ভারতকী উপ-রাস্ত্রপতি অমসুং রাজ্য সভাগী চিয়ারমেন শ্রী এম. ভেনকিয়া নাইদুনা হায়খি লৈবাক অসিগী মাইপাক্লবা গনতন্ত্রগী খোঙচৎ অমসুং নিংতম্বা ফংবদগী লৈবাক অসিগী খুন্নাই অমসুং শেন-থুমগী অওনবশিংগী মতাংদা নিংথিনা উৎতুনা প্রাইম মিনিস্তরস মিউজম(প্রধানমন্ত্রী সংগ্রাহলয়)না লৈবাক অসিগী নাগরিক খুদিংমক চাউথোকচবা পোকহল্লে।

ঙসি শ্রী ভেনকিয়া নাইদুনা মহাক্কী লোয়নবগী শ্রীমতি উশা নাইদুগা লোয়ন্না নেহরু মেমোরিয়েল মিউজম এন্দ লাইব্রেরি(এন এম এম এল)দা লৈবা প্রধানমন্ত্রী সংগ্রাহলয় য়েংখি অমসুং হৌজিক ফাওবদা লৈরিবা ভারতকী খোঙচৎ উৎপা ওদিও-ভিজুএলগী তোঙান-তোঙানবা শক্তমশিং মিনিত ৯০ রোম য়েংখি।

ভিজিতর বুক্তা মহা্ক্কী ৱারোলশিং ইরদুনা শ্রী নাইদুনা হায়খি; “ঐখোয়গী লৈবাক্কী লুচিংবশিংগী তোঙান-তোঙানবা শক্তমশিং অমসুং ইকায়খুম্নবশিং মিউজম অসিদা উৎলি অমসুং ঐখোয়গী গনতন্ত্রগী মরুওইবা অমা ওইরিবা পুন্না হিংমিন্নবগী শক্তমগী পাউচেলশিং শন্দোক্লি। লায়রবা অমসুং লাইরিক ময়েক চত্তবা কোকহন্নবগী থবকশিংদগী হৌরগা স্পেসকী লমদা থিজিনবগী অনৌবা মাইপাকপশিং য়াওনা থবক কয়া উৎতুনা নাগরিকশিং পুক্নিং থৌগৎলি”।

নেহরু মেমোরিয়েল মিউজম এন্দ লাইব্রেরি(এন এম এম এল)গী ইজুকিউতিপ কাউন্সিলগী চিয়রমেন শ্রী ন্রিপেন্দ্র মিশ্রা অমসুং নেহরু মেমোরিয়েল মিউজম এন্দ লাইব্রেরি(এন এম এম এল)গী ইজুকিউতিপ কাউন্সিলগী ভাইস চিয়রমেন দোক্তর এ.সুরয়া প্রকাসনা প্রধান মন্ত্রী মিউজমগী তোঙান-তোঙানবা শরুকশিং শন্দোক্না তাকখি অমসুং শ্রী ভেনকিয়া নাইদুগী ৱাহংশিংগী পাউখুম পীখি।

শ্রী নাইদুনা হায়খি অনৌবা তেক্নোলোজিদা য়ুম্ফম ওইবা মিউজম্না অয়েংবশিংদা লৈবাক্কী চাউথোকচবা পোকপা হেনগৎহনগনি অমসুং লৈবাকশিংগী মরক্তা মকোক থোঙবা ঙম্নবা লৈবাক অসিনা অচৌবা খোঙথাংশিং থাংনবা মখোয়না থৌরাং তৌবা ঙমগনি।

মিউজম অসিদা মহাক্না উখিবশিং অদুগী মতাংদা শ্রী নাইদুনা ফেসবুক্তা পোস্ত অমা থাগৎখি অমসুং ইথিল পীনবা মীপুম খুদিংমক মিউজম অসি য়েংনবা অমসুং চাউথোকচবা পোক্নবা তকশিনখি।

ফেসবুক লিঙ্ককী মফম অসিদা নম্বীয়ু :- https://m.facebook.com/story.php?story_fbid=340884731548091&id=100068797016931

সিমুলেতেৎ হেলিকোপ্তর তোংদুনা তুংদা লাক্কদবা ভারতকী তোঙান-তোঙানবা অচৌবা ইনফ্রাস্ত্রকচর প্রোজেকশিং হায়বদি নেসনেল হায়ৱেজশিং, অশাংবা থোঙশিং অমসুং তন্নেলশিং, স্মার্দ সিতিশিং অমসুং লৈবাক্কী মফম কয়াদা পায়খৎলিবা অতোপ্পা অনৌবা প্রোজেকশিং য়েংবদা উপ-রাস্ত্রপতি অঙকপা পোকখি।

প্রধানমন্ত্রী মিউজম অসিদা নিংতম্বা মমাংগী মরুওইবা থৌদোকশিং, ১৮শুবা চহিচাগী তঙ্খাইদা লৈখিবা ভারতকী নুংঙাই-য়াইফবা অমসুং মতুং তারকপদা বৃতিস লৈঙাক লাকপা, সংবীধান শেমখিবা, প্রধান মন্ত্রী পন্দিৎ জৱাহরলাল নেহরুদগী হৌরগা দোক্তর মনমোহন সিংহ ফাওবগী প্রধান মন্ত্রী ১৪গী মতমদা লৈখিবা খুদোংচাদবশিং অমসুং মাইপাকপশিং উৎলি।

মিউজম অসি চহি অসিগী এপ্রিল ১৪দগী মীয়ামদা য়েংহল্লে। নেহরু মেমোরিয়েল মিউজম এন্দ লাইব্রেরি(এন এম এম এল)গী ইজুকিউতিপ কাউন্সিলগী চিয়রমেন শ্রী ন্রিপেন্দ্র মিশ্রা অমসুং নেহরু মেমোরিয়েল মিউজম এন্দ লাইব্রেরি(এন এম এম এল)গী ইজুকিউতিপ কাউন্সিলগী ভাইস চিয়রমেন দোক্তর এ.সুরয়া প্রকাস, উপ-রাস্ত্রপতিগী সেক্রেতরি শ্রী সুবরাও, এন.এম.এম.এলগী দিরেক্তর শ্রী সঞ্জিব নন্দন, প্রধান মন্ত্রী মিউজমগী চীফ কিউরেতর গৌরি কৃষ্ণন অমসুং অতৈ শক্নাইরবশিং থৌরম অদুদা শরুক য়াখি।

*****