নুপী অমসুং অঙাংশিংগী চাউখৎ থৌরাং মন্ত্রালয়
পোশন পখৱারা ২০২২দা লৈবাক শিনবা থুংনা থৌওং করোর ৩ উবা ফংখ্রে
৪শুবা পোশন পখৱারানা ঈশিংগী লৈঙাক, য়োকপা অমসুং শিল-লাংবদা নুপীগী থৌদাং লৌনবা পুক্নিং থৌগৎপদা মিৎয়েং থম্লি
জল শক্তি মন্ত্রালয়গা লোয়ননা পুন্দুনা এক্তিবিতীশিং ২,১৪৪দা মীওই করোর ২২.৩ শরুক য়াখি
ত্রাইবেল এফিয়র্স মন্ত্রালয়গা ত্রাইবেল দিস্ত্রীক্তশিং/মফমশিংগা লোয়ননা পুন্দুনা এক্তিবিতীশিং ৯০৪দা মীওই করোর ১০.৩ শরুক য়াখি
Posted On:
26 APR 2022 2:30PM by PIB Imphal
ৱিমেন অমসুং চাইল্দ দিবলপমেন্ত মন্ত্রালয়না ২০২২গী মার্চ ২১দগী এপ্রিল ৪ ফাওবা মরিশুবা পোশন পখৱারাগী থৌরম পাংথোকখ্রে, হায়রিবা অসিদা চাওরাক্না মীওই করোর ৩লোম লৈবাক শিনবা থুংনা উবা ফংখ্রে। ২০২১গী মমাংগী পখৱারাদা চাওরাক্না এক্তিবিতী করোর ২.২১ উবা ফংখি। য়াওজনিংবা শরুক য়ারিবশিংনা পার্নর মন্ত্রালয় হায়বদি জল শক্তি মন্ত্রালয়, ত্রাইবেল এফিয়র্স মন্ত্রালয়, হেল্থ অমসুং ফেমিলী ৱেলফিয়র মন্ত্রালয়, য়ুথ এফিয়র্স অমসুং স্পোর্তস, এগ্রীকলচর অমসুং ফার্মরস ৱেলফিয়র, এজুকেসন, রুরেল দিবলপমেন্ত, পঞ্চায়তী রাজ, কঞ্জ্যুমর এফিয়র্স, ফিদ অমসুং পব্লিক দিস্ত্রিব্যুসন, মাইনোরিতী এফিয়র্স, এনভাইরোনমেন্ত, ফোরেস্ত অমসুং ক্লাইমেৎ চেঞ্জ, ইলেক্ত্রোনিক্স অমসুং ইনফোর্মেসন তেক্নোলোজী, হাউসিং অমসুং আর্বান এফিয়র্স অমসুং ইনফোর্মেসন অমসুং ব্রোদকাস্তিং মন্ত্রালয়শিং য়াওনা লৈবাক শিনবা থুংনা চিঞ্জাক্কা মরী লৈননা শিন্নবা উবা ফংখি।
হন্দক্কী চহিগী পখৱারাগী মরুওইবা এক্তিবিতী অমদা, ঈশিংগী শিল-লাংবদা নুপা-নুপীগী য়েংদুনা পাউজেল পীনবগী মিৎয়েংদা পোশন পঞ্চায়তশিং অমসুং মমাশিংগী কাংলুপশিংগী এক্তিব সেন্সিতাইজেসনগী খুৎথাংদা নুপীশিংনা ঈশিং শেন্নবা, য়োকশিনবা অমসুং শিল-লাংবগী থৌদাং লৌনবগীদমক পুক্নিং থৌগৎনবা পান্দম থম্লি। মীয়ামদা চৎতুনা পাউজেল শন্দোকপনা ঈশিং য়োকপা, ঙাক-শেনবা অমসুং লেঙদবা থাক অমদা থম্বগী খ্বায়দগী মতিক চাবা লালোং অমা ওইগনি। হায়রিবা অসি আঙ্গনৱাদী সেন্তরশিংগী প্লেতফোর্মদগী পায়খৎপা য়াই। মসি ফংননবা, আঙ্গনৱাদী ৱার্করশিং/ আঙ্গনৱাদী হেল্পশিংনা ৱাখলশিং পুথোকপা অমসুং নুমিৎ খুদিংগী শিজিন্নরিবা ঈশিংগী মরুওইবা আঙ্গনৱাদী সেন্তরদা লাকপা অঙাংশিং অমসুং মীরোলবী নুপীশিং অমসুং মবুক পীথক্লিবা মমাশিংদা খঙহনবিবা য়াই।
![https://static.pib.gov.in/WriteReadData/userfiles/image/FPgvRgMaUAARldh(1)R9AJ.jpg](https://static.pib.gov.in/WriteReadData/userfiles/image/FPgvRgMaUAARldh(1)R9AJ.jpg)
জল শক্তি মন্ত্রালয়গা পুন্দুনা, পখৱারাগী শরুক ওইনা লৈবাক শিনবা থুংনা থবক-থৌরম কয়া অমা পাংথোক্লি। মসিদা য়াওরিব অসি, খুঙ্গংশিং সেন্সিতাইজিং তৌবা/পঞ্চায়তশিংনা ঈশিং য়োকশিনবা অমসুং শিল লাংবা, ঈশিং য়োকশিনবদা আই.ই.সি. মচাকশিংগী খুৎথাংদা পাউজেল পীবা, নুপীশিংনা ঈশিং য়োকশিনবা অমসুং নোংগী ঈশিং লোকপদা ৱার্কশোপশিং চৎথবা অসিনচিংবা অসিনি। জল শক্তি মন্ত্রালয়গী মখাদা পুন্না শরুক য়াখিবা অসি লৈবাক শিনবা থুংনা থবক-থৌরম ২,২৪৪গা লোয়ননা মীওই ২২,৩১,৬৪,০৪৫ য়াওখি।
মসিগী মান্ননা, মরুওইনা ত্রাইবেলগী মফমশিংদা মশা-মউ ফবা মমা অমসুং অঙাংশিংগীদমক থায়নগী চৎনবী চিঞ্জাক্তা মিৎয়েং থম্বা অসিনা হন্দক্কী চহিগী পখৱারাগী মরুওইবা থীমগী মনুংদা অমনি। মসিদা মান্ননা হেন্না চাউবা পাউজেল পীনবা, ত্রাইবেল এফিয়র্স মন্ত্রালয়না ই.এম.আর.এস. স্কুলশিংদা চান-থক্নবা অহোংবা লাকপা, মফম মফমগী ওইনা ফংলিবা চান-থক্নবশিংদা পুক্নিং থৌগৎপা, স্কুলশিংদা পোশনগী এৱারনেস প্রোগ্রাম পাংথোকপা অমসুং মমা-মপা অমসুং ওজাশিং উনবা, মহৌশাগী ওইনা চৎনরক্লবা এঞ্ছাং নাপীনা হেন্না মচী ওইবগী মরমদা খঙহনবা, ই.এম.আর.এস. স্কুলশিংদা চিঞ্জাক ওইবা পাম্বীশিং থাবা অসিনচিংবা থবক থৌরমশিং পাংথোক্নবা মিৎয়েং থম্লি। ত্রাইবেল এফিয়র্স মন্ত্রালয়গী মখাদা পুন্না শরুক য়াখিবা অসি ত্রাইবেল দিস্ত্রীক্ত/মফমশিংদা থবক থৌরম ৯০৪গা লোয়ননা মীওই ১০,৩১,২৪,৩৪৫ য়াওখি। মসিগা মরী লৈননবা শরুক য়াখিবা মকোক্তা লৈবা রাজ্যশিং অদুদি মহারাস্ত্র, বিহার, ছত্তিসগর, তামিল নাদু, উত্তর প্রদেশ, গুজরাত, মধ্য প্রদেশ, কর্নাতকা অসিনচিংবা অসিনি।
‘থীমশিং কয়াগী থবক থৌরমশিং’দা ৱা ঙাংবা, মদুগী মথক্তা চিঞ্জাক পুম্বগী থবক থৌরমশিং, থবক থৌরম ১০%গী মথক্তা খ্বায়দগী ৱাংনা লৈবা, মবুক পীথকপা, লু-নানবা, ঈশিং অমসুং সেনিতেসন, অহানবা নুমিৎ ১০০০, ই.সি.সি.ই., খুৎ-শা হাম্বা অমসুং সেনিতেসন, এন্তেনাতেল চেক-অপ অসিনচিংবা থবক থৌরম্না মখা তারকখি।
![Poshan Pakhwada 2022](https://static.pib.gov.in/WriteReadData/userfiles/image/image0015BYX.jpg)
পোশন পখৱারা ২০২২গী লৌখৎপা অখন্নবা থীমগী লমদা, এনেমিয়াদা লৌখৎখিবা থবক থৌরম্না খ্বায়দগী ৱাংবা ওইখি (পোশন কে ৫ সুত্রগী মখাদা তেস্ত,ত্রীত অমসুং তোল্ক অমসুং এনেমিয়া অনিমক য়াওনা), মখা তারকপদা ত্রাইবেলগী মফমশিংদা নুপা নুপী খায়বা ঈশিংগী শিল-লাংবা অমসুং মশা-মউ ফবা মমা অমসুং অঙাংগী ওইবা থায়নগী চৎনবী চিঞ্জাক ওইখি। অপুনবা থবক থৌরমগী চাওরাক্না ৬% আয়ুশকী থীম হায়বদি মশা-মউ ফনবা য়োগা অমসুং নুঙাইনা লৈনবা আয়ুশতা মিয়েং চংখি।
পখৱারা মনুংদা থবক থৌরম অমসুং শরুক য়াখিবা মকোক্তা লৈবা রাজ্য তরা অদুদি মহারাস্ত্র, কর্নাতকা, গুজরাত, বিহার, তামিল নাদু, পঞ্জাব, উত্তর প্রদেশ, ঝর্খন্দ, মধ্য প্রদেশ অমসুং আন্ধ্র প্রদেশনি।
****
(Release ID: 1820301)
Visitor Counter : 140