કેન્દ્રીય ગૃહ અને સહકારિતા મંત્રી, શ્રી અમિત શાહે આજે નવી દિલ્હીમાં એક બેઠકમાં જમ્મુ અને કાશ્મીરની સુરક્ષા સ્થિતિની સમીક્ષા કરી. આ બેઠકમાં જમ્મુ અને કાશ્મીરના લેફ્ટનન્ટ ગવર્નર શ્રી મનોજ સિંહા, રાષ્ટ્રીય સુરક્ષા સલાહકાર શ્રી અજીત ડોભાલ, આર્મી સ્ટાફના વડા અને ભારત સરકાર અને જમ્મુ અને કાશ્મીર વહીવટીતંત્રના વરિષ્ઠ અધિકારીઓએ હાજરી આપી હતી.

શ્રી અમિત શાહે સુરક્ષા દળો અને પોલીસને સંકલિત આતંકવાદ વિરોધી કામગીરી સક્રિય રીતે હાથ ધરવા નિર્દેશ આપ્યો હતો. તેમણે કહ્યું કે સમૃદ્ધ અને શાંતિપૂર્ણ જમ્મુ અને કાશ્મીરના પ્રધાનમંત્રી શ્રી નરેન્દ્ર મોદીના સ્વપ્નને સાકાર કરવા માટે સુરક્ષા દળો સરહદ પારથી શૂન્ય ઘૂસણખોરી સુનિશ્ચિત કરીને જમ્મુ અને કાશ્મીરમાંથી આતંકવાદને સંપૂર્ણપણે ખતમ કરે.

SD/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com