ପ୍ରଧାନମନ୍ତୀ ଶ୍ରୀ ନରେନ୍ଦ୍ର ମୋଦୀ ଆଜି ବର୍ଷବ୍ୟାପୀ ୯୦ତମ ଶିବଗିରି ତୀର୍ଥଯାତ୍ରା ଓ ବ୍ରହ୍ମ ବିଦ୍ୟାଳୟର ମିଳିତ ସମାରୋହରେ ଅଂଶ ଗ୍ରହଣ କରିଛନ୍ତି । ଆଜି ୭-ଲୋକ କଲ୍ୟାଣ ମାର୍ଗରୁ ଅଂଶ ଗ୍ରହଣ କରିବା ସହ ସେ ଏହି ବର୍ଷବ୍ୟାପୀ ମିଳିତ ସମାରୋହ ଏକ ଲୋଗୋ ମଧ୍ୟ ଉନ୍ମୋଚନ କରିଛନ୍ତି । ଉଭୟ ଶିବଗିରି ତୀର୍ଥଯାତ୍ରା ଓ ବ୍ରହ୍ମବିଦ୍ୟାଳୟ ମହାନ ସମାଜ ସଂସ୍କାରକ ଶ୍ରୀ ନାରାୟଣ ଗୁରୁଙ୍କ ଆଶୀର୍ବାଦ ଓ ମାର୍ଗ ଦର୍ଶନରେ ଆରମ୍ଭ ହୋଇଥିଲା ।

ଶିବଗିରି ମଠର ଆଧ୍ୟାତ୍ମିକ ଗୁରୁ ଓ ଭକ୍ତଗଣଙ୍କ ବ୍ୟତୀତ କେନ୍ଦ୍ରମନ୍ତ୍ରୀ ଶ୍ରୀ ରାଜୀବ ଚନ୍ଦ୍ରଶେଖର, ଶ୍ରୀ ଭି.ମୁରଲୀଧରନ ଅନ୍ୟମାନଙ୍କ ମଧ୍ୟରେ ଉପସ୍ଥିତ ଥିଲେ । ପ୍ରଧାନମନ୍ତ୍ରୀ ତାଙ୍କ ଘରେ ସାଧୁସନ୍ଥଙ୍କୁ ସଂଭାଷଣ କରି ତାଙ୍କ ଖୁସୀ ପ୍ରକଟ କରିଥିଲେ । ସେ ଶିବଗିରି ମଠର ସାଧୁ ଓ ଭକ୍ତଗଣଙ୍କ ସହ ଅତୀତରେ ସାକ୍ଷାତ କରିବାର ସ୍ମୃତିଚାରଣ ସହ ଏଥିପାଇଁ ସେ କିପରି ନିଜକୁ ସଶକ୍ତ ମନେ କରୁଛନ୍ତି କହିଥିଲେ । ଉତ୍ତରାଖଣ୍ଡର କେଦାରନାଥ ବିପର୍ଯ୍ୟୟ ସମୟରେ କଂଗ୍ରେସ ସରକାର ପ୍ରତିରକ୍ଷା ମନ୍ତ୍ରୀ କେରଳର ଥିବା ସତ୍ତ୍ୱେ ଗୁଜରାଟ ମୁଖ୍ୟମନ୍ତ୍ରୀ ଥାଇ ସୁଦ୍ଧା ତାଙ୍କୁ ଶିବଗିରି ମଠର ସାଧୁମାନେ ସାହାଯ୍ୟ ପାଇଁ ନିବେଦନ କରିଥିଲେ । ଏକଥା କେବେ ବି ଭୂଲି ହେବନାହିଁ ବୋଲି ପ୍ରଧାନମନ୍ତ୍ରୀ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ୯୦ତମ ଶିବଗିରି ତୀର୍ଥଯାତ୍ରା ଓ ବ୍ରହ୍ମ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ କେବଳ ଏହି ପ୍ରତିଷ୍ଠାନର ସମାରୋହ ନୁହେଁ । ଏହା ମଧ୍ୟ ଭାରତର ସେହି ଭାବନାର ଚିରନ୍ତନ ଯାତ୍ରା, ଯାହା ସମୟର ଅବଲୀଳା କ୍ରମେ ବିଭିନ୍ନ ମାଧ୍ୟମ ଓ ସମୟ ନେଇ ରହିଆସିଛି । ସେ କହିଥିଲେ ଯେ ସେ ଶିବଙ୍କ ନଗରୀ ବାରାଣସୀ ହେଉ ବା ଭାରକାଲାର ଶିବଗିରି ଭାରତର ପ୍ରତ୍ୟେକ ଶକ୍ତିକେନ୍ଦ୍ର ଭାରତୀୟ ମାନଙ୍କ ହୃଦୟରେ ସ୍ୱତନ୍ତ୍ର ଭାବେ ରହିଥାଏ । ଏହି ସ୍ଥାନଗୁଡିକ କେବଳ ତୀର୍ଥସ୍ଥଳ ନୁହଁ କି ବିଶ୍ୱାସର କେନ୍ଦ୍ର ନୁହଁ ଏଗୁଡିକ “ଏକ ଭାରତ, ଶ୍ରେଷ୍ଠ ଭାରତ ଉତ୍ସାହର ଜାଗ୍ରତ ସ୍ଥାନ ।”

ପ୍ରଧାନମନ୍ତ୍ରୀ କହିଥିଲେ ଯେ ଯେତେବେଳେ ଅନେକ ଦେଶ ଓ ସଭ୍ୟତା ସେମାନଙ୍କ ଧାର୍ମିକ ଭାବନାରୁ ଦୂରେଇ ଯାଇ ଆଧ୍ୟାତ୍ମିକତା ସ୍ଥାନରେ ବସ୍ତୁବାଦକୁ ଆପଣାଇ ନେଲେ, ଭାରତ ବର୍ଷରେ ଆମର ମୁନି ଋଷି ଓ ଗୁରୁମାନେ ଆମର ଚିନ୍ତାଧାରା ମାର୍ଜିତ କରିବା ସହ ଆମର ଆଚାର ବ୍ୟବହାର ସମ୍ମାନ ମଧ୍ୟ ବୃଦ୍ଧି କଲେ । ଶ୍ରୀ ନାରାୟଣ ଗୁରୁ ଆଧୁନିକତାର କଥା କହୁଥିଲେ ମଧ୍ୟ ଭାରତୀୟ ସଂସ୍କୃତି ଓ ମୂଲ୍ୟବୋଧକୁ ସମୃଦ୍ଧ କରିଥିଲେ ବୋଲି ପ୍ରଧାନମନ୍ତ୍ରୀ କହିଥିଲେ ।

ସେ ଶିକ୍ଷା ଓ ବିଜ୍ଞାନ ବିଷୟରେ କହୁଥିଲେ ମଧ୍ୟ କୌଣସି ସମୟରେ ଧର୍ମ, ବିଶ୍ୱାସ ଓ ହଜାର ହଜାର ବର୍ଷର ଭାରତୀୟ ଗୌରବମୟ ପରମ୍ପରାକୁ କେବେ ବି ଅଣଦେଖା କରୁନଥିଲେ । ଶ୍ରୀ ନାରାୟଣ ଗୁରୁ ତଥାକଥିତ ପରମ୍ପରା ନାଁରେ ଥିବା ମନ୍ଦ କଥା ବିରୁଦ୍ଧରେ ଅଭିଯାନ ଜରିଆରେ ଭାରତର ବାସ୍ତବିକତାକୁ ବୁଝିବା ପାଇଁ ପ୍ରୟାସ କରୁଥିଲେ । ଜାତିବାଦ ନାଁରେ ହେଉଥିବା ବାଛ ବିଚାର ବିରୁଦ୍ଧରେ ସେ ତର୍କ ସଂଗତ ଉପାୟରେ ସଂଗ୍ରାମ ଜାରୀ ରଖିଥିଲେ । ଆଜି ଶ୍ରୀ ନାରାୟଣଗୁରୁଙ୍କ ସେହି ପ୍ରେରଣାକୁ ପାଥେୟ କରି ଦେଶ ଗରୀବ, ଦଳିତ, ଅନଗ୍ରସରଙ୍କ ସେବା କରିବା ସହ ସେମାନଙ୍କୁ ସେମାନଙ୍କ ଅଧିକାର ପ୍ରଦାନ କରିଛି । ଆଜି ସବକା ସାଥ, ସବକା ବିଶ୍ୱାସ ଓ ସବକା ପ୍ରୟାସ ମନ୍ତ୍ରରେ ଦେଶ ଆଗେଇ ଚାଲିଛି ବୋଲି ପ୍ରଧାନମନ୍ତ୍ରୀ କହିଥିଲେ ।

ଶ୍ରୀ ନାରାୟଣ ଗୁରୁଙ୍କୁ ଜଣେ ମୌଳିକ ଚିନ୍ତାନାୟକ ଓ ବ୍ୟାବହାରିକା ସଂସ୍କାରକ ବୋଲି ବିବେଚନା କରି ପ୍ରଧାନମନ୍ତ୍ରୀ ଗୁରୁଜୀ ସବୁବେଳେ ଆଲୋଚନାର ଶୃଙ୍ଖଳାକୁ ଅନୁସରଣ କରିବା ସହ ଅନ୍ୟମାନଙ୍କ ମତାମତକୁ ସମ୍ମାନ ଦେଉଥିଲେ ଓ ସମସ୍ତଙ୍କ ମତାମତର ନିର୍ଯ୍ୟାସକୁ ବୁଝି ଅନ୍ୟମାନଙ୍କ ସହ କାମ କରୁଥିଲେ । ସେ ସମାଜ ପାଇଁ ଏପରି ଏକ ବାତାବରଣ ସୃଷ୍ଟି କରିଥିଲେ, ଯାହା ଫଳରେ ସମାଜ ଯୁକ୍ତିଯୁକ୍ତି ଉପାୟରେ ନିଜର ଉନ୍ନତି ପଥରେ ଆଗେଇ ଚାଲୁଥିଲା । ଯେତେବେଳେ ଆମେ ସମାଜକୁ ସଂସ୍କାର ପଥରେ ଆଗେଇ ନେବାକୁ ଚେଷ୍ଟା କରୁ ସେତେବେଳେ ସମାଜରେ ଏକ ଆତ୍ମ ସଚେତନତା ମଧ୍ୟ ସୃଷ୍ଟି ହୁଏ ବୋଲି ପ୍ରଧାନମନ୍ତ୍ରୀ କହିଥିଲେ । ସେ ଏହି ପରିପ୍ରେକ୍ଷୀରେ ବେଟି ବଚାଓ, ବେଟି ପଢ଼ାଓ ଅଭିଯାନର ସାମାଜିକ ଗ୍ରହଣ ଯୋଗ୍ୟତାର ଉଦାହରଣ ଦେଇଥିଲେ । ପରିସ୍ଥିତି ସମାଜରେ ଏପରି ଅନୁକୂଳ ହେଲା ଯାହା ଯୋଗୁଁ ସରକାର ଏ ଦିଗରେ ଅନୁକୂଳ ପରିସ୍ଥିତି ସୃଷ୍ଟି ହୋଇଥିଲେ ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ ଆହୁରି କହିଥିଲେ ଯେ ଭାରତୀୟ ଭାବେ ଆମର ଗୋଟିଏ ବୋଲି ଜାତି ଅଛି । ତାହା ହେଲା ଭାରତୀୟତା । ଆମର ଗୋଟିଏ ଧର୍ମ – ତାହା ହେଲା ସେବା ଓ କର୍ତ୍ତବ୍ୟର ଧର୍ମ । ଆମର ଏକମାତ୍ର ଇଶ୍ୱର- ଭାରତ ମାତା । ଶ୍ରୀ ନାରାୟଣ ଗୁରୁଙ୍କ ଏକମାତ୍ର ଉପଦେଶ “ଗୋଟିଏ ଜାତି, ଗୋଟିଏ ଧର୍ମ, ଏକମାତ୍ର ଇଶ୍ୱର” ଆମର ଆଧ୍ୟାତ୍ମିକ ଧାରା ଓ ଦେଶପ୍ରେମକୁ ସମୃଦ୍ଧ କରିଥାଏ ବୋଲି ସେ କହିଥିଲେ । ଆମେ ସମସ୍ତେ ଜାଣୁ ଭାରତୀୟମାନେ ଏକାଠି ହେଲେ ସେମାନଙ୍କ ପାଇଁ ବିଶ୍ୱର କୌଣସି ଲକ୍ଷ୍ୟ ମଧ୍ୟ ଅସମ୍ଭବ ନୁହଁ ବୋଲି ସେ କହିଥିଲେ ।

ଆଜାଦୀ କା ଅମ୍ରିତ ମହୋତ୍ସବ ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ପୁଣି ଥରେ ସ୍ୱାଧୀନତା ସଂଗ୍ରାମର ବିଶ୍ଳେଷଣ କରି ଏହାର ସବୁବେଳେ ଏକ ଆଧ୍ୟାତ୍ମିକ ଭିତ୍ତିଥିଲା ବୋଲି କହିଥିଲେ । ପ୍ରଧାନମନ୍ତ୍ରୀ କହିଥିଲେ ଆମର ସ୍ୱାଧୀନତା ସଂଗ୍ରାମ କେବେ ମଧ୍ୟ ପ୍ରତିବାଦ ଓ ରାଜନୀତିକ ରଣନୀତି ନଥିଲା । ଏହା ଦାସତ୍ୱର ଶୃଙ୍ଖଳରୁ ମୁକ୍ତ କରିବା ପାଇଁ ସଂଗ୍ରାମ ଥିଲା । ଏଥିରେ ଲକ୍ଷ୍ୟ ଥିଲା ଆମେ ଯେଉଁ ପ୍ରତିବାଦ କରୁଛୁ ତାହା ଗୁରୁତ୍ୱପୂର୍ଣ୍ଣ ନୁହଁ, ଆମେ କଣ ପାଇଁ ସଂଗ୍ରାମ କରୁଛୁ ତାହା ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ ।

ବିଶେଷ ସ୍ୱାଧୀନତା ସଂଗ୍ରାମର ମହାନ ସେନାନୀଙ୍କ ସହ ଶ୍ରୀ ନାରାୟଣ ଗୁରୁଙ୍କ ବୈଠକରେ ପ୍ରଧାନମନ୍ତ୍ରୀ ସ୍ମୃତିଚାରଣ କରିଥିଲେ । ବିଭିନ୍ନ ସମୟରେ ଶ୍ରୀ ନାରାୟଣ ଗୁରୁଙ୍କୁ ଗୁରୁଦେବ ରବୀନ୍ଦ୍ରନାଥ ଟାଗୋର, ଗାନ୍ଧିଜୀ, ସ୍ୱାମୀ ବିବେକାନନ୍ଦ ଓ ଆହୁରି ଅନେକ ମହାନ ବ୍ୟକ୍ତି ସାକ୍ଷାତ କରିଥିଲେ । ଏହି ସବୁ ସାକ୍ଷାତ ଆଲୋଚନା କାଳରେ ଭାରତର ପୁନର୍ଗଠନର ବୀଜ ବିପଣ ହୋଇଥିଲା, ଯାହାକି ଆଜି ସ୍ୱାଧୀନତାଠାରୁ ୭୫ତମ ବର୍ଷରେ ପରିଦୃଶ୍ୟମାନ । ଦଶ ବର୍ଷର ଶିବଗିରି ତୀର୍ଥଯାତ୍ରା ଓ ୨୫ ବର୍ଷ ପରେ ଉଭୟଙ୍କ ଶତବାର୍ଷିକୀ ପୂରଣ ହେବ । ଏହି ପରିପ୍ରେକ୍ଷୀରେ ଆଜିର ଆମର ଦୂରଦୃଷ୍ଟି ମଧ୍ୟ ବୈଶ୍ୱିକ ହେବା ଦରକାର ବୋଲି ସେ କହିଥିଲେ ।  ଶିବଗିରି ତୀର୍ଥଯାତ୍ରା ପ୍ରତିବର୍ଷ ଡିସେମ୍ବର ୩୦ରୁ ଜାନୁଆରୀ ପହିଲା ମଧ୍ୟରେ ତିନିଦିନ ଧରି ଶିବଗିରିର ତିରୁଅନନ୍ତପୁରମ ଠାରୁ ଆରମ୍ଭ ହୁଏ । ଶ୍ରୀ ନାରାୟଣ ଗୁରୁଙ୍କ ମତରେ ଏହି ତୀର୍ଥଯାତ୍ରା ଲୋକମାନଙ୍କ ମଧ୍ୟରେ ବିସ୍ତୃତ ଜ୍ଞାନୋଦୟ ନିମନ୍ତେ ଉଦ୍ଦିଷ୍ଟ । ଏହା ସେମାନଙ୍କ ସାମଗ୍ରୀକ ବିକାଶ ଓ ସମୃଦ୍ଧିରେ ସହାୟକ ହେବା ଉଚିତ । ଏହି ତୀର୍ଥଯାତ୍ରା ଆଠଟି ବିଷୟ ଉପରେ ଆଲୋକପାତ କରିଥାଏ । ସେ ଗୁଡିକ ହେଲା – ଶିକ୍ଷା, ସ୍ୱଚ୍ଛତା, ଦୟା, ହସ୍ତକଳା, ବ୍ୟବସାୟ ବଣିଜ, କୃଷି, ବିଜ୍ଞାନ ଓ ବୈଷୟିକଜ୍ଞାନ ଓ ମିଳିତ ପ୍ରୟାସ ।

୧୯୩୩ ମସିହାରେ ଅଳ୍ପକେ କେତେକ ହାତଗଣତି ଭକ୍ତଙ୍କୁ ନେଇ ଆରମ୍ଭ ହୋଇଥିବା ଏହି ତୀର୍ଥଯାତ୍ରା ଆଜି ଦକ୍ଷିଣ ଭାରତରେ ଏକ ପ୍ରମୁଖ ଘଟଣାରେ ପରିଣତ ହୋଇଛି । ଜାତି, ଧର୍ମ, ବର୍ଣ୍ଣ, ଭାଷା ନିର୍ବିଶେଷରେ ପ୍ରତିବର୍ଷ ବିଶ୍ୱବ୍ୟାପୀ ଲକ୍ଷ ଲକ୍ଷ ଭକ୍ତ ଶିବଗିରି ପରିଦର୍ଶନ କରି ଏହି ତୀର୍ଥଯାତ୍ରାରେ ଅଂଶ ଗ୍ରହଣ କରନ୍ତି ।

ଶ୍ରୀ ନାରାୟଣ ଗୁରୁ ମଧ୍ୟ ସମସ୍ତ ଧର୍ମର ସମନ୍ୱୟ ଓ ସମ୍ମାନ ସହ ନୀତିଶିକ୍ଷାର ଏକ ସ୍ଥାନ ବାଛିଥିଲେ । ତାଙ୍କ ଏହି ଦୂରଦୃଷ୍ଟିକୁ ସାକାର କରିବା ପାଇଁ ଶିବଗିରିରେ ବ୍ରହ୍ମ ବିଦ୍ୟାଳୟ ସ୍ଥାପନ ହୋଇଥିଲା । ଶ୍ରୀ ନାରାୟଣ ଗୁରୁଙ୍କ ଦର୍ଶନ ସମେତ ବିଶ୍ୱର ଅନ୍ୟାନ୍ୟ ଧର୍ମଶାସ୍ତ୍ର ଓ ଭାରତୀୟ ଦର୍ଶନ ନେଇ ସାତବର୍ଷର ପାଠ୍ୟକ୍ରମ ବ୍ରହ୍ମ ବିଦ୍ୟାଳୟରେ ରହିଛି ।

SM/DD