ಅಸ್ಸಾಂನ ಗೌರವಾನ್ವಿತ ರಾಜ್ಯಪಾಲರಾದ ಗವರ್ನರ್ ಶ್ರೀ ಜಗದೀಶ್ ಮುಖಿ ಜಿ, ಅಸ್ಸಾಂನ ಜನಪ್ರಿಯ ಮತ್ತು ಉತ್ಸಾಹಿ ಮುಖ್ಯಮಂತ್ರಿ ಶ್ರೀ ಹಿಮಂತ ಬಿಸ್ವಾ ಶರ್ಮಾ ಜಿ, ಕೇಂದ್ರ ಸಚಿವ ಸಂಪುಟದ ನನ್ನ ಹಿರಿಯ ಸಹೋದ್ಯೋಗಿಗಳಾದ ಶ್ರೀ ಸರ್ಬಾನಂದ ಸೋನೋವಾಲ್ ಜಿ ಮತ್ತು ಶ್ರೀ ರಾಮೇಶ್ವರ್ ತೇಲಿ ಜಿ, ಶ್ರೀ ರತನ್ ಟಾಟಾ ಜಿ ಅವರು ಈ ದೇಶದ ಅಭಿವೃದ್ಧಿಗೆ ಗಣನೀಯ ಕೊಡುಗೆ ನೀಡಿದ್ದಾರೆ. ಅಸ್ಸಾಂ ಸರ್ಕಾರದ ಮಂತ್ರಿಗಳಾದ ಶ್ರೀ ಕೇಶಬ್ ಮಹಾಂತ ಜಿ, ಅಜಂತಾ ನಿಯೋಗ್ ಜಿ ಮತ್ತು ಅತುಲ್ ಬೋರಾ ಜಿ, ಈ ಮಣ್ಣಿನ ಮಗ ಶ್ರೀ ರಂಜನ್ ಗೊಗೋಯ್ ಜಿ ಅವರು ನ್ಯಾಯಾಂಗ ಕ್ಷೇತ್ರದಲ್ಲಿ ಅತ್ಯುತ್ತಮ ಸೇವೆ ಸಲ್ಲಿಸಿದ್ದು, ನಮಗೆ ಸಂಸತ್ತಿನಲ್ಲಿ ಕಾನೂನುಗಳನ್ನು ರಚಿಸಲು ಸಹಾಯ ಮಾಡುತ್ತಿದ್ದಾರೆ. ಇಲ್ಲಿ ನೆರೆದಿರುವ ಎಲ್ಲಾ ಸಂಸದರು, ಶಾಸಕರು ಮತ್ತು ನನ್ನ ಪ್ರೀತಿಯ ಸಹೋದರ ಸಹೋದರಿಯರೇ!
ಮೊದಲನೆಯದಾಗಿ, ನಾನು ರೊಂಗಾಲಿ ಬಿಹು ಮತ್ತು ಅಸ್ಸಾಂನ ಹೊಸ ವರ್ಷದ ಶುಭಾಶಯಗಳನ್ನು ಕೋರುತ್ತೇನೆ!
ಆಚರಣೆ ಮತ್ತು ಉತ್ಸಾಹದ ಈ ಋತುವಿನಲ್ಲಿ, ಅಸ್ಸಾಂನ ಅಭಿವೃದ್ಧಿಗೆ ಮತ್ತಷ್ಟು ಉತ್ತೇಜನ ನೀಡಲು ಈ ಭವ್ಯ ಸಮಾರಂಭದಲ್ಲಿ ನಿಮ್ಮ ಉತ್ಸಾಹದ ಭಾಗವಾಗಲು ನನಗೆ ಇಂದು ಅವಕಾಶ ಸಿಕ್ಕಿದೆ. ಇಂದು, ಈ ಐತಿಹಾಸಿಕ ನಗರದಿಂದ, ಅಸ್ಸಾಮಿನ ಹೆಮ್ಮೆ ಮತ್ತು ಅಸ್ಸಾಮಿನ ಅಭಿವೃದ್ಧಿಗೆ ಕೊಡುಗೆ ನೀಡಿದ ಮಹಾನ್ ವ್ಯಕ್ತಿಗಳನ್ನು ನಾನು ನೆನಪಿಸಿಕೊಳ್ಳುತ್ತೇನೆ ಮತ್ತು ಗೌರವಪೂರ್ವಕವಾಗಿ ನಮಸ್ಕರಿಸುತ್ತೇನೆ.
ಸ್ನೇಹಿತರೆ,
ಭಾರತ ರತ್ನ ಭೂಪೇನ್ ಹಜಾರಿಕಾ ಅವರ ಹಾಡು:
बोहाग माठो एटि ऋतु नोहोय नोहोय बोहाग एटी माह
अखोमिया जातिर ई आयुष रेखा गोनो जीयोनोर ई खाह !

ಅಸ್ಸಾಂನ ಜೀವನಾಡಿಯನ್ನು ಉತ್ತಮಗೊಳಿಸಲು ಮತ್ತು ವಿಭಿನ್ನವಾಗಿಸಲು ನಾವು ಹಗಲು ರಾತ್ರಿ ನಿಮಗೆ ಸೇವೆ ಸಲ್ಲಿಸಲು ಪ್ರಯತ್ನಿಸುತ್ತಿದ್ದೇವೆ. ಈ ಸಂಕಲ್ಪದೊಂದಿಗೆ, ನಾನು ಮತ್ತೆ ಮತ್ತೆ ನಿಮ್ಮ ನಡುವೆ ಬರಲು ಬಯಸುತ್ತೇನೆ. ಅಸ್ಸಾಂ ಇಂದು ಶಾಂತಿ ಮತ್ತು ಅಭಿವೃದ್ಧಿಯ ಉತ್ಸಾಹದಿಂದ ತುಂಬಿದೆ, ಮತ್ತು ಸ್ವಲ್ಪ ಸಮಯದ ಹಿಂದೆ ನಾನು ಕರ್ಬಿ ಆಂಗ್ಲಾಂಗ್‌ನಲ್ಲಿ ಉತ್ಸಾಹ, ಉತ್ಸಾಹ, ಕನಸುಗಳು ಮತ್ತು ದೃಢ ನಿಶ್ಚಯಗಳನ್ನು ನೋಡಿದ್ದೇನೆ. 
 
ಸ್ನೇಹಿತರು,
ದಿಬ್ರುಗಢದಲ್ಲಿ ಹೊಸದಾಗಿ ನಿರ್ಮಿಸಲಾದ ಕ್ಯಾನ್ಸರ್ ಆಸ್ಪತ್ರೆ ಮತ್ತು ಅಲ್ಲಿ ನಿರ್ಮಿಸಲಾದ ಸೌಲಭ್ಯಗಳನ್ನು ನಾನು ನೋಡಿದೆ. ಇಂದು ಅಸ್ಸಾಂನಲ್ಲಿ 7 ಹೊಸ ಕ್ಯಾನ್ಸರ್ ಆಸ್ಪತ್ರೆಗಳನ್ನು ಉದ್ಘಾಟಿಸಲಾಗಿದೆ. 7-8 ವರ್ಷದಲ್ಲಿ ಆಸ್ಪತ್ರೆ ಕಟ್ಟಿದರೆ ಅದೊಂದು ದೊಡ್ಡ ಹಬ್ಬವಾಗಿ ಆಚರಿಸುವ ಕಾಲವೊಂದಿತ್ತು. ಇಂದು ಕಾಲ ಬದಲಾಗಿದ್ದು, ರಾಜ್ಯದಲ್ಲಿ ಒಂದೇ ದಿನದಲ್ಲಿ 7 ಆಸ್ಪತ್ರೆಗಳು ಉದ್ಘಾಟನೆಯಾಗುತ್ತಿವೆ. ಮುಂದಿನ ಕೆಲವು ತಿಂಗಳಲ್ಲಿ ಇನ್ನೂ 3 ಕ್ಯಾನ್ಸರ್ ಆಸ್ಪತ್ರೆಗಳು ನಿಮಗೆ ಸೇವೆ ಸಲ್ಲಿಸಲು ಸಿದ್ಧವಾಗುತ್ತಿವೆ ಎಂದು ನನಗೆ ತಿಳಿದುಬಂದಿದೆ. ಇವುಗಳಲ್ಲದೆ, ರಾಜ್ಯದಲ್ಲಿ 7 ಹೊಸ ಆಧುನಿಕ ಆಸ್ಪತ್ರೆಗಳ ನಿರ್ಮಾಣ ಕಾರ್ಯವೂ ಇಂದು ಆರಂಭವಾಗಿದೆ. ಈ ಆಸ್ಪತ್ರೆಗಳೊಂದಿಗೆ, ಅಸ್ಸಾಂನ ಹಲವು ಜಿಲ್ಲೆಗಳಲ್ಲಿ ಕ್ಯಾನ್ಸರ್ ಚಿಕಿತ್ಸೆಗೆ ಉತ್ತಮ ಸೌಲಭ್ಯಗಳು ಸಿಗಲಿವೆ. ಆಸ್ಪತ್ರೆಗಳು ಇಲ್ಲಿನ ಜನರಿಗೆ ಅಗತ್ಯವಾಗಿದ್ದು, ಸರಕಾರವೇ ಅವುಗಳನ್ನು ನಿರ್ಮಿಸುತ್ತಿದೆ. ಆದರೆ ನಾನು ಹೇಳಲು ಬಯಸುವುದೇನೆಂದರೆ, ಆಸ್ಪತ್ರೆಗಳು ನಿಮ್ಮ ಸೇವೆಗೆ ಸಿದ್ಧವಾಗಿವೆ. ಆದರೆ ಅಸ್ಸಾಂನ ಜನರು ಎಂದಿಗೂ ಆಸ್ಪತ್ರೆಗಳಿಗೆ ಹೋಗುವ ತೊಂದರೆಯನ್ನು ಎದುರಿಸಬೇಕೆಂದು ನಾನು ಬಯಸುವುದಿಲ್ಲ. ನಿಮಗೆ ಶುಭವಾಗಲಿ. ನಮ್ಮ ಹೊಸದಾಗಿ ನಿರ್ಮಿಸಲಾದ ಎಲ್ಲಾ ಆಸ್ಪತ್ರೆಗಳು ಖಾಲಿ ಉಳಿದಿದ್ದರೆ ಮತ್ತು ನಿಮ್ಮ ಕುಟುಂಬದಲ್ಲಿ ಯಾರೂ ಆಸ್ಪತ್ರೆಗೆ ಹೋಗದಿದ್ದರೆ ನನಗೆ ಸಂತೋಷವಾಗುತ್ತದೆ. ಆದರೆ ಅಂತಹ ಅವಶ್ಯಕತೆ ಬಂದರೆ ನಾವು ನಿಮ್ಮ ಸೇವೆಗೆ ಸಿದ್ಧರಿದ್ದೇವೆ. ಕ್ಯಾನ್ಸರ್ ರೋಗಿಗಳು ಅನನುಕೂಲತೆಗಳಿಂದ ಸಾವು ಎದುರಿಸಬೇಕಾಗಿಲ್ಲ.
 
ಸಹೋದರ ಸಹೋದರಿಯರೇ,
ಅಸ್ಸಾಂನಲ್ಲಿ ಕ್ಯಾನ್ಸರ್ ಚಿಕಿತ್ಸೆಗಾಗಿ ಇಂತಹ ಸಮಗ್ರ ಮತ್ತು ವ್ಯಾಪಕ  ವ್ಯವಸ್ಥೆ ಮುಖ್ಯವಾಗಿದೆ. ಏಕೆಂದರೆ ಇಲ್ಲಿ ಹೆಚ್ಚಿನ ಸಂಖ್ಯೆಯ ಜನರು ಕ್ಯಾನ್ಸರ್ ರೋಗದೊಂದಿಗೆ ಪತ್ತೆಯಾಗಿದ್ದಾರೆ. ಅಸ್ಸಾಂ ಮಾತ್ರವಲ್ಲದೆ ಈಶಾನ್ಯದಲ್ಲೂ ಕ್ಯಾನ್ಸರ್ ಬಹುದೊಡ್ಡ ಸಮಸ್ಯೆಯಾಗುತ್ತಿದೆ. ನಮ್ಮ ಬಡ ಕುಟುಂಬಗಳು, ಬಡ ಸಹೋದರ ಸಹೋದರಿಯರು ಮತ್ತು ನಮ್ಮ ಮಧ್ಯಮ ವರ್ಗದ ಕುಟುಂಬಗಳಿಗೆ ಹೆಚ್ಚಿನ ಪರಿಣಾಮ ಬೀರುತ್ತಿದೆ. ಕೆಲವು ವರ್ಷಗಳ ಹಿಂದಿನವರೆಗೆ, ಕ್ಯಾನ್ಸರ್ ಚಿಕಿತ್ಸೆಗಾಗಿ ರೋಗಿಗಳು ದೊಡ್ಡ ನಗರಗಳಿಗೆ ಹೋಗಬೇಕಾಗಿತ್ತು. ಇದರಿಂದ ಬಡವರು ಹಾಗೂ ಮಧ್ಯಮ ವರ್ಗದ ಕುಟುಂಬಗಳ ಮೇಲೆ ಭಾರಿ ಆರ್ಥಿಕ ಹೊರೆ ಬಿದ್ದಿದೆ. ಬಡವರು ಮತ್ತು ಮಧ್ಯಮ ವರ್ಗದ ಕುಟುಂಬಗಳ ಈ ಸಮಸ್ಯೆಯನ್ನು ಹೋಗಲಾಡಿಸಲು ಕಳೆದ 5-6 ವರ್ಷಗಳಲ್ಲಿ ತೆಗೆದುಕೊಂಡ ಹಲವು ಕ್ರಮಗಳಿಗಾಗಿ ನಾನು, ಮಾಜಿ ಮುಖ್ಯಮಂತ್ರಿ ಸರ್ಬಾನಂದ ಸೋನೋವಾಲ್ ಮತ್ತು ಹಾಲಿ ಮುಖ್ಯಮಂತ್ರಿ ಹಿಮಂತ ಜಿ ಮತ್ತು ಟಾಟಾ ಟ್ರಸ್ಟ್ ಅವರನ್ನು ಅಭಿನಂದಿಸುತ್ತೇನೆ. ಅಸ್ಸಾಂ ಕ್ಯಾನ್ಸರ್ ಕೇರ್ ಫೌಂಡೇಶನ್ ರೂಪದಲ್ಲಿ ಕೈಗೆಟುಕುವ ಮತ್ತು ಪರಿಣಾಮಕಾರಿ ಕ್ಯಾನ್ಸರ್ ಚಿಕಿತ್ಸೆಯ ಬೃಹತ್ ಜಾಲವು ಈಗ ಇಲ್ಲಿ ಸಿದ್ಧವಾಗಿದೆ. ಇದು ಮಾನವತೆಗೆ ನೀಡುತ್ತಿರುವ ಬಹು ದೊಡ್ಡ ಸೇವೆಯಾಗಿದೆ.
 
ಸ್ನೇಹಿತರೆ,
ಅಸ್ಸಾಂ ಸೇರಿದಂತೆ ಇಡೀ ಈಶಾನ್ಯದಲ್ಲಿ ಕ್ಯಾನ್ಸರ್‌ನ ಈ ದೊಡ್ಡ ಸವಾಲನ್ನು ಎದುರಿಸಲು ಕೇಂದ್ರ ಸರ್ಕಾರವು ನಿರಂತರ ಪ್ರಯತ್ನಗಳನ್ನು ಮಾಡುತ್ತಿದೆ. ರಾಜಧಾನಿ ಗುವಾಹತಿಯಲ್ಲಿ ಕ್ಯಾನ್ಸರ್ ಚಿಕಿತ್ಸೆಗೆ ಸಂಬಂಧಿಸಿದ ಮೂಲಸೌಕರ್ಯಗಳನ್ನು ಬಲಪಡಿಸಲಾಗುತ್ತಿದೆ. ಈ ವರ್ಷದ ಬಜೆಟ್‌ನಲ್ಲಿ ಈಶಾನ್ಯ ಭಾಗದ ಅಭಿವೃದ್ಧಿಗಾಗಿ 1,500 ಕೋಟಿ ರೂಪಾಯಿ ಮೊತ್ತದ ವಿಶೇಷ ಯೋಜನೆಯಾದ ಪಿಎಂ-ಡಿವೈನ್ ಸಹ ಕ್ಯಾನ್ಸರ್ ಚಿಕಿತ್ಸೆಗೆ ಒತ್ತು ನೀಡಿದೆ. ಇದರ ಅಡಿ, ಗುವಾಹತಿಯಲ್ಲಿ ಕ್ಯಾನ್ಸರ್ ಚಿಕಿತ್ಸೆಗಾಗಿ ಸಮರ್ಪಿತ ಸೌಲಭ್ಯಗಳನ್ನು ಸಿದ್ಧಪಡಿಸಲಾಗುತ್ತಿದೆ.
 
ಸಹೋದರ ಸಹೋದರಿಯರೇ,
ಕ್ಯಾನ್ಸರ್ ನಂತಹ ಗಂಭೀರ ಕಾಯಿಲೆಗಳು ಕುಟುಂಬ ಮತ್ತು ಸಮಾಜವನ್ನು ಭಾವನಾತ್ಮಕವಾಗಿ ಮತ್ತು ಆರ್ಥಿಕವಾಗಿ ದುರ್ಬಲಗೊಳಿಸುತ್ತವೆ. ಆದ್ದರಿಂದ, ಕಳೆದ 7-8 ವರ್ಷಗಳಲ್ಲಿ ದೇಶದಲ್ಲಿ ಆರೋಗ್ಯ ಕ್ಷೇತ್ರದಲ್ಲಿ ಸಾಕಷ್ಟು ಕೆಲಸ ಮಾಡಲಾಗಿದೆ. ನಮ್ಮ ಸರ್ಕಾರವು 7 ವಿಷಯಗಳ ಮೇಲೆ ಕೆಲಸ ಮಾಡಲು ಗಮನಕೇಂದ್ರೀಕರಿಸಿದೆ. ಅವುಗಳನ್ನು ನಾವು ಆರೋಗ್ಯ ರಂಗದ ‘ಸಪ್ತಋಷಿಗಳು’ ಎಂದು ಹೇಳಬಹುದು.
ಮೊದಲ ಪ್ರಯತ್ನವೆಂದರೆ, ರೋಗಗಳ ತಡೆಗಟ್ಟುವಿಕೆ. ಆದ್ದರಿಂದ, ನಮ್ಮ ಸರ್ಕಾರವು ಆರೋಗ್ಯ ಸಂರಕ್ಷಣೆಗೆ ಹೆಚ್ಚಿನ ಒತ್ತು ನೀಡಿದೆ. ಯೋಗ, ಫಿಟ್ನೆಸ್ ಮತ್ತು ಸ್ವಚ್ಛತೆಯಂತಹ ಹಲವು ಕಾರ್ಯಕ್ರಮಗಳು ಇದರ ಭಾಗವಾಗಿದೆ. ಎರಡನೆಯದಾಗಿ, ಒಂದು ಕಾಯಿಲೆ ಇದ್ದರೆ, ಅದನ್ನು ಆರಂಭದಲ್ಲಿ ಕಂಡುಹಿಡಿಯಬೇಕು. ಇದಕ್ಕಾಗಿ ದೇಶಾದ್ಯಂತ ಹೊಸ ಪರೀಕ್ಷಾ ಕೇಂದ್ರಗಳನ್ನು ನಿರ್ಮಿಸಲಾಗುತ್ತಿದೆ. ಮೂರನೆಯ ಗಮನವೆಂದರೆ ಜನರು ತಮ್ಮ ಮನೆಗಳ ಬಳಿ ಉತ್ತಮ ಪ್ರಥಮ ಚಿಕಿತ್ಸಾ ಸೌಲಭ್ಯಗಳನ್ನು ಹೊಂದಿರಬೇಕು. ಇದಕ್ಕಾಗಿ, ದೇಶಾದ್ಯಂತ ಯೋಗಕ್ಷೇಮ ಕೇಂದ್ರಗಳ ರೂಪದಲ್ಲಿ ನವೀಕೃತ ಶಕ್ತಿಯೊಂದಿಗೆ ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ಜಾಲವನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ನಾಲ್ಕನೆಯ ಪ್ರಯತ್ನವೆಂದರೆ, ಬಡವರಿಗೆ ಉತ್ತಮ ಆಸ್ಪತ್ರೆಗಳಲ್ಲಿ ಉಚಿತ ಚಿಕಿತ್ಸೆ ಸಿಗಬೇಕು. ಆಯುಷ್ಮಾನ್ ಭಾರತ್ ಯೋಜನೆಯಡಿ ಭಾರತ ಸರ್ಕಾರದಿಂದ 5 ಲಕ್ಷ ರೂ.ವರೆಗೆ ಉಚಿತ ಚಿಕಿತ್ಸೆ ನೀಡಲಾಗುತ್ತಿದೆ.
ಸ್ನೇಹಿತರು,
ನಮ್ಮ ಐದನೇ ಗಮನವು ಉತ್ತಮ ಚಿಕಿತ್ಸೆಗಾಗಿ ದೊಡ್ಡ ನಗರಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುವುದು. ಆದ್ದರಿಂದ, ನಮ್ಮ ಸರ್ಕಾರವು ಆರೋಗ್ಯ ಮೂಲಸೌಕರ್ಯದಲ್ಲಿ ಅಭೂತಪೂರ್ವ ಹೂಡಿಕೆಗಳನ್ನು ಮಾಡುತ್ತಿದೆ. ಸ್ವಾತಂತ್ರ್ಯಾನಂತರ ನಿರ್ಮಾಣವಾದ ಒಳ್ಳೆಯ ಆಸ್ಪತ್ರೆಗಳೆಲ್ಲ ದೊಡ್ಡ ನಗರಗಳಲ್ಲಿ ಮಾತ್ರ ಇರುವುದನ್ನು ನೋಡಿದ್ದೇವೆ. ಆರೋಗ್ಯ ಸ್ವಲ್ಪ ಹದಗೆಟ್ಟರೂ ದೊಡ್ಡ ನಗರಗಳಿಗೆ ಓಡಬೇಕು. ಇದು ಇಲ್ಲಿಯವರೆಗೆ ನಡೆಯುತ್ತಿದೆ. ಆದರೆ ನಮ್ಮ ಸರ್ಕಾರವು 2014ರಿಂದ ಈ ಪರಿಸ್ಥಿತಿಯನ್ನು ಬದಲಾಯಿಸಲು ಬದ್ಧವಾಗಿದೆ. 2014ಕ್ಕಿಂತ ಮೊದಲು ದೇಶದಲ್ಲಿ ಕೇವಲ 7 ಎಐಐಎಂಎಸ್ ಸಂಸ್ಥೆಗಳು ಇದ್ದವು. ದೆಹಲಿ ಎಐಐಎಂಎಸ್  ಹೊರತುಪಡಿಸಿ, ಎಂಬಿಬಿಎಸ್ ಅಧ್ಯಯನಕ್ಕೆ ಯಾವುದೇ ಸಂಸ್ಥೆಗಳು ಇರಲಿಲ್ಲ, ಹೊರರೋಗಿಗಳ ವಿಭಾಗ ಇರಲಿಲ್ಲ. ಕೆಲವು ಆಸ್ಪತ್ರೆಗಳು ಅಪೂರ್ಣವಾಗಿಯೇ ಉಳಿದಿವೆ. ಇವೆಲ್ಲವನ್ನೂ ಸರಿಪಡಿಸಿ ದೇಶದಲ್ಲಿ 16 ಹೊಸ ಏಮ್ಸ್‌ಗಳ ಸ್ಥಾಪನೆಯನ್ನು ಘೋಷಿಸಿದ್ದೇವೆ.
ಅವುಗಳಲ್ಲಿ ಗುವಾಹತಿ-ಏಮ್ಸ್ ಸಹ ಒಂದಾಗಿದೆ. ದೇಶದ ಪ್ರತಿ ಜಿಲ್ಲೆಯಲ್ಲಿ ಒಂದು ವೈದ್ಯಕೀಯ ಕಾಲೇಜು ಸ್ಥಾಪಿಸುವ ಗುರಿಯೊಂದಿಗೆ ನಮ್ಮ ಸರ್ಕಾರ ಕಾರ್ಯ ನಿರ್ವಹಿಸುತ್ತಿದೆ. 2014ರ ಮೊದಲು ದೇಶದಲ್ಲಿ 387 ವೈದ್ಯಕೀಯ ಕಾಲೇಜುಗಳಿದ್ದವು. ಈಗ ಈ ಸಂಖ್ಯೆ 600ರ ಸಮೀಪದಲ್ಲಿದೆ.
ಸ್ನೇಹಿತರೆ,
ನಮ್ಮ ಸರ್ಕಾರದ 6ನೇ ಗಮನವು ವೈದ್ಯರ ಸಂಖ್ಯೆಯನ್ನು ಹೆಚ್ಚಿಸುವತ್ತಲೂ ಇದೆ. ಕಳೆದ 7 ವರ್ಷಗಳಲ್ಲಿ, ಎಂಬಿಬಿಎಸ್ ಮತ್ತು ಪಿಜಿಗೆ 70,000ಕ್ಕೂ ಹೆಚ್ಚು ಹೊಸ ಸೀಟುಗಳನ್ನು ಸೇರಿಸಲಾಗಿದೆ. ನಮ್ಮ ಸರ್ಕಾರವು 5 ಲಕ್ಷಕ್ಕೂ ಹೆಚ್ಚು ಆಯುಷ್ ವೈದ್ಯರನ್ನು ಅಲೋಪತಿ ವೈದ್ಯರಿಗೆ ಸಮಾನವಾಗಿ ಪರಿಗಣಿಸಿದೆ. ಇದು ಭಾರತದಲ್ಲಿ ವೈದ್ಯ-ರೋಗಿ ಅನುಪಾತವನ್ನು ಸುಧಾರಿಸಿದೆ. ಇತ್ತೀಚೆಗಷ್ಟೇ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದೆ. ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿ ಶೇಕಡ 50ರಷ್ಟು ಸೀಟುಗಳಿಗೆ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಶುಲ್ಕ ವಿಧಿಸಲು ಸರ್ಕಾರ ನಿರ್ಧರಿಸಿದೆ. ಸಾವಿರಾರು ಯುವಕರು ಇದರ ಪ್ರಯೋಜನ ಪಡೆಯುತ್ತಿದ್ದಾರೆ. ಮುಂದಿನ 10 ವರ್ಷಗಳಲ್ಲಿ ಲಭ್ಯವಿರುವ ವೈದ್ಯರ ಸಂಖ್ಯೆಯು ನಮ್ಮ ಸರ್ಕಾರದ ಪ್ರಯತ್ನದಿಂದ ಸ್ವಾತಂತ್ರ್ಯದ ನಂತರ ದೇಶಕ್ಕೆ ಸಿಕ್ಕಿದ್ದಕ್ಕಿಂತ ಹೆಚ್ಚಾಗಿರುತ್ತದೆ.
 
ಸ್ನೇಹಿತರೆ,
ನಮ್ಮ ಸರ್ಕಾರದ 7ನೇ ಗಮನವು ಆರೋಗ್ಯ ಸೇವೆಗಳ ಡಿಜಿಟಲೀಕರಣವಾಗಿದೆ. ಚಿಕಿತ್ಸೆಗಾಗಿ ಉದ್ದನೆಯ ಸರತಿ ಸಾಲುಗಳು ಮತ್ತು ಚಿಕಿತ್ಸೆಗೆ ಸಂಬಂಧಿಸಿದ ಇತರ ಸಮಸ್ಯೆಗಳನ್ನು ಹೋಗಲಾಡಿಸುವುದು ಸರ್ಕಾರದ ಪ್ರಯತ್ನವಾಗಿದೆ. ಈ ನಿಟ್ಟಿನಲ್ಲಿ ಹಲವಾರು ಯೋಜನೆಗಳನ್ನು ಜಾರಿಗೊಳಿಸಲಾಗಿದೆ. ದೇಶದ ನಾಗರಿಕರು ಕೇಂದ್ರ ಸರ್ಕಾರದ ಯೋಜನೆಗಳ ಲಾಭವನ್ನು ಯಾವುದೇ ತೊಂದರೆಯಿಲ್ಲದೆ ದೇಶದ ಯಾವುದೇ ಮೂಲೆಯಲ್ಲಿ ಪಡೆಯಬೇಕು ಎಂಬುದು ನಮ್ಮ ಪ್ರಯತ್ನವಾಗಿದೆ. ಇದು ಒಂದು ರಾಷ್ಟ್ರ, ಒಂದು ಆರೋಗ್ಯದ ಸ್ಫೂರ್ತಿಯಾಗಿದೆ. ಒಂದು ಶತಮಾನದಲ್ಲಿ ಕಾಣಿಸಿಕೊಂಡಿರುವ ಅತಿದೊಡ್ಡ ಸಾಂಕ್ರಾಮಿಕ ರೋಗ ಕೊರೊನಾ ಸವಾಲುಗಳನ್ನು ಎದುರಿಸಲು ಇದು ದೇಶಕ್ಕೆ ಶಕ್ತಿ ನೀಡಿತು.
ಸ್ನೇಹಿತರೆ,
ಕೇಂದ್ರ ಸರ್ಕಾರದ ಯೋಜನೆಗಳು ದೇಶದಲ್ಲಿ ಕ್ಯಾನ್ಸರ್ ಚಿಕಿತ್ಸೆಯನ್ನು ಸುಲಭವಾಗಿ ಮತ್ತು ಕೈಗೆಟುಕುವಂತೆ ಮಾಡುತ್ತಿವೆ. ನಮ್ಮ ಸರ್ಕಾರದ ಮತ್ತೊಂದು ಮಹತ್ವದ ನಿರ್ಧಾರವೆಂದರೆ, ಬಡವರ ಮಗ ಮತ್ತು ಮಗಳು ವೈದ್ಯರಾಗಬೇಕು ಅಥವಾ ಜೀವನದಲ್ಲಿ ಇಂಗ್ಲಿಷ್ ಕಲಿಯಲು ಅವಕಾಶ ಸಿಗದ ಹಳ್ಳಿಯಲ್ಲಿ ವಾಸಿಸುವ ಮಗುವೂ ವೈದ್ಯರಾಗಬಹುದು. ಆದುದರಿಂದ ಬಡವರ ಮಗುವೂ ವೈದ್ಯರಾಗುವಂತೆ ಮಾತೃಭಾಷೆಯಲ್ಲಿ, ಸ್ಥಳೀಯ ಭಾಷೆಯಲ್ಲಿ ವೈದ್ಯಕೀಯ ಶಿಕ್ಷಣವನ್ನು ಮಾಡಬಯಸುವವರಿಗೆ ಸೌಲಭ್ಯಗಳನ್ನು ಕಲ್ಪಿಸುವ ನಿಟ್ಟಿನಲ್ಲಿ ಭಾರತ ಸರ್ಕಾರ ಮುಂದಾಗಿದೆ.
 
ವರ್ಷಗಳು ಉರುಳಿದಂತೆ, ಅನೇಕ ಅಗತ್ಯ ಕ್ಯಾನ್ಸರ್ ಔಷಧಿಗಳ ಬೆಲೆಗಳು ಅರ್ಧದಷ್ಟು ಕಡಿಮೆಯಾಗಿದೆ. ಇದರಿಂದ ಕ್ಯಾನ್ಸರ್ ರೋಗಿಗಳಿಗೆ ವಾರ್ಷಿಕ ಸುಮಾರು 1,000 ಕೋಟಿ ರೂಪಾಯಿ ಉಳಿತಾಯವಾಗುತ್ತಿದೆ. ಪ್ರಧಾನ ಮಂತ್ರಿ ಜನೌಷಧಿ ಕೇಂದ್ರಗಳ ಮೂಲಕ 900ಕ್ಕೂ ಹೆಚ್ಚು ಔಷಧಗಳು ಕೈಗೆಟಕುವ ದರದಲ್ಲಿ ದೊರೆಯುವಂತೆ ವ್ಯವಸ್ಥೆ ಮಾಡಲಾಗಿದ್ದು, ಮಾರುಕಟ್ಟೆಯಲ್ಲಿ 100 ರೂ.ಗೆ ಸಿಗುವ ಔಷಧಗಳು 10-20 ರೂ.ಗೆ ದೊರೆಯಬೇಕು. ಈ ಔಷಧಿಗಳಲ್ಲಿ ಹಲವು ಕ್ಯಾನ್ಸರ್ ಚಿಕಿತ್ಸೆಗೆ ಸಂಬಂಧಿಸಿವೆ. ಈ ಸೌಲಭ್ಯಗಳಿಂದ ರೋಗಿಗಳಿಗೆ ನೂರಾರು ಕೋಟಿ ರೂಪಾಯಿ ಉಳಿತಾಯವಾಗುತ್ತಿದೆ. ಮಧ್ಯಮ ವರ್ಗದ ಅಥವಾ ಕೆಳಮಧ್ಯಮ ವರ್ಗದ ಕುಟುಂಬದಲ್ಲಿ ವಯಸ್ಸಾದ ಪೋಷಕರಿದ್ದರೆ ಮತ್ತು ಅವರು ಮಧುಮೇಹದಿಂದ ಬಳಲುತ್ತಿದ್ದರೆ, ಔಷಧಿಗಳ ಮಾಸಿಕ ಬಿಲ್ ರೂ. 1000-2000 ಆಗುತ್ತಿತ್ತು. ಜನೌಷಧಿ ಕೇಂದ್ರಗಳಿಂದ ಔಷಧಿಗಳನ್ನು ಖರೀದಿಸಿದರೆ 80-100 ರೂಪಾಯಿಗೆ ಸಿಗುವಂತೆ ವೆಚ್ಚ ನಿಯಂತ್ರಣವನ್ನು ನಾವು ಖಚಿತಪಡಿಸಿದ್ದೇವೆ.
 
ಆಯುಷ್ಮಾನ್ ಭಾರತ್ ಯೋಜನೆಯ ಫಲಾನುಭವಿಗಳಲ್ಲಿ ಹೆಚ್ಚಿನ ಸಂಖ್ಯೆಯ ಕ್ಯಾನ್ಸರ್ ರೋಗಿಗಳು ಇದ್ದಾರೆ. ಈ ಯೋಜನೆ ಜಾರಿಯಲ್ಲಿ ಇಲ್ಲದಿದ್ದಾಗ, ಅನೇಕ ಬಡ ಕುಟುಂಬಗಳು ಕ್ಯಾನ್ಸರ್ ಚಿಕಿತ್ಸೆಯಿಂದ ದೂರವಿದ್ದವು. ಆಸ್ಪತ್ರೆಗೆ ದಾಖಲಾದರೆ ಸಾಲ ಮಾಡಿ, ಮಕ್ಕಳು ಸಾಲದ ಸುಳಿಯಲ್ಲಿ ಸಿಲುಕುತ್ತಾರೆ ಎಂದು ಭಾವಿಸುತ್ತಿದ್ದರು. ವಯಸ್ಸಾದ ಪೋಷಕರು ತಮ್ಮ ಮಕ್ಕಳು ಸಾಲದ ಸುಳಿಗೆ ಸಿಲುಕಬಾರದು ಎಂದು ಸಾವಿಗೆ ಆದ್ಯತೆ ನೀಡುತ್ತಿದ್ದರು. ಅವರು ತಮ್ಮ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಹೋಗುತ್ತಿರಲಿಲ್ಲ. ಬಡ ಪಾಲಕರು ಚಿಕಿತ್ಸೆ ಸಿಗದೆ ಸಾಯುವುದಾದರೆ, ನಾವಿರುವುದು ಏಕೆ? ನಮ್ಮ ತಾಯಂದಿರು ಮತ್ತು ಸಹೋದರಿಯರು ಪೋಷಕರ ಚಿಕಿತ್ಸೆಗಾಗಿ ಸಾಲ, ಮನೆ ಅಥವಾ ಜಮೀನು ಮಾರಾಟದ ಬಗ್ಗೆ ಕಾಳಜಿ ವಹಿಸುತ್ತಿದ್ದರು. ನಮ್ಮ ಸರ್ಕಾರ ನಮ್ಮ ತಾಯಿ, ಸಹೋದರಿಯರು ಮತ್ತು ಹೆಣ್ಣು ಮಕ್ಕಳನ್ನು ಈ ಚಿಂತೆಯಿಂದ ಮುಕ್ತಗೊಳಿಸಲು ಕೆಲಸ ಮಾಡಿದೆ.
 
ಸಹೋದರ ಸಹೋದರಿಯರೇ,
ಆಯುಷ್ಮಾನ್ ಭಾರತ್ ಯೋಜನೆಯು ಉಚಿತ ಚಿಕಿತ್ಸೆ ನೀಡುವುದಲ್ಲದೆ, ಕ್ಯಾನ್ಸರ್‌ನಂತಹ ಗಂಭೀರ ಕಾಯಿಲೆಗಳನ್ನು ಆರಂಭಿಕ ಪತ್ತೆಗೆ ಸಹಾಯ ಮಾಡುತ್ತಿದೆ. ಅಸ್ಸಾಂ ಸೇರಿದಂತೆ ದೇಶಾದ್ಯಂತ ತೆರೆಯಲಾಗುತ್ತಿರುವ ಆರೋಗ್ಯ ಮತ್ತು ಯೋಗಕ್ಷೇಮ ಕೇಂದ್ರಗಳಲ್ಲಿ 15 ಕೋಟಿಗೂ ಹೆಚ್ಚು ಸಹೋದ್ಯೋಗಿಗಳಿಗೆ ಕ್ಯಾನ್ಸರ್ ತಪಾಸಣೆ ಮಾಡಲಾಗಿದೆ. ಕ್ಯಾನ್ಸರ್ ಸಂದರ್ಭದಲ್ಲಿ, ಅದನ್ನು ಆರಂಭಿಕ ಹಂತದಲ್ಲಿ ಕಂಡುಹಿಡಿಯುವುದು ಬಹಳ ಮುಖ್ಯ. ಇದು ಮಾರಣಾಂತಿಕ ಆಗುವುದನ್ನು ತಡೆಯುತ್ತದೆ.
ಸ್ನೇಹಿತರೆ,
ದೇಶದಲ್ಲಿ ವೈದ್ಯಕೀಯ ಮೂಲಸೌಕರ್ಯವನ್ನು ಬಲಪಡಿಸಲು ನಡೆಯುತ್ತಿರುವ ಅಭಿಯಾನದ ಲಾಭವನ್ನು ಅಸ್ಸಾಂ ಸಹ ಪಡೆಯುತ್ತಿದೆ. ಹಿಮಂತ ಜಿ ಮತ್ತು ಅವರ ತಂಡವು ರಾಷ್ಟ್ರೀಯ ಸಂಕಲ್ಪದ ಭಾಗವಾಗಿ ಪ್ರತಿ ಜಿಲ್ಲೆಯಲ್ಲಿ ವೈದ್ಯಕೀಯ ಕಾಲೇಜುಗಳನ್ನು ತೆರೆಯಲು ಶ್ಲಾಘನೀಯ ಪ್ರಯತ್ನಗಳನ್ನು ಮಾಡುತ್ತಿದೆ. ಅಸ್ಸಾಂನಲ್ಲಿ ಆಮ್ಲಜನಕ ಉತ್ಪಾದನೆಯಿಂದ ಹಿಡಿದು ವೆಂಟಿಲೇಟರ್‌ ಒದಗಿಸುವ ತನಕ ಎಲ್ಲಾ ಸೌಲಭ್ಯಗಳನ್ನು ಹೆಚ್ಚಿಸುವುದನ್ನು ಕೇಂದ್ರ ಸರ್ಕಾರ ಖಚಿತಪಡಿಸಿದೆ. ಅಸ್ಸಾಂ ಸರ್ಕಾರವು ಗಂಭೀರ ಆರೋಗ್ಯ ಸಂರಕ್ಷಣಾ ಮೂಲಸೌಕರ್ಯವನ್ನು ತ್ವರಿತವಾಗಿ ಕಾರ್ಯಗತಗೊಳಿಸಲು ಹಲವಾರು ಪ್ರಮುಖ ಕ್ರಮಗಳನ್ನು ತೆಗೆದುಕೊಂಡಿದೆ.
ಸಹೋದರ ಸಹೋದರಿಯರೇ,
ದೇಶ ಮತ್ತು ಜಗತ್ತು ನಿರಂತರವಾಗಿ ಕೊರೊನಾ ಸೋಂಕಿನ ವಿರುದ್ಧ ಹೋರಾಡುತ್ತಿದೆ. ಭಾರತದಲ್ಲಿ ಲಸಿಕೆ ಅಭಿಯಾನದ ವ್ಯಾಪ್ತಿ ಬಹಳಷ್ಟು ಹೆಚ್ಚಾಗಿದೆ. ಈಗ ಮಕ್ಕಳಿಗೂ ಅನೇಕ ಲಸಿಕೆಗಳನ್ನು ಅನುಮೋದಿಸಲಾಗಿದೆ. ಮುನ್ನೆಚ್ಚರಿಕೆ ಕ್ರಮಗಳಿಗೆ ಅನುಮತಿಯನ್ನೂ ನೀಡಲಾಗಿದೆ. ಈಗ ಸಮಯಕ್ಕೆ ಸರಿಯಾಗಿ ಲಸಿಕೆ ಹಾಕಿಸಿಕೊಳ್ಳುವ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ. ಮಕ್ಕಳಿಗೆ ಈ ಆರೋಗ್ಯ ಸಂರಕ್ಷಣಾ ಕವಚವನ್ನು ನೀಡಬೇಕಿದೆ.
ಸ್ನೇಹಿತರೆ,
ಚಹಾ ತೋಟಗಳಲ್ಲಿ ಕೆಲಸ ಮಾಡುವ ಲಕ್ಷಾಂತರ ಕುಟುಂಬಗಳಿಗೆ ಉತ್ತಮ ಜೀವನ ಒದಗಿಸಲು ಕೇಂದ್ರ ಮತ್ತು ಅಸ್ಸಾಂ ಸರ್ಕಾರಗಳು ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತಿವೆ. ಅಸ್ಸಾಂ ಸರ್ಕಾರವು ಹರ್ ಘರ್ ಜಲ ಯೋಜನೆಯಡಿ, ಉಚಿತ ಪಡಿತರದಿಂದ ಹಿಡಿದು ಚಹಾ ತೋಟಗಳಿಗೆ ನಲ್ಲಿ ನೀರು ಸೇರಿದಂತೆ ಎಲ್ಲಾ ಸೌಲಭ್ಯಗಳನ್ನು ತ್ವರಿತವಾಗಿ ಒದಗಿಸುತ್ತಿದೆ. ಶಿಕ್ಷಣ ಮತ್ತು ಉದ್ಯೋಗಾವಕಾಶಗಳನ್ನು ಸುಧಾರಿಸಲು ನಿರಂತರ ಪ್ರಯತ್ನಗಳನ್ನು ಮಾಡಲಾಗುತ್ತಿದೆ. ಯಾವುದೇ ವ್ಯಕ್ತಿ ಮತ್ತು ಯಾವುದೇ ಕುಟುಂಬವು ಅಭಿವೃದ್ಧಿಯ ಪ್ರಯೋಜನಗಳಿಂದ ಹೊರಗುಳಿಯಬಾರದು ಎಂಬುದು ನಮ್ಮ ದೃಢ ಸಂಕಲ್ಪವಾಗಿದೆ.
ಸಹೋದರ ಸಹೋದರಿಯರೇ,
ಇಂದು ನಾವು ಅಭಿವೃದ್ಧಿಯ ಹರಿವು ಅನುಸರಿಸುವ ಮೂಲಕ ಸಾರ್ವಜನಿಕ ಕಲ್ಯಾಣ ವ್ಯಾಪ್ತಿಯನ್ನು ಬಹಳ ವಿಶಾಲಗೊಳಿಸಿದ್ದೇವೆ. ಮೊದಲು, ಕೆಲವು ಸಬ್ಸಿಡಿಗಳನ್ನು ಸಾರ್ವಜನಿಕ ಕಲ್ಯಾಣದ ಭಾಗವೆಂದು ಪರಿಗಣಿಸಲಾಗಿತ್ತು. ಮೂಲಸೌಕರ್ಯ ಮತ್ತು ಸಂಪರ್ಕ ಯೋಜನೆಗಳನ್ನು ಕಲ್ಯಾಣದ ಭಾಗವಾಗಿ ನೋಡಲಾಗಿಲ್ಲ. ವಾಸ್ತವವಾಗಿ, ಉತ್ತಮ ಸಂಪರ್ಕದ ಅನುಪಸ್ಥಿತಿಯಲ್ಲಿ ಸಾರ್ವಜನಿಕ ಸೌಲಭ್ಯಗಳ ವಿತರಣೆಯು ತುಂಬಾ ಕಷ್ಟಕರವಾಗುತ್ತದೆ. ಕಳೆದ ಶತಮಾನದ ಆ ಪರಿಕಲ್ಪನೆಯನ್ನು ಬಿಟ್ಟು ಈಗ ದೇಶ ಮುನ್ನಡೆಯುತ್ತಿದೆ. ಇಂದು ನೀವು ಅಸ್ಸಾಂನ ದೂರದ ಪ್ರದೇಶಗಳಲ್ಲಿ ನಿರ್ಮಿಸುತ್ತಿರುವ ರಸ್ತೆಗಳನ್ನು ನೋಡಬಹುದು, ಬ್ರಹ್ಮಪುತ್ರದಲ್ಲಿ ಸೇತುವೆಗಳನ್ನು ನಿರ್ಮಿಸಲಾಗುತ್ತಿದೆ, ರೈಲು ಜಾಲವು ಬಲಗೊಳ್ಳುತ್ತಿದೆ. ಈಗ ಶಾಲೆ, ಕಾಲೇಜು, ಆಸ್ಪತ್ರೆಗಳಿಗೆ ಹೋಗುವುದು ಸುಲಭವಾಗಿದೆ. ಜೀವನೋಪಾಯಕ್ಕಾಗಿ ಅಪಾರ ಅವಕಾಶಗಳು ತೆರೆದುಕೊಳ್ಳುತ್ತಿವೆ. ಬಡವರಲ್ಲಿ ಬಡವರು ಹಣ ಉಳಿಸುತ್ತಿದ್ದಾರೆ. ಇಂದು ಬಡವರಲ್ಲಿ ಬಡವರು ಮೊಬೈಲ್ ಫೋನ್‌ಗಳ ಸೌಲಭ್ಯಗಳನ್ನು ಪಡೆಯುತ್ತಿದ್ದಾರೆ, ಅವುಗಳನ್ನು ಇಂಟರ್ನೆಟ್‌ಗೆ ಸಂಪರ್ಕಿಸಲಾಗುತ್ತಿದೆ. ಇದರಿಂದ ಸರಕಾರದ ಪ್ರತಿಯೊಂದು ಸೇವೆಯೂ ಸುಲಭವಾಗಿ ಸಿಗುವಂತಾಗಿದ್ದು, ಭ್ರಷ್ಟಾಚಾರದಿಂದ ಮುಕ್ತಿ ಹೊಂದುತ್ತಿದ್ದಾರೆ.
 
ಸಹೋದರ ಸಹೋದರಿಯರೇ,
‘ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಸಬ್ಕಾ ವಿಶ್ವಾಸ್ ಮತ್ತು ಸಬ್ಕಾ ಪ್ರಯಾಸ್ ಮೂಲಕ ಅಸ್ಸಾಂ ಮತ್ತು ದೇಶದ ಅಭಿವೃದ್ಧಿ ವೇಗಗೊಳಿಸಲು ನಾವು ಬದ್ಧರಾಗಿದ್ದೇವೆ. ಅಸ್ಸಾಂನಲ್ಲಿ ಸಂಪರ್ಕ ಬಲಪಡಿಸುವುದು ಮತ್ತು ಇಲ್ಲಿ ಹೊಸ ಹೂಡಿಕೆ ಅವಕಾಶಗಳನ್ನು ಸೃಷ್ಟಿಸುವುದು ನಮ್ಮ ಪ್ರಯತ್ನವಾಗಿದೆ. ಅಸ್ಸಾಂನಲ್ಲಿ ಹೂಡಿಕೆಗೆ ಹಲವು ಸಾಧ್ಯತೆಗಳಿವೆ. ನಾವು ಈ ಸಾಧ್ಯತೆಗಳನ್ನು ಅವಕಾಶಗಳಾಗಿ ಪರಿವರ್ತಿಸಬೇಕು. ಚಹಾ, ಸಾವಯವ ಕೃಷಿ, ತೈಲ ಸಂಬಂಧಿತ ಉದ್ಯಮಗಳು ಅಥವಾ ಪ್ರವಾಸೋದ್ಯಮ ಮತ್ತಿತರ ಕ್ಷೇತ್ರಗಳಲ್ಲಿ ಅಸ್ಸಾಂ ಅಭಿವೃದ್ಧಿಯನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಬೇಕು.
ಸ್ನೇಹಿತರೆ,
ಇಂದು ನಾನು ಅಸ್ಸಾಂಗೆ ಭೇಟಿ ನೀಡಿದ್ದು ಸ್ಮರಣೀಯ. ಒಂದೆಡೆ, ಹಿಂಸೆಯ ಹಾದಿಯನ್ನು ಬಿಟ್ಟು ಶಾಂತಿ ಮತ್ತು ಅಭಿವೃದ್ಧಿಯ ಹೊಳೆಯನ್ನು ಸೇರಲು ಬಯಸುವ ಜನರನ್ನು ನಾನು ಭೇಟಿ ಮಾಡಿದ್ದೇನೆ. ಅನಾರೋಗ್ಯದಿಂದ ಜೀವನದಲ್ಲಿ ಹೋರಾಟ ಎದುರಿಸಬೇಕಾಗಿಲ್ಲ. ಈಗ ನಾನು ನಿಮ್ಮ ನಡುವೆ ಇದ್ದೇನೆ. ನಿಮ್ಮೆಲ್ಲರ ಸಂತೋಷ ಮತ್ತು ಶಾಂತಿಗೆ ಎಲ್ಲಾ ವ್ಯವಸ್ಥೆ ಮಾಡಲಾಗಿದೆ. ನೀವು ನಮ್ಮನ್ನು ಆಶೀರ್ವದಿಸಲು ಬಂದಿದ್ದೀರಿ. ಬಿಹು ಸ್ವತಃ ಸಂತೋಷ ಮತ್ತು ಆಚರಣೆಯ ದೊಡ್ಡ ಹಬ್ಬವಾಗಿದೆ. ನಾನು ಹಲವು ವರ್ಷಗಳಿಂದ ಅಸ್ಸಾಂಗೆ ಭೇಟಿ ನೀಡುತ್ತಿದ್ದೇನೆ. ಬಿಹು ಸಮಯದಲ್ಲಿ ನಾನು ಅಸ್ಸಾಂಗೆ ಭೇಟಿ ನೀಡದ ಯಾವುದೇ ಸಂದರ್ಭವಿಲ್ಲ. ಆದರೆ ಇಂದು ಬಿಹು ಸಂದರ್ಭದಲ್ಲಿ ಇಷ್ಟೊಂದು ದೊಡ್ಡ ಸಂಖ್ಯೆಯ ತಾಯಂದಿರು ಮತ್ತು ಸಹೋದರಿಯರು ಒಟ್ಟಿಗೆ ನೃತ್ಯ ಮಾಡುವುದನ್ನು ನಾನು ನೋಡಿದೆ. ಈ ಪ್ರೀತಿ ಮತ್ತು ಆಶೀರ್ವಾದಕ್ಕಾಗಿ ನಾನು ವಿಶೇಷವಾಗಿ ಅಸ್ಸಾಂನ ತಾಯಂದಿರು ಮತ್ತು ಸಹೋದರಿಯರಿಗೆ ವಂದಿಸುತ್ತೇನೆ. ನನ್ನ ಹೃದಯಾಂತರಾಳದಿಂದ ನಾನು ಅವರಿಗೆ ಧನ್ಯವಾದ ಹೇಳುತ್ತೇನೆ.
ಸ್ನೇಹಿತರೆ,
ರತನ್ ಟಾಟಾ ಜಿ ಅವರೇ ಇಂದು ಬಂದಿದ್ದಾರೆ. ಅವರ ಸಂಬಂಧವು ಚಹಾದೊಂದಿಗೆ (ಅಸ್ಸಾಂನ) ಪ್ರಾರಂಭವಾಯಿತು, ಅದು ಈಗ ಇಲ್ಲಿನ ಜನರ ಯೋಗಕ್ಷೇಮಕ್ಕೆ ವಿಸ್ತರಿಸಿದೆ. ಇಂದು ಅವರು ನಿಮ್ಮ ಉತ್ತಮ ಆರೋಗ್ಯಕ್ಕಾಗಿ ನಮ್ಮೊಂದಿಗೆ ಪಾಲ್ಗೊಂಡಿದ್ದಾರೆ. ನಾನು ಅವರನ್ನು ಹೃತ್ಪೂರ್ವಕವಾಗಿ ಸ್ವಾಗತಿಸುತ್ತೇನೆ. ಈ ಹೊಸ ಸೌಲಭ್ಯಗಳಿಗಾಗಿ ಮತ್ತೊಮ್ಮೆ ನಿಮಗೆ ಶುಭ ಹಾರೈಸುತ್ತೇನೆ.
ತುಂಬು ಧನ್ಯವಾದಗಳು!
ನಿಮ್ಮೆಲ್ಲಾ ಶಕ್ತಿ ಚೈತನ್ಯದೊಂದಿಗೆ ನನ್ನೊಂದಿಗೆ ಹೇಳಿ:
ಭಾರತ್ ಮಾತಾ ಕಿ - ಜೈ!
ಭಾರತ್ ಮಾತಾ ಕಿ - ಜೈ!
ಭಾರತ್ ಮಾತಾ ಕಿ - ಜೈ!
ತುಂಬು ಧನ್ಯವಾದಗಳು!
 
ಹಕ್ಕುನಿರಾಕರಣೆ: ಪ್ರಧಾನ ಮಂತ್ರಿಗಳ ಅಂದಾಜು ಇಂಗ್ಲೀಷ್ ಅನುವಾದ ಇದಾಗಿದೆ. ಅವರ ಮೂಲ ಭಾಷಣ ಹಿಂದಿ ಭಾಷೆಯಲ್ಲಿದೆ.
 
 

***