ਪ੍ਰਸਾਰ ਭਾਰਤੀ ਦੇ ਅੰਗ੍ਰੇਜ਼ੀ ਨਿਊਜ਼ ਚੈਨਲ ਡੀਡੀ ਇੰਡੀਆ ਨੇ ਹਾਲ ਹੀ ਵਿੱਚ ਟੀਵੀ ਅਤੇ ਡਿਜੀਟਲ ਦੋਵੇਂ ਪਲੈਟਫਾਰਮਾਂ ’ਤੇ ਸ਼ਾਨਦਾਰ ਵਾਧਾ ਦੇਖਿਆ ਹੈ। ਹਾਲ ਹੀ ਵਿੱਚ, ਇਸ ਨੇ ਯੂਟਿਊਬ ’ਤੇ 2 ਲੱਖ ਸਬਸਕ੍ਰਾਇਬਰਸ ਨੂੰ ਪਾਰ ਕਰ ਲਿਆ ਹੈ। ਟੀਵੀ ਰੀਚ ਦੇ ਮਾਮਲੇ ਵਿੱਚ, ਡੀਡੀ ਇੰਡੀਆ ਦੇਸ਼ ਵਿੱਚ ਨੰਬਰ ਇੱਕ ਅੰਗ੍ਰੇਜ਼ੀ ਨਿਊਜ਼ ਚੈਨਲ ਹੈ। ਬੀਏਆਰਸੀ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ, ਡੀਡੀ ਇੰਡੀਆ ਦੀ 8 ਮਿਲੀਅਨ ਤੋਂ ਵੱਧ ਦਰਸ਼ਕਾਂ ਤੱਕ ਪਹੁੰਚ ਗਈ ਹੈ, ਜੋ ਅੰਗ੍ਰੇਜ਼ੀ ਨਿਊਜ਼ ਸ਼ੈਲੀ ਵਿੱਚ ਸਭ ਤੋਂ ਵੱਧ ਹੈ। ਇਸ ਦਾ ਸਭ ਤੋਂ ਨਜ਼ਦੀਕੀ ਪ੍ਰਤੀਯੋਗੀ ਡੀਡੀ ਇੰਡੀਆ ਦੀ ਲਗਭਗ ਅੱਧੀ ਰੀਚ ਤੱਕ ਹੀ ਪਹੁੰਚ ਸਕਦਾ ਹੈ। ਇੱਥੋਂ ਤੱਕ ਕਿ ਡੀਡੀ ਇੰਡੀਆ ਲਈ ਦਰਸ਼ਕਾਂ ਦੀ ਗਿਣਤੀ ਵਿੱਚ ਵੀ ਪਿਛਲੇ ਅੱਠ ਹਫ਼ਤਿਆਂ ਵਿੱਚ ਲਗਭਗ 150% ਦਾ ਕੁੱਲ ਵਾਧਾ ਦਰਜ ਕਰਦੇ ਹੋਏ, ਲਗਾਤਾਰ ਉੱਪਰ ਵੱਲ ਹਫ਼ਤਾਵਰੀ ਵਾਧਾ ਦੇਖਿਆ ਗਿਆ ਹੈ।

ਪ੍ਰਸਾਰ ਭਾਰਤੀ ਦੁਆਰਾ ਜਨਵਰੀ 2019 ਵਿੱਚ ਲਾਂਚ ਕੀਤੇ ਗਏ ਆਪਣੇ ਆਦੇਸ਼ ਉੱਤੇ ਚੱਲਦੇ ਹੋਏ, ਡੀਡੀ ਇੰਡੀਆ ਹੁਣ ਸੈਟੇਲਾਈਟ, ਓਟੀਟੀ ਪਲੈਟਫਾਰਮਾਂ ਅਤੇ ਨਿਊਜ਼ ਆਨ ਏਅਰ ਐਪ ਰਾਹੀਂ 190 ਤੋਂ ਵੱਧ ਦੇਸ਼ਾਂ ਤੱਕ ਪਹੁੰਚ ਦੇ ਨਾਲ ਦੁਨੀਆ ਲਈ ਭਾਰਤ ਦੀ ਖਿੜਕੀ ਬਣ ਗਿਆ ਹੈ। ਜਿਵੇਂ ਕਿ ਕਲਪਨਾ ਕੀਤੀ ਗਈ ਹੈ, ਡੀਡੀ ਇੰਡੀਆ ਨੇ ਆਪਣੇ ਤਿੱਖੇ ਵਿਸ਼ਲੇਸ਼ਣ ਅਤੇ ਟਿੱਪਣੀਆਂ ਦੁਆਰਾ, ਵਿਚਾਰਾਂ ਨੂੰ ਉਤੇਜਿਤ ਕਰਨ ਵਾਲੇ ਵਿਚਾਰਾਂ/ਰਾਇਆਂ ਅਤੇ ਅਤਿ-ਆਧੁਨਿਕ ਵਿਜ਼ੂਅਲ ਪੇਸ਼ਕਾਰੀ ਦੁਆਰਾ ਭਾਰਤ ਨਾਲ ਸਬੰਧਿਤ ਮੁੱਦਿਆਂ ’ਤੇ ਆਪਣੇ ਆਪ ਨੂੰ ਇੱਕ ਗਲੋਬਲ ਪ੍ਰਭਾਵਕ ਵਜੋਂ ਸਥਾਪਿਤ ਕੀਤਾ ਹੈ।

ਇੱਥੇ ਇੱਕ ਸਮਾਂਰੇਖਾ ਦਿੱਤੀ ਗਈ ਹੈ ਕਿ ਕਿਵੇਂ ਡੀਡੀ ਇੰਡੀਆ ਨੰਬਰ ਇੱਕ ਅੰਗ੍ਰੇਜ਼ੀ ਨਿਊਜ਼ ਚੈਨਲ ਬਣਿਆ:

ਭਾਰਤ ਅਤੇ ਦੁਨੀਆ ਭਰ ਵਿੱਚ ਫੈਲੇ ਭਾਰਤੀ ਡਾਇਸਪੋਰਾ ਵਿਚਕਾਰ ਡੀਡੀ ਇੰਡੀਆਇੱਕ ਪੁਲ਼ ਵਜੋਂ ਵੀ ਕੰਮ ਕਰਦਾ ਹੈ। ਚੈਨਲ ਆਪਣੇ ਵੱਖ-ਵੱਖ ਪ੍ਰੋਗਰਾਮਾਂ ਰਾਹੀਂ ਅੰਤਰਰਾਸ਼ਟਰੀ ਦਰਸ਼ਕਾਂ ਨੂੰ ਆਪਣੇ ਘਰੇਲੂ ਅਤੇ ਗਲੋਬਲ ਮੁੱਦਿਆਂ ’ਤੇ ਭਾਰਤ ਦੇ ਨਜ਼ਰੀਏ ਨੂੰ ਪੇਸ਼ਕਰਦਾ ਹੈ। ਡੀਡੀ ਇੰਡੀਆ ’ਤੇ ਕੁਝ ਜ਼ਿਆਦਾ ਵਿਊਅਰਸ਼ਿਪ ਵਾਲੇ ਸ਼ੋਅ ਹਨ ਜਿਵੇਂ ਕਿ ਇੰਡੀਆ ਆਈਡੀਆਜ਼, ਵਰਲਡ ਟੂਡੇ, ਇੰਡੀਅਨ ਡਿਪਲੋਮੇਸੀ, ਡੀਡੀ ਡਾਇਲੌਗ, ਨਿਊਜ਼ ਨਾਈਟ ਆਦਿ। ਡੀਡੀ ਇੰਡੀਆ ਦੇਖਣ ਲਈ ਹੇਠਾਂ ਦਿੱਤੇ ਕਿਊਆਰ ਕੋਡ ਨੂੰ ਸਕੈਨ ਕਰੋ।

ਡੀਡੀ ਇੰਡੀਆ ਤੋਂ ਇਲਾਵਾ, ਦੇਸ਼ ਭਰ ਵਿੱਚ ਪ੍ਰਸਾਰ ਭਾਰਤੀ ਦੇ ਡਿਜੀਟਲ ਪਲੈਟਫਾਰਮ ਮਿਲਿਅਨ ਕਲੱਬ ਵਿੱਚ ਪਹਿਲਾਂ ਤੋਂ ਹੀ ਇਸ ਦੇ ਕਈ ਯੂਟਿਊਬ ਚੈਨਲਾਂ ਦੇ ਨਾਲ ਇੱਕ ਸ਼ਾਨਦਾਰ ਵਾਧਾ ਦਰਸ਼ਾ ਰਹੇ ਹਨ ਅਤੇ ਕਈ ਹੋਰ ਚੈਨਲ ਇਸ ਮੀਲ-ਪੱਥਰ ਦੇ ਨੇੜੇ ਪਹੁੰਚ ਰਹੇ ਹਨ। ਮੌਜੂਦਾ ਸਮੇਂ ਵਿੱਚ ਇਸ ਦੇ ਕੁੱਲ ਯੂਟਿਊਬ ਸਬਸਕ੍ਰਾਇਬਰਸ 2 ਕਰੋੜ ਤੋਂ ਵੱਧ ਹਨ।

ਪ੍ਰਸਾਰ ਭਾਰਤੀ ਦੇ 190+ ਯੂਟਿਊਬ ਚੈਨਲਾਂ ਵਿੱਚੋਂ, ਖੇਤਰੀ ਚੈਨਲ - ਖਾਸ ਕਰਕੇ ਦੱਖਣ ਅਤੇ ਉੱਤਰ-ਪੂਰਬ ਦੇ ਖੇਤਰੀ ਚੈਨਲਸਭ ਤੋਂ ਨਵੀਨਤਮ ਅਤੇ ਸਭ ਤੋਂ ਤੇਜ਼ੀ ਨਾਲ ਵਧਣ ਵਾਲੇਚੈਨਲ ਹਨ।

************

ਸੌਰਭ ਸਿੰਘ