মে ১৬ ২০২২দা বৈশাখা বুদ্ধ পুর্নিমা থৌরমদা মহাক্কী লুম্বীনি খোঙচৎ মনুংদা লুম্বীনি মোনাস্তিক জোন্দা বুদ্ধিস্ত কলচর অমসুং হেরিতেচগী অখন্নবা সেন্তর অমা শানবা “সিলানয়াস” থৌরমদা প্রধান মন্ত্রী শ্রী নরেন্দ্র মোদী শরুক য়াগনি। লুম্বীনিদা লৈবা শেংলবা ময়াদেবী লাইশঙদা প্রধান মন্ত্রী লাই খুরুম্বা চৎকনি। নেপাল সরকারগী মখাদা লৈবা লুম্বীনি দিবলপমেন্ত ত্রস্তনা শীনবা বুদ্ধ জয়েন্তিগী থৌরম অমদশু প্রধান মন্ত্রী ৱা ঙাংগনি।

ভারত সরকারগী কলচর মিনিস্ত্রিগী শেন্থংগা লোয়ন্না লুম্বীনি দিবলপমেন্ত ত্রস্তকী মীৎয়েং মখাদা ইন্তরনেসনেল বুদ্ধিস্ত কনফিদেরেসন(আই বি সি), ইন্দিয়ানা অখন্নবা “ইন্দিয়ান ইন্তরনেসনেল সেন্তর ফোর বুদ্ধিস্ত কলচর এন্দ হেরিতেচ” শাবগী থবক পায়খৎকনি। ইন্তরনেসনেল বুদ্ধিস্ত কনফিদেরেসন অসি কলচর মিনিস্ত্রিগী মখাদা লৈবা গেরেন্তি বোদি অমনি। বুদ্ধিস্ত সেন্তর অসি নেপালগী অহানবা মৈখু অমদা থাদোক্তবা বিল্দিং ওইগনি।

অমরোমদা, নুমিৎ অসিদা, বৈশাখা বুদ্ধ পুর্নিমাগীদমক ইন্তরনেসনেল বুদ্ধিস্ত কনফিদেরেসন(আই বি সি)না কলচর মিনিস্ত্রিগা লোয়ন্না নিউ দিল্লিদা ফজরবা থৌরম অমা পাংথোক্কনি। নুমিৎ অসিদা নেপালগী লুম্বীনিদা বুদ্ধিস্ত কলচর এন্দ সেন্তর শানবা প্রধান মন্ত্রী শ্রী নরেন্দ্র মোদীনা উরেপ-উয়ুং তম্বগী ফিল্ম অমা থৌরম অদুদা উৎকনি।

তোঙান-তোঙানবা বু্দ্ধগী মফমশিংদা পাংথোকপা লাইশোন থৌরমশিং স্ক্রিন্দা উৎতুনা নুংথিলগী পুং ২দগী থৌরম অদু হৌদোক্কনি।

থৌরম অদুদা ভারত সরকারগী লো অমসুং জজতিস্তকী মিনিস্তর শ্রী কিরেন রিজিজুনা চীফ গেস্ত, ভারত সরকারগী কলচর, তুরিজম অমসুং দোনরগী মিনিস্তর শ্রী জি. কিসন রেদ্দিনা গেস্ত ওফ ওনর অমসুং কলচরগী রাজ্য মন্ত্রী শ্রী অর্জুন রাম মেঘৱালনা স্পিসিএল গেস্ত ওইনা শরুক য়াগনি।

প্রধান মন্ত্রীগী নেপাল খোঙচৎ অসি লুম্বীনি বুদ্ধিস্ত সেন্তর শঙ্গাবগা লোয়ন্না শেংলবা বৈশাখা বুদ্ধ পুর্নিমা থৌরমগা মপা চান্নরে। ভাগবান বুদ্ধ পোকখিবা, মঙাল ফংখিবা অমসুং অরোইবা য়াহিপ তানখিবা নুমিৎ ওইবনা নুমিৎ অসি অহুম্লক য়াইফরবা নুমিৎ হায়না খঙনরি। নেপালগী লুম্বীনিদা বুদ্ধ পোকখ্রবশু, মহাক বিহারগী বোধগয়াদা মঙাল ফংখি, সরনাথতা মহাক্কী অহানবা পাউজেল শন্দোকখি অমসুং উত্তর প্রদেসকী কুসিনগরদা অরোইবা য়াহিপ তানখি।

বুদ্ধিস্ত চৎনবীগী মতুংইন্না লুম্বীনি অসি শেংলবা মফমনি, ৮২৩ বি.সিদা মহারানি মহাময়াদেবীনা সিদ্ধার্থা গৌতম পোকখি। লুম্বীনিগী মমিং লৈরবা লৈকোলদা ভাগবান বুদ্ধ পোকখি, মফম অদু শেংলবা মফম অমা ওইরকখি।

মফম অদুদা লাই খুরুম্বা লাকখিবশিংগী মনুংদা ভারতকী নিংথৌরেল অশোক য়াওখি, মহাক্না মফম অদুদা মহাক্কী নিংশিং য়ুম্বী অমা য়ুংখি। ভাগবান বুদ্ধ পোকখিবগী আর্কিওলোজিগী ওইবা পোৎশকশিংগা লোয়ন্না হৌজিক মফম অসি বুদ্ধিস্তকী শেংলবা মফম অমা ওইনা শেমগৎলে।

অতোপ্পা বিহারাশিং অমসুং মোনাস্ত্রিশিং খরদি ম্যান্মারগী গোল্দন তেম্পল, তারা ফাউন্দেসন তেম্পল, শ্রী লঙ্কা মোনাস্ত্রি, কোরিয়ান তেম্পল, কম্বোদিয়ান মোনাস্ত্রি অমসুং ভিয়েতনামগী ফাত কুউতু তেম্পলনি।

মফম অসি য়ুনেস্কোনা ৱার্ল্দ হেরিতেচ মফমনি হায়না লাউথোকখিবদগী লুম্বীনি অসি নেপালগী খ্বাইদগী শেংলবা অমসুং মরুওইবা মফম অমা ওইরে।

নিউ দিল্লিদা মসিগী হেদক্বাতর্স ওইবা ইন্তরনেসনেল বুদ্ধিস্ত কনফিদেরেসন(আই বি সি)-ইন্দিয়া অসি মালেম শীনবা থুংনা লৈরিবা বুদ্ধিস্তশিংগী অপুনবা মফম অমা ওইনা থবক তৌনবা মালেমগী অপুনবা বুদ্ধিস্ত লুপ অমনি। মসি বুদ্ধ লাইনিংগী মকোক থোঙবা লুচিংবশিংগী মীৎয়েং মখাদা লিংখৎপনি। বুদ্ধিস্তকী অফবা গুনশিং অমসুং অচুম্বশিং ঙাক-শেন্নবা, শন্দোক্নবা অমসুং য়োকখৎনবা তোঙান-তোঙানবা বুদ্ধিস্ত লুপশিংগী মফম অমা শেম্নবা পান্দম থম্লি। মালেমগী অৱাবশিং কোকহন্নবা পাম্বৈশিং থিদোক্নবা পান্দমশু থম্লি।

আই.বি.সিনা নেপালদা লৈবা বুদ্ধিস্ত লুপশিংগা ফজনা থবক তৌমিন্নরি অমসুং তোঙান-তোঙানবা বুদইস্ত লম্বোইবশিংগা অচেৎপা মরী অমা লৈনরি। প্রধান মন্ত্রীগী খোঙচৎ অমসুং লুম্বীনি  মোনাস্তিক কমপ্লেক্সতা ইন্দিয়ান সেন্তর অমা শাবা অসিনা বুদ্ধিস্ত হেরিতেচ অমসুং চৎনবীগী খুৎথাংদা মখা তানা অচেৎপা মরী থম্লগনি।

মে ১৬, ২০২২গী অয়ুক পুং ৮.০০দগী হৌনা আই.বি.সিগী মখাগী লিঙ্কশিং অসিদা থৌরম য়েংবা য়াগনি:

মখাগী লিঙ্কশিং অসিদা “ভর্চুএল বৈশাখা বুদ্ধ পুর্নিমা দিবস”কী লাইভ স্ত্রিম থাদোক্কনি

Facebook: https://www.facebook.com/ibcworld.org

Youtube : https://www.youtube.com/c/IBCWorld

*****