وزارت اطلاعات ونشریات
ڈی ڈی انڈیا کے 200 ہزار سبسکرائبرز، یوٹیوب پر پرسار بھارتی کے لیے 20 ملین
Posted On:
09 MAY 2022 5:57PM by PIB Delhi
نئی دہلی،9 مئی 2022/
پرسار بھارتی کے انگریزی نیوز چینل ڈی ڈی انڈیا نے حال ہی میں ٹی وی اور ڈیجیٹل دونوں پر غیر معمولی ترقی دیکھی ہے۔ اس نے حال ہی میں یوٹیوب پر 2 لاکھ سبسکرائبرز کی تعداد کو عبور کیاہے۔ ٹی وی کی رسائی کے لحاظ سے، ڈی ڈی انڈیا ملک کا نمبر ایک انگریزی نیوز چینل ہے۔بی اے آر سی کے تازہ ترین اعداد و شمار کے مطابق، ڈی ڈی انڈیا 8 ملین سے زیادہ ناظرین تک پہنچ گیا ہے، جو کہ انگریزی نیوز کی صنف میں سب سے زیادہ ہے۔ اس کا قریب ترین حریف، ڈی ڈی انڈیا کی تقریباً نصف تک ہی پہنچ پایا ہے۔ یہاں تک کہ ڈی ڈی انڈیا کے ناظرین کی تعداد میں مسلسل اضافہ ہو رہا ہے۔ جس نے گزشتہ آٹھ ہفتوں کے دوران تقریباً 150فیصد کے مجموعی اضافے کو درج کیا ہے۔
جنوری 2019 میں پرسار بھارتی کے ذریعہ شروع کیے گئے اپنے مینڈیٹ پر کھرا اترتے ہوئے اور اس کے مطابق کارکردگی کرتے ہوئے، ڈی ڈی انڈیا اب سیٹلائٹ، او ٹی ٹی پلیٹ فارمز اور نیوز آن ایئر ایپ کے ذریعے 190 سے زیادہ ممالک تک رسائی کے ساتھ دنیا کے لیے ہندوستان کی کھڑکی بن گیا ہے۔ جیسا کہ تصور کیا گیا ہے، ڈی ڈی انڈیا نے اپنے تیکھے تجزیے اور تبصرے، فکر انگیز خیالات/رائے اور جدید ترین بصری پیشکش کے ذریعے خود کو ہندوستان سے متعلق مسائل پر ایک عالمی اثر و رسوخ کے طور پر قائم کیا ہے۔
یہاں ایک ٹائم لائن سے ظاہر ہوتا ہے کہ کس طرح ڈی ڈی انڈیا نمبر ایک انگریزی نیوز چینل بن گیا:
|
مدت
|
سنگ میل
|
|
جنوری 2019
|
پرسار بھارتی بورڈ سے منظوری کے بعد، ڈی ڈی انڈیا کو ایک انگریزی نیوز چینل کے طور پر شروع کرنے کا عمل شروع ہوا۔
|
|
فروری 2019
|
ڈی ڈی نیوز کو ہندی نیوز چینل کے طور پر اور ڈی ڈی انڈیا کو انگریزی نیوز چینل کے طور پر الگ کرنا شروع ہوا۔
|
|
ستمبر 2019
|
ڈی ڈی انڈیا نے جنوبی کوریا کے پبلک براڈکاسٹر کے بی ایس کے او ٹی ٹی پلیٹ فارم پر متعارف کرایا
|
|
ستمبر 2019
|
بنگلہ دیش میں نجی کیبل آپریٹرز نے اپنے پلیٹ فارم کے ذریعے ڈی ڈی انڈیا کو نشر کرنا شروع کیا۔
|
|
فروری 2020
|
اس وقت کے امریکی صدر ڈونالڈ ٹرمپ کی بھارت میں ڈی ڈی انڈیا کوریج متعدد غیر ملکی ٹی وی چینلز نے دکھائی تھی۔
|
|
مارچ 2020
|
ڈی ڈی انڈیا کو ایک مکمل انگریزی نیوز چینل کے طور پر لانچ کیا - ڈی ڈی نیوز کی ہندی اور ڈی ڈی انڈیا نے انگریزی نیوز چینل کے طور پرمکمل علیحدگی حاصل کی۔ ڈی ڈی نیوز پر ڈی ڈی انڈیا کی پروڈکشن اور شوز اس سے مکمل طور پر الگ ہیں۔
|
|
جنوری 2021
|
اس وقت کے سلووینیا کے وزیر اعظم کے ڈی ڈی انڈیا انٹرویو کو بین الاقوامی میڈیا نے بڑے پیمانے پر نقل (کوٹ) کیا۔
|
|
جنوری 2022
|
ڈی ڈی انڈیا 23 امریکی ریاستوں میں آئی ٹی وی پر لانچ کیا گیا۔
|
|
فروری-مارچ 2022
|
ڈی ڈی انڈیا کے نامہ نگار یوکرین کے پڑوسی 4 ممالک میں روس-یوکرین تنازعہ اور یوکرین میں پھنسے ہوئے ہندوستانیوں کو نکالنے کے لیے حکومت کی طرف سے شروع کیے گئے آپریشن گنگا کا احاطہ کرنے کے لیے تعینات تھے۔
|
|
مارچ 2022
|
یپ(yupp) ٹی وی پر 130 سے زائد ممالک میں تقسیم کے لیے لانچ کیا گیا۔
|
|
اپریل-2022
|
ڈی ڈی انڈیا پہنچ کے لحاظ سے ملک کا نمبر ایک انگریزی نیوز چینل بن گیا۔
|
|
اپریل-مئی 2022
|
ڈی ڈی انڈیا نے 8 ہفتوں کے دوران تقریباً 150 فیصد ناظرین کا اضافہ درج کیا۔ ڈی ڈی انڈیا کے یوٹیوب چینل نے یوٹیوب پر 2 لاکھ سبسکرائبرز کو عبور کیا۔
|
ڈی ڈی انڈیا ہندوستان اور دنیا بھر میں پھیلے ہندوستانی باشندوں کے درمیان ایک پل کا کام بھی کرتا ہے۔ چینل اپنے مختلف پروگراموں کے ذریعے بین الاقوامی ناظرین کو تمام ملکی اور عالمی ترقیات اور پیش رفت پر ہندوستان کا نقطہ نظر پیش کرتا ہے۔ ڈی ڈی انڈیا پر زیادہ دیکھے جانے والے ناظرین کے کچھ شوز/پروگرام ہیں: انڈیا آئیڈیاز، ورلڈ ٹوڈے، انڈین ڈپلومیسی، ڈی ڈی ڈائیلاگ، نیوز نائٹ وغیرہ۔ ڈی ڈی انڈیا دیکھنے کے لیے نیچے دیے گئے کیو آر کوڈ کو اسکین کریں۔
ڈی ڈی انڈیا کے علاوہ، ملک بھر میں پرسار بھارتی کے ڈیجیٹل پلیٹ فارمز مل کر ایک شاندار ترقی کی کہانی لکھ رہے ہیں جس کے بہت سے یوٹیوب چینلز پہلے سے ہی ملین کلب میں ہیں اور متعدد دیگر سنگ میل کے قریب پہنچ رہے ہیں، جو کہ مل کر یوٹیوب کی موجودہ سبسکرپشن کی تعداد کو 2 کروڑ سے زیادہ تک لے جا رہے ہیں۔
پرسار بھارتی کے 190+ یوٹیوب چینلز میں سے، علاقائی چینلز، خاص طور پر جنوب اور شمال مشرق کے چینلز تازہ ترین ہیں اور تیزی سے ترقی کرنے والے ہیں۔
ش ح۔ ش ت ۔ج
Uno-5182
(Release ID: 1824010)
Visitor Counter : 253