কোওপরেসন মন্ত্রালয়
জি.ই.এম. ফম্পাক্তা কোওপরেতিব সোসাইতীশিং: অরোন অথুপ লৈতবা, মতিং লৈবা অমসুং শেঞ্জং হন্থবা প্রোকরমেন্ত সিস্তেম অমগী মায়কৈদা খোঙথাঙ অমা
প্রধান মন্ত্রী শ্রী নরেন্দ্র মোদীগী মীৎয়েঙ শাল্লবা লুচিং মখাদা কেন্দ্রগী মন্ত্রী মন্দলনা কোওপরেতিব সোসাইতীশিংবু গভর্নমেন্ত ই-মার্কেৎপ্লেস (জি.ই.এম.) ফম্পাক্তা ‘পোৎ লৈবা’ ওইনা রেজিস্ত্রেসন তৌবা য়াহল্লে
কোওপরেসনগী কেন্দ্র মন্ত্রী শ্রী অমিত সাহগী লুচিং মখাদা, কোওপরেসন মন্ত্রালয়না মল্তি স্তেত কোওপরেতিব সোসাইতীশিং অমসুং স্তেত কোওপরেতিব এক্তগী মখাদা রেজিস্তর তৌরবা কোওপরেতিব সোসাইতীশিংবু জি.ই.এম.দা য়াওননবা পুক্নিং থৌগৎলি
Posted On:
02 JUN 2022 10:19AM by PIB Imphal
প্রধান মন্ত্রী শ্রী নরেন্দ্র মোদীগী মীৎয়েঙ শাল্লবা লুচিং মখাদা কেন্দ্রগী মন্ত্রী মন্দলনা কোওপরেতিব সোসাইতীশিংবু গভর্নমেন্ত ই-মার্কেৎপ্লেস (জি.ই.এম.) ফম্পাক্তা ‘পোৎ লৈবা’ ওইনা রেজিস্ত্রেসন তৌবা য়াহল্লে। মসিনা কোওপরেতিব সোসাইতীশিংবু ফম্পাক অমখক্তদা ভেন্দর লাখ ৪৫ হেনবা ফংহন্দুনা ঐরোন অথুপ লৈতবা, শেঞ্জঙ হন্থবা অমদি মতিং লৈবা প্রোকরমেন্তকী থৌওং অমা ইলহনবা ঙমগনি।
কোওপরেসনগী কেন্দ্র মন্ত্রী শ্রী অমিত সাহগী লুচিং মখাদা, কোওপরেসন মন্ত্রালয়না মল্তি স্তেত কোওপরেতিব সোসাইতীশিং অমসুং স্তেত কোওপরেতিব এক্তগী মখাদা রেজিস্তর তৌরবা কোওপরেতিব সোসাইতীশিংবু মখোয়গী মেমবরশিংগী কান্ননবগীদমক জি.ই.এম.দা য়াওননবা পুক্নিং থৌগৎপগা লোয়ননা হায়রিবা জি.ই.এম. ফম্পাক অসিদা য়াওশিল্লকপনা কোওপরেতিব সোসাইতীশিংনা মখা তানা কান্নবা ফংগনি হায়না থাজবা ফোঙদোক্লি।
হৌজিক ফাওবদা ভারত্তা কোওপরেতিব লাখ ৮.৪৫ অমসুং মেমবরসিপ করোর ২৯লোম লৈ। মখোয়না পোত্থোক পুথোকপা অমসুং সর্ভিসকী খেন্নবা মখল কয়াগী থবক থৌরমশিং পায়খৎলি। হায়রিবা কোওপরেতিবশিং অসিনা মখোয়গী মথৌ নীংথিনা চলাইবা ঙম্নবগীদমক ময়ামগী কৈথেলদগী মশিং য়াম্লবা পোলম অমসুং সর্ভিসশিং লৈরি। অরোন অথুপ লৈতবা অমসুং মতিং কম্পিতিতিব ওইবা মমল ফংহন্দুনা কোওপরেতিব সোসাইতী অসিগী মেমবরশিংগী কান্ননবগীদমক হোৎনবগী মথৌ তাবা অমা ফাওখি।
গভর্নমেন্ত ই-মার্কেতপ্লেস (জি.ই.এম.) অসি কেন্দ্র অমসুং স্তেত লৈঙাক্কী মন্ত্রালয়/দিপার্তমেন্তশিং, অমসুং পি.এস.য়ু.নচিংবশিংদা তোয়না শীজিন্নবা পোৎলম অমসুং সর্ভিসশিং অরোন অথুপ লৈতনা অমদি মতিং লৈনা লৈজনবা এন্দ-তু-এন্দ ওনলাইন কৈথেল অমা ফংহন্নবগীদমক নেস্নেল প্রোকরমেন্ত পোর্তেল অমা ওইনা শেমগৎখিবনি। জি.ই.এম. শীজিন্নদুনা পোৎ লৈবগী গ্রোস মর্চেন্দাইজ ভেল্যু শেনবা চহি ২০২১-২২দা লুপা করোর লাখ ১ হেনখ্রে। পোত্থোক কাঙলুপ ৯৭০২ অমসুং সর্ভিস কাঙলুপ ২৭৯দা পুন্না পোত্থোক লাখ ৫৪গী ময়াদা য়াওরি। শেনবা চহি ২০২১-২২দা চাউরাক্না লুপা করোর ১০,০০০ ওইজবা ফংখি।
জি.ই.এম.গী খুত্থাঙদা পোৎ লৈবনা মখাদা পীরিবা কান্নবশিং অসি ফংগনি:
১. কোওপরেতিবশিংনা অরোন অথুপ লৈতবা অমদি পুম্নমক্কী ওইবা থৌওং অমগী খুত্থাঙদা কম্পিতিতিব ওইবা মমল ফংগনি অমদি মসিনা সোসাইতীগী লূপ্লোয়শিদা শেলগী কান্নবা পীগনি।
২. কোওপরেতিব সোসাইতীশিংনা জি.ই.এম. ফম্পাক অমখক্তদা লৈবাক শিনবা থুংনা ওথেন্তিকেৎ তৌরবা সেল্লর/ সর্ভিস প্রোভাইদর লাখ ৪৫রোমদগী পোৎলমশিং লৈবা য়াগনি।
৩. জি.ই.এম.দা পীরিবা স্তেন্দর্দ থৌওং অসি ইনবনা মতম চঙদবা অমদি এদমিনিস্ত্রেতিবকী পোৎলুম হন্থহনগনি।
৪. ফন্দ লান্না শীজিন্নবগী ৱাকৎ হন্থরক্কদবা মরম্না কোওপরেতিব অদুগী ক্রেদিবিলিতী হেনগৎহনগনি।
জি.ই.এম. ওথোরিতীশিংনা কন্তেক্ত সেন্তরশিং, ইন-ফীল্দ ত্রেনিং অমসুং সপ্পোর্ত সর্ভিসকী খুত্থাঙদা কোওপরেতিবশিংগীদমক কত্থোক্লবা ওন-বোর্দিং থৌওং অমা পীদুনা ওন-বোর্দিং অমসুং ত্রা্জেক্সনগী মতাঙদা তেক্নিকেল ইনফ্রাস্ত্রকচর অমসুং ঙাক্লৌ পীগনি।
****
(Release ID: 1830421)
Visitor Counter : 123