প্রধান মন্ত্রী শ্রী নরেন্দ্র মোদীনা হয়েং হায়বদি, মে ৩০, ২০২২গী অয়ুক পুং ১০:৩০ তাবা মতমদা ভিদিও কনফরেন্সকী থোংদা পি.এম. কিয়র্স ফোর চিলদ্রেন স্কিমগী মখাদা কান্নবশিং পীথরগনি। প্রধান মন্ত্রীনা স্কুল চৎলিবা অঙাংশিংদা স্কোলরশিপশিং ত্রান্সফর তৌরগনি। থৌরম অসিদা অঙাংশিংদা পি.এম. কিয়র্স ফোর চিলদ্রেনগী পাসবুক অমসুং আয়ুশ্মান ভারত – প্রধান মন্ত্রী জন আরোগ্য য়োজনাগী মখাদা হেল্থ কার্দ খুৎশিন্নগনি।

বেনিফিসরী ওইরিবা অঙাংশিং লোয়ননা মখোয়গী গর্জিয়ন/কিয়রগিভরশিং অমসুং মখোয়গী মশাগী জিলাশিংগী মরী লৈনবা দিস্ত্রিক্ত মেজিস্ত্রেৎনা থৌরম অসিদা ভর্চুএল মোদকী খুত্থাংদা শরুক য়াগনি। থৌরম অসিদা মন্ত্রী, মেম্বর ওফ পার্লিয়ামেন্ত অমসুং মরী লৈনবা রাজ্য/য়ু.তি.শিংগী লেজিস্লেতিব এসেমব্লীশিংগী মেম্বরশিংনা শরুক য়াগনি।

পি.এম. কিয়র্স ফোর চিলদ্রেন স্কিম অসি মার্চ ১১, ২০২০দগী ফেব্রুৱারী ২৮, ২০২২ ফাওবগী মতমগী মনুংদা কোবিদ-১৯ লাইচৎনা মরম ওইদুনা মমা-মপা অনিমক নত্ত্রগা লিগেল গর্জিয়ন নত্ত্রগা অয়োকপা মমা-মপাশিং নত্ত্রগা হিংহৌবা মমা/মপা লৈখিদ্রবা অঙাংশিংদা মতেং পীনবা মে ২৯, ২০২১দা প্রধান মন্ত্রীনা লাউথোকখি। স্কিম অসিগী পান্দমদি অঙাংশিংদা বোর্দিং অমসুং লোদজিং পীদুনা, এজুকেসন অমসুং স্কোলরশিপশিংগী খুত্থাংদা মখোয়বু এম্পাৱর তৌদুনা, চহি ২৩ শুরকপা মতমদা লুপা লাখ ১০গী শেলগী তেংবাং অমা পীদুনা মীপাল তাংদনা হীংবা ঙমজনবা অমসুং হেল্থ ইন্সুরেন্সকী খুত্থাংদা মখোয়গী ৱেলবিংগীদমক সস্তেনেবল ওইবা মওং অমদা মখোয়দা কমপ্রিহেন্সিব কিয়র অমসুং প্রোতেক্সন পীবা অসিনি।

pmcaresforchildren.in কৌবা পোর্তেল অমা স্কিম অসিগী মখাদা অঙাংশিং রেজিস্তর তৌনবা লোঞ্চ তৌখি। পোর্তেল অসি এপ্রুবেল প্রোসেস তৌরিবা অমসুং অঙাংশিংদা অতোপ্পা তেংবাং পীরিবা সিঙ্গল ৱিন্দো সিস্তেম অমনি।

***