سڑک ٹرانسپورٹ اور شاہراہوں کے مرکزی وزیر جناب نتن گڈکری نے آج مہاراشٹر کے سولاپور میں 8,181 کروڑ روپے کے 292 کلومیٹر کے 10 نیشنل ہائی وے پروجیکٹوں کا افتتاح کیا۔

وزیر موصوف نے کہا کہ یہ سڑک پروجیکٹ، جو سولاپور ضلع اور اس کے ماحول کو ملک کے مرکزی دھارے میں لانے کی صلاحیت رکھتے ہیں، سولاپور کے لوگوں کی بھلائی اور ترقی کے لیے اہم ہوں گے۔ انہوں نے کہا کہ ان منصوبوں سے شہر میں ٹریفک کو منظم کرنے اور حادثات اور ماحولیاتی آلودگی کے واقعات کو کم کرنے میں مدد ملے گی۔ انہوں نے مزید کہا کہ ضلع کے دیہی علاقوں کو شہر سے جوڑنا آسان ہوگا۔

جناب گڈکری نے کہا کہ سڑکوں کے نیٹ ورک کو مضبوط کرنا سولاپور ضلع کے لیے بہت اہمیت کا حامل ہے جس میں سدھیشور مندر، اکل کوٹ، پنڈھارپور جیسے اہم مندر ہیں۔ انہوں نے کہا کہ ان عوامل کو ذہن میں رکھتے ہوئے بنائے گئے یہ ہائی وے منصوبے شہر اور ضلع میں روحانی مقامات تک رسائی کو آسان بنائیں گے اور زرعی سامان کی باقاعدہ  نقل و حمل  میں بھی مدد کریں گے۔

سولاپور ضلع میں پانی کی بار بار کی کمی کو دور کرنے کے لیے وزیر نے کہا کہ سولاپور ضلع میں 2016-17 سےاین ایچ اے آئی کے ذریعہ بلڈھانہ طرز کی طرز پر کئی جھیلیں تعمیر کی گئی ہیں۔ انہوں نے کہا کہ بہت سے دستیاب آبی ذخائر کو گہرا کیا گیا اور ان سے حاصل کی گئی مٹی اور پتھروں کو سڑک کی تعمیر میں استعمال کیا گیا۔ انہوں نے کہا کہ اس کے ذریعہ سولاپور ضلع کے تقریباً 73 گاؤں پانی کی زد میں آ گئے ہیں۔ علاقے میں پانی کی سطح میں 6,478 ٹی ایم سی کا اضافہ ہوا ہے اور 561 ہیکٹر رقبہ سیراب ہو گیا ہے۔ انہوں نے مزید کہا کہ اس منصوبے سے 2 واٹر سپلائی اسکیموں کو فائدہ ہوا ہے اور علاقے میں 747 کنویں ریچارج ہو چکے ہیں۔

*************

ش ح ۔  ا ک  ۔ م ش

U. No.4650