নহারোল অমসুং শান্ন-খোৎনবগী মন্ত্রালয়
য়ুথ এফিয়র্স অমসুং শান্ন-খোৎনবগী কেন্দ্র মন্ত্রী, শ্রী অনুরাগ থাকুরনা থোমাস কপ লৌবা ভারতকী বেদমিন্তন তীমগী লুপা করোর ১গী মনা লাওথোকখ্রে
Posted On:
15 MAY 2022 4:52PM by PIB Imphal
মমাংদা অমুক্তা পাংথোকখিদ্রিবা থৌওং অমা ওইনা, য়ুথ এফিয়র্স অমসুং শান্ন-খোৎনবগী কেন্দ্র মন্ত্রী, শ্রী অনুরাগ থাকুরনা ভারতকী নুপাগী বেদমিন্তন তীম্না বেঙ্কোক্তা পাংথোকখিবা বেদমিন্তনগী থোমাস কপকী ফাইনেলদা ১৪রক শুনা চেম্পিয়ন ওইরবা ইন্দোনেসিয়াবু ৩-০দা মাইথীবা পীদুনা কপ অসিবু খ্বাইদগী অহানবা ওইনা লৌদুনা পুৱারী শেম্বগীদমক্তা লুপা করোর ১গী মনা লাওথোকখ্রে।
শ্রী অনুরাগ থাকুর সিংহনা মায় পাকপা অসিদা খুদক্কী ওইবা ৱারেপ লৌদুনা য়াম্না থুনা নুংঙাইবা ফোংদোকখি। “ভারতনা মলেসিয়া, দেনমার্ক অমসুং ইন্দোনেসিয়াবু প্লে-ওফশিংদা থংন-থংননা মায়থীবা পীদুনা থোমাস কপ লৌবগী থোইদোক হেন্দোক্লবা থৌওং অসিনা কাঙলোন খরা কোমথোকহনবগী তঙাই ফদবা লৈহল্লে। হন্দক্কী ৱিকেন্দ অসিদা ভারত মচাশিংদা য়াম্না নুংঙাইবা ফাওহল্লিবা তীম অসিদা লুপা করোর ১গী মনা পীগনি লাওথোকপদা ঐহাক্না য়াম্না চাউথোকচবা ফাওজরি”, হায়না মহাক্না হায়খি।
মন্ত্রীনা ভারতকী তীমগী শান্নরোই, কোচ অমসুং সপ্পোর্ত স্তাফশিংবু থাগৎখি। “কিদম্বী শ্রীকান্ত অমসুং ঐচ.এস. প্রন্নোইনা কোর্ত্তা হেক খোঙদাবা খুদিংগী মায় পাক্তুনা ক্লিন স্লেত থমখি। সত্বিকসাইরাজ রঙ্কী রেদ্দী অমসুং চিরাগ শেত্তীগী দবলগী কম্বিনেসন্না নোক-আউত স্তেজতা শান্নখিবা মেৎচ অহুম্মক য়াওনা অপুনবা মেৎচ তরুক্কী মনুংদা দিসিসিব পোইন্ত মঙা লৌবা ঙমদুনা মায় পাকপগী চাং হেন্না ৱাংখৎহনখি”, হায়না মহাক্না হায়খি।
“লক্সয়া সেন্না ইন্দোনেসিয়াগী মাইয়োক্তা শান্নবা অহানবা মেৎচ থোইখিবদা স্তীলগুম্না কনবা ৱাখল্লোন অমসুং অনীংবা লৈ হায়বা উৎখি। এম.আর. আর্জুন অমসুং ধ্রুব কপিলা, কৃষ্ণ প্রসাদ গরাগা অমসুং পঞ্জালা বিষ্ণুবর্ধন গৌদকা লোয়ননা প্রিয়ান্সু রজতৱালীনা পুৱারী ওইরবা কেম্পেন অসিগী শরুক ওইখিবদা কান্নবা য়াম্না ফংলমগনি”, হায়না শ্রী অনুরাগ সিংহ থাকুরনা হায়খি।
য়ুথ এফিয়র্স অমসুং শান্ন-খোৎনবা মন্ত্রালয়না তীম অসিনা খ্বাইদগী অহানবা ওইনা মায় পাকখিবা অসিদা শান্নরোইশিংদা ত্রেনিং অমসুং কম্পিতিসন সপ্পোর্ত পীদুনা তেংবাংখি। জনুৱারীদগী হৌখিবা নুমিৎ ১০নিগী নেস্নেল কেম্পনা শান্নরোইশিংগী ফিৎনেসকী থাক হেনগৎহনবদা তেংবাংখি। মথাইয়াস বোবু দবল কম্বিনেসন্দা তেংবাংনবগীদমক্তা কোচ ওইনা খনখিবগী থৌওংসু য়াম্না মশক নাইবা থবক ওইখি।
মন্ত্রালয়না মমাংগী চহি ৪দগী হৌনা ভারতকী বেদমিন্তন শান্নরোইশিংদা ত্রেনিং অমসুং কম্পিতিসনগীদমক্তা লুপা করোর ৬৭.১৯গী শনফমগী ফন্দিং পীখ্রবনি। মসিগী মনুংদা মীরম লৈবাক অমসুং ভারতকী কোচশিংগী তোলোব পীবগী শেনফম য়াওরি। অদুগা মমাংগী চহিমক্তদা, মন্ত্রালয়না লুপা করোর ৪.৫ চঙদুনা ইন্তর্নেস্নেল এক্সপোজর ত্রিপ য়াম্লবদা ১৪দসু তেংবাংখিবনি।
*******
(Release ID: 1825613)
Visitor Counter : 122