হাউজিং অমসুং অর্বান এফিয়র্স অমদি পেত্রোলিয়ম অমসুং গ্যাসকী কেন্দ্র মন্ত্রী, শ্রী হর্দীপ সিংহ পুরীনা হয়েং এপ্রিল ৩০, ২০২২দা গেংতোক্তা পাংথোক্কদবা সিম্পোজিয়মদা অথোইবা মীথুংলেন ওইনা শরুক য়াগনি। থৌরম অসিনা  “এন.ই. রাজ্যশিংদা অর্বান দিভেলপমেন্তঃ স্মার্ত সিতীগী ইহৌ”দা মিৎয়েং চঙগনি। অর্বান দিভেলপমেন্ত, ফুদ এন্দ সিভিল সপ্লাই দিপার্তমেন্তকী সিক্কিমগী মন্ত্রী, শ্রী অরুন উপ্রেতী অমসুং কেন্দ্র অমদি রাজ্যগী সেনিয়র ওফিসরশিংনা শরুক য়াগদৌরিবা থৌরম অসি হৌদোকপগী সেসন্দা ওনলাইন বিলদিং পর্মিসন সীস্তেম অমসু হৌনবী মতুং ইন্না হৌদোক্কনি।

অয়ুক্কী সেসন অসিগী মখা তারকপা ওইনা মরী লৈনবা সবজেক্ত-মেত্তরগী তেক্নিকেল সেসন অহুম অমগসু পাংথোক্কনি। সেসনশিং অসিবু আই.আই.তি., খরগপুরগী সেনিয়র প্রোফেসরশিংনা কন্দক্ত তৌগনি।

সিক্কিমগী থৌরম অসি এপ্রিল ২৮দগী মে ৪, ২০২২ ফাওবদা অৱাং নোংপোক রাজ্য ৮দা পাংথোক্লিবা নীংতম্বগী অমৃত মহোৎসবঃ নোর্থ ইস্ত ফেস্তিবেলগী শরুক অমনি। থৌরম অসি “ঐখোয়না কনাদগী তাদে” হায়বা ৱাখল্লোনগা লোয়ননা অৱাং নোংপোক লমদমগী চাউখৎ-থৌরাং (দোনর)গী কেন্দ্র মন্ত্রালয়না শীন-লাঙবনি। ভারতনা নীংতম্বগী অমৃত মহোৎসবকী মনুংদা হৌজিক নীংতম্বগী চহি ৭৫ মপুং ফাবা, লৈবাক অসিগী মশক থোক্লবা পুৱারী, মীয়াম, নাৎ অমসুং মায় পাকপশিংগী নুংঙাইবা ফোংদোক্লি অমসুং মন্ত্রালয় অসিনা অৱাং নোংপোক লমদমগী ফজবা অমসুং তোঙান-তোঙানবা হীরমশিংদা মায় পাকখিবা কয়াবু ফেস্তিবেল অসিগী খুত্থাংদা মীয়ামদা খঙহল্লি। মান্নবা থৌরম কয়াসু তোঙানবা হীরম কয়াদা এন.ই. রাজ্যশিংগী কোনুংশিংদা হৌজিক চত্থরিবা ফেস্তিবেল অসিগী মখাদা পাংথোক্লি।

*****