প্রধানমন্ত্রীগী লোইশঙ
পি.এম.না ত্রাইগী সিলভর জুবিলী পালন তৌনবা পাঙথোকপা থৌরমদা ৱা ঙাংখ্রে
“ইশানা শাজবা ৫জি তেস্ত-বেদ অসি তেলিকোম সেক্তরগী ক্রিতিকেল অমসুং মোদর্ন তেক্নোলোজীদা আত্মনির্ভর ওইনবা মাইকৈদা চংশিল্লিবা মরু ওইবা খোঙথাং অমনি”
“কন্নেক্তিবিতীনা ২১শুবা চহিচাগী ভারতকী চাউখৎ খোঙজেল অসি লেপ্লগনি”
“৫জি তেক্নোলোজী অসিনা লৈবাক অসিগী গভর্নান্স, ইজ ওফ লিবিং অমসুং ইজ ওফ দুইং বিজিনেসতা অফবা অহোংবশিং পুরক্লগনি”
“২জিগী চহিচাগী নীংবা কাইবা, অমাংবা, শেঞ্জা-থুমজা অমসুং পোলিসী পেরালাইসিস অসিদগী থোরক্তুনা লৈবাক অসিদা ৩জি.দগী ৪জি অমসুং হৌজিক্না ৫জি.দগী ৬জি তম্না লেপ্তনা চংশিল্লি”
“হৌখিবা চহি ৮ অসিদা রীচ, রিফোর্ম, রিগ্যুলেৎ, রেস্পোন্দ অমসুং রিভোল্যুস্নাইজ হায়বা ‘পঞ্চামৃত” অসিগা লোয়ননা তেলিকোম সেক্তরদা অনৌবা ইনর্জী হাপচিনখি”
“লায়রবশিংগী খ্বাইদগী লায়রবা ইমুংশিংনা মোবাইল ফোন পাইবা ঙম্নবা মোবাইল মেন্যুফেকচরিং য়ুনিৎশিং ২দগী ২০০গী মথক্তা হেনগৎলকখি”
“ঙসি মীপুম খুদিংমক্না কোল্লোবোরেতিব রিগ্যুলেসন মথৌ তাই হায়না ফাওরি। মসিগীদমক রিগ্যুলেতর পুম্নমক্না পুনশিনবা, কম্মন প্লেৎফোর্মশিং দিবেলপ তৌবা অমসুং হেন্না নীংথিজনা কোওর্দিনেসন তৌনবা সোল্যুসনশিং থিবা তঙাই ফদে”
Posted On:
17 MAY 2022 12:24PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা তেলিকোম রিগ্যুলেতরী ওথোরিতী ওফ ইন্দিয়া (ত্রাই)গী সিলভর জুবিলী পালন তৌনবা পাঙথোকপা থৌরম অমদা ৱা ঙাংখ্রে। মহাক্না থৌরম অসি পালন তৌবা ওইনা পোস্তেল স্তাম্প অমসু ফোঙখি। থৌরম অসিদা কেন্দ্রগী মন্ত্রী শ্রী অশ্বিনি ভৈশ্নৌ, শ্রী দেবসিংহ চৌহান অমসুং শ্রী এল. মুরুগন অমসুং তেলিকোম অমদি ব্রোদকাস্তিং সেক্তরশিংগী লুচিংবশিংসু শরুক য়াখি।
মীতিন অসিদা ৱা ঙাংলদুনা প্রধান মন্ত্রীনা ঙসি মহাক্না জাতিদা খুৎশিন্নরিবা ইশানা শাজবা ৫জি তেস্ত বেদ অসি তেলিকোম সেক্তরগী ক্রিতিকেল অমসুং মোদর্ন তেক্নোলোজীদা আত্মনির্ভর ওইনবা মাইকৈদা চংশিনবা মরু ওইবা খোঙথাং অমা ওইরি হায়না ফোঙদোকখি। মহাক্না আই.আই.তি.শিং য়াওনা প্রোজেক্তশিং অসিগা মরী লৈনবা মীওই পুম্নমক্তা থাগৎপা ফোঙদোকখি। “লৈবাক অসিগী মশাগী ৫জি স্তেন্দর্দশিং অসি ৫জি.আই.গী মওংদা শাখি, মসি লৈবাক অসিগী ওইনা য়াম্না চাউথোকচনীংঙাই ওইবা ৱাফম অমনি। মসিনা লৈবাক অসিগী খুঙ্গংশিংদা ৫জি তেক্নোলোজী য়ৌহনবদা অচৌবা থৌদাং অমা লৌরগনি”, হায়না মহাক্না ফোঙদোকখি।
প্রধান মন্ত্রীনা কন্নেক্তিবিতীনা ২১শুবা চহিচাগী ভারতকী চাউখৎ খোঙজেল অসি লেপ্লগনি হায়না ফোঙদোকখি। মরম অসিনা কন্নেক্তিবিতী অসি থাক খুদিংদা মতমগা চুনবা ওইহনবা তাই। মহাক্না মখা তারদুনা, ৫জি তেক্নোলোজী অসিনা লৈবাক অসিগী গভর্নান্স, ইজ ওফ লিবিং অমসুং ইজ ওফ দুইং বিজিনেসতা অফবা অহোংবশিং পুরক্লগনি হায়খি। মসিনা লৌউ-শিংউ, হকশেল, এজুকেসন, ইনফ্রাস্ত্রকচর অমসুং লোজিস্তিক্স অসিগুম্বা সেক্তর খুদিংমক্তা শাহৌ লৈহল্লগনি। মসিনা খুদোংচাবা হেনগৎলগনি অমসুং থবক্কী খুদোংচাবা কয়া অমা পীরগনি। ৫জি অথুবদা রোল-আউত তৌনবা সরকার অমসুং ইন্দস্ত্রী অনিমক্না হোৎনবা মথৌ তাই হায়না মহাক্না মখা তাখি।
প্রধান মন্ত্রীনা তেলিকোম সেক্তর অসি করম্না মরোলদোম লেপচগনি অমসুং অফবা মওংদা অথোই-অহেন তানবনা খুন্নাই অমসুং শেন্মীৎলোন্দা করম্না কান্নবা কয়ামরুম পীবগে হায়বগী অচৌবা খুদম অমা ওইরি। ২জিগী চহিচাগী নীংবা কাইবা, অমাংবা, শেঞ্জা-থুমজা অমসুং পোলিসী পেরালাইসিস অসিদগী থোরক্তুনা লৈবাক অসিদা ৩জি.দগী ৪জি অমসুং হৌজিক্না ৫জি.দদগী ৬জি তম্না লেপ্তনা চংশিল্লি।
প্রধান মন্ত্রীনা হৌখিবা চহি ৮ অসিদা রীচ, রিফোর্ম, রিগ্যুলেৎ, রেস্পোন্দ অমসুং রিভোল্যুস্নাইজ হায়বা ‘পঞ্চামৃত” অসিগা লোয়ননা তেলিকোম সেক্তরদা অনৌবা ইনর্জী হাপচিনখি হায়খি। মহাক্না মসিদা ত্রাইনা য়াম্না মরু ওইবা থৌদাং অমা লৌখিবগীদমক থাগৎখি। প্রধান মন্ত্রীনা হৌজিক লৈবাক অসিনা সিলোশিংগী খনবদগী হেন্দোক্তুনা “হোল ওফ দি গভর্নমেন্ত এপ্রোচ”কা লোয়ননা মাংদা চংশিল্লি হায়না ফোঙদোকখি। ঙসি ঐখোয়না লৈবাক অসিদা লৈরিবা তেলিদেন্সিতী অমসুং ইন্তর্নেৎ য়ুজরশিংগী মশিংদা মালেমদা খোঙজেল য়াংনা হেনগৎলক্লি, মসিদা তেলিকোম য়াওনা সেক্তর কয়ানা থৌদাং লৌখি হায়না মহাক্না ফোঙদোকখি।
প্রধান মন্ত্রীনা লায়রবশিংগী খ্বাইদগী লায়রবা ইমুংশিংদা মোবাইল এক্সেসিবল ওইহন্নবা লৈবাক অসিমক্তদা মোবাইল ফোনশিং শানবগী মতাংদা মীৎয়েং চংখি মসিগী ফলনা মোবাইল মেন্যুফেকচরিং য়ুনিৎশিং অসি ২দগী ২০০গী মথক্তা হেনগৎলকখি।
প্রধান মন্ত্রীনা ঙসি ভারতনা ওপ্তিকেল ফাইবর শীজিন্নদুনা লৈবাক অসিগী খুঙ্গং খুদিংমক কন্নেক্ত তৌরি হায়না ফোঙদোকখি। ২০১৪গী মমাংদা ভারত্তা লৈরিবা খুঙ্গংগী পঞ্চায়ৎ ১০ ফাওবা ওপ্তিকেল ফাইবর কন্নেক্তিবিতী পীবা ঙম্লমখিদে হায়না মহাক্না মখা তাখি। ঙসি ঐখোয়না ব্রোদবেন্দ কন্নেক্তিবিতীনা গ্রাম পঞ্চায়ৎ লাখ ১.৭৫দা য়ৌশিনবা ঙমহনখ্রে। মসিনা মরম ওইরগা সরকারগী সর্ভিস কয়ানা খুঙ্গংশিংদা য়ৌবা ঙম্লি।
প্রধান মন্ত্রীনা “হোল ওফ গভর্নমেন্ত এপ্রোচ” অসি হৌজিক্কী অমদি তুংগী শীংনবশিং থংনবদা ত্রাইগুম্বা রিগ্যুলেতরশিংগী ওইনা মরু ওই হায়খি। “ঙসি রিগ্যুলেসন অসি সেক্তর অমা খক্তগী ঙমখৈশিংদা লোইশিন্দ্রে। তেক্নোলোজীনা তোঙান-তোঙানবা সেক্তরশিংবু শম্নহল্লি। মরম অসিনা ঙসি মীপুম খুদিংমক্না কোল্লোবোরেতিব রিগ্যুলেসন মথৌ তাই হায়না ফাওরি। মসিগীদমক রিগ্যুলেতর পুম্নমক্না পুনশিনবা, কম্মন প্লেৎফোর্মশিং দিবেলপ তৌবা অমসুং হেন্না নীংথিজনা কোওর্দিনেসন তৌনবা সোল্যুসনশিং থিবা তঙাই ফদে”, হায়না প্রধান মন্ত্রীনা ফোঙদোকখি।
***
(Release ID: 1826005)
Visitor Counter : 196
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam