• লৈবাক শিনবা থুংনা চত্থরিবা তিকা থাবগী খোঙজংগী মখাদা তিকা দোজ করোর ১৯৫.১৯ কাপথোকখ্রে‍
• হৌজিক ভারতকী এক্তিব কেসলোদ ৪৭,৯৯৫ লৈরি
• এক্তিব কেস ০.১১% দা লৈরি
• ফগৎলকপগী চাং ৯৮.৬৮% দা লৈরি
• হৌখিবা পুং ২৪দা মীওই ৪,৫৯২ ফগৎলক্তুনা অপুনবা ফগৎলকপা মশিং ৪,২৬,৫৭,৩৩৫ য়ৌরে
• হৌখিবা পুং ২৪দা অনৌবা কেস ৮,০৮৪ থেংনখি
• নোংমগী ওইবা পোজিতিভিতী চাং (৩.২৪%)
• চয়োলগী ওইবা পোজিতিভিতী চাং (২.২১%)
• হৌজিক ফাওবদা অপুনবা তেস্ত মশিং করোর ৮৫.৫১ তৌখ্রে; হৌখিবা পুং ২৪দা তেস্ত মশিং ২,৪৯,৪১৮ তৌখি

#Unite2FightCorona #IndiaFightsCorona

প্রেস ইনফোর্মেসন ব্যুরো

ইনফোর্মেসন অমসুং ব্রোদকাস্তিং মন্ত্রালয়

ভারত সরকার

*****

ভারতকী অপুনবা কোবিদ-১৯ ভেক্সিনেসনগী কবরেজ অসি করোর ১৯৫.১৯ হেনখ্রে

চহি কাংলুপ ১২-১৪গী ওইনা ভেক্সিনগী অহানবা দোজ করোর ৩.৫১ হেন্না কাপখ্রে

ভারতকী এক্তিব কেসলোদ অসি হৌজিক ৪৭,৯৯৫ ওইরি

হৌখিবা পুং ২৪দা অনৌবা কেস ৮,০৮৪ রিপোর্ত তৌরকখি

রিকবরী রেৎ অসি হৌজিক ৯৮.৬৮%দা লৈরি

চয়োলগী ওইবা পোজিতিবিতী রেৎ হৌজিক ২.২১% ওইরি
 

ভারতকী কোবিদ-১৯ ভেক্সিনেসন কবরেজ অসি ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না করোর ১৯৫.১৯ (১,৯৫,১৯,৮১,১৫০) হেনখ্রে। মসি সেসন ২,৫০,৫৬,৩৬৬কী খুত্থাংদা য়ৌবা ঙমখি।

চহি কাংলুপ ১২-১৪গী কোবিদ-১৯ ভেক্সিনেসন অসি মার্চ ১৬, ২০২২দগী হৌখি। হৌখিবা পুং ২৪দা এদোলেসেন্ত করোর ৩.৫১ (৩,৫১,৪৮,২৮৬)দা কোবিদ-১৯ ভেক্সিনগী অহানবা দোজ কাপখ্রে। মসিগা মান্নবা মওংদা চহি কাংলুপ ১৮-৫৯গী মনুংদা লৈবা মীওইশিংগী কোবিদ-১৯গী প্রিকোসন দোজ কাপ্পা অসি এপ্রিল ১০, ২০২২দগী হৌখি।

ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না অপুনবা মশিংগী ব্রেক-অপতা পীরিবশিং অসি য়াওরি:

ভারতকী এক্তিব কেসলোদ অসি হৌজিক ৪৭,৯৯৫দা লৈরি। এক্তিব কেসশিং অসি হৌজিক লৈবাক্কী অপুনবা পোজিতিব কেসশিং ০.১১% ওইরি।

মসিনা মরম ওইরগা ভারতকী রিকবরী রেৎ অসি ৯৮.৬৮%দা লৈরি। হৌখিবা পুং ২৪দা মীওই ৪,৫৯২ নাবা ফগৎখি অমসুং নাবা ফগৎখিবা মীওইশিংগী অপুনবা মশিং (লাইচৎনা হৌরকপদগী) অসি হৌজিক ৪,২৬,৫৭,৩৩৫ শুখ্রে।

হৌখিবা পুং ২৪দা অনৌবা কেস ৮,০৮৪ রিপোর্ত তৌরকখি।

হৌখিবা পুং ২৪দা পুন্না কোবিদ-১৯গী তেস্ত ২,৪৯,৪১৮ তৌখি। ভারতনা হৌজিক ফাওবদা অপুনবা তেস্ত করোর ৮৫.৫১ (৮৫,৫১,০৮,৮৭৯) হেন্না তৌখ্রে।

চয়োলগী অমসুং নুমিৎ খুদিংগী ওইবা পোজিতিবিতী রেৎশিংদসু চাউনা হন্থরকখি। লৈবাক্কী ওইনা হৌজিক চয়োলগী ওইবা পোজিতিবিতী রেৎ অসি ২.২১% অমসুং নোংমগী ওইবা পোজিতিবিতী রেৎ অসি ৩.২৮% ওইরি হায়না রিপোর্ত তৌরকখি।

https://pib.gov.in/PressReleasePage.aspx?PRID=1833388

রাজ্য/য়ু.তি.শিংদা লৈরিবা কোবিদ-১৯ ভেক্সিনগী অপদেৎ

রাজ্য/য়ু.তি.শিংদা ভেক্সিন দোজ করোর ১৯৩.৫৩ হেন্না পীথখ্রে

রাজ্য/য়ু.তি.শিংদা হৌজিক বেলেন্স ওইনা অমসুং য়ুতিলাইজ তৌদবা ভেক্সিন দোজ করোর ১৩.৮১ হেন্না লৈরি
 

কেন্দ্র সরকারনা লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙখৎহনবা অমদি মীৎয়েং পাকথোক চাউথোকহন্নবা ফিরেপ লৌরি‍। লৈবাক শিনবা থুংবদা কোবিদ-১৯ ভেক্সিনেসন অসি জনুৱারী ১৬, ২০২১দগী হৌখি। মীপুম খুদিংদা ভেক্সিন ফংহনবগী অনৌবা তাঙ্কক অসি জুন ২১, ২০২১দগী হৌখিবনি‍। রাজ্য অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবগীদমক্তা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে‍।

লৈবাক পুমবগী ওইবা ভেক্সিনেসন দ্রাইব অসিগী শরুক অমা ওইনা ভারত লৈঙাক্না রাজ্য অমসুং য়ু.তি.শিংদা কোবিদ ভেক্সিন লেম্না পীদুনা ঙাক্লৌ পীরি‍। মীপুম খুদিং কোবিদ-১৯ ভেক্সিন ফংহনবগী অনৌবা তাঙ্ককসিদা কেন্দ্র সরকারনা লৈবাক অসিদা লৈরিবা ভেক্সিন পুথোক্লিবা কম্পেনীশিংনা পুথোকপা ভেক্সিনগী ৭৫% লৈদুনা স্তেত অমসুং য়ু.তি.শিংদা পীগনি (লেম্না)‍।

ভারত সরকারগী (কোস্ত চেনেল লৌদনা) অমদি দাইরেক্ত স্তেত প্রোক্যুরমেন্ত কাঙলুপকী মখাদা হৌজিক ফাওবদা রাজ্য/য়ু.তি.শিংদা ভেক্সিন দোজ করোর ১৯৩.৫৩ (১,৯৩,৫৩,৫৮,৮৬৫) হেন্না ফংহনখ্রে‍।

রাজ্য/য়ু.তি.শিংদা কাপ্ননবা লেমহৌরিবা অমদি শীজিন্নদ্রিবা কোবিদ ভেক্সিন দোজ করোর ১৩.৮১ (১৩,৮১,৪৮,৯৬৫) হেন্না লৈরি‍।

https://pib.gov.in/PressReleasePage.aspx?PRID=1833375

কেন্দ্রগী হকশেল মন্ত্রী দা. মনসুখ মন্দাবিয়ানা রাজ্যগী হকশেল মন্ত্রীশিংগা ৱারী শাখ্রে; “হরঘরদস্তক ২.০”গী মখাদা হৌজিক লৈরিবা ফীভম অমসুং খোঙজেল য়েংশিনখ্রে

রাজ্যশিংদা স্কুল কারিবা অঙাংশিংগী কোবিদ ভেক্সিনেসন কবরেজ অমসুং অহল ওইরবশিংগী প্রিকোসন দোজ কাপথোকপা হেনগৎহন্নবা মীৎয়েং চংনবা হায়খ্রে

কোবিদ অসি লোইদ্রি; রাজ্য খরদা কোবিদ কেসশিং ৱাংখৎলকপা অসিগা লোয়ননা চেকশিনবা অমসুং কোবিদ এপ্রোপ্রিএৎ বিহেবিয়র (সি.এ.বি.) কাউদবা হায়বা অসি মরু ওই: দা. মন্সুখ মন্দাবিয়া

রাজ্য/য়ুতি.শিংদা সর্ভিলেন্স মখা চত্থনবা অমদি মপাঙ্গল কনখৎহন্নবা অমসুং জিনোম সিক্বেন্সিংদা মীৎয়েং চংনবা হায়খ্রে
 

“কোবিদ অসি লোইদ্রি। রাজ্য খরদা কোবিদ কেসশিং ৱাংখৎলকপা অসিগা লোয়ননা তানফম অসিদা চেকশিনবা অমসুং লাইনা অসি শন্দোকপা থিংনবা মাস্ক উপ্পা অমদি ফিজিকেল দিস্তেন্স থম্বা অসিগুম্বা কোবিদ এপ্রোপ্রিএৎ বিহেবিয়র (সি.এ.বি.) কাউদবা হায়বা অসি মরু ওই”। ৱাফম অসি হরঘরদস্তক ২.০ কেম্পেনগী চত্থরিবা তীকা থাদোকপগী খোঙজেল অসি য়েংশিন্নবা রাজ্যশিং অমদি য়ুনিয়ন তেরিরোরীশিংগী হকশেল মন্ত্রীশিং অমসুং মকোক থোংবা ওফিসিএলশিংগা লোয়ননা ঙসি ভিদিও কনফরেন্সকী থোংদা কেন্দ্রগী হকশেল অমসুং য়াইফ-য়ুম্বাল মন্ত্রী, দা. মনসুখ মন্দাবিয়ানা ময়াই তাংবল লৌদুনা পাঙথোকপা মীফম অমদা মহাক্না ফোঙদোকখি।

জিলা অমসুং রাজ্য খরদা পোজিতিব কেস হেনগৎলকপা অমসুং কোবিদ-১৯ তেস্ত তৌবা হন্থরকপা অসি য়েংলগা দা. মনসুখ মন্দাবিয়ানা তেস্ত তৌবা হেনগৎলকপা অমসুং মতম চানা তৌবা অসিনা কোবিদ কেসশিং ঙন্না খঙদোকপা ঙমহনগনি অমসুং মীয়ামগী মরক্তা লাইনা শন্দোকপা থিংবদা মতেং পাংগনি। মহাক্না রাজ্য/য়ু.তি.শিংনা সর্ভিলেন্স মখা চত্থনবা অমদি মপাঙ্গল কনখৎহন্নবা অমসুং লৈবাক অসিদা অনৌবা ম্যুতেন্ত/ভেরিয়েন্তশিং মশক খঙদোক্নবগীদমক জিনোম সিক্বেন্সিংদা মীৎয়েং চংনবা হায়খ্রে। মহাক্না তেস্ত, ত্রেক, ত্রীৎ, ভেক্সিনেসন অমসুং কোবিদ এপ্রোপ্রিএৎ বিহেবিয়র (সি.এ.বি.) ঙাক্না চৎপগী মরোং মঙা লোংবা লাংলো অসি মখা চত্থবা থৌ তাই অমসুং রাজ্য/য়ু.তি.শিংনা য়েংনিনবা মথৌ তাই হায়না ফোঙদোকখি।

অকুপ্পা ৱারোলগীদমক:- https://pib.gov.in/PressReleasePage.aspx?PRID=1833528

****