কেন্দ্র মন্ত্রী শ্রী অনুরাগ থাকুরনা ঙসি গ্লোবেল অয়ুশ ইনবেস্তমেন্ত অমসুং ইন্নোবেসন সম্মিত ২০২২ লোইশিল্লকপগী মীফমদা শরুক য়াখি৷ মীফম অদুদা তিল্লিবা মীয়ামদা ৱা ঙাংলদুনা, শ্রী থাকুরনা ফোংদোকখি মদুদি নুমিৎ হুম্নি চংনা পাংথোকখিবা মীফমগী মতমদা, মমিং লৈরবা স্পিকর ৯০ হেনবনা তোঙান তোঙানবা ৱার্কশোপশিং শিন্দুনা শরুক য়ারিবা মীয়াম অদুবু মঙাল পীখ্রে অমদি মীফম অসি মাই পাক্না শিনবগীদমক মহাক্না অয়ুশ মন্ত্রালয় অমদি মন্ত্রালয়গী ওফিসিয়েলশিংবু থাগৎপা ফোংদোকখি৷

অয়ুশতা ইনবেস্তমেন্ত থাদবা অমদি ইন্নোবেসনগী চাওনা পোতেন্সিয়েল লৈরিবা অদুগী মতাংদা ৱা ঙাংলদুনা, মন্ত্রীনা হায়খি মদুদি ২০১৪গী মতমদা লৈরম্লিবা $ বিলিয়ন ৩গী ত্রেদ অদু ঙসিদি $ বিলিয়ন ১৮ য়ৌনা হেনগৎলক্তুনা হান্নদগী শরুক তরুক হেন্না হেনগৎলকখ্রে৷ ফিল্দ অসিদা চাওনা গ্রোথ লাক্লি হায়বসি মসিনা তাকপনি৷ ৭৫%গী এনুএল গ্রোথ রেত লৈবা অসিনা মসিবু হেন্না পুক্নিং চিংশিন্নিংঙাই ওইবা সেক্তর অমা ওইহল্লি৷ অথুবা মতমদা লৈবাক অসিদা স্তার্তঅপশিং অমদি সেক্তর অসিগী করবারদা শেল থাদবা কয়া অমা থোক্লকপা উরগনি হায়না মন্ত্রীনা অশা তৌরি৷

কোবিদ লাইনা-লাইচৎকী মতমদা ভারতনা নিংথিজনা থবকশিং পাংথোকখ্রে অমদি পোস্ত কোবিদ ৱার্ল্দদা, ভারত লৈবাক অসিদা মালেম অসিদা লৈরিবা খ্বাইদগী শেল-থুমগী ফিভম ফগৎলক্লিবা লৈবাকশিংগী মনুং চনখি  অমদি গ্রোথ অসিদা অয়ুশনা লমজিংলিবা সেক্তর অমা ওইনা থম্বা য়াই হায়না মন্ত্রীনা মখাতাখি৷  মসিগীদমক, ঐখোয়না অচুম্বা স্তার্তঅপ ইকোসিস্তেম লৈগদবনি অমদি অরোইবদা, সেক্তর অসিদা ইন্নোবেসন, ইনকুবেসন অমদি অহেনবা ইনিসিয়েতিবশিংগীদমক  ঐখোয়দা অচুম্বা চৎনবি লৈগদবনি হায়না শ্রী থাকুরনা ফোংদোকখি৷ মালেম অসিনা কোবিদ-১৯ লাইনা-লাইচৎ লান্থেংনরিবা মতমদা, ভারতকী স্তার্তঅপ ৪৭না হৌখিবা চহি অনিদা য়ুনিকোর্নশিং ওইখ্রে হায়না মহাক্না মখাতাখি৷

কম্পিতিসনবু থৌনা হাপ্নবা, ঐখোয়না ঐখোয়গী পোত্থোকপু হেন্না নিংথিবা মওংদা পেকেজ তৌবগী তঙাই ফদবা লৈরি অমদি মসি এগ্রেসিব মার্কেতিং অমদি ব্রান্দিং তৌদুনা হেন্না মপুং ফাহনগনি হায়না শ্রী অনুরাগ থাকুরনা ফোংদোকখি৷ অয়ুশনা অথুবা মতমদা ই-মার্কেৎপ্লেস অমা হৌদোক্লগনি অমদি দি.ই.এম. পোর্তেলগুম্না, মসিগী ই-মার্কেৎপ্লেস অসিনা মতুং তারকপদা লুপা কোতি কয়াগী মমল ওইগদবা ত্রাঞ্জেক্সনশিংসু পাংথোক্লগনি হায়না মহাক্না মখাতাখি৷

অয়ুশ সেক্তরবু হেন্না মপাঙ্গল লৈহন্নবগী অয়ুর্বেদ, হোমিওপেথী অমদি য়োগ অসি ভারতকী সোফত পৱারগী মচাকশিং ওইরি অমদি বিস্বাগুরু অমা ওইরক্নবা, ভারতনা মহাক্কী মপাঙ্গল অসি হেনগৎহনগদবনি অমদি মদু পাংথোক্নবগীদমক, ঐখোয়না অয়ুশ সেক্তর অসিবু ফগৎহনগদবনি হায়না মন্ত্রী অসিনা ফোংদোকখি৷

ভারত্তা ত্রেদিসনেল মেদিসিনগীদমক অহানবা দবল্যু.ঐচ.ও. গ্লোবেল সেন্তর হোস্ত তৌনবগীদমক প্রধান মন্ত্রীনা হোৎনখিবা অদুগীদমক মন্ত্রীনা ইকাই খুম্নবা উৎখি অমদি ভারতকী পোত্থোকশিংবু মালেম অসিদা পুথোকপা হায়বসি হৌজিক্তি ঐখোয়গী থৌদাং ওইরে হায়না ফোংদোকখি৷

নুমিৎ হুম্নিগী মীফম অসিনা 'হিল ইন ইন্দিয়া'গী পাউজেল অসিদা মালেমদা শন্দোক্কদবনি হায়না মন্ত্রীনা অকনবা মওংদা থৌনা হাপখি৷ ভারতপু হিলিংগী হব অমা ওইহন্নবগী ৱাখল্লোন অসি প্লান তৌনবা, চৎনহন্নবা অমদি মার্কেৎ তৌনবা সরকারগী মন্ত্রালয়শিংনা শোইদনা হোৎনগদবনি হায়না মহাক্না শন্দোক্না তাকখি৷

নুমিৎ হুম্নি গ্লোবেল অয়ুশ ইনবেস্তমেন্ত অমসুং ইন্নোবেসন সম্মিত অসি গুজরাতকী গান্ধীনগরদা প্রধান মন্ত্রীনা শ্রী নরেন্দ্র মোদীনা ২০২২গী এপ্রীল ২০দা হৌদোকখি৷ নুমিৎ হুম্নিগী মীফম অসিদা মমিং লৈরবা স্পিকর ৯০রোম অমদি একজিবিতর ১০০না শরুক য়াদুনা প্লেনরী সেসন ৫, রাউন্দতেবল ৮, ৱার্কশোপ ৬ অমসুং সিম্পোজিয়ম ২ পাংথোকখি৷ মীফম অসিনা ইনবেস্তমেন্ত পোতেন্সিয়েলবু অনকবর তৌনবা, ইন্নোবেসন, রিসর্স অমসুং দিবেলপমেন্ত, স্তার্ত-অপ ইকোসিস্তেম অমদি ৱেলনেস ইন্দস্ত্রীদা শাফু পীনবা অমদি ইন্দস্ত্রী লিদরশিং, একাদমিসিয়নশিং অমদি স্কোলরশিংবু অমা ওইনা পুরকপদা মতেং পাংনবা অমদি ফ্যুচর কোলাবোরেসনশিংগীদমক প্লেতফোর্ম অমা ওইনা মথৌ তৌনবা মীৎয়েং থমখি৷

*******