্কিল দিভেলপ তৌবগী খোঙথাং অমা পায়খৎলি। নেস্নেল্লী দিতর্মাইন্দ কন্ত্রিব্যুসন (এন.দি.সি.), সস্তেনেবল দিভেলপমেন্ত গোল (এস.দি.জি.), নেস্নেল বাইওদাইবর্সিতী তার্গেত (এন.বি.তি.)কা লোয়ননা ৱেস্ত মেনেজমেন্ত রুল্স (২০১৬) ফংনবগীদমক্তা সস্তেনেবল দিভেলপমেন্ততা খোঙফম চেৎপা অমসুং তেক্নিকেল নোলেজ লৈবা স্কিল লৈবা ৱর্কর শেম্বগী পান্দম প্রোগ্রাম অসিনা থম্লি।

হৌজিক চৎলিবা শেনবা চহি, হায়বদি, ২০২২-২৩, অসিদা দবল্যু.দবল্যু.এফ. ই.এন.ভি.আই.এস. আর.পি.না ‘উচেক মশক খঙদোকপা অমসুং ওর্নিথোলোজীগী বেসিক’ হায়বসিগী জি.এস.দি.পি. সর্তিফিকেত কোর্সকী বেৎচ মরি পাংথোকখ্রে। কোর্স অসিনা লৈবাক শিংবা থুংবগী মহৈরোইশিংদা ওর্নিথোলোজীগা মরী লৈনবা হীরম কয়াগী মতাংদা খঙবগী খুদোংচাবা পীরি। কোর্স অসিদা শরুক য়াখিবা মহৈরোই ৩০%না মরী লৈনবা সেক্তরশিংদা থবক ফংনখ্রে। কোর্স অসি শেল অমত্তা লৌদনা এম.ও.ই.এফ. অমসুং সি.সি.না মপুং ওইনা ফন্দিং তৌদুনা পাংথোকপনি।

*****