প্রধানমন্ত্রীগী লোইশঙ
প্রধান মন্ত্রীনা অহমেদাবাদকী ভোপালদা লৈবা ইন-স্পেসকী ময়াই লোইশঙ শঙ্গাখ্রে
ইন-স্পেস লোঞ্চ তৌখিবা অসি ভারতকী স্পেস ইন্দস্ত্রীগী ‘ৱাৎচ দিস স্পেস’কী পুংফম অমনি
“ইন-স্পেস অসি স্পেসকীনি, ইন-স্পেস অসি পেসকীনি, ইন-স্পেস অসি এসকীনি”
“প্রাইভেত সেক্তরনা ভেন্দর অমখক ওইনা লৈররোই, মসিনা স্পেস সেক্তরদা অচৌবা ৱিন্নর অমগী থৌদাং লৌগনি”
“সরকারগী স্পেস ইন্সতিত্যুসনগী পাঙ্গল অমসুং ভারতকী প্রাইভেত সেক্তরগী থৱাই য়াওবগী মতৌগা উন্নবা মতমদা, অতিয়া ফাওবা মনিংদা লৈহৌগনি”
“ঐখোয়গী নহারোলশিংগী পান্দম ফংনবা থবক পায়খৎপা মতমদা মখোয়গী মমাংদা সরকারগী পাম্বৈশিংগী কন্দিসন খক থম্বা ঙসিদি য়াররোই”
“ঐখোয়গী স্পেস মিসন্না ৱাখল্লোন খেন্নবগী থৌওংদগী ৱাংমা লানখ্রে অমসুং লৈবাক মীয়ামগী মিসন ওইরে”
“আই.এস.আর.ও.না মশক নাইরবা অওনবা পুরকপগীদমক্তা মহৈ পুম্নমক ফংফম থোকই”
“ভারতকী স্পেস প্রোগ্রাম্না আত্মানির্ভর অভিয়ানগী খ্বাইদগী চাউবা শক্তাক ওইরি”
“ভারতনা মালেমগী স্পেস ইন্দস্ত্রীদা মশাগী শরুক হেনগৎফম থোকই অমসুং মসিদা প্রাইভেত সেক্তরনা অচৌবা থৌদাং য়াগনি”
“ভারতনা ন্যু ইন্দিয়ন স্পেস পোলিসী অমদা থবক তৌরি অমসুং পোলিসী অসিদি স্পেস সেক্তরদা কারবার তৌবা লাইহন্নবনি”
“গুজরাতনা লৈবাক অমসুং মালেমগ
Posted On:
10 JUN 2022 6:22PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি অহমেদাবাদকী ভোপালদা লৈবা ইন্দিয়ন নেস্নেল স্পেস প্রোমোসন অমসুং ওথোরাইজেসন সেন্তর (ইন-স্পেস)কী ময়াই লোইশঙ শঙ্গাখ্রে। থৌরম অসিদা ইন-স্পেস অমসুং স্পেস্তা য়ুম্ফম ওইবা এপ্লিকেসন অমসুং সর্ভিসেসকী হীরমদা থবক তৌবা প্রাইভেত কম্পেনীশিংগী মরক্তা এম.ও.য়ু. অমসু খুৎয়েক পীনখি। স্পেস সেক্তরদা প্রাইভেত এন্তিতীশিংবু পুক্নিং থৌগৎপা অমসুং থবক তৌবা য়াহনবনা স্পেস শেক্তরদা অচৌবা শাফু পীগনি অমসুং ভারতকী তেলেন্ত লৈরবা নহাশিংগী মফমদা খুদোংচাবা কয়া অমসু পীগনি। কেন্দ্র মন্ত্রী, শ্রী অমিত শাহ, গুজরাতকী মুখ্য মন্ত্রী, শ্রী ভুপেন্দ্র ভাই পতেল অমসুং স্পেস ইন্দস্ত্রীগী মীহুতশিংনা অতোপ্পা মীথুংলেনশিংগা লোয়ননা থৌরম অসিদা শরুক য়াখি।
প্রধান মন্ত্রীনা ঙসিগী তিল্লীবা মীয়ামদা ৱা ঙাঙবদা ২১শুবা চহি-চাগী অনৌবা ভারতকী চাউখৎ-থৌরাংগী খোঙচত্তা ফজরবা তাঙ্কক অমা হাপ্লে হায়রদুনা লৈবাক মীয়াম, ইন-স্পেসকী ময়াই লোইশঙগী সাইন্তিফিক কম্ম্যুনিতী থাগৎখি। প্রধান মন্ত্রীনা ইন-স্পেস হৌদোকপগী থৌরম্বু ভারতকী স্পেস ইন্দস্ত্রীগী ‘ৱাৎচ দিস স্পেস’ হায়না মিংথোনখি, মিংথোনখিবগী মরমদি মসিনা চাউখৎ-থৌরাং অমসুং খুদোংচাবা কয়াগী মমাংগী থাক ওইবননি। মহাক্না হায়খি, “ইন-স্পেসনা ভারতকী নহারোলশিংনা মখোয়গী তেলেন্তপু ভারতকী খ্বাইদগী লিংবা ৱাখল্লোন কয়াগী মমাংদা উৎপগী খুদোংচাবা পীগনি। মখোয়না সরকার নত্ত্রগা প্রাইভেত সেক্তরদা থবক তৌবা ওইরবসু, ইন-স্পেসন মীপুম খুদিংগী খুদোংচাবা পীগনি”। “ইন-স্পেসনা ভারতকী স্পেস ইন্দস্ত্রীদা অচৌবা অহোংবা পুরকপগী মতিক লৈ। মসিনা মরম ওইরগা ঐহাক্না ‘ৱাৎচ দিস স্পেস’ হায়রিবনি। ইন-স্পেস অসি স্পেসকীনি, ইন-স্পেস অসি পেসকীনি, ইন-স্পেস অসি এসকীনি”, হায়না মহাক্না শন্দোক্না পাউদমখি।
প্রধান মন্ত্রীনা শাংলবা মতম কয়াদগী, প্রাইভেত সেক্তরবু ভেন্দর অমখক্নি হায়না উরম্মি, অসিগুম্বা পথাপ অসিনা ইন্দস্ত্রী অসিদা প্রাইভেত সেক্তরগী চাউখৎ-থৌরাংবু থীন্থদুনা থম্লম্মি হায়খি। প্রধান মন্ত্রীনা অচৌবা ৱাখল্লোন খক্তনা মায় পাকপা মীওই শেম্মি হায়খি। স্পেস ইন্দস্ত্রীদা রিফোর্ম পুরক্তুনা, অথিংবা কয়াদগী মনীং তমহন্দুনা, ইন-স্পেসকী খুত্থাংদা প্রাইভেত ইন্দস্ত্রীশিংবু শৌগত্তুনা লৈবাক অসিনা মায় পাকপা মীওই শেম্বগী কেম্পেন হৌরে। প্রাইভেত সেক্তরনা ভেন্দর অমখক ওইনা লৈররোই, মসিনা স্পেস সেক্তরদা অচৌবা ৱিন্নর অমগী থৌদাং লৌগনি। সরকারগী স্পেস ইন্সতিত্যুসনগী পাঙ্গল অমসুং ভারতকী প্রাইভেত সেক্তরগী থৱাই য়াওবগী মতৌগা উন্নবা মতমদা, অতিয়া ফাওবা মনিংদা লৈহৌগনি হায়না মহাক্না মখা তাখি।
প্রধান মন্ত্রীনা মমাংগী পথাপশিংদা ভারতকী নহাশিংনা মখোয়গী মতিক ফুদোক্নবা খুদোংচাবা ফংলমদে হায়না ফোংদোকখি। ভারতকী নহাশিংনা ইন্নোভেসন, ইনর্জী অমসুং অনৌবা থিদোকপগী ইথিলবু মশাগা লোয়নৈ। মতমগী মতুং ইন্না অথিংবা অমসুং কাংলোনগী মরক্তা লৈবা খেন্নবা কাওথোকখিবসি লাইবক থীবনি। ঐখোয়গী নহারোলশিংগী পান্দম ফংনবা থবক পায়খৎপা মতমদা মখোয়গী মমাংদা সরকারগী পাম্বৈশিংগী কন্দিসন খক থম্বা ঙসিদি য়াররোই হায়না প্রধান মন্ত্রীনা মরু ওইবা মিৎয়েং চঙখি। অসিগুম্বা অথিংবা থম্লম্বগী য়ুগ ঙসিদি লোইখ্রে অমসুং সরকারনা ঐখোয়গী নহারোলশিংগী লম্বীদগী অসিগুম্বা অথিংবশিং লৌথোক্লি হায়না মহাক্না শন্দোক্না পাউদমখি। দিফেন্স প্রদক্সন হাংদোকপা, মোদর্ন দ্রোন পোলিসী, জিও-স্পেসিএল দেতা গাইদলাইন অমসুং আই.তি./তেলিকোম সেক্তরদা য়ুমদগী থবক তৌবা য়াবগী খুদোংচাবশিংবু মহাক্না সরকারগী ৱাখল্লোনগী খুদম ওইনা পীখি। লৈবাক্কী প্রাইভেত সেক্তরনা লৈবাক মীয়ামগী পুন্সি মহিংদা লাইথোকহন্নবা মান্ননা তেংবাংবা ঙম্নবগীদমক্তা ভারতকী প্রাইভেত সেক্তরগীদমক্তা কারবার তৌবদা লাইহনবগী য়ারিবমখৈ চাউবা অকোয়বগী ফিভম শেম্নবা সরকারনা কন্না হোৎনরি হায়না প্রধান মন্ত্রীনা হায়খি।
প্রধান মন্ত্রীনা “মীওই অমনা সাইন্তিস্ত অমা নত্ত্রগা লৌমী-শিন্মী ওইগেরা, সাইন্সকী থৌওং খঙগেরা নত্ত্রগা খঙলোইগেরা, হীরমশিং অসিগী ৱাংমা লান্থোক্তুনা, ঐখোয়গী স্পেস মিসন্না লৈবাক্কী মীয়ামগী মিসন ওইরবনি। ভারতকী মীয়াম্না অসিগুম্না থৱাই য়াওনা অমত্তা ওইবা অমসুং শৌগৎপগী থৌওং ঐখোয়না মিসন চন্দ্রয়ানগী মনুংদা উবা ঙমখি” হায়খি। প্রাইভেত কম্পেনী ৬০ হেনবনা থাক ৱাংনা শেম-শাদুনা লৈবাক্কী স্পেস সেক্তর লুচিংবা উবদা নুংঙাইবা ফাওই হায়না মহাক্না ফোংদোকখি। লৈবাক্কী স্পেস সেক্তরদা অসিগুম্বা অহোংবা পুংফম পুরক্লিবা অসি আই.এস.আর.ও.ননি হায়না মহাক্না হায়খি। স্পেস সেক্তর হাংদোকপগী খোঙথাংগী মরু ওইববু মহাক্না অমুক্কা হন্না পল্লদুনা খোঙথাং অসিগী খঙ-হৈবা মতৌ অমসুং পুক্নিং চেৎপগী মহৈবু আই.এস.আর.ও.গী মফমদা পীখি। “ভারতকী স্পেস প্রোগ্রাম্না আত্মানির্ভর অভিয়ানগী খ্বাইদগী চাউবা শক্তাক ওইরি”, হায়না মহাক্না হায়খি।
“স্পেস-তেক্না ২১শুবা চহি-চাগী অচৌবা ইহৌ অমগী য়ুম্ফম ওইগনি। স্পেস-তেক্না অথাপ্পা স্পেস খক্কী তেক্নোলোজী ওইবদগী হেন্দোক্তুনা ঐখোয়গী ইশাগী স্পেসকী তেক্নোলোজী অমসু ওইগনি”, হায়না প্রধান মন্ত্রীনা ফোংদোকখি। স্পেস তেক্নোলোজীদা কান্নবা কয়া ফংলিবশিংবু লৈবাক্কী মীয়াম্না শিজিন্নবা য়াহন্নবগীদমক্তা ইন-স্পেসনা লেপ্তনা হোৎনবগী মথৌ তারি হায়না মহাক্না হায়খি। প্রাইভেত স্পেস কম্পেনীশিংনা খোম্লিবা দেতাশিংনা তুংগী মতমদা মখোয়গী মফমদা অচৌবা পাঙ্গল অমা পীগনি হায়না প্রধান মন্ত্রীনা হায়খি। মালেমগী স্পেস ইন্দস্ত্রীগী অপুনবা ভেল্যু অসি য়ু.এস. দোল্লর বিলিয়ন ৪০০নি হায়না পানরি অমসুং মসিনা ইং ২০৪০ ফাওবদা ত্রিলিয়ন দোল্লর ১গী ইন্দস্ত্রী ওইরগনি হায়না মহাক্না হায়খি। মহাক্না ভারতনা মালেমগী স্পেস ইন্দস্ত্রীদা মশাগী শরুক হেনগৎফম থোকই অমসুং মসিদা প্রাইভেত সেক্তরনা অচৌবা থৌদাং য়াগনি হায়খি। প্রধান মন্ত্রীনা স্পেস তুরিজম অমসুং স্পেস দিপ্লোমেসীগী হীরমদা ভারতকী অচৌবা থৌদাং উবা ঙম্মি হায়খি। ঐখোয়গী লৈবাক্কী মশিং নাইদবা তৌবা ঙম্বা লৈ, অদুবু অকক্ননা হোৎনবনা চাং লৈতবা খুদোংচাবা ফংবা ঙম্লোই হায়না মহাক্না মিৎয়েং চঙখি। স্পেস সেক্তরদা হৌজিক পাংথোক্লিবা রিফোর্ম্না অয়েৎপা লৈতনা পাংথোক্কনি হায়না মহাক্না মীয়ামদা থাজবা পীখি। প্রাইভেত সেক্তরশিংগী ৱারোল তাগদবনি, খঙবীগদবনি অমসুং কারবারগী ওইথোকপা য়াবশিংবু নীংথিজনা নৈনগদবনি, মসিগীদমক্তা মপাঙ্গল লৈবা মেকানিজম অমা শেম্লে হায়না প্রধান মন্ত্রীনা হায়খি। ইন-স্পেসনা প্রাইভেত সেক্তরগী তঙাই ফদবা খুদিং য়েংশিন্নবা সিঙ্গল ৱিন্দো, মনীং তম্বা নোদেল এজেন্সী অমা ওইনা মথৌ তৌগনি।
সরকারগী কম্পেনী, স্পেস ইন্দস্ত্রী, স্তার্তঅপ অমসুং ইন্সতিত্যুসনশিংগী মরক্তা পাউ ফাওনদুনা তেংবাংনবা য়াহন্নবা ভারতনা হৌজিক ন্যু ইন্দিয়ন স্পেস পোলিসী অমদা থবক তৌরি। ঐখোয়না স্পেস সেক্তরদা কারবার তৌবা লাইহন্নবা পোলিসী অমা অথুবা মতমদা পুরক্লগনি হায়না প্রধান মন্ত্রীনা পাউদমখি।
মীওইবা খুন্নাইগী তুংগী পুন্সি, মসিগী চাউখৎ-থৌরাং...মসিগীদমক্তা লাক্কদৌরিবা মতমদা খ্বাইদগী ইথিল পীগদবা লম অনি লৈরি, মখোয়শিং অদুদি সমুদ্র অমসুং স্পেসনি হায়না মহাক্না হায়খি। ভারতনা লম অনিসিদা থেংথবা তৌদনা মাংজিল থানা চঙশিনবগী তঙাই ফদবা লৈরে হায়না মহাক্না হায়খি। ভারতনা হীরম অসিদা পায়খৎলিবা থবকশিংগী মতাংদা মীয়ামদা খঙহনবগী তঙাই ফদবা লৈ হায়না মহাক্না হায়খি। হীরম অসিদা স্কুলশিংগী অতল তিঙ্করিং লেবনা অচৌবা থৌদাং লৌরি হায়না পাউদমখি অমসুং মীয়াম্না শ্রীহরিকোতাদা সেতিলাইত থাগৎপা য়েংনবা মীওই লিশিং ১০ চনবা ভ্যুইং গেল্লরী অমা শাবগী থৌদাংসু লৌখি।
গুজরাতনা লৈবাক অমসুং মালেমগী থাক্তা লৈবা অচৌবা ইন্সতিত্যুসন কয়াগী ময়োল অমা য়াম্না থুনা ওইরক্লিবা অসিদা প্রধান মন্ত্রীনা নুংঙাইবা ফোংদোকখি। মহাক্না জাম্নগরগী দবল্যু.ঐচ.ও. গ্লোবেল সেন্তর ফোর ত্রেদিস্নেল মেদিসিন, রাস্ত্রিয় রকশা য়ুনিভর্সিতী, পন্দিত দীন্দয়াল ইনর্জী য়ুনিভর্সিতী, নেস্নেল ইন্নোভেসন ফাউন্দেসন, চিলদ্রেন্স য়ুনিভর্সিতী, ভাস্করচার্য় ইন্সতিত্যুত ফোর স্পেস এপ্লিকেসন অমসুং জিও-ইনফোর্মেতিক্স –বি.আই.এস.এ.জি., অদুগা হৌজিক্না ইন-স্পেসকী মমিং হায়খি। মহাক্না ভারত পুম্বগী নহারোলশিং, মরু ওইনা গুজরাতকী নহারোলশিংনা ইন্সতিত্যুসনশিং অসিগী অরৈবা খুদোংচাবা খুদিংমক লৌসি হায়খি।
ইন-স্পেস লিংখৎপগী ৱারোল অসি জুন ২০২০দা লাউথোকখিবনি। মসিদি সরকার অমসুং প্রাইভেত এন্তিতীশিংগী স্পেসকী থবক-থৌরমশিং খুমাং চাউশিলহনবা, পুক্নিং থৌগৎপা অমসুং কাংলোন ঙাক্নবা স্পেস বিভাগকী মনুংদা লৈবা ওতোনোমস অমসুং সিঙ্গল ৱিন্দো নোদেল এজেন্সী অমনি। মসিনা প্রাইভেত এন্তিতীশিংদা আই.এস.আর.ও.গী ফেসিলিতীশিং শিজিন্নবগী খুদোংচাবা পীগনি।
***
(Release ID: 1833016)
Visitor Counter : 183
Read this release in:
Malayalam
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu