భారతీయ రసాయనాల ఎగుమతులు 2013-14 కంటే 2021-22లో 106% వృద్ధిని నమోదు చేశాయి. 2021-22లో భారతదేశ రసాయనాల ఎగుమతులు 29296 మిలియన్‌ డాలర్లలకు చేరుకున్నాయి, అయితే 2013-14లో భారతదేశ రసాయన ఎగుమతులు 14210 మిలియన్ డాలర్లు  మాత్రమే.

కేంద్ర వాణిజ్యం , పరిశ్రమలు, వినియోగదారుల వ్యవహారాలు, ఆహారం , ప్రజా పంపిణీ , జౌళి శాఖల మంత్రి శ్రీ పీయూష్ గోయల్ ఒక ట్వీట్‌లో ఈ విజయాన్ని ప్స్తూరముఖంగా ప్రస్తావిస్తూ, ఎగుమతుల వృద్ధి, ప్రధాన మంత్రి శ్రీ నరేంద్ర మోదీ ఆత్మనిర్భర్ భారత్ అభియాన్‌కు ఊతమిస్తుందని అన్నారు.

సేంద్రీయ, అకర్బన రసాయనాలు, వ్యవసాయ రసాయనాలు, రంగులు , రంగుల మధ్యవర్తులు, స్పెషాలిటీ రసాయనాలు, ఎగుమతుల పెరుగుదల కారణంగా రసాయనాల ఎగుమతి వృద్ధి సాధ్యమైంది.

ఈ రోజు భారతీయ రసాయన పరిశ్రమ ఎగుమతులు ప్రపంచవ్యాప్త గా పెరుగుతున్నాయి. "మేక్ ఇన్ ఇండియా" విధానంతో దేశానికి విదేశీ మారక ద్రవ్యాన్ని ఆర్జిస్తుంది. ప్రపంచంలో రసాయనరంగంలో  భారతదేశం 6వ అతిపెద్ద ఉత్పత్తిదారు , ఆసియాలో 3వ స్థానంలో ఉంది. రసాయనాల ఎగుమతిలో భారతదేశం 14వ స్థానంలో ఉంది.

నేడు భారతదేశం రంగుల ఉత్పత్తిలో అగ్రగామిగా ఉంది , ప్రపంచ రంగుల ఎగుమతులకు 16%-18% వరకు దోహదం చేస్తుంది. భారతీయ రంగులు 90 కి పైగా  దేశాలకు ఎగుమతి అవుతున్నాయి. భారతదేశం ప్రపంచంలో వ్యవసాయ రసాయనాల ఉత్పత్తిలో 4వ స్థానంలో ఉంది , 50% కంటే ఎక్కువ పురుగుమందులను సాంకేతికంగా తయారు చేస్తుంది.

దాదాపు 50% వ్యవసాయ రసాయనాలు భారతదేశం నుంచి ప్రపంచవ్యాప్తంగా  ఎగుమతి అవుతున్నాయి.  భారతదేశం ప్రపంచంలోనే అతిపెద్ద ఆముదం ఉత్పత్తి , ఎగుమతిదారు. ఈ విభాగంలోని మొత్తం ప్రపంచ ఎగుమతుల్లో దాదాపు 85-90% బాధ్యత మన దేశానిదే.

భారతదేశం 175 కంటే ఎక్కువ దేశాలకు ఎగుమతి చేస్తుంది , అగ్ర గమ్యస్థానాలు అమెరికా, చైనా , కొత్త మార్కెట్. టర్కీ, రష్యా , ఈశాన్య ఆసియా దేశాలు (చైనా, హాంకాంగ్, జపాన్, కొరియా, తైవాన్, మకావో, మంగోలియా) కూడా జోడించి.

వాణిజ్య విభాగం, భారతీయ సభ్య ఎగుమతిదారులు నిరంతర ప్రయత్నం కారణంగా రసాయన ఎగుమతుల పెరుగుదల సాధ్యమైంది. అలాగే, మార్కెట్ యాక్సెస్ ఇనిషియేటివ్ స్కీమ్ కింద గ్రాంట్ ఇన్ ఎయిడ్‌ను ఉపయోగించడం, వివిధ దేశాలలో పరస్పర వ్యాపారాభివృద్ధి (B2B) ప్రదర్శనలను నిర్వహించడం, ఉత్పత్తి-నిర్దిష్ట , మార్కెటింగ్ ప్రచారాల ద్వారా భారత రాయబార కార్యాలయాల క్రియాశీల ప్రమేయంతో కొత్త సంభావ్య మార్కెట్‌లను అన్వేషించడం ద్వారా, ఆర్థిక సహాయం అందించడం. విదేశీ ఉత్పత్తి రిజిస్ట్రేషన్ మొదలైన వాటిలో చట్టబద్ధమైన సమ్మతిలో ప్రాథమిక రసాయనాలు, సౌందర్య సాధనాలు, రంగులు ఎగుమతి ప్రమోషన్ కౌన్సిల్‌ -CHEMEXCIL ద్వారా వివిధ కార్యక్రమాలు చేపట్టారు.

అధిక సరుకు రవాణా రేట్లు, కంటైనర్ కొరత మొదలైన రవాణా పరమైన సవాళ్లు ఉన్నప్పటికీ దేశం ఈ ఎగుమతి వృద్ధి సాధించింది. రసాయన ఉత్పత్తుల ఎగుమతుల పెరుగుదల గుజరాత్, మహారాష్ట్ర, కర్ణాటక, తమిళనాడు , ఆంధ్రప్రదేశ్‌లకు చెందిన చిన్న , మధ్యస్థ ఎగుమతిదారులకు ప్రయోజనం చేకూర్చింది.

సంవత్సరాలుగా, భారత రసాయన పరిశ్రమ, కొత్త వ్యవస్థాపకులు, ఆధునిక  సాంకేతిక  ఆవిష్కరణలు, మెరుగైన ఉత్పత్తి జాబితా, నాణ్యత ద్వారా ఆధునిక ప్రపంచ స్థాయి రసాయన పరిశ్రమగా ఉద్భవించడానికి ప్రపంచ పోటీని స్వీకరించడానికి సిద్ధంగా ఉంది.

ఆత్మనిర్భర్తా కోసం పిలుపు అనేది, ఆర్థిక ఒంటరివాదానికి తిరిగి వెళ్లడం గురించి కాదు. ప్రపంచ సరఫరా గొలుసు లో కీలక భాగస్వామిగా భారతదేశం   స్థానాన్ని నిర్ధారించడం దీని ముఖ్యమైన లక్ష్యం. స్వదేశంలో సామర్థ్యాలను పెంపొందించడం ద్వారా, ప్రపంచ మార్కెట్లలో అంతరాయాలను తగ్గించడానికి భారతదేశం దోహదపడాలని భావిస్తోంది. దేశీయ ఉత్పత్తి విస్తరించడానికి , ప్రపంచ లభ్యతను పెంపొందించడానికి భారతదేశం సామర్థ్యం లేదా సామర్థ్యాన్ని కలిగి ఉన్న ఉత్పత్తులు, వస్తువులను గుర్తించడం చాలా ముఖ్యం.

స్వావలంబన కలిగిన భారతదేశం నాణ్యమైన ఉత్పత్తుల ఉత్పత్తి పెద్ద ఎత్తున నిర్ధారిస్తుంది, భారతదేశ అవసరాలను తీరుస్తుంది , మిగులు ఉత్పత్తి ఎగుమతి చేస్తుంది.

ఆర్థిక వృద్ధిని మెరుగుపరచడానికి, ప్రపంచ వాణిజ్యంలో మన స్థానాన్ని, వృద్ధిని కొనసాగించడానికి కేంద్రీకృత ప్రయత్నం అవసరం ఎక్కువగా ఉంది , ప్రభుత్వం పారిశ్రామిక వృద్ధి పెంచడానికి , ఎగుమతులను ప్రోత్సహించడానికి అవసరమైన అన్ని చర్యలు తీసుకుంటోంది.

*******