نیشنل آیوروید ریسرچ انسٹی ٹیوٹ برائے پنچکرما (این اے آرآئی پی )، چیروتھوروتھی، تھریسور، کیرالہ کے شعبہ حیاتیاتی کیمیا اور پیتھالوجی کو اس کی طبی لیبارٹری خدمات کے لیے این اے بی ایل  ایم (ای ایل ) ٹی ایکریڈیشن کی منظورحاصل ہوگئی  ہے۔ این اے آرآئی پی حکومت ہند کی وزارت آیوش کا   آیورویدک سائنسز میں مرکزی کونسل برائے تحقیق کے تحت ایک اہم تحقیقی ادارہ ہے۔ سی سی آراے ایس  کے تحت یہ پہلا ادارہ ہے جس نے اپنی کلینیکل لیبارٹری خدمات کے لیے این اے بی ایل  کی منظوری حاصل کی ہے ۔ پروفیسر رابی نرائن اچاریہ، ڈائرکٹر جنرل، سی سی آر اے ایس نے 7 جون 2022 کو اس موقع پر کونسل کے سینئر عہدیداروں کی موجودگی میں منعقدہ ایک پروگرام کے دوران این اے بی ایل  کی تسلیم شدہ لیب کا افتتاح کیا۔ پروگرام کی صدارت ڈاکٹر ڈی سدھاکر، ڈائریکٹر، این اے آرآئی پی نے کی۔ این اے آرآئی پی کے تمام عہدیداران نے افتتاحی پروگرام میں شرکت کی۔

اجتماع سے خطاب کرتے ہوئے ڈائریکٹر جنرل نے بتایا کہ لیبارٹری ایکریڈیٹیشن ایک ایسا طریقہ کار ہے جس کے ذریعے ایک مستند ادارہ تھرڈ پارٹی اسیسمنٹ اور بین الاقوامی معیارات کی بنیاد پر مخصوص ٹیسٹوں/ پیمائشوں کے لیے تکنیکی قابلیت کی باضابطہ شناخت دیتا ہے۔ یہ سرٹیفیکیشن نیشنل ایکریڈیٹیشن بورڈ فار ٹیسٹنگ اینڈ کیلیبریشن لیبارٹریز کے ذریعے فراہم کیا جاتا ہے۔ این اے آرآئی پی کی ٹیم کی کوششوں کا اعتراف کرتے ہوئے، پروفیسر اچاریہ نے مزید کہا، ‘‘میں اس ادارے کے تمام افسران اور عملے کو این اے بی ایل کی منظوری حاصل کرنے کے لیے ان کی لگن اور مسلسل کوششوں کے لیے مبارکباد پیش کرتا ہوں۔ مجھے امید ہے کہ  یہ ٹیم بہت اچھا کام کرتی رہے گی۔‘‘

این اے بی ایل میڈیکل (انٹری لیول) ٹیسٹنگ لیبز کا سرٹیفکیٹ این اے آرآئی پی - ڈیپارٹمنٹ آف بائیو کیمسٹری اینڈ پیتھالوجی کو 14 اپریل 2022 کو جاری کیا گیا ہے۔ لیبارٹری کی یہ منظوری  اس بات کو یقینی بناتی ہے کہ شہریوں کو خاص طور پر دیہاتوں، چھوٹے علاقوں میں رہنے والوں کے لیے صحت کی معیاری خدمات حاصل ہوں۔ ایک آیوروید ریسرچ انسٹی ٹیوٹ کے طور پر، اس تسلیم شدہ لیب سے جاری کردہ سائنسی ڈیٹا سائنسی کمیونٹیز کے درمیان اس کی درستگی اور درستگی کے لیے اعتماد فراہم کرتا ہے۔ حکام کے مطابق، ایک سال میں این اے آرآئی پی کی اوپی ڈی /آئی پی ڈی خدمات میں شرکت کرنے والے تقریباً 80,000 افراد کی بڑی تعداد کو دیکھتے ہوئے ایکریڈیشن اہم ہے۔ اس کے علاوہ، سائنسی برادریوں کے ارکان بشمول متنوع تحقیقی منصوبوں، آؤٹ ریچ میڈیکل کیمپس وغیرہ پر کام کرنے والے بھی تسلیم شدہ لیبز سے مستفید ہوتے ہیں۔ بائیو کیمسٹری کے اسسٹنٹ ڈائریکٹر ڈاکٹر این تھمیز سیلوم نے بتایا کہ لیبارٹری جدید آلات سے لیس ہے جیسے کہ مکمل طور پر خودکار بائیو کیمسٹری اینالائزر، مکمل خودکار ہیماٹولوجی اینالائزر، ای ایل آئی ایس اے سسٹمز مع وقفہ  جاتی کیلیبریشن۔

**********

)ش ح ۔  اک۔ ع آ)

u-6242