মন্ত্রীমন্দল
azadi ka amrit mahotsav g20-india-2023

অহোংবা পুরক্কদবা রিফোর্ম অমা ওইনা, কেবিনেতনা নহারোলশিংবু আর্ম্দ ফোর্সতা খনবগী ‘অগ্নিপথ স্কিম’গী অয়াবা পীখ্রে


অগ্নিবীরশিংবু মরী লৈনবা সর্ভিসশিংগী মখাদা চহি ৪গী লৌগনি

সর্ভিস অহুম্মক্তা চৎনবগী মতুং ইন্না রিস্ক অমসুং হার্দশিপ এলাৱেন্স য়াওনা থাগী ফজরবা পেকেজ পীগনি

চহি ৪গী থবক্কী মতম লোইরকপদা অগ্নিবীরশিংদা অমুক্লক পীগদবা ‘সেবা নিধী’গী খুদোংচাবা পীগনি

হন্দক্কী চহিদা অগ্নিবীর ৪৬,০০০ লৌগনি

রিক্রুইতমেন্ত রেলীশিং নুমিৎ ৯০দা হৌরগনি

আর্ম্দ ফোর্সতা হেন্না নহা ওইবা, হকশেল ফবা, তোঙানবা প্রোফাইল চেনবা মীওই কয়া তুংগী শিংনবা কয়া মাইয়োক্ননবা লৈরগনি

Posted On: 14 JUN 2022 2:13PM by PIB Imphal

কেন্দ্রগী কেবিনেতনা ঙসি ভারতকী নহারোলশিংবু আর্ম্দ ফোর্সতা থবক তৌনবগীদমক্তা খনবগী নীংথিরবা স্কিম অমগী অয়াবা পীখ্রে। স্কিম অসি অগ্নিপথ কৌই অমসুং স্কিম অসিগী মখাদা খল্লবা নহারোলশিংবু অগ্নিবীর হায়না কৌগনি। অগ্নিপথনা ইথিল লৈবা অমসুং লৈবাক নীংবা নহারোলশিংবু লৈবাক্কী আর্ম্দ ফোর্সতা চহি ৪ সেবা তৌবগী খুদোংচাবা পীগনি।

অগ্নিপথ স্কিম অসি আর্ম্দ ফোর্সকী নহা ওইবা শক্তাক অমা পীনবগীদমক্তা শেম-শাবনি। স্কিম অসিনা মতমগী তেক্নোলোজীগী চৎনবী খঙবা অমসুং মখোয়বু শেম্বীরিবা খুন্নাইদা স্কিল, দিসিপ্লিন অমসুং ইথিল লৈরবা মেন পাৱর পীবা ঙমগদবা অমসুং য়ুনিফোর্ম শেৎনীংবগী অপাম্বা লৈবা খুন্নাইগী নহারোলশিংগী পুক্নিং চিংশিন্দুনা লৈবাক সেবা তৌবগী খুদোংচাবা পীগনি। আর্ম্দ ফোর্সকী ওইনদি, মসিনা নহা ওইবা শক্তাক অমা পীগনি অমসুং ‘জোশ’ অমসুং ‘জজবা’গী অনৌবা পুন্সি পীবগা লোয়ননা আর্ম্দ ফোর্সপু হৌজিক মতমগী খ্বাইদগী হেন্না তঙাই ফদবা ওইরিবা তেক সেভী আর্ম্দ ফোর্স অমা ওইহনবগী মাইকৈদা অচৌবা অহোংবা অমা পুরক্কনি। স্কিম অসিনা থবক ওইনা হেক পাংথোকপদগী, ইন্দিয়ন আর্ম্দ ফোর্সকী চাংচৎকী ওইবা চহিগী প্রোফাইলনা চাউরাক্না চহি ৪-৫দা হন্থরক্কনি হায়না থাজবা থম্লি। ইচঙ-থৌবা, মশাগী লিচৎ-শাজৎ খঙবা অমসুং মিৎয়েং চঙবা মতিক চানা স্কিল লৈরবা অমসুং অতোপ্পা সেক্তরশিংদসু মশাগী শরুক তম্বা ঙমগদবা ইথিল লৈবা নহাশিং থবক্তা পুশিনবা মতমদা লৈবাক্না য়াম্না কান্নবা ফংগনি। লৈবাক, খুন্নাই অমসুং লৈবাক্কী নহারোলশিংগী ওইনা অতেনবা মিলিতরী সর্ভিসনা কান্নবা পীরিবা অসি য়াম্না পাক চাওই। মসিগী মনুংদা লৈবাক নীংবগী মতৌ, তীম ৱর্ক, হকচাং ফবগী মতৌ হেন্না ফগৎহনবা, লৈবাক্কীদমক্তা থৱাই থাবা কিদবগী ৱাখল্লোন লৈহনবা অমসুং এক্সতর্নেল, ইন্তর্নেল থ্রেৎকা লোয়ননা মহৌশাগী ওইবা অমাঙ-অতা থোকপা মতমদা লৈবাক্কী তেক্ত-কায়দবগী মতৌবু হেন্না চতীশিলহন্নবা নীংথিনা ত্রেন তৌরবা মিলিতরীগী মীওই লৈবগী খুদোংচাবা কয়া য়াওরি।

মসিগী খোঙথাং অসি সর্ভিস অহুমসিগী হ্যুমেন রিসোর্স পোলিসীদা অনৌবা য়ুগ অমা পুরক্নবা ভারত সরকারনা হৌদোকপা মরু ওইবা দিফেন্স পোলিসী রিফোর্ম অমা ওইরি। খুদক্তগী চৎনবা হৌগদবা পোলিসী অসিনা সর্ভিস অহুমসিদা থবক খনবগী থৌওং পুম্নমক হৌজিক্তগী হৌনা ণহাক-শেনগনি।

 

অগ্নিবীরশিংনা ফংগদবা কান্নবশিং

অগ্নিবীরশিংগী মফমদা সর্ভিস অহুমসিদা চৎনবগী মতুং ইনবা রিস্ক অমসুং হার্দশিপ এলাৱেন্সকা লোয়ননা থাগী ওইবা নীংথিরবা পেকেজ পীগনি। থবক তৌগদবা চহি ৪গী মতম লোইরকপদা, অগ্নিবীরশিংগী ম্ফমদা অমুক্লক পীগদবা ‘সেবা নিধী’গী পেকেজ পীগনি অমসুং মসিগী মনুংদা মতমদু ফাওবগী তাশিল্লকপা মখাদা পীরিবা শেন্দোই য়াওনা মখোয়না তমখিবা শরুক্কা মান্নবা চাংদা সরকারনা তমখিবা শরুকশিং পীগনি।

 

চহি

কস্তমাইজ পেকেজ (থাগী)

খুত্তা ফংগদবা (৭০%)

অগ্নিবীর কোর্পস ফন্দদা তমখিবা শরুক (৩০%)

জি.ও.আই.না কোর্পস ফন্দদা তম্বা শরুক

মশিং খুদিংমক লুপাদা পীবনি (থাগী ওইবা শরুক তম্বা)

অহানবা চহি

৩০০০০

২১০০০

৯০০০

৯০০০

অনিশুবা চহি

৩৩০০০

২৩১০০

৯৯০০

৯৯০০

অহুমশুবা চহি

৩৬৫০০

২৫৫৮০

১০৯৫০

১০৯৫০

মরিশুবা চহি

৪০০০০

২৮০০০

১২০০০

১২০০০

চহি ৪গী মতুংদা ওইগদবা অগ্নিবীর কোর্পস ফন্দগী অপুনবা কন্ত্রিব্যুসন

লুপা লাখ ৫.০২

লুপা লাখ ৫.০২

চহি ৪গী মতুংদা থোকপা

লুপা লাখ ১১.৭১গী সেবা নিধী পেকেজ

(মনুং চনবশিং: চৎনবা শেন্দোইগী চাংগী মতুং ইন্না মথক্কী শেম্ফমশিংদা তাবা শেন্দোইগী শেনফম খুদিংমক পীগনি)

 

‘সেবা নিধী’বু ইনকম তেক্সতগী কোম্থোক্কনি। মসিদা ইন্তাইতলমেন্ত তু গ্রেতুইতী অমসুং পেন্সনগী কান্নবদি অমত্তা লৈরোই। অগ্নিবীরশিংদা মখোয়না ইন্দিয়ন আর্ম্দ ফোর্সতা লৈরিঙৈ মনুংগী ওইনা লুপা লাখ ৪৮গী নন-কন্ত্রিব্যুতরী লাইফ ইন্স্যুরেন্স কভর পীগনি।

লৈবাক্কী তৌবগী অসিগুম্বা মতমগী মনুংদা অগ্নিবীরশিংদা তোঙানবা মিলিতরী স্কিল অমসুং এক্সপেরিএন্স, দিসিপ্লিন, ফিজিকেল ফিতনেস, লীদর্শিপ ক্বালিতী, থৌনা অমসুং লৈবাক নীংবগী ইথিল পীগনি। অসিগুম্বা চহি ৪গী থবক লোইরকপদা অগ্নিবীরশিংবু মীয়ামগী খুন্নাইদা অমুক চঙহনগনি অমসুং মসিদা মখোয়না লৈবাক শেমগৎপগী থৌওংদা মশক থোক্না তেংবাংবা য়াগনি। অগ্নিবীরশিংনা ফংলিবা স্কিলশিংবু সর্তিফিকেত অমগী খুত্থাংদা শকখঙগনি অমসুং মসিনা মহাক্কী রেজ্যুমেগী তোপ-তোপ্পা শক্তাক অমা শেমগনি। অগ্নিবীরশিংনা মশাগী পুন্সিগী নহা ওইবগী খ্বাইদগী চুনবা মতমদা চহি ৪গী থবক মতম লোইবা মতমদা প্রোফেস্নেল অমসুং মশাগী ওইবা হেন্না ফগৎলবা মীওই অমা ওইবগী মগুন চেনবগা লোয়ননা মপুং-মরৈ ফারবা অমসুং মশাগী লিচৎ-শাজৎ নীংথিনা ঙাক্না চৎপা মীওই ওইগনি। অগ্নিবীরগী মতমগী মতুংদা মখোয়না মীচম মীয়ামগী মালেমদা চাউখৎনবগীদমক্তা মখোয়গী মফমদা হাংলক্কদবা খুদোংচাবগী থোঙ কয়ানা লৈবাক শেম্বগী থৌওংদা মখোয়দা মশক নাইবা মতেং পীগনি। মসিদা নত্তনা, চাউরাক্না লুপা লাখ ১১.৭১গী ‘সেবা নিধী’না অগ্নিবীরশিংদা শেল-থুমগী অৱাবা, শেল-থুমগী ফিভম শোত্থবা খুন্নাইদগী থোক্লকপা নহারোলশিংনা অয়াম্বা মতমদা থেংনবা খুদোংচাদবা, লৈতনা মশাগী অপাম্বা তানবদা তেংবাংগনি।

রিগ্যুলর কেদর ওইনা আর্মদ ফোর্সেসতা এনরোল তৌনবগীদমক খনখিবা মীওইশিং অদুনা য়ামদ্রবদা চহি ১৫গী এঙ্গেজমেন্ত পেরদ অমগীদমক মথৌ তৌবা মথৌ তাগনি অমসুং ইন্দিয়ন আর্মীদা লৈরিবা জুনিয়র কম্মিসন ওফিসর/অতোপ্পা রেঙ্কশিং অমসুং মখোয়গা মান্নবা ইন্দিয়ন নেভী অমসুং ইন্দিয়ন এয়র ফোর্সতা লৈরিবা অমসুং ইন্দিয়ন এয়র ফোর্সতা এনরোল তৌখিবা নন কোম্বেতেন্তগী অদুগী হৌজিক চৎনরিবা সর্ভিসকী তর্ম অমদি কন্দিসনশিং অমদি মতম মতমগী ওইনা অমেন্দ তৌরকপা অদুনা গভর্ন তৌগনি।

স্কিম অসিনা আর্মদ ফোর্সেসতা লৈরিবা অনৌবা অমদি এক্সপরিয়েন্স লৈরবা পর্সনেলগী মরক্তা নীংথিনা বেলেন্স তৌবা ঙমহন্দুনা হেন্না নৌবা অমদি তেক্নিকেল ওইনা হৈশিংলবা লান শোক্নবা ঙম্বা ফোর্স শেমগৎপা ঙমহনগনি।

 

খুদোংচাবশিং

· আর্মদ ফোর্সেসকী থবক লৌবগী পোলিসীদা অওনবা পুরক্লিবা রিফোর্ম অমা।

· নহারোলশিংদা লৈবাক্কী শেবা তৌনবা অমসুং লৈবাক শেমগৎনবগীদমক পীরিবা অখন্নবা খুদোংচাবা অমা।

· আর্মদ ফোর্সেস প্রোফাইল অসি ইনোৎ হাপ্নবা অমসুং দাইনামিক ওইহন্নবা।

· অগ্নিবীরশিংগীদমক অখন্নবা ফাইনান্সিএল পেকেজ

· অগ্নিবীরশিংবু খ্বাইদগী ফবা ইন্সতিত্যুসনশিংদা ত্রেন তৌনবা অমসুং মখোয়গী স্কিল অমদি ক্বালিফিকেসনশিং হেনগৎহন্নবা খুদোংচাবা।

· সিভিল সোসাইতীদা মিলিতরীগী কাংলোন ঙাকপা, থৌগলোন খঙবা অমদি স্কিল লৈরবা নহারোলশিং লৈহনবা।

· খুন্নাইদা অমুক হল্লক্লিবা মীওইশিংগীদমক রি-এমপ্লোইমেন্তগী খুদোংচাবশিং মরাং কাইনা পীরি অমসুং নহারোলগী রোল মোদেলশিং ওইরকপা য়াই।

 

তর্ম অমদি কন্দিসনশিং

অগ্নিপথ স্কিমগী মখাদা অগ্নিবীরশিংনা চহি মরিগী মতমগী ওইনা মখোয়গী মশাগী সর্ভিস এক্তশিংগী মখাদা ফোর্সশিংদা এনরোল তৌবা য়াগনি। মখোয়না আর্মদ ফোর্সেসতা অতোপ্পা হৌজিক লৈরিবা রেঙ্কশিংদগী খেন্নবা অখন্নবা রেঙ্ক অমা থম্বা ঙঞগনি। ওর্গনাইজেসনগী মথৌ তাবা অমদি মতম মতমগী ওইনা আর্মদ ফোর্সেসনা শেম্বা পোলিসীশিংদা য়ুম্ফম ওইরগা চহি মরিগী সর্ভিস অসি লোইবদা অগ্নিবীরশিংদা আর্মদ ফোর্সেসতা পর্মিনেন্ত ওইনা এনরোলমেন্ত তৌনবগী খুদোংচাবা অমা পীগনি। এপ্লিকেসনশিং অসি মখোয়গী চহি মরিগী এঙ্গেজমেন্ত পেরেদ মনুংদা উৎখিবা পর্ফোর্মেন্স য়াওনা ওবজেক্তিব ক্রাইতেরিয়াদা য়ুম্ফম ওইরগা সেন্ত্রেলাইজ ওইবা মেনর অমদা লৌগনি অমসুং অগ্নিবীরশিংগী অখন্নবা বেচকী ২৫% ফাওবদি আর্মদ ফোর্সেসকী রিগ্যুলর কেদরদা এনরোল তৌহনগনি। অকুপ্পা ৱারোল য়াওবা গাইদলাইনশিং তোখাইনা ইসু তৌগনি। সেলেক্সন অসি আর্মদ ফোর্সেসকী জুরিসদিক্সনগী মখাদা খক্তা লৈ। চহি অসিদা অগ্নিবীর ৪৬,০০০ লৌগনি।

এনরোলমেন্ত অসি অখন্নবা রেলী রেকীশিং অমসুং ইন্দস্ত্রিএল ত্রেনিং ইন্সতিত্যুতশিং অমসুং নেস্নেল স্কিলস ক্বালিফিকেসন ফ্রেমৱার্ক অসিগুম্বা শক খঙলবা তেক্নিকেল ইন্সতিত্যুতশিংদগী কেম্পস ইন্তর্ভ্যুশিং পাঙথোকপগা লোয়ননা সর্ভিস অহুম অসিগী ওইবা ওনলাইন সেন্ত্রেলাইজ সিস্তেম অমগী খুত্থাংদা তৌগনি। এনরোলমেন্ত অসি ‘ওল ইন্দিয়া ওল ক্লাস’ বেসিস্তা য়ুম্ফম ওইগনি অমসুং ইলিজিবল ওইবা চহি অসি চহি ১৭.৫দগী ২১ ফাওবগী মনুংদা ওইগনি। অগ্নিবীরশিংনা মখোয়গী কেতগোরী/ত্রেদশিংগী মতুং ইন্না চৎনবা আর্মদ ফোর্সেসতা এনরোলমেন্ত তৌবগী থম্লিবা মেদিকেল ইলিজিবিলিতী কন্দিসনশিং অসি থুংহনগদবনি। অগ্নিবীরশিংগী এজুকেস্নেল ক্বালিফিকেসন অসি কেতগোরী কয়ামরুমদা এনরোলমেন্ত তৌনবগীদমক মতমগী চৎনরিবা অদুগী মতুং ইন্না ওইগনি। {খুদম ওইনা: জেনরেল দ্যুতী (জি.দি.) লান্মীদা চংনবগীদমক এজুকেসন ক্বালিফিকেসন অসি ক্লাস ১০ ওই।

***********



(Release ID: 1833918) Visitor Counter : 152