প্রধানমন্ত্রীগী লোইশঙ
পি.এম.না মে ১২দা ভরুচতা পাঙথোক্কদবা “উৎকর্শ সমারোহ’দা ৱা ঙাংগদৌরি
থৌরম অসি জিলা অসিদা রাজ্য সরকারগী মরু ওইবা স্কিম মরিগী ১০০% সেচুরেসন তৌবা ঙম্বগী পাঙথোকপনি
Posted On:
11 MAY 2022 3:29PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা মে ১২, ২০২২গী অয়ুক পুং ১০:৩০ তাবা মতমদা গুজরাতকী ভরুচতা পাঙথোক্কদবা ‘উৎকর্শ সমারোহ’দা ৱা ঙাংগদৌরি। থৌরম অসি জিলা অসিদা রাজ্য সরকারগী মরু ওইবা স্কিম মরিগী ১০০% সেচুরেসন তৌবগী পালন তৌবা ওইনা পাঙথোক্কনি, মসিনা তেংবাং মথৌ তাবা মীওইশিংদা মতম চানা শেলগী মতেং ফংহনবা ঙমগনি।
ভরুচকী দিস্ত্রিক্ত এদমিনিস্ত্রেসন্না লুখ্রাবূশিং, অহল ওইরবশিং অমসুং কনা লৈজদ্রবা প্রজাশিংদা তেংবাং পীনবা স্কিমশিংনা মপুং ফানা কোনশিনবা ঙম্নবা পান্দমগা লোয়ননা চহি অসিগী জনুৱারী ১দগী মার্চ ৩১ ফাওবা ‘উৎকর্শ ইনিসিএতিব’ দ্রাইব চত্থখি। স্কিম মরি হায়বদি গঙ্গা স্বারুপা আর্থিক সহায় য়োজনা, ইন্দিরা গান্ধী বৃদ্ধ সহায় য়োজনা, নিরাধর বৃদ্ধ আর্থিক সহায় য়োজনা অমসুং রাস্ত্রিয় কুতুম্ব সহায় য়োজনা অসিগী পুন্না বেনিফিসরী ১২,৮৫৪ মশক খঙদোকখি।
দ্রাইব মনুংদা তালুকা-তালুকাগী ওইনা স্কিম অসিগী কান্নবশিং ফংদ্রিবশিংগী মরমদা ই-পাউ খোমজিন্নবা ৱাতসএপ হেল্পলাইন নম্বরশিং লাউথোকখি। খুঙ্গংশিংদা জিলাগী ম্যুনিসিপাল এরিয়াশিংগী ৱার্দশিংদা উৎকর্শ কেম্পশিং পাঙথোকখি, মসিদা মথৌ তাবা চে-চাংশোং পীখিবা এপ্লিকেন্তশিংদা খুদক্তা অয়াবা পীখি। দ্রাইব অসি খোঙজেল য়াংশিনহন্নবা উৎকর্শ এসিস্তেন্তশিংদা ইন্সেন্তিবশিংসু পীখি।
*******
(Release ID: 1824545)
Visitor Counter : 91
Read this release in:
Malayalam
,
English
,
Urdu
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada