কেন্দ্রগী এজুকেসন মন্ত্রী, শ্রী ধর্মেন্দ্র প্রধান্না ঙসি নেস্নেল স্কুল এজুকেসন মিনিস্তর’স কনফরেন্সকী অনিশুবা নুমিৎ হৌদোকপগী সেসন্দা ৱা ঙাংখ্রে। গুজরাতকী মুখ্য মন্ত্রী, শ্রী ভুপেন্দ্র ভাই পতেল; গোৱাগী মুখ্য মন্ত্রী, শ্রী প্রমোদ সাৱন্ত; এজুকেসন অমসুং স্কিল দিভেলপমেন্তকী কেন্দ্র মন্ত্রী, রাজ্য সরকারগী এজুকেসন মন্ত্রীশিং, অনৌবা নেস্নেল করিকলম ফ্রেমৱর্ক শেম্নবা স্তীরিং কম্মিতীগী চেয়র্পরসন, শ্রী কে. কস্তুরিরঙ্গন অমসুং এজুকেসন মন্ত্রালয় অমসুং রাজ্য সরকারগী সেনিয়র ওফিসিএলশিংনা ঙসিগী কনফরেন্সতা শরুক য়াখি।

শ্রী প্রধান্না থৌরম অসিদা ৱা ঙাঙবদা স্কুল এজুকেসন হায়বসি লৌশিংদা য়ুম্ফম ওইবা খুন্নাই অমগী ফম্বাক্নি অমসুং নেস্নেল এজুকেসন পোলিসী (এন.ই.পি.) অসিনা হীরম খুদিংদা চাউখৎপবু খুমাং চাউশিন্নবা অমসুং মীয়াম খুদিংনা এজুকেসনগী খুদোংচাবা ফংহন্নবা পান্দম থম্লিবা লৌশিংগী চে-চাংনি হায়খি।

ঐখোয় পুম্নমক্না অমৃত কালগী য়ুগতা লৈরিবনি হায়না মন্ত্রীনা হায়খি। মথংগী চহি ২৫সিদি ভারতপু মালেমগী য়াইফবগীদমক্তা খোঙফম চেৎলবা লৌশিংগী শেন্মিৎলোন ওইহন্নবগীদমক্তা য়াম্না মরু ওইবা মতম্নি হায়না মহাক্না মখা তাখি।  ঐখোয়দি বাসুদাইবা কুতুম্বাকমদা থাজবা সিবিলাইজেসন অমনি অমসুং ঐখোয়না লৈবাক খক্তদা নত্তনা মালেমদা থৌদাং লৈরিবনি হায়বসি ঐখোয়না নীংথিনা খঙগদবনি।

ঐখোয়না ২১শুবা চহি-চাগী খুদোংচাবা অমসুং শিংনবা কয়াগা মাইয়োক্নবা ঙম্নবা শেম-শারিবা অসিদা ঐখোয়গী এজুকেসন অমসুং স্কিলিং ইকোসীস্তেম মপাঙ্গল হেনগৎহন্নবা তেক্নোলোজী শিজিন্নসি হায়না মন্ত্রীনা হায়খি। এজুকেসন অমসুং স্কিলিং ইন্সতিত্যুসন তোঙান-তোঙানবা কয়াদা ঙরাং চৎলুবা মতমদা, ঐখোয়না ২১শুবা চহি-চাগী ফ্যুচরিস্তিক ওইবা এজুকেসন সীস্তেমগী তোঙানবা থৌওং কয়া উবা ফংখি হায়না মহাক্না মখা তাখি।

মন্রতীনা প্রি-স্কুলদগী সেকন্দরী ফাওবা চৎনগদবা এন.ই.পি.গী ৫+৩+৩+৪গী থৌওংদা মীয়ামগী পুক্নুং চিংশিন্দুনা মালেমগী মীয়াম্বু ২১শুবা চহি-চাগীদমক্তা শেম-শাবগী খোঙথাং ওইরিবা ই.সি.সি.ই., তিচর ত্রেনিং অমদি এদল্ত এজুকেসন, স্কুল এজুকেসন্দা স্কিল দিভেলপমেন্ত মনুং চলহনবা অমসুং মমালোন্দা তম্বগী থৌওংদা অহানবা মিৎয়েং চঙবগী থৌওংশিংদা মিৎয়েং চঙখি।

মহৈরোইশিংবু তুংগী মতমগীদমক্তা শেম-শাবীনবগীদমক্তা মপুং ফাবা অমসুং মতিক চাবা খুৎলাই লৈরবা পি.এম. শ্রী স্কুলশিং লিংখৎনবা সরকারনা হৌজিক থবক পায়খৎলি হায়না মন্ত্রীনা পাউদমখি। অসিগুম্বা মতমগা চুনরবা স্কুলশিং অসিনা নেস্নেল এজুকেসন পোলিসী ২০২০গী লেবোরেতরী ওইগনি। পি.এম. শ্রী স্কুলগী মওংদা ফ্যুচরিস্তিক্স বেঞ্চমার্ক মোদেল অমা শেম্নবগীদমক্তা ঐখোয়গী রাজ্য/য়ু.তি. অমসুং এজুকেসনগী অপুনবা ইকোসীস্তেমগী মাইকৈদগী পাউতাক অমসুং ফীদবেক পীবীরকউ হায়না মহাক্না ফোংদোকখি।

ঙসিগী কনফরেন্স অসিদা রাজ্য পুম্নমক্কী এজুকেসন মন্ত্রীশিংনা মওং-মরিল চুম্না অমসুং মহৈদা য়ুম্ফম ওইবা ৱা খন্নবা অসিদগী ফংলকপা এক্সপেরিএন্স অমসুং লৌশিংনা এন.ই.পি. ২০২০গা মরী লৈননা মহৈ তম্বগী অকোয়বগী ফিভমদা অহোংবা পুরক্নবা অতোপ্পা খোঙথাং অমগসু থাংজিনবা হৌরগনি হায়না মন্ত্রীনা ফোংদোকখি। ঙসিগী কনফরেন্স অসিদা ফোংদোক্নরিবা ৱারোল অমসুং ৱাখল্লোনশিং অসিনা লৈবাক শিনবা থুংবগী এজুকেসন সীস্তেম্বু মপাঙ্গল কনখৎহনবদা চাউনা তেংবাংগনি হায়বা থাজবা লৈ হায়না মহাক্না মখা তানা ফোংদোকখি।

গুজরাতকী মুখ্য মন্ত্রীনা কনফরেন্স অসিদা মশাগী ৱাফম ফোংদোক্লদুনা মহৈ তাকপা অমসুং তম্বীবগী থৌওংদা লেপ্তনা শেমদোকপগী মথৌ তাবা লৈ হায়বা খঙদুনা, প্রধান মন্ত্রী, শ্রী নরেন্দ্র মোদীনা চহি ৩৪ শুরবা লৈবাক্কী এজুকেসন শেমদোকখি অমসুং ঐখোয়গী নাৎকী মতুং ইন্না লৌশিংবু খ্বাইদগী নীংথিরবা লন্নি খন্দুনা ঐখোয় পুম্নমক্কী মফমদা অনৌবা এজুকেসন পোলিসী অমা পীরে হায়না ময়েক শেংনা ফোংদোকখি। মীয়াম খুদিংদা মান্নবা অমসুং অৱাংবা থাক্কী এজুকেসন পীনবা নেস্নেল এজুকেসন পোলিসীগী পান্দম ফংমিন্নবা ঙম্নবগীদমক্তা প্রধান মন্ত্রীগী লুচিং মখাদা লৈবাক পুম্বনা অমত্তা ওইনা তেংবাংনরি।

এজুকেসন, হকশেল অমসুং সেক্যুরিতীনা লৈবাক, রাজ্য নত্ত্রগা খুন্নাই চাউখৎপগী খ্বাইদগী মরু ওইবা ৱাফম্নি হায়না মুখ্য মন্ত্রীনা মখা তাখি। মীয়াম্না খঙনবা থৌওং অমদগী হেন্দবা অমসুং মতমগা চুনদ্রবা এজুকেসনগী মহুত্তা হীরম খুদিংমক মনুং চনবা অমসুং পুম্নমক্তা মান্ননা কান্নবা পীবা ঙম্বা এজুকেসনগী পথাপ অমা পীবা হায়বসিনা হৌজিক্কী মতমগী খ্বাইদগী তঙাই ফদবা থৌওং ওইরি। লৈবাক্কী অঙাং অমসুং হৌরক্লিবা চারোন শুরোনশিংগী মফমদা মতম চানা এজুকেসন পীগনি হায়বা ৱারেপকা লোয়ননা শ্রী নরেন্দ্র মোদীনা অনৌবা এজুকেসন পোলিসী অসিবু মীয়ামদা পীবিরি।

প্রধান মন্ত্রী, শ্রী নরেন্দ্র মোদীগী লৈঙাক্কী চহি ৮গী মনুংদা লৈবাক অসিদা অনৌবা খোঙথাং কয়া অমা পায়খৎখি, অনৌবা এজুকেসন পোলিসী অসিসু হায়রিবশিং অসিগী মরক্তা অমনি। লৈবাক্কী নহারোলশিংনা পোলিসী অসিগী মহৈ ওইনা মমালোলদা অৱাংবা থাক্কী মহৈ তম্বগী খুদোংচাবা ফংলগনি। লৈবাক অসিদা এজুকেসনগী লমদা চাদিং তৌবগী চাংসু হান্নদগী শরুক অনি হেনগৎলে, স্কিল দিভেলপমেন্ত মতিক চাবা মিৎয়েং চঙলে অমসুং লৈবাক্কী নহারোল করোর ১.৩৪গী স্কিলসু হান্নদগী হেন্না ফগৎলে।

নীংতম্বগী অমৃত মহোৎসবকী মখাদা গুজরাত্তা শীন-লাঙদুনা নুমিৎ নিনি চঙনা পাংথোক্লিবা লৈবাক শিনবা থুংবগী এজুকেসন মন্ত্রী অমসুং একাদমিক্সশিংগী কনফরেন্স অসিনা এজুকেসন সেক্তরবু হান্নদগী হেন্না নীংথিজনা মপাঙ্গল কনখৎহনবদা তেংবাংগনি হায়বগী থাজবা লৈ হায়না মুখ্য মন্ত্রীনা ফোংদোকখি।

নেস্নেল কনফরেন্স অসিবু গুজরাত্তা পাংথোকপগী খুদোংচাবা পীবগীদমক্তা গুজরাতকী এজুকেসন মন্ত্রী, শ্রী জিতু ভাগনানীনা গুজরাতকী মুখ্য মন্ত্রী, শ্রী ভুপেন্দ্র ভাই পতেল অমসুং কেন্দ্রগী এজুকেসন মন্ত্রী, শ্রী ধর্মেন্দ্রা প্রধানগী মফমদা থাগৎপা ফোংদোকখি অমসুং থৌরম অসিগীদমক্তা চাউথোকচবগা লোয়ননা মহাক্না ‘নেস্নেল কনফরেন্স ফোর দি স্কুল এজুকেসন মিনিস্তর’গী থৌরম অসিনা তেক্নোলোজী, অনৌবা এজুকেসন পোলিসীবু নীংথিনা থবক্তা পাংথোকপগী থৌওংনা তেংবাংদুনা এজুকেসন সেক্তরবু অনৌবা অৱাংবা থাক্তা পুখৎপা অমসুং অনৌবা ভারতকী প্রধান মন্ত্রী, শ্রী নরেন্দ্র মোদীগী মঙলান মঙফাওনহন্নবা মরু ওইবা খোঙথাং ওইরগনি হায়না ফোংদোকখি।

নেস্নেল এজুকেসন পোলিসী অসি অখঙ অহৈশিংনা নীংথিনা খন্ন-নৈনরবা পোলিসী অমনি অমসুং মসিনা থবক ওইনা পাংথোকপা মতমদা খুন্নাইদা অহোংবা অমা শোইদনা উগনি হায়না মন্ত্রী জিতু ভাগনানীনা হায়খি। নেস্নেল এজুকেসন পোলিসীনা লৈবাক্কী তুংগী মতম অমসুং অনৌবা ভারতকী মরু ওইবা চে-চাং ওইগনি। মরম অদুনা, অসিগুম্বা পোলিসীবু থবক্তা ওন্থোকপা হায়বসি ঐখোয় খুদিংগী থৌদাংনি। এজুকেসন হায়বসি খুন্নাই অমগী ওইবা ঐখোয়গী খ্বাইদগী চাউবা থৌদাংনি অমসুং অনৌবা এজুকেসন পোলিসী অসিনা অসিগুম্বা থৌদাংবু নীংথিনা পাংথোকপগী খ্বাইদগী চুনবা খোঙ্কাপ ওইগনি।

ভারত সরকারগী স্কুল এজুকেসন সেক্রেতরী, শ্রীমতি অনিতা করৱালনা কনফরেন্স অসিগী মতাংদা মহাক্কী ৱাখল্লোন ফোংদোকপা মতমদা লাইচৎকী চৈথেং হন্থহন্নবগীদমক্তা অঙাংশিংদা চুনবা তেংবাং ফংহন্নবগীদমক্তা মশা য়াম্বা অমসুং হীরম খুদিংমক মনুং চনবা থৌওং অমগী তঙাই ফদবা লৈ হায়না ফোংদোকখি। পাক চাউরবা লর্নিং রিকোভরী প্লান (এল.আর.পি.) অমা শেম্লে অমসুং মসিনা স্তেকহোলদর, চাং তাক্কদবা থৌওংশিংগী চহিগী কেলেন্দর অমসুং হৌজিক লৈরিবা থৌরাংশিংনা পাংথোক্কদবা থৌওং শীন্দোকখ্রে হায়না মহাক্না পাউদমখি। রাজ্য অমসুং য়ু.তি.শিংনা মখাদা পীরিবা থৌরাংশিংবু মখোয়গী প্রোজেক্ত এপ্রুবেল বোর্দ প্রোপোজেলদা শিজিন্নবা য়াগনিঃ

* মহৈরোই খুদিংগী লর্নিং ইনহেন্সমেন্ত প্রোগ্রাম (এল.ই.পি.)

* তিচর রিসোর্স পেকেজ (তি.আর.পি.)

* ওরেল রিদিং ফুলেন্সী স্তদী (ও.আর.এফ.)

* ব্লোক রিসোর্স ফেসিলিতীশিংগী ই-পাউ অমসুং পাউ ফাওনবগী তেক্নোলোজীগী খুদোংচাবাঃ বি.আর.সি. থাক্কী আই.সি.তি. ফেসিলিতী

* ক্লস্তর রিসড়্রস সেন্তর মপাঙ্গল কনখৎহনবা – সি.আর.সি.দা মোবিলিতীগী তেংবাং পীবা

কনফরেন্স অসিগী মথক্তা, কেন্দ্রগী এজুকেসন মন্ত্রী, শ্রী ধর্মেন্দ্র প্রধান্না রাজ্য/য়ু.তি.শিংগী এজুকেসন মন্ত্রী, স্কিল দিভেলপমেন্ত অমসুং ওন্তোপ্রিনর্শিপ অমসুং আই.তি.গী এম.ও.এস., শ্রী রজীব চন্দ্রসেখর; এজুকেসনগী এম.ও.এস., শ্রীমতি অন্নপুর্না দেবী; এজুকেসনগী এম.ও.এস., দাঃ সুভাস সরকার অমসুং এজুকেসন মন্ত্রালয়গী সেনিয়র ওফিসিএলশিংনা জুন ১, ২০২২দা বিদ্যা সমিকশা কেন্দ্র (ভি.এস.কে.), ভাস্করচার্য় নেস্নেল ইন্সতিত্যুত ফোর স্পেস এপ্লিকেসন অমসুং জিও-ইনফোর্মেতিক্স (বি.আই.এস.এ.জি.), নেস্নেল ফোরেন্সিক সাইন্স য়ুনিভর্সিতী (এন.এফ.এস.য়ু.) অমসুং ইন্তর্নেস্নেল ওতোমোবিল সেন্তর ওফ এক্সেলেন্স (আই.এ.সি.ই.)দা চৎখি।

*****