ইনভাইরনমেন্তকা মরী লৈনবা হীরম কয়াগী মতাংদা মীয়ামদা হেন্না খঙহন্নবগীদমক্তা মালেম শিনবা থুংবদা চহি খুদিংগী ওইনা জুন ৫বু ৱর্ল্দ ইনভাইরনমেন্ত দে হায়না পাংথোক্লি।

য়ুনিভর্স অসিদা গেলেক্সী বিলিয়ন কয়া লৈরিবা অমসুং ঐখোয়গী গেলেক্সী অসিদা গ্রহ বিলিয়ন কয়া লৈরি, অদুবু পৃথীবিদি অমখক ওইবনা মরম ওইরগা “মহৌশা ইমাগা নুংশি চান্ননা তুং কোইনা হিংমিন্নবা” হায়বা ৱাফমদা মিৎয়েং চঙবগা লোয়ননা হন্দক্কী চহিগী ইনভাইরনমেন্ত দেগী কেম্পেন স্লোগান্না “অমখক লৈবা পৃথীবি” ওইরি। ইমাপৃথীবি অসি ঐখোয়গী লৈফম্নি অমসুং মীয়াম খুদিংগী নুংঙাইগদবা অকোয়বগী ফিভম অমা লৈহন্নবগীদমক্তা মীশিং হেনগৎলকপগী থৌওং থিংফম থোকপনা মরম ওইরগা ঐখোয়না পাংথোকপা থবক খুদিংদা মান্নবা পান্দম অসিমক থমগদবনি।

চহি খুদিংগী পাংথোকপগুম্না, ইন্দিয়ন রেলৱেজনা হন্দক্কী চহিগী ৱর্ল্দ ইনভাইরনমেন্ত দেগী থীমগা মরী লৈনহন্দুনা অমসুং চুনবা মওংদা জুন ৫, ২০২২দা ৱর্ল্দ ইনভাইরনমেন্ত দে পাংথোক্লি।

রেলৱেজ অসিদি বল্ক ত্রান্সপোর্তেসনগী অকোয়বগী ফিভমগা চুনবা পাম্বৈ অমনি। রেলৱেজনা ইনভাইরনমেন্ত ঙাক-শেন্নবগীদমজক্তা পোল্ল্যুসন/জি.ঐচ.জি. থাদোকপা, রিসোর্স অমসুং ইনর্জী ইফিসিএন্সীগী থৌওং পুক্নিং থৌগৎপা অমসুং তুং কোইনা চৎপগী ৱাখল্লোন্দা তেংবাংবগী থৌওংগা লোয়ননা ইনভাইরনমেন্ততা অফবা শাফু পীবা মরু ওইবা খোঙথাং কয়া লেপ্তনা পায়খৎলি। মসিগুম্বা খোঙথাং খরা মখাদা শম্লপ্না পীরিঃ

• নেতৱর্ক ওগমেন্তেসন অমসুং দেদিকেতেদ ফ্রৈত কোরিদোর (দি.এফ.সি.) শেমগৎপগী খুত্থাংদা কংফালদা য়ুম্ফম ওইবা ফ্রৈত ত্রান্সপোর্ত অপুনবদা রেলৱেগী মোদেল শেয়র হেনগৎপা
• ইনর্জী ইফিসিএন্ত তেক্নোলোজী অমসুং অমসুং এল.ই.দি. শিজিন্নবগুম্বা ইনর্জী ইফিসিএন্ত খোঙথাংশিংগী খুত্থাংদা ইনর্জী ইফিসিএন্সী হেনগৎহনবা
• ইনর্জী মিস্কতা রিন্যুএবল ইনর্জী শেয়র হেনগৎহনবা
• সি.এন.জি.গুম্বা অতোপ্পা মখলগী ফুএল শিজিন্নবা
• ৱাতর রিসাইক্লিং অমসুং নোংগী ঈশিং য়োকশিনবগুম্বা থৌওং শিজিন্নদুনা ঈশিং নীংথিনা শিজিন্নবগী থৌওংদা হেন্না ফগৎহনবা।
• রেলৱেগী লমশিংগী কার্বন সিঙ্ক হেনগৎহন্নবা উমং য়োকখৎপা।
• বি.জি. কোচকী অপুনবা ফ্লীত্তা বাইও তোইলেত থম্বা।
• ইন্দস্ত্রীএল য়ুনিত, রেলৱে স্তেসন অমসুং রেলৱেগী অতোপ্পা মফমশিংবু গ্রীন সর্তিফিকেসন তৌবা।
• ইনভাইরনমেন্ত মেনেজমেন্ত সীস্তেম (ই.এম.এস.): রেলৱে স্তেসনশিংবু আই.এস.ও. ১৪০০ সর্তিফিকেসন তৌহনবা।
• সি.পি.সি.বি.দগী রেলৱে স্তেসনশিংগী কন্সেন্ত তু ওপরেত (সি.তি.ও.)/কন্সেন্ত তু ইস্তাব্লিশ (সি.তি.ই.) লৌবা।
• সোলিদ ৱেস্ত মেনেজমেন্ত।

জুন ১, ২০২২দা বর্লিন্দা পাংথোকপা অচৌবা থৌরম অমদা ইন্দিয়ন রেলৱেজপু কে.ভি. ২৫ এ.সি. ত্রেক্সন সীস্তেমদা সোলর ইনর্জী হকথেংননা পীবগীদমক্তা “জিরো কার্বন তেক্নোলোজী খ্বাইদগী নীংথিজনা শিজিন্নবা”গী কাঙলুপ্তা হন্দক্তা য়ু.আই.সি. ইন্তর্নেস্নেল সস্তেনেবল রেলৱে এৱার্দ (আই.এস.আর.এ.) পীখ্রে।

******