মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়

পোত্থোক পুথোকপগী চাং অমসুং হিদান্নবা হেনগৎহন্নবা সেন্ত্রেল সেক্তর স্কিম “প্রমোসন ওফ এম.এস.এম.ই. ইন নোর্থ ইস্তর্ন রিজন এন্দ সিক্কিম”গী অনৌবা চৎন-পথাপশিং

Posted On: 02 JUN 2022 4:08PM by PIB Imphal

সেন্ত্রেল সেক্তর স্কিম “প্রমোসন ওফ এম.এস.এম.ই. ইন নোর্থ ইস্তর্ন রিজন এন্দ সিক্কিম”গী অনৌবা চৎন-পথাপশিং কেন্দ্র লৈঙাক্না অয়াবা পীখ্রে‍। স্কিম অসি ১৫শুবা ফাইনান্স কম্মিসন সাইকল (২০২১-২২ দগী ২০২৫-২৬ ফাওবা) মনুংদা পায়খৎকনি‍। স্কিম অসি এন.ই.আর. অমসুং সিক্কিমদা লৈবা মাইক্রো, স্মোল এন্দ মেদিয়ম এন্তরপ্রাইজেজ (এম.এস.এম.ই.)শিংগী পোত্থোক পুথোকপা অমসুং হিদান্নবা হেনগৎহন্নবা লোয়ননা মতিং হেনগৎহন্নবগীদমক শেলগী তেংবাং পীননবা পান্দম থম্লি‍। স্কিম অসিদা মখাদা পীরিবা মচাকশিং অসি য়াওরি;

. অনৌবা মিনি তেক্নোলোজী সেন্তরশিং লিংখৎপা অমদি হান্না লৈরমবশিং মতমগা চুননবা শেমগৎপা:

স্কিম অসিনা স্তেত লৈঙাকশিংদা অনৌবা মিনি তেক্নোলোজী সেন্তরশিং লিংখৎনবা অমসুং হান্না লৈরবশিংনা মতমগা চুননবা শেমগৎনবা শেলগী তেংবাং পীননবা পান্দম থম্লি‍। এন.ই.আর. অমসুং সিক্কিমদা ফংলিবা উহৈ-ৱাহৈ, মরু মরাং, লৌউ-শিংউ, উমংগী পোত্থোক, মুগা অমসুং ৱানচিংবা মহৌশাগী পোত্থোকশিংগী মেনুফেকচরিং, তেস্তিং, পেকেজিং, আর. এন্দ দি., পোত্থোক অমসুং প্রোসেস ইনোভেসন অমসুং ত্রেনিং সপ্লিমেন্ত তৌনবা কম্মন ফেসিলিতীশিং শেমগৎনবা প্রোজেক্তশিংদা প্রাইওরিতী পীগনি‍। কেন্দ্র লৈঙাক্কী শেলগী তেংবাং ৯০% ওইগনি‍। অপুনবা প্রোজেক্ত কোস্ত লুপা করোর ১৫.০০দগী হেনবা প্রোজেক্তশিংসু খন্নগনি অদুম ওইনমক তেংবাংদি য়াম্লবদা লুপা করোর ১৩.৫০দগী হেল্লোই‍।

২. অনৌবা অমসুং হান্না লৈরবা ইন্দস্ত্রিএল এস্তেতশিং শেমগৎপা:

অনৌবা অমদি হান্না লৈরবা ইন্দস্ত্রিএল এস্তেতশিং, ফ্লেত্তেদ ফেক্তরী কম্প্লেক্সশিং শেমগৎপদা কেন্দ্র লৈঙাক্না শেলগী তেংবাং পীগনি‍। লৈঙাক্কী শেলগী তেংবাং ৯০% ওইগনি‍। তেংবাং লৌনবগী খ্বাইদগী য়ামবা প্রোজেক্ত কোস্ত অনৌবা ইন্দস্ত্রিএল এস্তেত লিংখৎনবগী লুপা পরোর ১৫.০০০ ওইগদবনি অদুগা হান্না লৈরবা ইন্দস্ত্রিএল এস্তেত শেমগৎপগীনা লুপা করোর ১০.০০ ওইগদবনি‍। অপুনবা প্রোজেক্ত কোস্ত লুপা করোর ১০.০০/১৫.০০ হেনবা প্রোজেক্তশিংসু খন্নগনি অদুম ওইনমক তেংবাংদি য়াম্লবদা ফীভমগী মতুং ইন্না লুপা করোর ৯.০০/১৩.৫০দগী হেল্লোই‍।

৩. তুরিজম সেক্তর শেমগৎপা:

হোম স্তে চবুন লৈবা মফমশিংদা চাকখুম, বেকরী, লোন্দ্রী অমসুং দ্রাই ক্লীনিং, রিফ্রিজরেসন অমসুং কোল্দ স্তোরেজ, আই.তি. ইনফ্রা, থক্নবা ঈশিং, লমদমদুগী পোত্থোকশিংগী দিস্প্লে সেন্তর, কলচরেল থৌরমশিংগী মফম্নচিংবা কম্মন সর্ভিস শেমগৎনবগী প্রোজেক্তশিংসু স্কিম অসিগী মখাদা খন্নগনি‍। হায়রিবা প্রোজেক্তশিং অসি লমদমদুগী এম.এস.এম.ই.শিংগা মরী শম্নহনগদবনি‍। মসিগীদমক্তা কেন্দ্র লৈঙাক্কী শেলগী তেংবাং য়াম্লবদা লুপা করোর ৪.৫০ ফাওবগী তেংবাং লৈবগা লোয়ননা ৯০% ওইগনি‍।

স্কিম অসিগী অনৌবা চৎন-পথাপশিং মখাগী ৱেবসাইত অসিদা ফংগনি - www.dcmsme.gov.in

*******



(Release ID: 1830634) Visitor Counter : 124