ಆನ್‌ಲೈನ್‌ ಸೇವೆಗಳು ಅಥವಾ ಉತ್ಪನ್ನಗಳನ್ನು ಖರೀದಿಸಲು ಗ್ರಾಹಕರನ್ನು ದಾರಿತಪ್ಪಿಸುವ ಇ-ಕಾಮರ್ಸ್‌ ಪ್ಲಾಟ್‌ಫಾರ್ಮ್‌ಗಳಲ್ಲಿ ನಕಲಿ ವಿಮರ್ಶೆಗಳ ಪ್ರಮಾಣವನ್ನು ಅಳೆಯಲು ಮತ್ತು ಮುಂದಿನ ಮಾರ್ಗಸೂಚಿಯನ್ನು ಸಿದ್ಧಪಡಿಸಲು, ಗ್ರಾಹಕ ವ್ಯವಹಾರಗಳ ಇಲಾಖೆ (ಡಿಒಸಿಎ) ಭಾರತೀಯ ಜಾಹೀರಾತು ಮಾನದಂಡಗಳ ಮಂಡಳಿ (ಎಎಸ್‌ಸಿಐ) ಸಹಯೋಗದೊಂದಿಗೆ ವಿವಿಧ ಮಧ್ಯಸ್ಥಗಾರರೊಂದಿಗೆ 2022 ರ ಮೇ 27ರ ಶುಕ್ರವಾರ ವರ್ಚುವಲ್‌ ಸಭೆಯನ್ನು ನಡೆಸಲಿದೆ.
ಗ್ರಾಹಕರ ಮೇಲೆ ನಕಲಿ ಮತ್ತು ದಾರಿತಪ್ಪಿಸುವ ವಿಮರ್ಶೆಗಳ ಪ್ರಭಾವ ಮತ್ತು ಅಂತಹ ಅಸಂಗತತೆಯನ್ನು ತಡೆಗಟ್ಟಲು ಸಂಭಾವ್ಯ ಕ್ರಮಗಳನ್ನು ಚರ್ಚೆಗಳು ಸ್ಥೂಲವಾಗಿ ಆಧರಿಸಿರುತ್ತವೆ. ಈ ನಿಟ್ಟಿನಲ್ಲಿ, ಡಿಒಸಿಎ ಕಾರ್ಯದರ್ಶಿ ಶ್ರೀ ರೋಹಿತ್‌ ಕುಮಾರ್‌ ಸಿಂಗ್‌ ಅವರು ಎಲ್ಲಾ ಮಧ್ಯಸ್ಥಗಾರರಿಗೆ ಪತ್ರ ಬರೆದಿದ್ದಾರೆ: ಫ್ಲಿಪ್‌ಕಾರ್ಟ್‌, ಅಮೆಜಾನ್‌, ಟಾಟಾ ಸನ್ಸ್‌, ರಿಲಯನ್ಸ್‌ ರಿಟೇಲ್‌ ಮತ್ತು ಇತರ ಇ-ಕಾಮರ್ಸ್‌ ಘಟಕಗಳು, ಗ್ರಾಹಕರ ವೇದಿಕೆಗಳು, ಕಾನೂನು ವಿಶ್ವವಿದ್ಯಾಲಯಗಳು, ವಕೀಲರು, ಎಫ್‌ಐಸಿಸಿಐ, ಸಿಐಐ, ಗ್ರಾಹಕ ಹಕ್ಕುಗಳ ಕಾರ್ಯಕರ್ತರು ಇತ್ಯಾದಿ.

ಪತ್ರದ ಜೊತೆಗೆ, ಶ್ರೀ ರೋಹಿತ್‌ ಕುಮಾರ್‌ ಸಿಂಗ್‌ ಅವರು,  2022ರ ಜನವರಿ 20ರಂದು ಯುರೋಪಿಯನ್‌ ಆಯೋಗದ ಪತ್ರಿಕಾ ಪ್ರಕಟಣೆಯನ್ನು ಹಂಚಿಕೊಂಡಿದ್ದಾರೆ, ಇದು 223 ಪ್ರಮುಖ ವೆಬ್‌ಸೈಟ್‌ಗಳಲ್ಲಿಆನ್‌ಲೈನ್‌ ಗ್ರಾಹಕ ವಿಮರ್ಶೆಗಳಲ್ಲಿಇಯು-ವೈಡ್‌ ಸ್ಕ್ರೀನಿಂಗ್‌ನ ಫಲಿತಾಂಶಗಳನ್ನು ಬಿಂಬಿಸುತ್ತದೆ. ಸ್ಕ್ರೀನಿಂಗ್‌ ಫಲಿತಾಂಶಗಳು ಕನಿಷ್ಠ ಶೇಕಡ 55 ರಷ್ಟು ವೆಬ್‌ಸೈಟ್‌ಗಳು ಇ.ಯು.ನ ಅನ್ಯಾಯದ ವಾಣಿಜ್ಯ ಅಭ್ಯಾಸಗಳ ನಿರ್ದೇಶನವನ್ನು ಉಲ್ಲಂಘಿಸುತ್ತವೆ ಎಂದು ಒತ್ತಿಹೇಳುತ್ತವೆ, ಇದು ಮಾಹಿತಿಯುಕ್ತ ಆಯ್ಕೆಯನ್ನು ಮಾಡಲು ಗ್ರಾಹಕರಿಗೆ ನೈಜ ಮಾಹಿತಿಯನ್ನು ಪ್ರಸ್ತುತಪಡಿಸುವ ಅಗತ್ಯವಿದೆ. ಇದಲ್ಲದೆ, ಪರಿಶೀಲಿಸಲಾದ 223 ವೆಬ್‌ಸೈಟ್‌ಗಳ ಪೈಕಿ 144 ರಲ್ಲಿ, ವ್ಯಾಪಾರಿಗಳು ವಿಮರ್ಶೆಗಳು ಅಧಿಕೃತವಾಗಿವೆ ಎಂದು ಖಚಿತಪಡಿಸಿಕೊಳ್ಳಲು ಸಾಕಷ್ಟು ಶ್ರಮಿಸುತ್ತಿದ್ದಾರೆ ಎಂದು ಅಧಿಕಾರಿಗಳು ದೃಢೀಕರಿಸಲು ಸಾಧ್ಯವಾಗಲಿಲ್ಲ, ಅಂದರೆ, ಅವುಗಳನ್ನು ಪರಿಶೀಲಿಸಲಾದ ಉತ್ಪನ್ನ ಅಥವಾ ಸೇವೆಯನ್ನು ನಿಜವಾಗಿಯೂ ಬಳಸಿದ ಗ್ರಾಹಕರು ಪೋಸ್ಟ್‌ ಮಾಡಿದ್ದರೆ.

ಹೆಚ್ಚುತ್ತಿರುವ ಇಂಟರ್ನೆಟ್‌ ಮತ್ತು ಸ್ಮಾರ್ಟ್‌ಫೋನ್‌ ಬಳಕೆಯೊಂದಿಗೆ, ಗ್ರಾಹಕರು ಸರಕುಗಳು ಮತ್ತು ಸೇವೆಗಳನ್ನು ಖರೀದಿಸಲು ಆನ್‌ಲೈನ್‌ನಲ್ಲಿ ಶಾಪಿಂಗ್‌ ಮಾಡುತ್ತಿದ್ದಾರೆ ಎಂದು ಉಲ್ಲೇಖಿಸುವುದು ಪ್ರಸ್ತುತವಾಗಿದೆ ಎಂದು ಪತ್ರದಲ್ಲಿ ತಿಳಿಸಲಾಗಿದೆ. ಉತ್ಪನ್ನವನ್ನು ಭೌತಿಕವಾಗಿ ವೀಕ್ಷಿಸಲು ಅಥವಾ ಪರಿಶೀಲಿಸಲು ಯಾವುದೇ ಅವಕಾಶವಿಲ್ಲದೆ ಇ-ಕಾಮರ್ಸ್‌ ವರ್ಚುವಲ್‌ ಶಾಪಿಂಗ್‌ ಅನುಭವವನ್ನು ಒಳಗೊಂಡಿರುವುದರಿಂದ, ಗ್ರಾಹಕರು ಈಗಾಗಲೇ ಸರಕುಗಳು ಅಥವಾ ಸೇವೆಯನ್ನು ಖರೀದಿಸಿದ ಬಳಕೆದಾರರ ಅಭಿಪ್ರಾಯ ಮತ್ತು ಅನುಭವವನ್ನು ನೋಡಲು ಇ-ಕಾಮರ್ಸ್‌ ಪ್ಲಾಟ್‌ಫಾರ್ಮ್‌ಗಳಲ್ಲಿ ಪೋಸ್ಟ್‌ ಮಾಡಿದ ವಿಮರ್ಶೆಗಳನ್ನು ಹೆಚ್ಚು ಅವಲಂಬಿಸಿದ್ದಾರೆ. ಇದರ ಪರಿಣಾಮವಾಗಿ, ನಕಲಿ ಮತ್ತು ದಾರಿತಪ್ಪಿಸುವ ವಿಮರ್ಶೆಗಳಿಂದಾಗಿ, ಗ್ರಾಹಕ ಸಂರಕ್ಷ ಣಾ ಕಾಯ್ದೆ, 2019 ರ ಅಡಿಯಲ್ಲಿ ಗ್ರಾಹಕರ ಹಕ್ಕಾಗಿರುವ ಮಾಹಿತಿ ಪಡೆಯುವ ಹಕ್ಕನ್ನು ಉಲ್ಲಂಘಿಸಲಾಗಿದೆ.

ಈ ಸಮಸ್ಯೆಯು ದೈನಂದಿನ ಆಧಾರದ ಮೇಲೆ ಆನ್‌ಲೈನ್‌ ಶಾಪಿಂಗ್‌ ಮಾಡುವ ಜನರ ಮೇಲೆ ಪರಿಣಾಮ ಬೀರುವುದರಿಂದ ಮತ್ತು ಗ್ರಾಹಕರಾಗಿ ಅವರ ಹಕ್ಕುಗಳ ಮೇಲೆ ಗಮನಾರ್ಹ ಪರಿಣಾಮ ಬೀರುವುದರಿಂದ, ಇದನ್ನು ಹೆಚ್ಚಿನ ಪರಿಶೀಲನೆ ಮತ್ತು ವಿವರಗಳೊಂದಿಗೆ ಪರಿಶೀಲಿಸುವುದು ಮುಖ್ಯವಾಗಿದೆ ಎಂದು ಪತ್ರದಲ್ಲಿ ತಿಳಿಸಲಾಗಿದೆ.

***