కొత్తగా ఏర్పాటు చేసిన టెక్స్‌టైల్ అడ్వైజరీ గ్రూప్‌తో  కేంద్ర జౌళి, వాణిజ్యం , పరిశ్రమలు, వినియోగదారుల వ్యవహారాలు , ఆహారంl- ప్రజాపంపిణీ శాఖ మంత్రి శ్రీ పీయూష్ గోయల్ ముంబైలోని ఐ ఎం సి చాంబర్ ఆఫ్ కామర్స్ అండ్ ఇండస్ట్రీలో నిన్న ఇంటరాక్టివ్ సమావేశాన్ని నిర్వహించారు. జౌళి శాఖ కార్యదర్శి శ్రీ ఉపేంద్ర ప్రసాద్ సింగ్ టెక్స్‌టైల్ అడ్వైజరీ గ్రూప్‌తో చర్చలు ప్రారంభించారు, ఇందులో కేంద్ర జౌళి , వ్యవసాయం -రైతు సంక్షేమం, వాణిజ్య మంత్రిత్వ శాఖలు, , పరిశోధన -అభివృద్ధి , కాటన్ కార్పొరేషన్ ఆఫ్ ఇండియా లకు చెందిన సీనియర్ అధికారులు వాటాదారులు పాల్గొన్నారు. సమావేశంలో జరిగిన సంప్రదింపులకు  లీడ్ అసోసియేషన్‌ల నుంచి ప్రతినిధులు , నిపుణుల తో టెక్స్‌టైల్ విలువ గొలుసు మొత్తం ప్రాతినిధ్యం వహించింది.

17.05.2022 న  న్యూఢిల్లీలో జరిగిన వాటాదారుల సంప్రదింపుల సమావేశంలో శ్రీ గోయల్ ఆదేశాలకు అనుగుణంగా ఏర్పాటు అయిన ఈ టెక్స్ టైల్ అడ్వైజరీ గ్రూప్ సమావేశానికి టెక్స్ టైల్ అడ్వైజరీ గ్రూప్ ఛైర్మన్ , ప్రత్తి కి సంబంధించిన సీనియర్ ప్రముఖుడు శ్రీ సురేష్ కోటక్ అధ్యక్షత వహించారు. విత్తడానికి,  ప్రత్యేకించి కొత్త ప్రారంభ పరిపక్వత కలిగిన వంగడాలను నాటడానికి విత్తన లభ్యతను నిర్ధారించాల్సిన అవసరాన్ని ఆయన ఈ సందర్భంగా ప్రత్యేకంగా నొక్కి చెప్పారు ప్రస్తుత స్తబ్దత నుండి భారతీయ పత్తి ఉత్పాదకతను పెంచడానికి విత్తన వ్యవస్థను పునరుద్ధరించాల్సిన అవసరాన్ని కూడా ఆయన నొక్కిచెప్పారు.

దేశీయంగా , ఇతర దేశాల నుండి దేశీయంగా మరియు ఇతర దేశాల నుండి స్టాక్ అవకాశాలకు సంబంధించి పత్తి లభ్యతను పెంపొందించడానికి సాధ్యమయ్యే విధానాలను ఆయన వివరించారు. ఇప్పుడు పత్తి లభ్యత స్థితిని గుర్తించి నందున అంతర్జాతీయంగా మూడు వనరుల నుండి సకాలంలో షిప్పింగ్ జరిగేలా చూడటానికి లాజిస్టిక్స్ కు సహాయపడాలని అభ్యర్థించారు.

పత్తి ఉత్పత్తి ,వినియోగానికి సంబంధించిన కమిటీ అంచనాల ప్రకారం, క్యారీ ఓవర్/క్లోజింగ్ స్టాక్ 41.27 లక్షల బేళ్లు అని, ఇది 12.66% స్టాక్‌ను ఉపయోగించేందుకు నిష్పత్తి , 45 రోజుల వినియోగానికి స్టాక్‌తో సమానమని ఆయన చెప్పారు. పత్తి ఆర్థిక వ్యవస్థ కోసం "నేను ఎందుకంటే మనం" అనే సూత్రంపై ఆలోచించడం , కలిసి పని  చేయడం అవసరమని స్పష్టం చేశారు.

ఉత్పాదకత సమస్యలను పరిశీలించడానికి, ఇండియన్ సొసైటీ ఫర్ కాటన్ ఇంప్రూవ్‌మెంట్ ప్రెసిడెంట్ శ్రీ సి.డి. మయీ, పత్తి పంటను గులాబీ రంగు పురుగు (పింక్ బోల్ వార్మ్) దాడి నుండి రక్షించడానికి ఆధునిక పి బి నాట్ సాంకేతికతతో సహా పత్తి వ్యవసాయ-ఆర్థిక వ్యవస్థలోని వివిధ అంశాలను ప్రముఖంగా ప్రస్తావించారు.

శ్రీ వికాస్ పాటిల్, డైరెక్టర్ ఆఫ్ ఎక్స్‌టెన్షన్ అండ్ ట్రైనింగ్, కమిషనరేట్ ఆఫ్ అగ్రికల్చర్, మహారాష్ట్ర మాట్లాడుతూ, పత్తిలో ఉత్పాదకత పెంపుదల, విలువ గొలుసు అభివృద్ధి , పింక్ బోల్‌వార్మ్ నివారణ- నిర్వహణకు సంబంధించి మహారాష్ట్ర ప్రభుత్వం తీసుకున్న చొరవలను వివరించారు.

ఉత్పాదకతపై ప్రభావం చూపే కారకాల నియంత్రణను సమయానుకూలంగా ప్రాజెక్ట్ పద్ధతిలో పరిష్కరించాల్సిన అవసరం ఉందని,  పరిశ్రమ స్వీయ నియంత్రణ పద్ధతిలో పాల్గొనాలని కేంద్ర మంత్రి శ్రీ గోయల్ సూచించారు. జిన్నింగ్ విభాగం బాధ్యత తీసుకుని రైతుల పొలాల్లోని పత్తి పంటకు జిన్నరీలు, నూనె తీసే యూనిట్ల నుండి పింక్ బోల్‌వార్మ్ తెగులు దాడిని పర్యవేక్షించడానికి , వ్యాప్తి చెందకుండా నిరోధించడానికి ఫెరోమోన్ ట్రాప్ టెక్నాలజీని తప్పనిసరి చేయాలని స్పష్టం చేశారు. ఈ విషయంలో రాష్ట్ర ప్రభుత్వాల కృషితో పాటు కాటన్ కార్పొరేషన్ ఆఫ్ ఇండియా లిమిటెడ్ విస్తృత నెట్‌వర్క్ ద్వారా ఫెరోమోన్ ట్రాప్ టెక్నాలజీని తప్పనిసరిగా వినియోగించుకునేలా ప్రతి ఒక్కరికీ అవగాహన కల్పించాలని ఆయన సూచించారు. జిన్నింగ్ సామర్థ్యం , అవుట్‌టర్న్‌ను మెరుగుపరచడానికి పరిశ్రమలను అభివృద్ధి చేయాలని కూడా మంత్రి కోరారు. కాటన్ కార్పొరేషన్ ఆఫ్ ఇండియా లిమిటెడ్, కాటన్ అసోసియేషన్ ఆఫ్ ఇండియా, కాన్ఫెడరేషన్ ఆఫ్ ఇండియన్ టెక్స్‌టైల్ ఇండస్ట్రీ ,కాటన్ టెక్స్‌టైల్స్ ఎక్స్‌పోర్ట్ ప్రమోషన్ కౌన్సిల్ సహకారంతో పత్తి పంటను గులాబీ రంగు పురుగుల దాడి నుండి రక్షించాల్సిన అవసరాన్ని శ్రీ గోయల్ నొక్కి చెప్పారు.

విధాన నిర్ణయం, వాణిజ్య సౌలభ్యం, ట్రేసబిలిటీ మొదలైన వాటి కోసం విలువ గొలుసు అంతటా గణాంకాల కచ్చితత్త్వం అవసరాన్ని ప్రస్తావిస్తూ, కాటన్

అసోసియేషన్ , జిన్నర్స్, కాన్ఫెడరేషన్ ఆఫ్ ఇండియన్ టెక్స్ టైల్ ఇండస్ట్రీ , దక్షిణ భారత దేశం మిల్స్ అసోసియేషన్ నుంచి సమాచారం తో ఒక పోర్టల్ ను రూపొందించాలని శ్రీ గోయల్ ఆదేశించారు.

ఈ పోర్టల్ స్వీయ-అనుకూలత మోడ్‌లో పని చేయాలని అన్నారు..ఒప్పించడం , స్వీయ-అనుకూలత ఫలితాలను ఇవ్వకపోతే, కాటన్ కార్పొరేషన్ ఆఫ్ ఇండియా లిమిటెడ్ వంటి వ్యవస్థల్లో 'నిరుత్సాహకాలను' నిర్మించవచ్చు, అటువంటి డిఫాల్టర్ తో ఎలాంటి లావాదేవీలు చేయకూడదు. ఏవైనా ప్రభుత్వ ప్రయోజనాలు lవివరాలను సబ్మిట్ చేయడానికి లింక్ చేయబడతాయి.

ప్రదానం గా ప్రస్తుత సీజన్ కు విత్తన నాణ్యత సమస్య పరిష్కార కార్యాచరణ పై  సమగ్రంగా చర్చించారు.దేశీయ అవసరాలను తీర్చడానికి తగినంత పరిమాణంలో విత్తనాలు అందుబాటులో ఉన్నాయని సీడ్స్ జాయింట్ సెక్రటరీ తెలియజేశారు. సరైన,  తప్పు రకాల విత్తనాలను పరిశ్రమ గుర్తించాలని సమావేశం అభిప్రాయపడింది. నకిలీ విత్తనాల విక్రయాలను నియంత్రించేందుకు వ్యవసాయ ప్రాంతాల్లో ప్రచారం చేయాలని శ్రీ గోయల్ ఉద్ఘాటించారు.

దిగుమతి ద్వారా స్వల్పకాలికంగా పెంచే విధానాలనుl జౌళి శాఖ కార్యదర్శి శ్రీ ఉపేంద్ర ప్రసాద్ సింగ్ ప్రస్తావిస్తూ, కొన్ని ప్రదేశాల నుండి దిగుమతి చేసుకోవడానికి వీలుగా విధానపరమైన అవసరాల కోసం వ్యవసాయం -రైతుల సంక్షేమ మంత్రిత్వ శాఖను సంప్రదించాలని పరిశ్రమకు సలహా ఇచ్చారు.31.12.2022 వరకు దిగుమతి సుంకాన్ని పొడిగించడానికి సంబంధించి, ఈ విషయాన్ని త్వరగా ఖరారు చేయాలని శ్రీ గోయల్ సంబంధిత అధికారులను ఆదేశించారు.

హెచ్ డి పి ఇ/ దాని రంగుల్లోని ప్యాకేజింగ్ మెటీరియల్ పై ఇన్ పుట్ లను కెమికల్- ఫెర్టిలైజర్స్ మంత్రిత్వ శాఖతో సులభతరం చేయాల్సి ఉంటుంది.

ఈ సమావేశాన్ని టెక్స్ టైల్ కమిషనర్ , కాటన్ కార్పొరేషన్ ఆఫ్ ఇండియా లిమిటెడ్ సంయుక్తంగా సమన్వయం చేశాయి.

****