প্রধানমন্ত্রীগী লোইশঙ
জপান-ইন্দিয়া এসোসিএসন(জিয়া)গী লুচিংবশিংগা প্রধান মন্ত্রীগা উনখ্রে
Posted On:
24 MAY 2022 3:08PM by PIB Imphal
মে ২৪ ২০২২দা জপানগী তোকিওদা প্রধান মন্ত্রী শ্রী নরেন্দ্র মোদীনা জপানগী হান্নগী প্রধান মন্ত্রীশিং য়োসিরো মোরি অমসুং সিনজো অবেগা উনখ্রে। য়োসিরো মোরি হৌজিক জপান-ইন্দিয়া এসোসিএসন(জিয়া)গী চিয়ারপর্সন ওইরি অমসুং মতম খরগী মতুংদা ফম অসি সিনজো অবেনা পায়রগনি। ১৯০৩দা লিংখৎখিবা জিয়া অসি জপানগা লৈনবা মরুপ-মপাং ওইবা খ্বাইদগী লিরবা এসোসিএসনশিংগী মনুংদা অমনি।
রাজনিতি, শেন-থুম অমসুং কলচরগী লমদা ভারত অমসুং জপানগী মরক্তা মতেং পাংনবা হেনগৎহন্নবা য়োসিরো মোরিগী লুচিং মখাদা জিয়ানা পাংথোকখিবা শিংথানিঙাই ওইরবা থবকশিং প্রধান মন্ত্রীনা থাগৎখি। মহাক্না নৌনা ফম পায়গদৌরিবা অসিগীদমক প্রধান মন্ত্রীনা সিনজো অবেগী মফমদা য়াইফ-পাউজেল পীখি অমসুং জিয়ানা মখা তানা মসিগী মরুওইবা থৌদাং লৌখিগনি হায়বগী থাজবা থমখি।
শান্তি লৈবা, তংদু লৈতাবা অমসুং নুংঙাই-য়াইফবা ইন্দো-পেসিফিক অমা ওইহন্নবা ভারত অমসুং জপানগী মান্নবা পান্দম য়াওনা ভারত অমসুং জপানগী মরক্তা লৈনরিবা অখন্নবা মরী অমসুং মালেমগী থাক্তা মতেং পীনরিবশিংগী মতাংদা লুচিংবশিংনা পাক-শন্না খন্নখি। কলচর অমসুং মীগা মীগা লৈনবা মরী মখা তানা ফগৎহন্নবা লম্বীশিংগী মতাংদশু ৱারি শানখি।
*****
(Release ID: 1827938)
Visitor Counter : 115
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam