ನಮ್ಮನ್ನು ಪೋಷಿಸುವ ಭೂಮಿಯನ್ನು ನೋಡಿಕೊಳ್ಳುವುದು ಜಾಗತಿಕ ತಾಪಮಾನದ ವಿರುದ್ಧದ ಹೋರಾಟಕ್ಕೆ ಸಹಾಯ ಮಾಡುತ್ತದೆ ಎಂದು ಹೇಳಿದ ಕೇಂದ್ರ ಪರಿಸರ, ಅರಣ್ಯ ಮತ್ತು ಹವಾಮಾನ ಸಚಿವ ಶ್ರೀ ಭೂಪೇಂದರ್‌ ಯಾದವ್‌, ಪರಿಸರಕ್ಕಾಗಿ ಜೀವನಶೈಲಿಯನ್ನು ಉತ್ತೇಜಿಸಲು ಇಂದು ಕರೆ ನೀಡಿದರು. ಕೋಟ್‌ ಡಿ’ವೊರ್‌ನಲ್ಲಿನಡೆದ ತನ್ನ 15ನೇ ಅಧಿವೇಶನದಲ್ಲಿಮರುಭೂಮಿಕರಣ ತಡೆ ವಿಶ್ವಸಂಸ್ಥೆಯ ಒಡಂಬಡಿಕೆ (ಯುಎನ್‌ಸಿಸಿಡಿ) ಪಕ್ಷ ಗಳ ಮಹಾಸಮ್ಮೇಳವನ್ನು ಉದ್ದೇಶಿಸಿ ಕೇಂದ್ರ ಸಚಿವರು ಮಾತನಾಡುತ್ತಿದ್ದರು.

ಭೂಮಿಯ ಕ್ಷಿಣಿಸುತ್ತಿರುವ ಪರಿಸ್ಥಿತಿಯ ಹೊರತಾಗಿಯೂ, ಜಗತ್ತು ಗ್ರಾಹಕವಾದಿ ಚಾಲಿತ ಜೀವನಶೈಲಿಯೊಂದಿಗೆ ಮುಂದುವರಿಯುತ್ತದೆ ಮತ್ತು ಇನ್ನೂ ನಮ್ಮ ಭೂಮಿಯ ಬೇಡಿಕೆಯನ್ನು ನಿರೀಕ್ಷಿಸುತ್ತೇವೆ ಎಂದು ಬಲವಾಗಿ ಉಲ್ಲೇಖಿಸಿದ ಶ್ರೀ ಯಾದವ್‌, ನಾವು ಸಾಮೂಹಿಕವಾಗಿ ಬಳಕೆ-ಆಧಾರಿತ ವಿಧಾನದಿಂದ ದೂರ ಸರಿಯುವುದು ಅತ್ಯಗತ್ಯ. ಬಳಕೆ ಮತ್ತು ಎಸೆಯುವ ಮನಸ್ಥಿತಿಯು ಗ್ರಹಕ್ಕೆ ಹಾನಿಕಾರಕವಾಗಿದೆ ಎಂದು ಹೇಳಿದ್ದಾರೆ.

ಭೂಮಿಯ ಮೇಲೆ ಜಾಗತಿಕ ತಾಪಮಾನ ಏರಿಕೆಯ ಪರಿಣಾಮದ ಬಗ್ಗೆ ಮಾತನಾಡಿದ ಶ್ರೀ ಭೂಪೇಂದರ್‌ ಯಾದವ್‌ ಅವರು, ಅಭಿವೃದ್ಧಿ ಹೊಂದಿದ ದೇಶಗಳು ತೀವ್ರವಾದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವಲ್ಲಿಮುಂದಾಳತ್ವ ವಹಿಸದ ಹೊರತು ಜನರು ಮತ್ತು ಗ್ರಹ ಎರಡನ್ನೂ ರಕ್ಷಿಸುವುದು ಸಾಧ್ಯವಾಗುವುದಿಲ್ಲ. ಏಕೆಂದರೆ ಜಾಗತಿಕ ತಾಪಮಾನ ಏರಿಕೆಗೆ ಅವರ ಜವಾಬ್ದಾರಿ ಐತಿಹಾಸಿಕವಾಗಿ ಮತ್ತು ವರ್ತಮಾನದಲ್ಲಿಅತ್ಯಧಿಕವಾಗಿದೆ ಎಂದು ಹೇಳಿದರು.

ಕೋವಿಡ್‌ ಸಾಂಕ್ರಾಮಿಕ ರೋಗದ ಪರಿಣಾಮಗಳ ಬಗ್ಗೆ ಮಾತನಾಡಿದ ಭಾರತೀಯ ಪರಿಸರ ಸಚಿವರು, ಆರ್ಥಿಕ ಒತ್ತಡಗಳು ವಿಶ್ವದಾದ್ಯಂತ ಹವಾಮಾನ ಕ್ರಮವನ್ನು ವಿಳಂಬಗೊಳಿಸಿರುವುದರಿಂದ ಅಥವಾ ನಿಧಾನಗೊಳಿಸಿರುವುದರಿಂದ ಜಾಗತಿಕ ತಾಪಮಾನ ಏರಿಕೆಯ ವಿರುದ್ಧ ಹೋರಾಡುವ ಸವಾಲನ್ನು ಹೆಚ್ಚಿಸಿದೆ ಎಂದು ಹೇಳಿದರು. ಆದರೆ ಅದೇ ಸಮಯದಲ್ಲಿಮೂರನೇ ಕಾರ್ಯ ಗುಂಪಿನ ಐಪಿಸಿಸಿ ವರದಿಯ ಶೋಧನೆಯ ಬಗ್ಗೆ ಬೆಳಕು ಚೆಲ್ಲಿದರು. ಜತೆಗೆ ಜಗತ್ತು ತನ್ನ ಉಳಿದ ಇಂಗಾಲದ ಭಂಡಾರವನ್ನು ತ್ವರಿತ ಗತಿಯಲ್ಲಿಖಾಲಿ ಮಾಡುತ್ತಿದ್ದು, ಇದು ಪ್ಯಾರಿಸ್‌ ಒಪ್ಪಂದದ ತಾಪಮಾನದ ಮಿತಿಗಳಿಗೆ ನಮ್ಮನ್ನು ಹತ್ತಿರಕ್ಕೆ ತಳ್ಳುತ್ತದೆ ಎಂದು ಅವರು ಹೇಳಿದರು.

2019 ರಿಂದ ಸಿಒಪಿಯ ಭಾರತದ ಅಧ್ಯಕ್ಷ ತೆಯ ಬಗ್ಗೆ ಮಾತನಾಡಿದ ಶ್ರೀ ಯಾದವ್‌, ಗೌರವಾನ್ವಿತ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ದೂರದೃಷ್ಟಿಯ ನಾಯಕತ್ವದಲ್ಲಿಸಿಒಪಿ ಅಧ್ಯಕ್ಷ ರ ಅವಧಿಯಲ್ಲಿ, 2030 ರ ವೇಳೆಗೆ 26 ದಶಲಕ್ಷ  ಹೆಕ್ಟೇರ್‌ನ ಅವನತಿಯ ಭೂಮಿಯನ್ನು ಪುನಃಸ್ಥಾಪಿಸುವ ತನ್ನ ಬದ್ಧತೆಯಲ್ಲಿಭಾರತವು ಗಮನಾರ್ಹ ಪ್ರಗತಿಯನ್ನು ಸಾಧಿಸಿದೆ ಎಂದು ಮಾಹಿತಿ ನೀಡಿದರು. ನಮ್ಮ ಭೂ ಅವನತಿ ತಟಸ್ಥತೆಯ ಗುರಿಗಳನ್ನು ಪೂರೈಸುವಲ್ಲಿಪ್ರಮುಖ ಉಪಕ್ರಮಗಳನ್ನು ಪ್ರಾರಂಭಿಸಲಾಗಿದೆ ಮತ್ತು ಅಸ್ತಿತ್ವದಲ್ಲಿರುವ ಕಾರ್ಯಕ್ರಮಗಳನ್ನು ಬಲಪಡಿಸಲಾಗಿದೆ ಎಂದು ಅವರು ಹೇಳಿದರು.

ದೇಶಾದ್ಯಂತ ಜಾರಿಗೆ ತಂದಿರುವ ಮಣ್ಣಿನ ಆರೋಗ್ಯ ಕಾರ್ಡ್‌ ಕಾರ್ಯಕ್ರಮದ ಮೂಲಕ ಭಾರತವು ತನ್ನ ಮಣ್ಣಿನ ಆರೋಗ್ಯದ ಮೇಲ್ವಿಚಾರಣೆಯನ್ನು ಹೆಚ್ಚಿಸಿದೆ ಎಂದು ಸಚಿವರು ಇದೇ ವೇಳೆ ಪ್ರತಿಪಾದಿಸಿದರು. 2015 ಮತ್ತು 2019 ರ ನಡುವೆ ರೈತರಿಗೆ 229 ದಶಲಕ್ಷ ಕ್ಕೂ ಹೆಚ್ಚು ಮಣ್ಣು ಆರೋಗ್ಯ ಕಾರ್ಡ್‌ ಗಳನ್ನು ವಿತರಿಸಲಾಗಿದೆ ಮತ್ತು ಈ ಕಾರ್ಯಕ್ರಮವು ರಾಸಾಯನಿಕ ಗೊಬ್ಬರಗಳ ಬಳಕೆಯಲ್ಲಿಶೇಕಡ 8ರಿಂದ 10 ರಷ್ಟು ಕುಸಿತಕ್ಕೆ ಕಾರಣವಾಗಿದೆ ಮತ್ತು ಉತ್ಪಾದಕತೆಯನ್ನು ಶೇಕಡ 5ರಿಂದ 6 ರಷ್ಟು ಹೆಚ್ಚಿಸಿದೆ ಎಂದು ಶ್ರೀ ಯಾದವ್‌ ಹೇಳಿದರು.

ಭಾರತದ ಅಧ್ಯಕ್ಷ ತೆಯ ಅವಧಿಯಲ್ಲಿಕೈಗೊಂಡ ಮಹತ್ವದ ಕ್ರಮಗಳ ಬಗ್ಗೆ ಮತ್ತಷ್ಟು ಮಾಹಿತಿ ನೀಡಿದ ಶ್ರೀ ಯಾದವ್‌, ವಿಶ್ವ ಮರುಸ್ಥಾಪನಾ ಫ್ಲ್ಯಾಗ್‌ಶಿಪ್‌ ಗಳಿಗೆ ನಾಮನಿರ್ದೇಶನಗಳನ್ನು ಸಲ್ಲಿಸುವ ಜಾಗತಿಕ ಕರೆಯನ್ನು ಅನುಸರಿಸಿ, ಭಾರತ ಸರ್ಕಾರವು 12.5 ದಶಲಕ್ಷ  ಹೆಕ್ಟೇರ್‌ನಷ್ಟು ಶಿಥಿಲಗೊಂಡ ಭೂಮಿಯನ್ನು ಪುನಃಸ್ಥಾಪಿಸುವ ಗುರಿಯನ್ನು ಹೊಂದಿರುವ ಆರು ಪುನರುಜ್ಜೀವನ ಫ್ಲ್ಯಾಗ್‌ಶಿಪ್‌ ಗಳನ್ನು ಅನುಮೋದಿಸಿದೆ ಎಂದು ಹೇಳಿದರು.

‘‘ಭಾರತದ ಗ್ರಾಮೀಣ ಜೀವನೋಪಾಯದ ಕಾರ್ಯಕ್ರಮಗಳು ನೈಸರ್ಗಿಕ ಸಂಪನ್ಮೂಲ ಸಂರಕ್ಷ ಣೆ ಮತ್ತು ಪುನಃಸ್ಥಾಪನೆಯ ಮೂಲ ತತ್ವಗಳನ್ನು ಹೊಂದಿವೆ ಎಂದು ನಾನು ಸೂಚಿಸಲು ಬಯಸುತ್ತೇನೆ. ಸಾಂಕ್ರಾಮಿಕ ರೋಗದಿಂದ ಚೇತರಿಸಿಕೊಳ್ಳುವಲ್ಲಿ, ನಾವು ನಮ್ಮ ಜೀವನೋಪಾಯದ ಕಾರ್ಯಕ್ರಮಗಳನ್ನು ಭೂಮಿಯ ಪುನರುಜ್ಜೀವನಕ್ಕಾಗಿ ಕೆಲಸ ಮಾಡಲು ವ್ಯಾಪಕವಾಗಿ ಬಳಸಿದ್ದೇವೆ. ಉತ್ತಮ ಮತ್ತು ಹಸಿರು ಸಮುದಾಯಗಳನ್ನು ನಿರ್ಮಿಸುವುದು, ವಿಶೇಷವಾಗಿ ದುರ್ಬಲ ಗುಂಪುಗಳಿಗೆ, ಪುನಃಸ್ಥಾಪನೆ ಕಾರ್ಯಸೂಚಿಯ ಹೃದಯ ಭಾಗದಲ್ಲಿರಬೇಕು,’’ ಎಂದು ಪ್ರಸ್ತುತ ಸಿಒಪಿ ಅಧ್ಯಕ್ಷ ರು ಹೇಳಿದರು.

ಮರಗಳನ್ನು ನೆಡುವುದಕ್ಕಿಂತ ಭೂದೃಶ್ಯದ ಮರುಸ್ಥಾಪನೆಯು ಹೆಚ್ಚು ಎಂದು ಪ್ರತಿಪಾದಿಸಿದ ಶ್ರೀ ಯಾದವ್‌, ವಿಜ್ಞಾನ ಮತ್ತು ತಂತ್ರಜ್ಞಾನದ ನಿಕಟ ನೆರವಿನೊಂದಿಗೆ ನಾವು ಸ್ಥಳೀಯ ಮತ್ತು ಸ್ಥಳೀಯ ಜ್ಞಾನದ ಶಕ್ತಿಯನ್ನು ಗುರುತಿಸುವುದು ಅತ್ಯಗತ್ಯವಾಗುತ್ತದೆ ಮತ್ತು ಪ್ರಕ್ರಿಯೆಯ ಎಲ್ಲಾ ಭಾಗಗಳಲ್ಲಿಸಮುದಾಯದ ಅಗತ್ಯಗಳು, ಆದ್ಯತೆಗಳು ಮತ್ತು ಪರಿಣತಿಯನ್ನು ಸಂಯೋಜಿಸಬೇಕು ಎಂದು ಹೇಳಿದರು.

ಹೇಳಿಕೆಯನ್ನು ಮುಕ್ತಾಯಗೊಳಿಸಿದ ಶ್ರೀ ಯಾದವ್‌, ಸಾಮೂಹಿಕ ಬದ್ಧತೆಗಳನ್ನು ಎಲ್ಲಾ ದೇಶಗಳು ಮತ್ತು ಸಾರ್ವಜನಿಕ, ಖಾಸಗಿ ಮತ್ತು ನಾಗರಿಕ ಸಮಾಜದ ನಟರು ಕಾರ್ಯರೂಪಕ್ಕೆ ತರುತ್ತಾರೆ ಎಂಬ ಭರವಸೆಯನ್ನು ವ್ಯಕ್ತಪಡಿಸಿದರು. ಭೂಮಿಯ ಅವನತಿಯನ್ನು ನಿಯಂತ್ರಿಸುವ ಜಾಗತಿಕ ಸವಾಲನ್ನು ಎದುರಿಸಲು ಸಂಪನ್ಮೂಲಗಳನ್ನು ಗಣನೀಯವಾಗಿ ಹೆಚ್ಚಿಸುತ್ತಾರೆ ಮತ್ತು ಈ ಸಮ್ಮೇಳನದ ಸಕಾರಾತ್ಮಕ ಫಲಿತಾಂಶಕ್ಕೆ ಕೊಡುಗೆ ನೀಡಲು ಭಾರತದ ನಿರಂತರ ಬೆಂಬಲ ಮತ್ತು ಸನ್ನದ್ಧತೆಯ ಭರವಸೆ ನೀಡಿದರು.

2022 ರ ಮೇ 9 ರಿಂದ 20 ರವರೆಗೆ ಕೋಟ್‌ ಡಿ’ವೊರ್‌ನ ಅಬಿಡ್ಜಾನ್‌ನಲ್ಲಿವಿಶ್ವಸಂಸ್ಥೆಯ ಮರುಭೂಮಿಕರಣ ತಡೆ ವಿಶ್ವ ಸಂಸ್ಥೆಯ ಒಡಂಬಡಿಕೆ (ಯುಎನ್‌ಸಿಸಿಡಿ) ಪಕ್ಷ ಗಳ ಸಮ್ಮೇಳನದ (ಸಿಒಪಿ 15) ಹದಿನೈದನೇ ಅಧಿವೇಶನ ಸರ್ಕಾರಗಳು, ಖಾಸಗಿ ವಲಯ, ನಾಗರಿಕ ಸಮಾಜ ಮತ್ತು ವಿಶ್ವದಾದ್ಯಂತದ ಇತರ ಪ್ರಮುಖ ಮಧ್ಯಸ್ಥಗಾರರ ನಾಯಕರನ್ನು ಒಟ್ಟುಗೂಡಿಸಿ ಭೂಮಿಯ ಭವಿಷ್ಯದ ಸುಸ್ಥಿರ ನಿರ್ವಹಣೆಯಲ್ಲಿಪ್ರಗತಿಯನ್ನು ಉತ್ತೇಜಿಸಲು ಮತ್ತು ಭೂಮಿ ಮತ್ತು ಇತರ ಪ್ರಮುಖ ಸುಸ್ಥಿರ ಸಮಸ್ಯೆಗಳ ನಡುವಿನ ಸಂಪರ್ಕಗಳನ್ನು ಅನ್ವೇಷಿಸುತ್ತದೆ.

ರಾಷ್ಟ್ರಗಳ ಮುಖ್ಯಸ್ಥರ ಶೃಂಗಸಭೆ, ಉನ್ನತ ಮಟ್ಟದ ದುಂಡುಮೇಜಿನ ಸಭೆಗಳು ಮತ್ತು ಸಂವಾದಾತ್ಮಕ ಸಂವಾದ ಅಧಿವೇಶನಗಳು ಮತ್ತು ಇತರ ಹಲವಾರು ವಿಶೇಷ ಮತ್ತು ಬದಿಯ ಕಾರ್ಯಕ್ರಮಗಳು ಸೇರಿದಂತೆ ಉನ್ನತ ಮಟ್ಟದ ವಿಭಾಗದಲ್ಲಿಈ ವಿಷಯಗಳನ್ನು ಚರ್ಚಿಸಲಾಗುವುದು.

ಬರ, ಭೂ ಮರುಸ್ಥಾಪನೆ ಮತ್ತು ಸಂಬಂಧಿತ ಸಶಕ್ತೀಕರಣಗಳಾದ ಭೂ ಹಕ್ಕುಗಳು, ಲಿಂಗ ಸಮಾನತೆ ಮತ್ತು ಯುವ ಸಬಲೀಕರಣವು ಸಮಾವೇಶದ ಕಾರ್ಯಸೂಚಿಯಲ್ಲಿಪ್ರಮುಖ ಅಂಶಗಳಾಗಿವೆ. ಯುಎನ್‌ಸಿಸಿಡಿಯ 197 ಪಕ್ಷ ಗಳು ಅಂಗೀಕರಿಸಿದ ತನ್ನ ನಿರ್ಧಾರಗಳ ಮೂಲಕ, ಸಿಒಪಿ 15 ಭೂ ಮರುಸ್ಥಾಪನೆ ಮತ್ತು ಬರ ಸ್ಥಿತಿಸ್ಥಾಪಕತ್ವಕ್ಕಾಗಿ ಸುಸ್ಥಿರ ಪರಿಹಾರಗಳನ್ನು ಉತ್ತೇಜಿಸುವ ನಿರೀಕ್ಷೆಯಿದೆ. ಭವಿಷ್ಯದ-ನಿರೋಧಕ ಭೂಬಳಕೆಯ ಮೇಲೆ ಬಲವಾದ ಗಮನವನ್ನು ಕೇಂದ್ರೀಕರಿಸುತ್ತದೆ.

***