পেরামিলিতরী ফোর্সশিংগী কেন্তিনশিংদা খুৎনা শাবা খাদিগী পোত্থোকশিং য়োনবা হৌবগা লোয়ননা কেন্দ্র সরকারগী “স্বদেশি” দ্রাইবনা পেন-ইন্দিয়া এক্সপান্সন তৌবা হৌখ্রে। হোম এফিয়র্স অমসুং কোওপরেসন মন্ত্রী, শ্রী অমিত শাহনা নীংথৌকাবা নুমিৎতা সেন্ত্রেল আর্মদ পুলিস ফোর্সেস (সি.এ.পি.এফ.) কেন্তিন ১০৭তা খাদি পোত্থোকশিং য়োনবগী থৌরম হৌদোকখ্রে অমসুং লৈবাক অসিদা লৈরিবা পেরামিলিতরী ফোর্সশিংগী কেন্তিন পুম্নমক্তা অথুবদা খাদিগী পোত্থোকশিং য়োনবা হৌরগনি হায়না ফোঙদোকখ্রে।

“গান্ধীজীগী ওইনা খাদি অসি স্বদেসিগী খুদম অমা ওইখি অমসুং মসি প্রধান মন্ত্রী শ্রী নরেন্দ্র মোদীগী আত্মনির্ভর ভারতকী মঙলান থুংহন্নবা খুৎলাই অমসু ওইরি। খাদি মশামক অসিনা প্যুরিতী গরেন্তী তৌরি। পেরামিলিতী কেন্তিন ১০৭দা খাদিগী পোত্থোকশিং য়োনবা হৌরকপা অসিদা ঐহাক্না নুংঙাইবা পোকই অমসুং লৈবাক শিনবা থুংবদা লৈরিবা পেরামিলিতী কেন্তিনশিংদা খাদিগী পোত্থোকশিং অথুবদা য়োনবা হৌরকগনি,” হায়না গৃহ মন্ত্রীনা অসামগী তমুলপুরদা বি.এস.এফ.কী সেন্ত্রেল ৱার্কশোপ অমসুং স্তোরশিংগী উরেপ-উয়ুং তম্বগী থৌরম মনুংদা ফোঙদোকখি। থৌরম অসিদা অসামগী মুখ্য মন্ত্রী, শ্রী হিমন্তা বিস্বা শর্ম, কে.ভি.আই.সি.গী চিয়রমেন শ্রী ইনাই কুমার সক্সেনা, হোম সেক্রেতরী শ্রী অজয় কুমার ভাল্লা অমসুং বি.এস.এফ. অমসুং সি.আর.পি.এফ.কী দিরেক্তর জেনরেলসু শরুক য়াখি।

শ্রী শাহনা লৈবাক অসিদা সস্তেনেবল রুরেল এমপ্লোইমেন্ত ফংহনবগীদমক কে.ভি.আই.সি.বু য়াম্না থাগৎখি অমসুং হনী মিসন, কুমহার সশক্তিকারন য়োজনা, লেদর এন্দ কার্পেন্তর এম্পাৱর্মেন্ত স্কিমশিং অসিগুম্বা কে.ভি.আই.সি.গী ফ্লেগশিপ স্কিমশিং অসিনা অসামগী বোরোলেন্দদা সস্তেনেবল এমপ্লোইমেন্ত পীবা ঙমগনি হায়না ফোঙদোকখি।“করিগুম্বা কে.ভি.আই.সি.না মীয়ামবু মখোয়গী সেল্ফ-এমপ্লোইমেন্ত এক্তিবিতীশিংগা লোয়ননা কন্নেক্ত তৌরবদি মসিনা বোরোলেন্দদা থবক ফংদবগী সমস্যা অসি শোইদনা কোকহনবা ঙমগনি অমসুং খুৎলাই থাদোক্লবা বোরোগী নহারোলশিংবু লৈবাক অসিগী চাউখৎ-থৌরাংগী লোয়ননা অমুক হন্না কন্নেক্ত তৌবা ঙমগনি,” হায়না মহাক্না ফোঙদোকখি। গৃহ মন্ত্রীনা প্রধান মন্ত্রীগী লুচিং মখাদা কে.ই.আই.সিনা ২০২১-২২দা লুপা লাখ ১.১৫কী পুৱারি ওইরবা তর্নওভর অমা লাক্তুনা ২৫০%গী ময়াদা চাউনা গ্রোথ অমা রেজিস্তর তৌখি।

মমাংদা স্বদেসিদা শাহৌ পীবা ওইনা গৃহ মন্ত্রীনা খাদি এন্দ ভিলেজ ইন্দস্ত্রীজ কম্মিসন (কে.ভি.আই.সি)গী খুত্থাংদা “স্বদেসি” প্রদক্তশিং য়ারিবা মখৈ য়োন্নবা সি.এ.পি.এফ. কেন্তিন পুম্নমক্তা মেন্দতরী ওইহনখি। মসিগী অহৌবা ওইনা, জাতিগী ফিরাল, লংজমগী ফদি, খোহি, হঙ্গাম থাও, ধুপ, দালিয়া, পপদ, অচার, হৈক্রুগী পোত্থোকশিং অসিনচিংবা য়াওনা পোৎলম ৩২ অসি দিল্লী এন.সি.আর., পঞ্জাব, হরিয়াা, গুজরাত, উত্তর প্রদেশ, অসাম অমসুং অতোপ্পা রাজ্যশিংদা লৈবা কেন্তিনশিংদা সপ্লাই তৌখি।

কে.ভি.আই.সি.না হঙ্গাম থাও, লংজমগী ফক অমসুং শামতুগী কান্থাশিং সপ্লাই তৌনবগী পেরামিলিতরী ফোর্সশিংগী য়ান্নৱারোল অমা পীনরবা মতুংদা মসি চত্থরকখি। হৌজিক ফাওবদা কে.ভি.আই.সি.না তোঙান-তোঙানবা পেরামিলিতরী ফোর্সশিংদা লুপা করোর ১৭কী ময়া ওইগদবা প্রদক্তশিং মাইপাক্না সপ্লাই তৌখ্রে। সপ্লাই অসিদা লুপা করোর ৫.৫০গী হঙ্গাম থাও কে.জি. লাখ ৩ (এম.তি. ৩০০০), লুপা করোর ১১গী লংজমগী মোম্পাক ফীদক লাখ ২.১০ অমসুং লুপা লাখ ৪০গী শামতুগী কান্থা য়াওরি।

পনবা য়াবদি, পেরামিলিতরী কেন্তিনশিংনা খাদিগী পোত্থোকশিং য়োন্নবা অচৌবা ফম্পাক অমা পীবিরি অমসুং মসিনা কে.ভি.আই.সি.গী পোত্থোক পুথোকপা অমসুং য়োনবদা হকথেংননা কান্নবা পীরগনি। খাদিগী ফী অমসুং রেদীমেদ গার্মেন্তশিং, কোস্মেতিক্স অমসুং অচা-অথক অমসুং হরবেল প্রদক্তশিং য়াওনা পেরামিলিতরী ফোর্সশিংদা খাদি প্রদক্ত মখল কয়া অমা সপ্লাই তৌনবগী মোদেলিতীশিংদা থবক পাইখৎলি।

********