ত্রাইবেল এফিয়র্স মন্ত্রালয়
ত্রাইবেল এফিয়র্সকী কেন্দ্র মন্ত্রী শ্রী আর্জুন মুন্দানা ঙসি মালেমগী থালসেমিয়া নুমিৎতা ত্রাইবেল এফিয়র্স মন্ত্রালয়না শিনখিবা “চেলেঞ্জেস ইন থালসেমিয়া ২০২২” হায়বা ৱেবিনারদা ৱা ঙাংখ্রে
থালসেমিয়া থেংননবা তোঙান তোঙানবা সরকারগী স্তেকহোল্দরশিংনা পুন্না হোৎনদুনা লৈবাক শিনবা থুংনা এৱার্নেস কেম্পেন্দ চৎথবগী তঙাই ফদবা লৈরে: শ্রী আর্জুন মুন্দা
Posted On:
08 MAY 2022 6:18PM by PIB Imphal
মালেমগী থালসেমিয়া নুমিৎকী থৌরমদা, ত্রাইবেল এফিয়র্সকী কেন্দ্র মন্ত্রী শ্রী আর্জুন মুন্দানা ঙসি ন্যু দিল্লীদা “চেলেঞ্জেস ইন থালসেমিয়া ২০২২” হায়বা ৱেবিনারদা ভর্চুয়েল্লী ৱা ঙাংখি৷মসি তোঙান তোঙানবা মন্ত্রালয়শিং অমদি থালসেমিয়া এসোসিয়েসনগা লোইননা ত্রাইবেল এফিয়র্স মন্ত্রালয়না খুৎশম্নদুনা শিনখিবনি৷কনফরেন্স অসিদা ভারত অমদি মালেমগী অতোপ্পা শরুকশিংদগী এক্সপর্তশিংনা শরুক য়াখি৷
থৌরম অদুদা, এম.ও.তি.এ.গী সেক্রেতরী শ্রী অনিল কুমার ঝা; এম.ও.তি.এ.গী জোইন্ত সেক্রেতরী শ্রী নবাল জিৎ কাপুর; দিসএবিলিতী দিপার্তমেন্তকী জোইন্ত সেক্রেতরী শ্রী রাজেশ কুমার যাদবনা ৱেবিনার অদুদা ৱা ঙাংখি৷
মহাক্কী ৱারোলদা, কেন্দ্র মন্ত্রী শ্রী আর্জুন মুন্দানা অসুম্না ফোংদোকখি মদুদি ঐখোয়না অজাদি কা অমৃত মহোতসব পাংথোক্লিবনা, অমৃত কালগী মতমদা অত্ম নির্ভম ভারত ফংনবা ভারতপু চাওখৎহনগদৌরিবা অনৌবা রিসোল্বশিং শেম্বা হায়বসি প্রধান মন্ত্রীগী মংলাননি৷ মাইকৈ অসিদা, থালসেমিয়াগী প্রোব্লেম অসি থেংননবগীদমক ঐখোয়না অনৌবা রিসোল্বশিং শেমগদবনি৷
শ্রী আর্জুন মুন্দানা অসুম্না ফোংদোকখি “থালসেমিয়াগী প্রোব্লেমদা এতেক তৌবদা সপোর্ত পীনবগীদমক য়াম্না মরু ওইরিবা ওজাশিং-মহৈরোইশিং, অনগনৱাদি অমসুং অশা ৱর্করশিং য়াওনা রাজ্য সরকারশিং অমদি তোঙান তোঙানবা মন্ত্রালয়শিংগী স্তেকহোল্দরশিংগী খুৎথাংদা লৈবাক শিনবা থুংনা এৱার্নেস কেম্পেন্দ অমা শিনবগী তঙাই ফদবা লৈ৷ ওজা অমনা মহৈরোইশিংগী মরক্তা এৱার্নেস পীনবা অহেনবা মিনিত মঙাগী মতম পীদগদবনি, অসিগুম্না অনগনৱাদি ৱর্করশিংনা লাইনা অসিগী মরমদা অমদি মসিদগী ঙাকথোক্নবা খুঞ্জাশিংদা খঙহনগদবনি হায়না মহাক্না ফোংদোকখি৷
লোকেল লেবেল ৱার্করশিংবু লমজিংনবা অমদি এৱার্নেসশিং শিনবদা মখোয়বু মতেং পাংনবা অচম্বা অমসুং লমদম অদুদা ঙাংনরিবা লোনদা কম্মন ওইবা লিতরেচর থমগদবনি হায়না কেন্দ্র মন্ত্রীনা ফোংদোকখি৷
“এৱার্নেসতগী হেন্দোক্তুনা খুঙ্গংগী লমদমশিংদা কম্ম্যুনিতী ব্লদ দোনেসন পাংথোক্নবা অমদি ফংলিবা অহোংবা হিদাক-লাংথকশিংগী মতাংদা কাউন্সিলিংবু পীববু য়োকখৎকদবনি”,হায়না মন্ত্রীনা তকশিনখি৷
মহাক্কী ৱারোলদা, ত্রাইবেল এফিয়র্স মন্ত্রালয়গী সেক্রেতরী শ্রী অনিল কুমার ঝানা অসুম্না ফোংদোকখি মদুদি এৱার্নেস শিনবা, ইফেক্তিব ওইনা শরুক য়াবা অমদি হোল ওফ গভর্মেন্ত এপ্রোচকী খুৎথাংদা, ভারতনা লাইনা অসি কন্ত্রোল তৌবা, ঙাকথোকপা অমদি লাইয়েংবা ঙমগনি৷
থালসেমিয়াবু কন্ত্রোল তৌবগী ফিল্দদা থবক তৌরিবা প্রাইভেৎ অমদি পব্লিক ইন্সতিত্যুসন পুম্নমক্তা মন্ত্রালয়না সপোর্ত পীগনি হায়নসু মহাক্না ফোংদোকখি৷
মুম্বাই হেমোতোলোজী গ্রুপকা খুৎশম্নদুনা থালসেমিয়া ইন্দিয়া অমসুং থালসেমিয়া এন্দ সিক্কল সেল সোসাইতী (তি.এস.সি.এস.)গুম্বা অতোপ্পা পার্তনরশিং অমদি মালেমগী মরু ওইবা ইন্তরনেসনেল এক্সপর্তশিংনা স্ত্রিনিং অমদি মেনেজমেন্ত তৌবা য়াওনা প্রোগ্রাম অসিনা থালসেমিয়াবু নিংথিনা খঙহন্নবগী মরু ওইবা এস্পেক্তশিং পুথোকখি অমদি মখাতাবদা তাকপি-তম্বিখি অমদি এৱার্নেস শিনখি৷
ভারত্তা থালসেমিয়া অমদি সিক্কল সেল এনিমিয়া অসি অচৌবা পোৎলুম অমনি, β সিন্দ্রোম নাবা পেসেন্ত চাওরাক্না ১০০,০০০ লৈ অমদি পেসেন্ত ১৫০,০০০০রোম্না সিক্কল সেল দিজিজ/ত্রেইত নাই, অদুবু মখোয়গী মনুংদা খরা খক্তনি নিংথিনা য়েংশিনবা ঙম্লিবা, এলোজেনিক স্তেম সেল ত্রান্সপ্লান্ত (বি.এম.তি.) অসি ইমুং অয়াম্বনা তৌবা ঙম্নদে৷
মাই পাক্নবগী য়াম্না মরু ওইবা অমা ওইরিবা, তাকপি-তম্বিবা অমদি এৱার্নেস শিনববু য়োকখৎনবা হোৎনবা হায়বসিনা থালসেমিয়াগী মরু ওইবা এস্পেক্ত অমা ওইরি৷হৌখিবা চহি তরাগী খুজিং ৩দগী ৪ অসিদা সরকার অমদি নন-গভর্মেন্ত ওর্গনাইজেসনশিংনা পান্দম অসি ফংনবগীদমক হোৎনদুনা লাক্লি অদুবু মথক্তা পল্লিবা অসিগীদমক মীশিং ৭০%রোম খন্দারিবা খুঙ্গংগী মফম পুম্নমক য়ৌহন্নবা লৈবাক শিনবা থুংনা পুন্না খুৎশম্নদুনা হোৎনমিন্নবা হায়বসিনা পুংফম অসিগী ওইনা তঙাই ফদবা ওইরি৷
*****
(Release ID: 1824551)
Visitor Counter : 176