জল শক্তি মন্ত্রালয়
জল শক্তি মন্ত্রালয়না হয়েং দাম সেফতী এক্ত, ২০২১গী মতাঙদা নেস্নেল ৱর্কসোপ পাঙথোক্কনি
ৱর্কসোপ অসিনা স্তেকহোল্দর পুম্নমক্তা এক্ত অসিগী ৱাফমশিংগী মতাঙদা খঙহন্নবা অমদি দাম সেফ্ত গভর্নেন্সকী মতাঙদা খন্ননবা পান্দম থম্লি
Posted On:
15 JUN 2022 9:52AM by PIB Imphal
সেন্ত্রেল ৱাতর কম্মিসন্না ভারত লৈঙাক্কী দিপার্তমেন্ত ওফ ৱাতর রিসোর্সেস, আর.দি. এন্দ জি.আর., জল শক্তি মন্ত্রালয়গী মীৎয়েঙ মখাদা জুন ১৬, ২০২২দা দোক্তর অম্বেদকর ইন্তরনেস্নেল সেন্তর, ১৫ জনপথ, নই দিল্লীদা দাম সেফ্তী এক্ত, ২০২১ ফোর দাম সেফ্তী গভর্নেন্স ইন ইন্দিয়া হায়বা হীরমসিদা নোংমগী ওইবা ৱর্কসোপ অমা লৈবাক্কী থাক্তা পাঙথোক্কদৌরি। ৱর্কসোপ অসিনা স্তেকহোল্দর পুম্নমক্তা এক্ত অসিগী ৱাফমশিংগী মতাঙদা খঙহন্নবা অমদি ভারত্তা দাম সেফ্ত গভর্নেন্স লৈহন্নবগী মতাঙদা খন্ননবা পান্দম থম্লি
ভারত্তা হৌজিক হৌজিক অচৌবা দাম ৫৩৩৪ লৈরি অমদি অতোপ্পা অচৌবা দাম ৪১১ অমনা শেমগৎ শাগৎপগী তোঙান তোঙানবা তাঙ্ককশিংদা লৈরি। মহারারস্ত্রনা দাম ২৩৯৪ লৈদুনা মাঙজিল থারি অদুগা মধ্য প্রদেশ অমসুং গুজরাতনা দাম মশিংদা য়েংবদা অনিসুবা অমসুং অহুমসুবদা লৈ। ভারতকী দামশিংনা চহিদা ঈশিং ক্যুবিক মীতর বিলিয়ন ৩০০লোম তুংশিল্লি। হায়রিবা দামশিং অসি অসুম অসুম মনশিল্লক্লি অমদি দাম মশিং ৮০%দি চহি ২৫ হেল্লবা ঙাক্তনি, অদুগা দাম ২২৭না চহি ১০০ হেল্লবনি। দাম মনশিল্লকপা অমদি শেমজিন শাজিনবগী থবক্তা থিন্থরকপশিংনা মরম ওইরগা দামশিং অসি শাফনা থমবা হায়বসি অরুবা ৱাফম অমা ওইরক্লি।
দাম সেফ্তী এক্ত, ২০২১ অসি পার্লিয়ামেন্তনা পাস তৌখিবনি অমদি দিসেম্বর ৩০, ২০২১দগী হৌনা চৎনবা হৌখিবনি। এক্ত অসিদা দাম য়ারক্তবদগী থোকপা লাংফমগী থৌদোকশিং থোকহন্দনবা মশক খঙদোক্লবা দামশিং য়েংশিনবা, শেন্নবা মথৌ তৌহনবা অমদি শেমজিন শাজিনবগী ৱাফমশিং অমদি মখোয়বু শাফনা মথৌ তৌহন্নবগী মথৌ তাবা ইন্সতিত্যুস্নেল মেকানিজমশিং পীননবা ৱাফমশিং য়াওরি।
এক্ত অসিদা পল্লিবা ৱাফমশিংগী মতুং ইন্না, মান্নবা দাম সেফ্তী পোলিসী, প্রোতোকোল অমসুং প্রোসিজরশিং শেম-শানবগীদমক সেন্ত্রেল ৱাতর কম্মিসন (সি.দব্লিউ.সি.)গী চেয়রমেনগী লুচিং মখাদা নেস্নেল কম্মিতী ওন দাম সেফ্তী (এন.সি.দি.এস.) শেম্ননবা কেন্দ্র লৈঙাক্না খঙহনখ্রে। মখা তানা, লৈবাক পুমবদা দাম সেফ্তী পোলিসী অমসুং স্তেন্দর্দশিং চৎনহন্নবগীদমক রিগুলেতরী বোদী অমা ওইনা মথৌ তৌননবা নেস্নেল দাম সেফ্তী ওথোরিতীসু (এন.দি.এস.এ.) শেমখ্রে।
এক্ত অসিনা অইং অশাগী খল কায়থরকপনচিংবা হান্না লৈরবা অমদি অমদি অনৌবা ৱাফমশিংনা দামশিং শাফনা থমবদা পীরক্লিবা খুদোংচাদবশিংগী মপুং ওইবা থৌরাং পায়খৎলি। মসিদা য়াওরিবা মরুওইবা ৱাফমশিংগী মনুংদা দামশিং চাং নাইনা য়েংশিনবা; দামশিং হজার্দ ক্লাসিফিকেসন তৌবা; ইমর্জেন্সী এক্সন প্লান; মনীং মখা তমবা পেনেল অমনা মপুং ফানা দাম সেফ্তীগী য়েংশিলহনবা; মতম চানা শেমজিন শাজিন্নবা ফন্দ; মথৌ তৌহনবগা অমদী য়েংশিনবগী মওং মতৌ; থৌদোকশিং অমসুং য়ারক্তবগী রেকোর্দ থমবা; রিস্ক এসেসমেন্ত স্তদী তৌবা; হাইদ্রো-মেতিওরোলোজিকেল অমসুং সিস্মোলোজিকেল নেতৱর্ক য়াওনা দাম ইন্সত্রুমেন্তেসন তৌবা; এজেন্সীশিং এক্রেদিত তৌবা; ইমর্জেন্সী ফ্লদ ৱার্নিং সিস্তেম; অমসুং লংজবা অমদি চৈরাক্কী ৱাফমশিং য়াওরি।
ৱর্কসোপ অসিদা জল শক্তি মন্ত্রালয়, কেন্দ্র/ স্তেত/ য়ু.তি. লৈঙাকশিংগী মন্ত্রীশিং/পোলিসী শেম্লিবশিং অমসুং মকোক থোংবা থৌমীশিং, তেক্নোক্রেতশিং, সি.দব্লিউ.সি., একাদমিক্সিয়নশিং, পি.এস.য়ু.শিং, লনাই সেক্তর অমসুং দাম মপুশিং, দাম অমসুং দাম সেফ্তী গভর্নেন্সকী ৱাফমগা মরী লৈনবা পুম্নমক শরুক য়াগনি।
****
(Release ID: 1834290)
Visitor Counter : 175