জুন ৫, ২০২২-ৱার্ল্দ ইনভাইরোনমেন্ত দে লাকপদা, লৈবাক অসি শিঙ্গল য়ুজ প্লাস্তিক(এস য়ু পি) শীজিন্নবা লেপ্নবা অমসুং “ক্লিন এন্দ গ্রিন” ৱারেপকী মখাদা অকোয়বগী ফিবম ফগৎহনবদা মতেং পাংনবা রাজ্যশিং/য়ু.তিশিং অমসুং অর্বান লোকেল বোদিশিংনা লৈবাক শীনবা থুংনা কেম্পেনগী মওংদা থবক পায়খৎলগনি। হৌখিবা মে ২৯, ২০২২দা লৈবাক্কী মীয়ামদা পীখিবা প্রধান মন্ত্রী শ্রী নরেন্দ্র মোদীগী ৮৯শুবা মন কি বাতকী ৱারোলদা ৱার্ল্দ ইনভাইরোনমেন্ত দে লাকপদা উ থানবা অমসুং লম-তু শেংবগী থবক পাংথোক্নবা মহাক্না মীয়ামদা খঙহনখিবা অদুগী শরুক অমা ওইনা থবক অসি পায়খৎলকপনি।

ৱার্ল্দ ইনভাইরোনমেন্ত দেগী ৱারেপ অমসুং জুন ৩০, ২০২২ ফাওবগী মনুংদা এস.য়ু.পি থিংনবা ভারতনা লৌখিবা ৱারেপ অনিগী মতুংইন্না হায়রিবা ৱারেপশিং অসি থবক ওইনা পাংথোক্নবা হাওসিং অমসুং অর্বান এফেয়ার্স মিনিস্ত্রিনা রাজ্যশিং অমসুং য়ু.তিশিং অকুপ্পা মরোলশিং খঙহনখ্রে। পায়খৎকদবা থবকশিংগী মনুংদা লম-তু শেংবা, প্লাস্তিক্কী অমোৎপশিং খোমজিনবা, পাক-শন্না উ চারা থাবা য়াওরি অমসুং খোঙজং অসিদা মহৈরোয়শিং, লনাই লুপশিং, সেল্ফ হেল্প গ্রুপশিং, এন.জি.ওশিং, এন.এস.এস কেদেৎশিং, আর.দব্লিউ.এশিং, কৈথেলগী লুপশিং অমসুং কোর্পোরেতশিং শরুক য়াগনি।

লৈবাক শীনবা থুংনা এস.য়ু.পি থিংনবা পীখিবা পাউতাক অদুদা থবক ওইনা পাংথোক্কদবা ৱাফম কয়া য়াওরি। মিনিস্ত্রিনা হৌজিক পায়খৎলিবা শ্বাছ ভারত মিসন-অর্বান ২.০গী মখাদা প্লাস্তিক্কী অমোৎপা লোইশিনবা অমসুং এস.য়ু.পি শীজিন্নবা থিংবদা অকনবা মীৎয়েং থম্লি। মিসন অসিগী মখাদা, অমোৎপা হুন্দোকফম নত্ত্রগা তুরেল অমসুং পাৎশিংদা প্লাস্তিক থাদবা হন্থহন্নবা অর্বান বোদিশিংনা অমোৎপশিং মকোক্তগী হৌনা চাদা ১০০ প্লাস্তিক খন্দোক্নবা অমসুং প্লাস্তিক খন্দোক্নবা মেতেরিএল রিকোভরি ফেকসিলিতি(এম আর এফ)কী খুদোংচাবা ফংহনবা দরকার ওইরে।

সেন্ত্রেল পোল্লুসন কন্ত্রোল বোর্দ অমসুং এম.ও.ই.এফ অমসুং সি.সিগী পাউতাকশিং মতুংইন্না, অর্বান লোকেল বোদি ২,৫৯২(বোদি ৪,৭০৪গী মনুংদা)না মাঙজৌন্না এস.য়ু.পি থিংনবা নোতিস থোকখ্রে। লেমহৌরিবা য়ু.এল.বি ২,১০০ হেনবনা জুন ৩০, ২০২২ ফাওবগী মনুংদা প্লাস্তিক শীজিন্নবা থিংনবা নোতিস থোক্নবা রাজ্যশিং অমসুং য়ু.তিশিংনা থবক পায়খৎপা দরকার ওইরে। এস.য়ু.পি য়াম্না লংথোকপা মফমশিং য়ু.এল.বিশিংনা মশক খঙদোকপা দরকার ওই অমসুং মখোয় লৈহল্লোইদবনি অমসুং মপুংফানা এস.য়ু.পি শীজিন্নবা থিংনবা খুদক্তা য়েংশিন্নবা অমসুং ফাইন চাউনা লৌনবা অমসুং লম হেনবশিং চৈরাক পীনবা অখন্নবা সক্বাদশিং শেমগদবনি অমসুং স্তেৎ পোল্লুসন কন্ত্রোল বোর্দশিংগী মতেং লৌগদবনি।

পি.দব্লিউ.এম(এমেন্দেদ)রুলস, ২০২১গী মতুংইন্না, সেপ্তেম্বর ৩০, ২০২১দগী হৌনা মাইক্রোন ৭৫গী মখাদা লৈবা ভর্জিন নত্ত্রগা রিসাইকল প্লাস্তিকনা শাবা পোৎ-চৈ পুনবা খাউশিং শাবা, মপান্দগী পুশিল্লকপা, পৈদুনা থম্বা, য়েন্থোকপা, য়োনবা অমসুং শীজিন্নবা থিংলে অমসুং মসি পি.দব্লিউ.এম(এমেন্দেদ)রুলস, ২০১৬গী মতুংইন্না মমাঙদদি মাইক্রোন ৫০ ওইরম্বনি। অনৌবা নিয়ম অসিগী মতুংইন্না, মীয়াম্না হৌজিক দুকান ফম্লিবা মীওইশিং, মনা-মশিং য়োনবীশিংনা পোৎ-চৈ পুনবা পীরকপা অপাবা প্লাস্তিক্কী খাউশিং শীজিন্নরোইদবনি অমসুং অতোপ্পা পাম্বৈ অমা থিগদবনি।

পি.দব্লিউ.এম(এমেন্দেদ)রুলস, ২০২১গী মতুংইন্না, থম্লিবা অথিংবশিং মপুংফানা থবক ওইনা পাংথোক্নবা মখা তাবা থৌরাং কয়া পায়খৎলে। এস.য়ু.পিশিংগী মহুৎশীনবা য়াবা (হায়বদি ফি/লিমোনগী খাউশিং, লাইনা পৎথবা প্লাস্তিক্কী খাউশিং) কৈথেলদা ফংহন্নবা য়ু.এল.বিশিংনা থবক পায়খৎপা দরকার ওই অমসুং অসিগুম্বা মহুৎশীনবা য়াবা পোৎথোকশিং অসিগী মতাংদা মীয়ামদা ৱাখল তাহনগদবনি। মখোয়গী এক্সতেন্দেৎ প্রদুসরস রেসপোন্সিবিলিতি(ই পি আর)গী মতুংইন্না থক্নবা মহি মখল কয়া পুথোক্লিবা কোর্পোরেতশিংনা মখোয়গী পি.ই.তি বোত্তলশিং শেন পীরগা থাদরম্নবা বোত্তল বেঙ্কশিং লিংখৎনবা হায়জবা য়াই অমসুং অতাবা মমলদা অমুক হন্না শীজিন্নবা য়াবা প্লাস্তিক বোত্তল য়োনফমশিং লিংখৎপা য়াই।

এস.য়ু.পি শীজিন্নবা হন্থহনবদা মতেং পাংনবা, মরুওইনা মীয়ামগী মীতিনশিং অমসুং কুহ্মৈ-হরাওশিংদা শীজিন্নবা য়াবা এস.য়ু.পিগী মহুৎশিনবা য়াবা পোৎ-চৈ ফংহন্নবা য়ু.এল.বিশিনা থাইলা(খাউ)/বার্তন(চাক-ইন্সাং থোঙনবা কোল-লিক) য়োনফমশিং নত্ত্রগা বান্দারশিং হাংদোকপা য়াই। হায়রিবা থবকশিং অসিনা মীয়াম তিনবা মফমশিং, কৈথেলশিং অমসুং অতোপ্পা মী য়াম্না পুনবা মফমশিংদা এস.য়ু.পি শীজিন্নবা থিংনবা ৱাখল তাহন্নবা অমসুং এস.য়ু.পি মহুৎশিনবা য়াবা পোৎলমশিং ফংহন্নবগী মতাংদা "শ্বাছতা রাথ”শিংগী খুৎথাংদা হায়রিবা থবকশিং অসি হেন্না পাক-শন্না পাংথোকপা য়াই।

সিমেন্ত প্লান্তশিং নত্ত্রগা লম্বী শেম্বদা প্লাস্তিক শীজিন্নদনবা অনকপদা লৈবা সিমেন্ত প্লান্তশিং নত্ত্রগা অতোপ্পা ইন্দস্ত্রিএল য়ুনিতশিংগা এম.ও.য়ু খুৎয়েক পীন্নবা রাজ্যশিং অমসুং য়ু.এল.বিশিংদা পাউতাক পীখ্রে। লম্বী শেম্বদা এস.য়ু.পিশিং/মরোল কয়াগী প্লাস্তিক শীজিন্নবগী মতাংদা অকুপ্পা চৎন-কাংলোনশিং পুথোক্নবা য়ু.এল.বিশিং অমসুং মখোয়গী পব্লিক ৱার্কস দিপার্তমেন্তশিংনা থবক পায়খৎপা দরকার ওই।

য়াম্না মরুওইবা অমা ওইনা, শিঙ্গল য়ুজ প্লাস্তিক থিংবা অমসুং থবক ওইনা পাংথোক্নবা পাউজেল মীয়ামদা য়ৌহন্নবা, কাংলুপ খুদিংমক্কী মীয়াম, মীখলদা কারক্লবা মীহুৎশিং হায়বদি মেয়োরশিং অমসুং ৱার্দ কাউন্সিল্লরশিং, ভোলুন্তরি লুপশিং, এন.জি.ওশিং, সি.এস.ওশিং, কৈথেলগী লুপশিং, সেল্ফ হেল্প গ্রুপশিং, মহৈরোয়শিং অমসুং নহারোলশিং শরুক য়াগদবনি। মীয়াম প্লাস্তিক অমোৎপশিং হুন্দোক্তনবা অমসুং অকুৎপা মফমশিং ফুনজিনবদা প্লাস্তিক শীজিন্নবা থিংনবা অমসুং প্লাস্তিক নিয়ম চুম্না লোইশিনবগী অফবা থবকশিং মেদিয়াদা ফোঙদোকপা য়াওনা অতোপ্পা অফবা থবক কয়া য়ু.এল.বিশিংনা পুক্নিং থৌগৎকদবনি।

হায়রিবা থবকশিং অসি অকুপ্পা চৎন-কাংলোন অমগী মখাদা রাজ্যশিং/য়ু.তিশিং অমসুং য়ু.এল.বিশিংনা রেকোর্দ তৌগদবনি অমসুং অৱাংবা থাকশিংদা য়েংশিন্নবা পাউ পীগদবনি।

লৈবাক অসিদা লৈরিবা সহর খুদিংমক অমোৎপা লৈতবা সহরশিং ওইহন্নবা থবকশিং শ্বাছ ভারত মিসনগী মখাদা হাওসিং অমসুং অর্বান এফেয়ার্স মিনিস্ত্রিনা পায়খৎলে।

অনৌবা পাউশিং ফংনবা, মখাদা পীরিবা শ্বাছ ভারত মিসনগী ওফিসিএল ৱেবসাইত অমসুং সোসিএল মেদিয়া প্রোপর্তিশিংদা চংবীয়ু:

Facebook: Swachh Bharat Mission - Urban | Twitter: @SwachhBharatGov

YouTube: Swachh Bharat Mission-Urban | Instagram: sbm_urban

****