ভারতকী নিং-খা তম্বগী চহি ৭৫গী থৌরম পাংথোক্নবা – ‘অজাদি কা অমৃত মহোৎসব’কী শরুক ওইনা, পাৱর মন্ত্রালয়গী মখাদা লৈবা মীয়ামগী ওইবা ইনফ্রাস্ত্রকচর ফাইনান্স কম্পনী অমা ওইরিবা, রুরেল ইলেক্ত্রিফিকেসন কোর্পোরেসন লিমিতেদনা মনিপুর, ওরিশা অমসুং ছত্তিসগরগী রাজ্যশিংদা ‘বিজলি উৎসব’অমা শিনখ্রে। হায়রিবা থৌরম অসিগী তারিক অসি মসিনা দীন দয়াল উপধ্যায় গ্রাম জ্যোতি য়োজনা (দি.দি.য়ু.জি.জে.ৱাই.)গী মখাদা খুঙ্গং খুদিংমক্তা ইলেক্ত্রিসিতী ইনফ্রাস্ত্রকচর মায় পাক্না পীবা চহি মরি ফারকপগী কুমওন ওইনবা ২০২২গী এপ্রিলগী ২৮বু অখন্ননা খনবনি। থৌরম অসি মার্ক তৌনবগীদমক, মনিপুরগী লৈসাং খুঙ্গং অসি দি.দি.য়ু.জি.জে.ৱাই. স্কীমগী মখাদা ২০১৮গী এপ্রিল ২৮দা গ্রীদ অসিদা শম্বদা খ্বায়দগী ইকোন-কোনবা খুঙ্গং ওইবা মরম্না থৌরমশিং অসি পাংথোকপগী খুঙ্গংশিংগী মনুংদা অমা ওইরগনি। লৈবাক অসিগী খুঙ্গংশিংদা মৈ পীবনা ইন্তর্নেস্নেল ইনর্জী এজেন্সীনা খ্বায়দগী চাউনা মায় পাকপগী ৱারীনি হায়না শকখঙলি।  

মশিং য়াম্লবা দিগ্নতরীশিংনা থৌরম অসিদা শরুক য়াখি, মসিদা মনাক নকপা খুঙ্গং অমসুং জিলাদগী মীয়াম্না তিনবা উবা ফংখি। দিগ্নতরীশিং অসিনা ইলেক্ত্রিসিতীগী কান্নবা, খুঙ্গংগী মফমশিংদা মৈ পীবদা থেংনবা অৱাবশিং অমসুং মৈ পীবনা পুন্সি মহিংদা মতৌ করম্না ফগৎহনবা অসিনচিংবা উৎখি। থৌরম অসিদা দি.দি.য়ু.জি.জে.ৱাই. স্কীগী বেনিফিসরীশিংনা স্তেজদা কাদুনা মখোয়না থেংনরকপশিং থমখিবা উবা ফংখি।

খুঞ্জাশিংগী পুক্নিং চিংশিন্নবা, কলচরেল প্রোগ্রামশিং হায়বদি ইলেক্ত্রিসিতী, বিল্লিং, ইনর্জী মাংহন্দনা শিজিন্নবগী মরমদা জগোই অমসুং লোগ গ্যানগুম্বা এৱারনেসশিং পীখি অমসুং মীয়ামদা ৱখল তাহন্নবা সরকারগী প্রোগ্রামশিং কয়াগী কুইজ অমসু শিনখি। থৌরম অসি চাংদম্নবা অসিদা ৱিন্নর ওইখ্রবশিংদা মনা ওইনা এল.ই.দি. বল্বশিং য়েন্থোক্তুনা লোইশিনখি।

চাওরবা মীতিন শিনবদা, কোবিদকী চৎন কাংলোন হায়বদি মীওইশিং থাপ্না লৈনবা, মাস্ক উপ্পা অসিনচিংবা ঙাকখি। মসিগী মথক্তা শরুক য়ারিবা মীওইশিংদা মাস্কশিং য়েন্থোকখি।

***