প্রধানমন্ত্রীগী লোইশঙ
azadi ka amrit mahotsav

প্রধান মন্ত্রীনা জপানগী জপানগী প্রধান মন্ত্রীগা উনখ্রে

Posted On: 24 MAY 2022 6:35PM by PIB Imphal

প্রধান মন্ত্রী শ্রী নরেন্দ্র মোদীনা ঙসি জপানগী প্রধান মন্ত্রী ফুমিও কিসিদাগা লোয়ন্না লৈবাক অনিগী ওইবা মীফম অমা পাংথোকখ্রে। প্রধান মন্ত্রী কিসিদানা প্রধান মন্ত্রী মোদীগা লোয়ন্না চাক্লেন অমশু চামিন্নখি। লৈবাক অনিগী অমসুং মালেমগী ওইবা ৱাফমশিং য়াওনা তোঙান-তোঙানবা হিরমশিংদা লৈবাক অনিগী লৈনরিবা মরীশিং ফগৎহন্নবগী মতাংদা লুচিংবশিংনা কান্নবা ৱাফম কয়া খন্নখি।

দিফেন্স মেনুফেকচরিং য়াওনা লৈবাক অনিগী মরক্তা লৈনরিবা সেকুরিতি অমসুং ঙাক-শেনগী মতেং পাংনবা অসি মখা তানা ফগৎহনবা হায়না লুচিংবা অনিনা য়ানখি। মথংগী ফোরেন অমসুং দিফেন্স মিনিস্তরশিংগী ২+২ মীফম অথুবা মতমদা জপান্দা পাংথোকপা হায়না মখোয়না য়ানখি।

লৈবাক অনিগী মরক্তা লৈনরিবা শেন-থুমগী মরী ফগৎলকপদা লুচিংবা অনিনা থাগৎখি। সরকার অমসুং লনাইনা শেন থাদবদা য়েন ত্রিল্লিয়ন ৫ য়ৌহন্নবা অমসুং  মথং চহি ৫দা জপানদগী ভারত্তা শেন থাদনবা লৌখিবা মখোয়গী ৱারেপশিং থবক ওইনা পাংথোক্নবা নাকল অনিমক্না পুন্না থবক  তৌমিন্নবা হায়না মখোয়না য়ানখি। লাইনা ললোন-ইতিক্কী থবক পাংথোকপা হেনগৎহন্নবা অমসুং গাতি শক্তি থৌরাংগী মখাদা লোজিস্তিক্কী থবকশিং ফগৎনবা ভারত সরকারনা পায়খৎলিবা থবকশিং প্রধান মন্ত্রীনা পাউদমখি অমসুং জপানগী কম্পেনিশিংনা ভারত্তা শেন হেন্না থাদরক্নবা মতেং পাংনবা প্রধান মন্ত্রী কিসিদাদা তকশিনখি। অসিগুম্বা শেন থাদবা অসিনা মপুংফানা পোৎ-চৈশিং ফংহনবদা মতেং পাংগনি অমসুং নাকল অনিমক কান্নবা ফংগনি। হিরম অসিগী মতাংদা, মখোয়না ভারত্তা শেন থাদবা হেনগৎলকপগীদমক প্রধান মন্ত্রী মোদীনা জপানগী কম্পেনিশিং থাগৎখি অমসুং তোঙান-তোঙানবা পি.এল.আই স্কিমশিংগী মখাদা জপানগী কম্পেনি ২৪ মাইপাক্না শরুক য়ারে।

মুম্বাই-অহমেদবাদ হায় স্পিৎ রেল(এম এ ঐচ এস আর) প্রোজেক পায়খৎনবা খুমাংচাউশিল্লিবা অসি লুচিংবা অনিনা খন্নখি অমসুং প্রোজেক অসিগীদমক অহুমশুবা ত্রেঞ্জ লোনগী একচেঞ্জ ওফ নোতশিং খুৎয়েক পীনখিবদা তরাম্না ওকখি। ইনফোর্মেসন অমসুং কম্মুনিকেসন তেক্নোলোজিশিংগী মরুওইবা হেনগৎলক্লিবা অসি লুচিংবা অনিনা খন্নখি অমসুং অনৌবা কম্মুনিকেসন তেক্লোলোজিশিং শেমগৎনবা নাকল অনিগী লনাই কম্পেনিশিংগী মরক্তা মতেং পীনবা পুক্নিং থৌগৎপা হায়না য়ানখি। ৫-জি, বিয়োন্দ ৫-জি অমসুং সেমিকন্দক্তরশিং য়াওনা নৌনা থোরকপা তেক্নোলোজিশিংদা মতেং পাংনবা হায়না মখোয়না য়ানখি। গ্রিন হায়দ্রোজেন য়াওনা ক্লিন ইনর্জিগী লমদা মখা তানা মতেং পাংনবা হায়না প্রধান মন্ত্রী অনিনা য়ানখি অমসুং হিরম অসিদা ললোন-ইতিক্কী থবকশিং হেনগৎহন্নবা পুক্নিং থৌগৎখি।

মীগা মীগগী মরক্তা লৈনবা মরীশিং মখা তানা ফগৎহন্নবা লুচিংবা অনিনা য়ানখি। অসিগুম্বা মরীশিং অসিনা লৈবাক অনিগী মরক্তা লৈনবা মরীশিংগী য়াংলেন শরু ওইগনি হায়না প্রধান মন্ত্রী কিসিদানা ফোঙদোকখি। হিরম অসিগী মতাংদা, স্পেসিফিক স্কিল ৱার্করস(এস এস দব্লিউ) প্রোগ্রাম মাইপাক্না পায়খৎপা অসি লুচিংবা অনিনা খঙজিনখি অমসুং মসিগী থৌরম অসি মখা তানা ফগৎহনবা হায়না য়ানখি। কোভেক্সিন অমসুং কোবিসিল্দ তিকা থাবগী শক্তাকচেশিং য়াওরবা ভারত্তগী লাকপা মীওইশিং ক্বারেনতাইন তৌদনা জপান্দা চংবা য়াহন্নবা ৱাফম প্রধান মন্ত্রী মোদীনা পুখৎখি। ভারতকী অৱাং-নোংপোক লমদম চাউখৎহন্নবা ইন্দিয়া-জপান এক্ত ইস্ত ফোরম্না কান্নবা পীরে হায়বনা লুচিংবা অনিনা য়ানখি অমসুং চহিগী ওইনা পাংথোকপা মীফমদা লৈবাক অনিনা মশক খঙদোক্লবা তোঙান-তোঙানবা প্রোজেকশিং অথুবদা থবক ওইনা পায়খৎপা হায়না য়ানখি।

হন্দক মালেমগী ওইনা অমসুং লমদম-লমদমগী ওইনা থেংনরিবা ফিবমশিংগী মতাংদা লুচিংবশিংনা ৱাফম কয়া খন্নখি। ইন্দো-পেসিফক্কী মতাংদা মখোয়গী ওইবা অপুনবা মীৎয়েং থম্বা অমসুং মনিং তম্বা, অপনবা লৈতবা অমসুং অপুনবগী ওইবা ইন্দো-পেসিফিক লমদম অমা পুরক্নবা মাইকৈদা পু্ন্না থবক তৌমিন্ননবা ৱাফম খন্নখি। হিরম অসিগী মতাংদা, তিকা মখলশিং, স্কোলারসিপশিং, অরুবা তেক্নোলোজিশিং অমসুং ইনফ্রাস্তকচর য়াওনা ক্বাদকী মরুওইবা অফবা এজেন্দাশিং মখোয়না তরাম্না ওকখি।

খোঙচৎ অসিদা মহাক অমসুং মহাক্কী মীহুৎ কাংবুগী মীওইশিং তরাম-তরাম্না ওকখিবা অদুগীদমক প্রধান মন্ত্রী মোদীনা প্রধান মন্ত্রী কিসিদা থাগৎখি। মথংগী লৈবাক অনিগী চহিগী মীফমগীদমক জপান্দা লাক্নবা প্রধান মন্ত্রী কিসিদানা প্রধান মন্ত্রী মোদীদা চেবাউ পীখি অমসুং মদু হরাওনা য়াখি।

***



(Release ID: 1828133) Visitor Counter : 33