প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা পব্লিক অমসুং এন্তর্প্রাইসশিংদা ৫জি সর্ভিসশিং ফংহন্নবা মাইপাক্লবা বিদ্দরশিংদা স্পেক্ত্রম পীনবগীদমক স্পেক্ত্রিমগী লিলাম লাউনবা তেলিকম্ম্যুনিকেসন বিভাগনা পুখৎখিবা ৱাফম অদু অয়াবা পীখ্রে।

দিজিতেল ইন্দিয়া, স্তার্ত-অপ ইন্দিয়া, মেক ইন ইন্দিয়া অসিনচিংবা সরকারগী ফ্লেগশিপ প্রোগ্রামশিংগী খুত্থাংদা দিজিতেল কন্নেক্তিবিতী অসি সরকারনা লৌখৎলিবা পোলিসীগী থৌশিলশিংগী মরু ওইবা শরুক ওইদুনা লাকখি।

ব্রোদবেন্দ, মরু ওইনা মোবাইল ব্রোদবেন্দ অসিনা প্রজাশিংগী নোংমগী পুন্সিদা চংদবা য়াদ্রবা মরু ওইবা শরুক ওইরক্লি। ইং কুমজা ২০১৫দগী লৈবাক শিনবা থুংবদা ৪জি. সর্ভিসশিং খোঙজেল য়াংনা এক্সপান্সন তৌরকপা অসিনা মসিদা অচৌবা শাহৌ অমা পীখি। ইং কুমজা ২০১৪দা সবস্ক্রাইবর করোর ১০ লৈরম্বা অদুগা চাংদম্নবদা ঙসি সবস্ক্রাইবর করোর ৮০না ব্রোদবেন্দগী এক্সেস ফংলি।

অসিগুম্বা অনৌবা পোলিসীগী থৌশিলশিং অসিগী খুত্থাংদা সরকারনা লায়রবা ইমুং-মনুংশিংদা মোবাইল বেঙ্কিং, ওনলাইন এজুকেসন, তেলিমেদিসিন, ই-রাসন অসিনচিংবা এক্সেস তৌবা ফংহনবা ঙমখি।

লৈবাক অসিদা শেমখিবা ৪জি. ইকোসিস্তেম অসিনা হৌজিক ৫জি. ইন্দিজিনস দিবেলপমেন্ত লমজিংলি। ভারতকী মকোক থোংবা তেক্নোলোজী ইন্সতিত্যুত ৮দা ৫জি তেস্ত বেদ সেৎঅপ তৌখিবা অসিনা ভারত্তা দোমেস্তিক ৫জি. তেক্নোলোজী লোঞ্চ তৌবগী খোঙজেল য়াংখৎহল্লি। মোবাইল হেন্দসেৎশিং, তেলিকোম ইক্বিমেন্তশিংগী পি.এল.আই. (প্রদক্সন-লিঙ্ক ইনসেন্তিবস) স্কিমশিং অমসুং ইন্দিয়া সেমিকন্দক্তর মিসন লোঞ্চ তৌখিবা অসিনা ভারত্তা ৫জি. সর্ভিসশিং লোঞ্চ তৌনবগী মপাঙ্গল কনবা ইকোসিস্তেম অমা শেমগৎপদা মতেং পাংগনি হায়না পান্নরি। ভারতনা ৫জি তেক্নোলোজীগী লমদা অমদি তুংগী ৬জি. তেক্নোলোজী অসিদা মাংজিল থারিবা লৈবাক অমা ওইরক্কদবা মতম অদু লাক্কদবা কুইদ্রে।

স্পেক্ত্রম অসি অপুনবা ৫জি ইকো-সিস্তেমগী মরু ওইবা অমদি তঙাই ফদবা শরুক অমনি। লাক্কদৌরিবা ৫জি. সর্ভিসশিং অসিদা ন্যু এজ বিজিনেসশিং লৈহন্নবা, এন্তরপ্রাইসশিংগীদমক অহেনবা রিভেন্যু লাকহনবা অমসুং ইনোবেতিব য়ুজ-কেসশিং অমসুং তেক্নোলোজীশিং শীজিন্নবদগী থবক পীবা ঙম্বগী মতিক-ময়াই চেল্লি।

চহি ২০গী মতমগী ভেলিদিতী অমগা লোয়ননা স্পেক্ত্রমগী অপুনবা মেগাহর্জ ৭২০৯৭.৮৫ অসি জুলাই, ২০২২গী লোইরকপদা লিলাম লাউথোক্কনি। তোঙান-তোঙানবা লো (মেগাহর্জ ৬০০, মেগাহর্জ ৭০০, মেগাহর্জ ৮০০, মেগাহর্জ ৯০০, মেগাহর্জ ১৮০, মেগাহর্জ ২১০০, মেগাহর্জ ২৩০০), মিদ (মেগাহর্জ ৩৩০০) অমসুং হায় (গিগাহর্জ ২৬) হায়রিবা ফ্রিক্বেন্সী বেন্দশিং অসিগী স্পেক্ত্রমগীদমক লিলাম লাউগনি।

হৌজিক লৈরিবা ৪জি. সর্ভিসশিংগী খুত্থাংদা ওইথোক্লিবা অসিদগী শরুক ১০রোম হেন্না খোঙজেল য়াংবা অমসুং কেপাসিতী লৈবা ৫জি. তেক্নোলোজী-বেজ সর্ভিসশিং রোল-আউত তৌনবা তেলিকোম সর্ভিস প্রোভাইদরশিংনা মিদ অমসুং হায় বেন্দ স্পেক্ত্রম অসি শীজিন্নরবা য়াই হায়না পান্নরি।

ইং কুমজা ২০২১গী সেপ্তেম্বরদা লাউথোকখিবা তেলিকোম সেক্তর রিফোর্মশিংনা স্পেক্ত্রমগী লিলাম লাউবা অসিদা কান্নবা পীরগনি। লিলাম অসিদা ফংখিবা স্পেক্ত্রমগী জিরো স্পেক্ত্রম য়ুজেস চার্জেস (এস.য়ু.সি.) রিফোর্ম অসিদা য়াওরি, মসিনা তেলিকোম নেৎৱার্কশিংগী মথৌ তৌবদা চংবা শেনফমদা সর্ভিস প্রোভাইদরশিংদা চাউনা তেংবাং পীরি। মখা তানা, মসিগা লোয়ননা চহিগী ইনস্তোলমেন্ত অমগা মান্নবা ফাইনান্সিএল বেঙ্ক গরেন্তী অমা পীশিনবা মথৌ তাবা অসিসু পাঙথোকখি।

তেলিকোম সেক্তররিফোর্মশিংগী খোঙজেল অসি মখা চত্থরদুনা মন্ত্রী-মন্দলনা ইজ ওফ দুইং বিজিনেসন খুদোংচাহন্নবা পাঙথোক্কদৌরিবা স্পেক্ত্রমগী লিলাম অসিগী খুত্থাংদা বিদ্দরশিংনা ফংবা স্পেক্ত্রমগা মরী লৈননা প্রোগ্রেসিব ওপ্সন কয়ামরুম লাউথোকখি। অহানবা ওইনা মাইপাক্লবা বিদ্দরশিংগীদমক মাংজৌননা পেমেন্ত তৌবগী মথৌ তাবা লৈহনদে। স্পেক্ত্রমগী পেমেন্তশিং অসি চহি খুদিংগী অহৌবদা মাংজৌননা চপ মান্নবা চাংদা চহিগী ইনস্তোলমেন্ত ওইনআ ২০রক্তা তৌবা য়াগনি। মসিনা কেশ ফ্লোগী মথৌ তাবশিং চাউনা কোমথোক্লগনি অমসুং সেক্তর অসিদা বিজিনেস তৌবদা চংবা শেনফম হন্থহল্লগনি হায়না পান্নরি। বিদ্দরশিংনা বেলেন্স ইনস্তোমেন্ত অদুগী ওইনা তুংগী লাইএবিলিতীশিং অমত্তা য়াওদনা চহি ১০গী মতুংদা স্পেক্ত্রম সরেন্দর তৌনবা ওপ্সন অমসু পীগনি।

৫জি. সর্ভিসশিং রোল-আউত তৌনবা স্পেক্ত্রমগী বেকহোল মরাং কাইনা লৈহনবসু মথৌ তাই। বেকহোল দিমান্দ অসি থুংহন্নবা মন্ত্রী-মন্দলনা তেলিকোম সর্ভিস প্রোভাইদরশিংদা ই-বেন্দ অমমমদা মেগাহর্জ ২৫০গী কেরিয়র ২ অহানবগী ওইনা পীনবা ৱারেপ লৌখি। মন্ত্রী-মন্দলনা গিগাহর্জ বেন্দ ১৩, ১৫, ১৮, অমসুং ২১গী হৌজিক লৈরিবা ফ্রিক্বেন্সী বেন্দশিংদা পীরিবা ত্রেদিস্নেল মাইক্রোবেফ বেকহোল কেরিয়রশিংগী মশিং শরুক অনি হেনগৎহন্নবা ৱারেপসু লৌখি।

মন্ত্রী-মন্দলনা ওতোমোতিব, হেল্থকিয়র, এগ্রিকলচর, ইনর্জী অমসুং অতোপ্পা সেক্তরশিংদা মেছিন তু মেছিন কম্ম্যুনিকেসনশিং, ইন্তর্নেৎ ওফ থিংস (আই.ও.তি.), আর্তিফিসিএল ইন্তেলিজেন্স (এ.আই.) অসিগুম্বা ইন্দস্ত্রী ৪.০ এপ্লিকেসনশিংদা ইনোবেসনশিং তৌবগী অনৌবা ইনোৎ অমা লাকহন্নবা প্রাইবেৎ কেপ্তিব নেৎৱার্কশিং দিবেলপ তৌনবা অমসুং লিংখৎপা ঙম্নবা ৱারেপসু লৌখি।

***